تابلت سامسونج ولا هواوى

[egyboy]

السلام عليكم

عايز اشترى تابلت صغير

اشترى سامسونج ولا هواوى

Samsung Galaxy Tab 4 7.0 3G vs. Huawei MediaPad X1 - GSMArena.com

هواوى امكانياته اعلى بس انا خايف منه يعطل او حاجة سامسونج برضه مستقرة

ايه رايكم ولو فى اقتراحات تانية ؟؟

[egyboy]

اين الاقتراحات يا شباب ؟؟

سامسونج ام هواوى

[Specialist]

عن نفسي أرشح لك هواوي ..

مواصفات أقوي و أعلي + هواوي نفسها أثبتت قوة و جدارة لها في السوق دلوقتي + أن خامة التابلت نفسه أفخم بكتيـر من التاب السامسونج ..

[egyboy]

تمام بس انت فاهم الخوف من تجربة منتج جديد

السامسونج دلوقتى بقى هو الاكثر انتشارا ولو حصله عطل او اى حاجة هتعرف تصلحه

[hugan]

ممكن اﻻسعار

[Specialist]

تمام بس انت فاهم الخوف من تجربة منتج جديد

السامسونج دلوقتى بقى هو الاكثر انتشارا ولو حصله عطل او اى حاجة هتعرف تصلحه

بس فعلآ هواوي أنتشر بشكل الرهيب الفترة دي ,, و التوكيل شغال زي الفل و محدش أشتكي منه إلي الأن ..


و الأهم برضه من ده كله: راحتك النفسية ,,
لآن لو أشتريت تابلت في غاية القوة و مش مرتاح له نفسيا, يبقي مش هترتاح بالتعامل معاه و هتزهق منه بسرعة ..


شوف حضرتك ميّال لأيه , و ألف مبرووووووك عليك مقدما يا أفندم ..

ممكن اﻻسعار

السامسونج أقل سعر له كان 1850 جـ
الهواوي أقل سعر له كان 2300 جـ ..

[punisher]

توكل علي الله وهات هواوي معايا واكثر من رائع

لما تشتريه هيكون جيلي بين وممكن تنزله تحديث كيت كات من السايت ده www.emui.com

كنت شاريه من مربايل شوب ومعاه جراب اصلي وبروتكتف سكرين ب 3000 بس سعره دلوقتي اعتقد 2400 وعلي فكره لسه مركبتش البروتكتف سكرين وشغال باللي متركبه عليه وبطاريته بتقعد يومين كاملين وطبعا علي حسب شغلك عليه وصوته عالي والمكالمات صوتها نقي وواضح

[punisher]

علي فكره هوا فابليت اكتر من انه تابليت

[punisher]

انا لا احترم سامسونج نهائي مهما كان سعرها... ولو بتفكر ف تابليت توكل علي الله وهات هواوي ولو بتفكر ف موبايل عندك هواوي وطبعا نمره واحد htc

[Mostafa.Mahran]

سبحان الله انا لسه مقارن بينهم من كام يوم علشان هشترى واحد و فكرت نفس تفكيرك فى الصيانة و الاكسسوارات لصالح السامسونج و الاداء و الراحة النفسية للهواوى و فى الاخر هجيب الهواوى ان شاء الله

[hugan]

علي فكره هوا فابليت اكتر من انه تابليت

يعني ايه فابليت لو تكرمت

[فتح الباب]

السلام عليكم ٠ ليا سؤال بعد اذنكم من ١٠٠٠ الى ١٤٠٠ يجيبو htc مواصفاته ايه انا مهم عندى عدم التهنيج فى برامج التواصل فايبر وواتس اب وكاميرا معقوله

[ahmedmohamed7]

يعني ايه فابليت لو تكرمت

الفاب ليت هى فئة بين التلفونات و التاب ......حجم الشاشة بيكون اكبر سنة من المعتاد عليه فى التلفونات و اصغر سنة عن المعتاد عليه فى الكومبيوتر اللوحى و طبعا بيبقى فيها خاصية المكالمات
امثلة
سلسلة النوت من سام
الهواواى الميداباد اكس وان و كمان الاسيند مات 7 :)

اصل الكلمة ......فا من فون و ليت من تابليت =فابليت

[afndina]

بصراحة مفيش وجه مقارنة بين سامسونج وهواوي
انا اول تلفون سمارت كان هواوي وقرفت منه بسبب انه مش مدعوم في جوجل بلاي وكنت بدور علي برامجه في كل المواقع , دا غير جودة الصورة والكاميرا والتهنيج
لما جبت سامسونج لقيت فرق رهيب في جودة الصورة والصوت وكمان السرعة والبرامج كلها والتعامل
الشئ الوحيد اللي مميز في هواوي من خلال تجربتي هو البطارية هواوي بطارية بتقعد معايا يومين , سامسونج مبيكملش اليوم
غير كدا هواوي جهاز عقيم مقارنة بسامسونج
عايز اقول حاجة اخيره لو لفيت علي اغلب الاجهزة حتلاقي فرق السعر بينهم نتيجه فرق الامكانيات استحالة حتلاقي موبايل ارخص من موبايل بفرق كبير وامكانيتهم زي بعض مهما اختلفت الماركة

[egyboy]

بصراحة مفيش وجه مقارنة بين سامسونج وهواوي
انا اول تلفون سمارت كان هواوي وقرفت منه بسبب انه مش مدعوم في جوجل بلاي وكنت بدور علي برامجه في كل المواقع , دا غير جودة الصورة والكاميرا والتهنيج
لما جبت سامسونج لقيت فرق رهيب في جودة الصورة والصوت وكمان السرعة والبرامج كلها والتعامل
الشئ الوحيد اللي مميز في هواوي من خلال تجربتي هو البطارية هواوي بطارية بتقعد معايا يومين , سامسونج مبيكملش اليوم
غير كدا هواوي جهاز عقيم مقارنة بسامسونج
عايز اقول حاجة اخيره لو لفيت علي اغلب الاجهزة حتلاقي فرق السعر بينهم نتيجه فرق الامكانيات استحالة حتلاقي موبايل ارخص من موبايل بفرق كبير وامكانيتهم زي بعض مهما اختلفت الماركة

بس ازاى مش مدعوم من جوجل بلاى

هواوى برضه اندرويد

وفرق السعر حوالى 500 جنيه بين الاتنين