اشتري فابليت ولا تابليت ؟ tab s 8.4 vs note 4

[MRBEBO]

حاليا معايا s4 mini واتخنقت منه ومن تهنيجه وشاشته الصغيره

محتاج جهاز شاشته كبيره اداءه عالي بدون لاج شاشه حلوة

اكتر شئ بستخدمه

نت طول الوقت يوتيوب و pdf

الحيرة بسبب ان الشاشه الاكبر اكيد افضل بس فيه مشكله

كل ما الحجم كبر هيبقى فيه مشكله في شيله في كل مكان

وانا معنديش فكرة عن الافضل اداء بينهم

واخيرا هل نوت فور مازال على الخريطه ولا لا طبعا بعد نزول s6 - htc m9

[Adnfalcon]

Note 4 ممتاز و سريع جدا عموما فئه النوت غير باقي موديلات السامسونج

[MRBEBO]

note 4 ممتاز و سريع جدا عموما فئه النوت غير باقي موديلات السامسونج

طب كاداء بينه وبين تاب اس ؟

[Adnfalcon]

طب كاداء بينه وبين تاب اس ؟

أعتقد المقارنه ماتنفعش بين فون و تاب . بس عموما أداء النوت 4 هيكون ممتاز

[MRBEBO]

أعتقد المقارنه ماتنفعش بين فون و تاب . بس عموما أداء النوت 4 هيكون ممتاز

طيب لو هنتكلم عن ال pdf هل شاشه النوت فور كافيه للقرايه ولا الافضليه للشاشه الاكبر عموما

[Adnfalcon]

طبعا كافيه للقراءه .. وكمان سهل تروح تجرب قبل ماتشتري ..انا شايف ان النوت 4 أفضل جهاز حاليا

[tasaka]

الحيرة بسبب ان الشاشه الاكبر اكيد افضل بس فيه مشكله

كل ما الحجم كبر هيبقى فيه مشكله في شيله في كل مكان

وانا معنديش فكرة عن الافضل اداء بينهم

واخيرا هل نوت فور مازال على الخريطه ولا لا طبعا بعد نزول s6 - htc m9

النوت 4 حاجه و التابليت حاجه ثانيه .. يجب ان تحدد هدفك من الاستعمال

النوت 4 موجود و سعره لما سألت كان اقل من 7 الاف قليلا

مقارنه بين الجهازين

رابط المقارنه

Samsung Galaxy Note 4 vs. Samsung Galaxy Tab S 8.4 LTE - GSMArena.com

ملخص المقارنه ( لاهم الاشياء )

- تنوع دعم ال 4G ( LTE اكثر فى نوت 4

- سرعه الدونلود للتاب غير مذكوره

النوت 4 احدث فى الانتاج من التاب

حمايه الشاشه موجوده للنوت 4 .. Corning Gorilla Glass 4

اندرويد اعلى للنوت 4 ( دعم التطوير حتى اندرويد 5 )

النوت 4 .. برسيسور و GPU و Chipset اعلى

النوت 4 كاميرا اعلى بفارق كبير 16 ميحابكسل ( مقابل 8 للتاب ) .. و مميزات اعلى بكثير جدا للكاميرا ( مقابل ميزه واحده فقط فى التاب و هذا غير جيد )

النوت 4 به حساسات ( Sensors ) ضعف العدد الموجود فى التاب .. و طبعا كل حساساضافى يعنى ميزه اضافيه اخرى لن تتوفر للتاب مهما قمت بتحديث السوفتوير

بطاريه التابليت من النوع دائم التثبيت .. بعكس النوت 4 بطاريته عاديه

الاختيار اختيارك

[tasaka]

النوت 3 .. فيه موديلات منه بشريحتين .. انا معايا نوت 3 شريحه واحده ( لانى اشتريت قبل ظهور موديل الشريحتين )

ان كان هذا الامر يهمك .. يبقى اسال عنه فى النوت 4 ؟؟ هل هو متوفر ام لا ؟ .. و اسال بدقه عن الفوارق بين الموديلين ( ماذا نقص و ماذا زاد )

[tasaka]

محتاج جهاز شاشته كبيره اداءه عالي بدون لاج شاشه حلوة

اكتر شئ بستخدمه نت طول الوقت يوتيوب و pdf

شاشه النوت 4 و النوت 3 مقاس واحد ( 5.7 بوصه )

قراءه الPDF واضحه ( طبعا موش بحجم التابلت .. و لكن واضحه و مريحه ) .. فارق الشاشتين بين النوت و التاب هو 7 سم تقريبا

دقه وضوح الفيديو سيكون فى صالح النوت 4 .. و ذلك برغم ان ال Resolution للتابلت اعلى ( و لكن يجب ملاحظه ان شاشته اكبر )

دقه وضوح الفيديو المقصود بها دقه تفاصيل الصوره .. (~515 ppi pixel density) للنوت 4 .. (~359 ppi pixel density) للتابلت

عندما ذهبت للتوكيل .. اخبرنى انه يمكن ان يأخذ الجهاز القديم ايضا ( و قدر قيمه النوت 3 معايا بمبلغ 2,800 جم ) طبقا لجدول ثابت موجود معه يبين قيمه شراء كل جهاز

[MRBEBO]

اكتر حاجه بتقرفتي في ال بي دي اف على الموبيل اني اقعد اعمل زووم ان و زووم اوت كل شويه فهل النوت فور مساحه الرؤيه كافيه علشان معملش كده

[punisher]

لو حضرتك محتاج شاشه كبيره تستخدمها للقرايه وبطاريه تدوم معاك يومين شغل متواصل وموبايل سريع ف نفس الوقت وسعره اوفر من كده بكتييير... ممكن تنزل موبايل شوب تشوف huawei mediapad x1... انا كنت شاريه من حوالي 6 شهور ومعاه جراب اصلي وبرتكتيف سكرين ب 3000... ودلوقتي سعره لوحده ف بعض المحلات ب 2400 وحضرتك اولي بالفلوس اللي هتدفع ف النوت...

بيكون جي نظام جيلي بيين وبتنزله تحديث كيت كات وده بيخليه اسرع بكتير

[punisher]

هوا طبعا 7 انش وفابليت بس رفيع جدا وممكن تستخدمه ف المكالمات ونقاء الصوت جميل جدا وكان معايا قبليه سوني اكسبريا z وبصراحه حبيت الهواوي اكتر عشان بطاريته بتدوم 5000 امبير

[Black gold]

انا ابن خالتي معاه note 4

مكنتش مقتنع بيه لما شوفته على النت وكانت صوره مش حلوه وكنت بقول عليه كلام مش ولا بد :)
بس لما شوفته على الحقيقه طلع وووهم الجهاز شكله جميييل جدا والقلم عملي جدا جدا وهتحب تستخدمه الجهاز مواصفاته عاليه ومش هتلاقي تهنيج خالص *عن تجربه

الموبايا في الالعاب روعه وشاشته جميله والكاميرا بالاضافات الي فيها هتغنيك عن كل برامج التعديل
بيتهيألي مواصفاته كهاردوير مفيش كلام عليها جهاز قوي جدا من اقوى الاجهزه في السوق

بالنسبه لشاشته انت لازم تشوفها وتجربها وتحدد هل حجمها مناسب ليك ولا ﻷ انا بالنسبه ليا تمام جدا بس اكيد حضرتك ممكن يبقى ليك رأيي تاني

العيب الوحيد الي في النوت الي كان مضايقني ومضايق كل الي استعملوه من قرايبي *البصمه بصراحه زباله جدددااا مش من مقام النوت

انت لو حبيت تفتح الشاشه من البصمه لازم تحط صباعك في النص بالظبط وتسحب من فوق لتحت بخط مستقيم من غير ميلان .
حاجه ممله جددااا في الاول بس اتعودوا عليها دلوقتي برضه للامانه .
بس بيتهيألي البصمه دي زيها زي الايفون يعني مش هتلاقي احسن منها غير في تليفون هواوي mate 7
دا احسن بصمه في تليفون نزلت لحد الوقتي هوا موبايل هايل وناوي اشتريه ان شاء الله مش عشان احسن من النوت بس عشان الميزانيه :-D :-D
وانا تحت امرك

[dodo2000]

Huawei mediapad x1 جهاز رائع بمعنى الكلمة و مناسب للشغل اليومى

[KemozTanta]

فابليت