الرخامة اخرتها وحشة

[karim kemo]

بسم الله الرحمن الرحيم

انهاردة احب اشارك معاكو موقف حصل معايا و بصراحة مش عارف ان كده صح و لا غلط

كنت ماشي ف طريق قدام القسم فقافلين طريق و مشغلين واحد رايح جاي


المهم اللي الاتجاه اللي رايح واقف فجيه سواق ميكروباص مشي ع الاتجاه العكس
و راح رامي وش العربية عليا عشان يخش الصف تاني

بس اسكت لا ازاي روحت رامي وش العربية انا كمان و طلعت قدامو

بس الحلو مبيكملش لبست ف اللي قدامي لقلة انتباهي و تركيزي ع انو ميخشش قدامي


و ف الاخر قالي احسن -.-

انتوا ايه رايكو ف اللي حصل ده o.O

[monamize4]

حصل خير ياباشا و ابقى كبر دماغك
الشاطر هو اللى يرجع البيت سليم

[karim kemo]

الحمد لله كله سليم بس اتحرق دمي لما قالي احسن :@

[midooo_119]

كنت كملت وراه و خبطته ... بهزر طبعا انا فعلا محتاجين نتخلص من سواقيت الميكروباص

[amr011111]

بصراحه سواقين الميكروباص دول عاوزين الحرق الا من رحم ربى

[ebb]

كبر دماغك ومتاخدش في بالك

[FAR!D]

سواق الميكروباص ليه سياسه متبعه و مسجله ملكيه حصريه لهم و للاسف ناجحه و بالذات في القاهره
وهي سياسه التهويش فابيعتمد على انك تخاف على عربيتك و تكش
عن نفسي بكبر دماغي لاي حد بس باجي عنده و لو بعد 10 كم بردلوا نفس الحركه بالمللي