كده سرعة النت عندي كام يا جماعة مع TE Data ؟؟؟؟؟

[Ahmed Oraby]

السلام عليكم
انا مشترك مع TEDATA من زمن و لسه الاسبوع اللي فات مغيرين الخطوط في المنطقة هنا للفايبر.... كنت مشترك 1 ميجا غير محدود
و قلت اجرب الطلقة اللي هي 8 ميجا عالخطوط الجديدة.... رحت غيرت و دفعت بس كل اما بعمل اختبار للسرعة مبتزيدش عن 1 و نص ميجا!!!
دول صور اعدادات النت في الراوتر قبل و بعد تغيير السرعة





اللي فهمته انه رفعلي السرعة من 1 ل 2 ميجا بس صح كده؟؟؟ و حد يقولي بالمرة كده ارقام جودة الخط كويسة؟
ياريت اللي عنده خبرة يفهمني عشان اروحلهم و ازعق و انا فاهم :D

[Specialist]

بالضبط يا أفندم ,,

السرعة أترفعت من 1 ميجا إلي 2 ميجا بس ..

أرقام جودة الأتصال كويسة جدا ما شاءالله ..

[EngAhmedSakr]

شوف يا بلدياتي
أرقامك كويسه وخطك يستحمل
انا كمان علي عرض طلقه .. واحب اقولك إنتظر اسبوع كامل بعد تغيير الخطه
لانهم بيعملوا تست للخط علي سرعات مختلفه لمده اسبوع .. وبعد مرور اسبوع تجد نفسك علي السرعه الجديده لعرض طلقه
غالبا ستتراوح مابين 6 الي 7 ميجا

اتمنالك التوفيق

[Ahmed Oraby]

بالضبط يا أفندم ,,

السرعة أترفعت من 1 ميجا إلي 2 ميجا بس ..

أرقام جودة الأتصال كويسة جدا ما شاءالله ..

الف شكر يا ريس :)

[Ahmed Oraby]

شوف يا بلدياتي
أرقامك كويسه وخطك يستحمل
انا كمان علي عرض طلقه .. واحب اقولك إنتظر اسبوع كامل بعد تغيير الخطه
لانهم بيعملوا تست للخط علي سرعات مختلفه لمده اسبوع .. وبعد مرور اسبوع تجد نفسك علي السرعه الجديده لعرض طلقه
غالبا ستتراوح مابين 6 الي 7 ميجا

اتمنالك التوفيق

اه ممكن... انا استغربت بس لان الموظف قالي السرعة هتتغير بعد ساعتين بس!
خلاص تمام استنى الاسبوع يكمل و اشوف هيعملوا ايه معايا
الف شكر يا باشمهندس :)

[midooo_119]

الغى العرض ده احسن

[Ahmed Oraby]

الغى العرض ده احسن

ليه يا باشا؟
انا مبوصلش 20-30 ميجا في الشهر و مبعملش داونلود تقريباً اخري يوتيوب و تصفح و خلاص
يبقى اعملهم بسرعة كويسة..... ولا اعتراضك على السرعة نفسها؟

[DreAmO]

هو أنت قبل الفايبر كانت جودة الخط عندك ايه ؟!
الجوده الحاليه مع الفايبر .. متشابهة جداً مع بعض الخطوط النحاس العاديه
المفروض الجوده عندك تبقى أفضل من كده بكتيير جداً

بإختصار ..
الجوده دي مع الخطوط النحاس ممتازة وتتحمل حتى 8 ميجا سرعه
اما الجوده دي مع الخطوط الفايبر .. تعتبر سيئه .

كمان انت تقدر تعرف اذا كان التست انتهى او لسه او اي حاجه تانيه من الدعم الفني للشركه 19777


بخصوص عرض الطلقه واستخدامك اللي لا يتعدي 20 او 30 جيجا بالشهر

لاحظ ان ده كان استهلاكك مع سرعة 1 ميجا .. يعني اليوتيوب بتتفرج على جوده مثلا 360

لكن مع السرعه العاليه .. إستهلاكك هيزيد .. لانك هتشغل اليوتيوب على جودة 720 و 1080 .. مجرد مثال .

[Ahmed Oraby]

هو أنت قبل الفايبر كانت جودة الخط عندك ايه ؟!
الجوده الحاليه مع الفايبر .. متشابهة جداً مع بعض الخطوط النحاس العاديه
المفروض الجوده عندك تبقى أفضل من كده بكتيير جداً

بإختصار ..
الجوده دي مع الخطوط النحاس ممتازة وتتحمل حتى 8 ميجا سرعه
اما الجوده دي مع الخطوط الفايبر .. تعتبر سيئه .

كمان انت تقدر تعرف اذا كان التست انتهى او لسه او اي حاجه تانيه من الدعم الفني للشركه 19777


بخصوص عرض الطلقه واستخدامك اللي لا يتعدي 20 او 30 جيجا بالشهر

لاحظ ان ده كان استهلاكك مع سرعة 1 ميجا .. يعني اليوتيوب بتتفرج على جوده مثلا 360

لكن مع السرعه العاليه .. إستهلاكك هيزيد .. لانك هتشغل اليوتيوب على جودة 720 و 1080 .. مجرد مثال .

قبل الفايبر كانت الجودة سيئة جدآ و التقطيع متكرر بشكل يقرف لاني بعيد عن السنترال بأكتر من 5-6 كيلومتر
فأنا دلوقتي الصراحة راضي جداً لو يوصلني بس 4 ميجا حتى من العرض ده المهم يكون في ثبات في الخدمة...
حاجة تانية معرفش صحيحة ولا الراجل بتاع TE Data بيشتغلني بيقولي السلك اللي داخل على بيتك من الكابينة يكون فيه مشكلة و دي مستبعدها لاني لسه مغيره قريب (و هو نحاس طبعاً) ... او المكان نفسه اللي راكب فيه السلك في الكابينة يكون مصدي ولا حاجة و دي مش عارف هعرفها ازاي بقى :/
بالنسبة لكلامك في الاستهلاك فعلاً السرعة العالية بتغري الواحد يشوف الفيديوهات اقل حاجة 480p :D
السرعة بس تتظبط و ابقى ارفع ال quota ل 40 جيجا او 100 لاني حاليا أصلاً مختار 15 جيجا بس :D
بكره اجرب اتصل عليهم مجربتش فعلاً قبل كده اشوف ايه النظام.
الف شكر يا باشا على ردك :)

[digicron]

ممكن بعد اذن صاحب الموضوع تعرفوني ازاي اتعمل الاختبار ده لاني بافكر اغير لطلقة و عاوز اعرف الخط حيستحمل ام لا؟؟
هل عن طريق برنامج ام لينك من موقع تي اي داتا؟
ارجو الرد و الاهتمام

[aw2100]

انا اشتركت مع فودافون 4 ميجا سرعه ممتازه جدا

[Ahmed Oraby]

ممكن بعد اذن صاحب الموضوع تعرفوني ازاي اتعمل الاختبار ده لاني بافكر اغير لطلقة و عاوز اعرف الخط حيستحمل ام لا؟؟
هل عن طريق برنامج ام لينك من موقع تي اي داتا؟
ارجو الرد و الاهتمام

ادخل على صفحة الراوتر و دور على الارقام بتاعت حالة الخط اهمها تقريبا snr margin و line attenuation

[digicron]

طب ايه رايكم كده يا جماعة الخير ؟هل كده الخط يستحمل ال8 ميجا الخاص بعرض الطلقة ام لا؟؟

[ebb]

طب ايه رايكم كده يا جماعة الخير ؟هل كده الخط يستحمل ال8 ميجا الخاص بعرض الطلقة ام لا؟؟

max rate 14736 يستحمل سرعة 8 ميجا

[DreAmO]

طب ايه رايكم كده يا جماعة الخير ؟هل كده الخط يستحمل ال8 ميجا الخاص بعرض الطلقة ام لا؟؟

سرعتك الحاليه 512 .. تقدر ترفعها ل 1 ميجا

أكتر من كده هيفصل معاك .. لان التشويش عالخط عندك عالي جداً

ممكن لانك بعيد عن السنترال بحوالي 7 كيلو او الخط فيه مشكله .