إعـــــــلان

Collapse

.

,
See more
See less

عقد عمل فى السعودية ... ومحتاااج رأيكم

Collapse
X
 
  • Filter
  • الوقت
  • Show
Clear All
new posts

  • عقد عمل فى السعودية ... ومحتاااج رأيكم

    سلام عليكم يا جماعة

    جمعة مباركة باذن الله

    باختصار انا مهندس حديث التخرج 2014 ..... وجايلى عقد عمل فى الرياض تبع شركة توظيف على وظيفة مهندس مبيعات لشركة اخوان العربية تبع مجموعة الحصينى

    المهم تفاصيل العقد كالتالى:

    العقد سنتين

    مرتب 3 الاف ريال مع عمولة من نص ل 1%

    بدل سكن 3 شهور ... يعنى 9 الاف ريال

    هيوفروا عربية ..... مع بدل محروقات 200 ريال وبدل اتصالات 200 ريال

    فترة تجربة 3 شهور ... واجازة مدفوعة 30 يوم فى السنة

    فيه اكتر من سؤال عندى وياريت حد يجاوبنى عليه :

    1- انا حصل معايا مقابلة اتش ار تبع شركة التوظيف بس ... وبعديها بيومين الشركة السعودية قبلتنى على اساس تقييم شركة التوظيف والسى فى .... هل ده طبيعى ؟؟

    2-بدل السكن .... باخده امتة من اول لما اروح ؟ .... وهقعد فين او اتصرف ازاى لحد لما اخده واجيب شقة ؟

    3-هل بدل المحروقات والاتصالات كافى لمهندس مبيعات بيلف طول النهار وبيتكلم ؟

    4- بالنسبة لرخصة القيادة فى السعودية .... بتتطلع ازاى ؟ .... طبعا انا معايا رخصة قيادة مصرية ... بس معرفش هناك هطلع رخصة سعودية ازاى

    ياريت حد يجاوبنى او ينصحنى فى العقد ككل لانى محتار وحاسس انه مش تمام

    شكرا ليكوا
    [B][CENTER]إذا الشعب يوما اراد الحياة .... فلابد ان يستجيب البقر....تحيه لكل مصرى وطنى شارك فى ثورة التحرير .....[/CENTER][/B]

    Mr_7oda سابقا

  • #2
    متابع
    سارح فـ غربة بس مش متغرب :S_thum1[1]:
    [shfaf2]https://scontent-b-cdg.xx.fbcdn.net/hphotos-xap1/v/t1.0-9/10885528_660182824094154_6902646680377564859_n.jpg?oh=d4576f79606fd1296a089e78b6577ec4&oe=55590336[/shfaf2]

    Comment


    • #3
      بدل التأثيث بيتصرفلك بعد شهرين تقريبا لزوم الروتين وف الفتره دي هتتبهدل واللي ببحثل عاده ان زميل جدع ياخدك عنده ويستخملك شهر او اتنين لغايه ما ترستق نفسك وكدة كدة هتحتاج مبلغ يكون معاك عشان في اجرائات كتير هتعملها وهتتكلف. 'ثم ان ده يساوي شهريا 750 ريال.. طبعا معرفش بدل محروقات واتصالات ممكن يكفيك ولا لا.. لان ده حسب ضغط الشغل عندك لكن مش ده التصرف السليم من الشركة! يعني لو مكفوش تدفع من جيبك؟ لو افترضنا ان العموله بتاعتك توصل ل 25% من مرتبك يعني 750 ريال كمان يعني انت بتتكلم ف حوالي 4500 ريال مشتملين علي كل حاجه من مسكن وتاثيث ومصاريف وخلافه..
      المرتب ده ضعيف.. متقبلش بيه الا لو مفيش قدامك شغل تاني خالص فيباه بدل القعده والبطالة خصوصا ان الحياه ف السعوديه سخيفه لشاب اعذب
      بس طبيعي ان شركه تقبلك بناء ع انترفيو مع شركة توظيف

      Comment


      • #4
        السلام عليكم

        انا شغال في شركة مقاولات والعرض غير جيد إطلاقا


        لو مهندس مدني حديث التخرج الراتب ميقلش عن 4500 اساسي


        دي كدا ملاحظة عامة علي الراتب

        اما بخصوص باقي الاستفسارات

        1 - انتا اول ما بتوصل سكنك بيكون علي الشركة لحد ما يتصرفلك بدل سكن
        2 - بدل السكن ( المتعارف عليه ) بيتصرف علي دفعتين كل 6 شهور ( بتاخدهم مقدم )
        3 - بدل المحروقات يعتبر متوسط او اقل لو بتلف كتير وحسب نور السيارة ( يعني لو تويوتا ياريس - ودا المتعارف عليه او هيونداي اكسنت ودول اكتر حاجتين بنجيبهم في شركات المقاولات ) البدل هيكون متوسط ....لكن بشكل عام 99% من شركات المقاولات مبتديش بدل محروقات ...انتا بتاخد عهدة حسب الفواتير
        4 - بدل الاتصالات غير كافي لو مكالماتك هتكون كتير ...يعني لو هتعمل باقة انترنت ومكالمات لكل الشبكات بتبدأ من 450 ريال في الشهر ( مفتوح لكل الشبكات وانترنت ) ...ادخل شركات ( موبايلي وزين وstc ) وشوف الاسعار بتاعة الباقات

        5 - بالنسبة لرخصة القيادة ...انتا معاك رخصة مصرية بتروح تسلمها وتعمل تحليل في المرور وتعمل اختبار اول ( بيحدد مستواك أ او ب او ج ) وبعدين بتروح ويتحددلك معاد اختار اشارات ..وبعدين الاختبار النهائي ( الاختبارات سهلة جدا )...الرخصة المصرية بتفيدك انك مش هتدخل مدرسة ...لو مش معاك رخصة مصرية ...اجباري تدخل مدرسة ...بعدين بتسدد الرخصة حسب عدد السنوات اللي عايزها من سنة لحد 10 سنين ..والرسوم 50 ريال عن السنة



        النصيحة ككل : (((( العقد غير مقبول شكلا وموضوعا ))) - عامل البوفية عندنا في المكتب راتبه 2000 ريال ...

        اتعب شوية ودور تاني عشان الشركات اللي بتجيب ناس علي رواتب قليلة كدا بتكون شركات معفنة وهيقلك العقد سنتين ولما تيجي هنا وتشوف الرواتب حالتك النفسية هتتعب لأنك ببساطة هتلاقي نجارين وحدادين وكهربائية فنين مش مهندسين راتبهم اعلى منك


        نصايح ::

        1 - كحديث تخرج متجيش على اقل من 4500 ريال
        2 - السكن بيكون على الشركة أو بدل سكن 3 شهور .
        3 - يوفرولك سيارة او بدل انتقال ( بدل الانتقال بيكون 10 % من الراتب شهريا ..بحد ادنى 500 ريال شهريا )
        4 - اشترط أن يكون التأمين الطبي على شركة كويسة مش اي شركة لأن الكشف والعلاج غالي ..
        5 - العقد يكون سنة ...عليهم شهر اجازة مدفوع الراتب وتذاكر طيران ذهاب وعودة علي حساب الشركة



        ملاحظات ::

        1 - انتا ممكن تكون شايف الكلام دا صعب ..بس لما تيجي هنا هتعرف ان دا عادي جدا جدا بل قليل والطلبات دي اصلا عادية جدا

        2 - الحاجات الي انا كاتبها دي من واقع خبرة 4 سنوات في شركات المقاولات بإنواعها ( أنا محاسب عام ) وبالتالي انا اللي بصرف الرواتب والبدلات والتأمين ...الخ فبكلمك على اقل حاجة اشتغلتها في الشركات اللي عملت بها

        3 - وانتا بتعمل انترفيو...متجيش على نفسك عشان لما بيلاقوا حد كدا بياكلوا ...انتا مهندس مش عامل


        وبالتوفيق ....................

        Comment


        • #5
          المشاركة الأصلية كتبت بواسطة 4fun14 مشاهدة المشاركة
          بدل التأثيث بيتصرفلك بعد شهرين تقريبا لزوم الروتين وف الفتره دي هتتبهدل واللي ببحثل عاده ان زميل جدع ياخدك عنده ويستخملك شهر او اتنين لغايه ما ترستق نفسك وكدة كدة هتحتاج مبلغ يكون معاك عشان في اجرائات كتير هتعملها وهتتكلف. 'ثم ان ده يساوي شهريا 750 ريال.. طبعا معرفش بدل محروقات واتصالات ممكن يكفيك ولا لا.. لان ده حسب ضغط الشغل عندك لكن مش ده التصرف السليم من الشركة! يعني لو مكفوش تدفع من جيبك؟ لو افترضنا ان العموله بتاعتك توصل ل 25% من مرتبك يعني 750 ريال كمان يعني انت بتتكلم ف حوالي 4500 ريال مشتملين علي كل حاجه من مسكن وتاثيث ومصاريف وخلافه..
          المرتب ده ضعيف.. متقبلش بيه الا لو مفيش قدامك شغل تاني خالص فيباه بدل القعده والبطالة خصوصا ان الحياه ف السعوديه سخيفه لشاب اعذب
          بس طبيعي ان شركه تقبلك بناء ع انترفيو مع شركة توظيف
          بالنسبة لموضوع السكن ده .... ده اللى كنت خايف منه فعلا ...

          بالنسبة لموضوع العمولة او المرتب ... خلينا متفقين ان المرتب 3 الاف ريال بس ... يعنى هما دولة اللى هعيش عليهم واحوش منهم

          كل دفعة 2014 نفس المرتب .... مصاريفهم تقريبا من 700 ل 1000 ريال بالكتير فى الشهر

          يعنى بالنسبة لاى شغل فى مصر ... هيكون اعلى بكتير

          انا قدامى شغل فى مصر ... بس من ابو 1500 و 1800 جنيه فى الشهر .... اى حاجة اعلى من كده بتبقى وسايط
          [B][CENTER]إذا الشعب يوما اراد الحياة .... فلابد ان يستجيب البقر....تحيه لكل مصرى وطنى شارك فى ثورة التحرير .....[/CENTER][/B]

          Mr_7oda سابقا

          Comment


          • #6
            المشاركة الأصلية كتبت بواسطة حسام الغرباوي مشاهدة المشاركة
            السلام عليكم

            انا شغال في شركة مقاولات والعرض غير جيد إطلاقا


            لو مهندس مدني حديث التخرج الراتب ميقلش عن 4500 اساسي


            دي كدا ملاحظة عامة علي الراتب

            اما بخصوص باقي الاستفسارات

            1 - انتا اول ما بتوصل سكنك بيكون علي الشركة لحد ما يتصرفلك بدل سكن
            2 - بدل السكن ( المتعارف عليه ) بيتصرف علي دفعتين كل 6 شهور ( بتاخدهم مقدم )
            3 - بدل المحروقات يعتبر متوسط او اقل لو بتلف كتير وحسب نور السيارة ( يعني لو تويوتا ياريس - ودا المتعارف عليه او هيونداي اكسنت ودول اكتر حاجتين بنجيبهم في شركات المقاولات ) البدل هيكون متوسط ....لكن بشكل عام 99% من شركات المقاولات مبتديش بدل محروقات ...انتا بتاخد عهدة حسب الفواتير
            4 - بدل الاتصالات غير كافي لو مكالماتك هتكون كتير ...يعني لو هتعمل باقة انترنت ومكالمات لكل الشبكات بتبدأ من 450 ريال في الشهر ( مفتوح لكل الشبكات وانترنت ) ...ادخل شركات ( موبايلي وزين وstc ) وشوف الاسعار بتاعة الباقات

            5 - بالنسبة لرخصة القيادة ...انتا معاك رخصة مصرية بتروح تسلمها وتعمل تحليل في المرور وتعمل اختبار اول ( بيحدد مستواك أ او ب او ج ) وبعدين بتروح ويتحددلك معاد اختار اشارات ..وبعدين الاختبار النهائي ( الاختبارات سهلة جدا )...الرخصة المصرية بتفيدك انك مش هتدخل مدرسة ...لو مش معاك رخصة مصرية ...اجباري تدخل مدرسة ...بعدين بتسدد الرخصة حسب عدد السنوات اللي عايزها من سنة لحد 10 سنين ..والرسوم 50 ريال عن السنة



            النصيحة ككل : (((( العقد غير مقبول شكلا وموضوعا ))) - عامل البوفية عندنا في المكتب راتبه 2000 ريال ...

            اتعب شوية ودور تاني عشان الشركات اللي بتجيب ناس علي رواتب قليلة كدا بتكون شركات معفنة وهيقلك العقد سنتين ولما تيجي هنا وتشوف الرواتب حالتك النفسية هتتعب لأنك ببساطة هتلاقي نجارين وحدادين وكهربائية فنين مش مهندسين راتبهم اعلى منك


            نصايح ::

            1 - كحديث تخرج متجيش على اقل من 4500 ريال
            2 - السكن بيكون على الشركة أو بدل سكن 3 شهور .
            3 - يوفرولك سيارة او بدل انتقال ( بدل الانتقال بيكون 10 % من الراتب شهريا ..بحد ادنى 500 ريال شهريا )
            4 - اشترط أن يكون التأمين الطبي على شركة كويسة مش اي شركة لأن الكشف والعلاج غالي ..
            5 - العقد يكون سنة ...عليهم شهر اجازة مدفوع الراتب وتذاكر طيران ذهاب وعودة علي حساب الشركة



            ملاحظات ::

            1 - انتا ممكن تكون شايف الكلام دا صعب ..بس لما تيجي هنا هتعرف ان دا عادي جدا جدا بل قليل والطلبات دي اصلا عادية جدا

            2 - الحاجات الي انا كاتبها دي من واقع خبرة 4 سنوات في شركات المقاولات بإنواعها ( أنا محاسب عام ) وبالتالي انا اللي بصرف الرواتب والبدلات والتأمين ...الخ فبكلمك على اقل حاجة اشتغلتها في الشركات اللي عملت بها

            3 - وانتا بتعمل انترفيو...متجيش على نفسك عشان لما بيلاقوا حد كدا بياكلوا ...انتا مهندس مش عامل


            وبالتوفيق ....................
            شكرا لنصايحك يا باشا

            بس انا مش مهندس مدنى .... انا ميكانيكا انتاج ... والشركة شركة توريدات مش مقاولات

            للاسف السعودية اللى شغال فيها مدنى وميكانيكا بور

            انتاج بيكون قليل

            مرتبات انتاج فى الطبيعى كام بالنسبة لخبرتك يا باشا ؟

            واعرف منين ازا كان التامين كويس ولا لاه ؟
            [B][CENTER]إذا الشعب يوما اراد الحياة .... فلابد ان يستجيب البقر....تحيه لكل مصرى وطنى شارك فى ثورة التحرير .....[/CENTER][/B]

            Mr_7oda سابقا

            Comment


            • #7
              بلاش تشتغل مهندس مبيعات شغلانه مش محتاجه هندسه ومش هتستفيد حاجه
              الافضل تشتغل فى مجالك
              وموضوع انك حديث التخرج اى حديث تخرج فى الاول المفروض هيبقى مرتبه مش كبير لانك لسه هتكون بتتعلم وبتكون خبره
              وبالتوفيق
              [SIZE="5"]لا اله إلا الله محمدُ رسول الله[/SIZE]

              Comment


              • #8
                السلام عليكم ورحمة الله وبركاته،،،

                طبعاً كل واحد أدرى بظروفه بس اللي أقدر أنصحك بيه هو:
                • العقد ده يعتبر عقد استعباد. 3000 ريال دول ولا حاجه بمعنى ولا حاجه وماتبصلهاش أبداً إنهم 6000 جنيه.
                • كون الشركه قبلتك من غير ما يشوفوك ولا يتختبروك فده معناه إنهم عاوزين واحد من غير مهارات خالص وعشان كده هايدوله مرتب قليل. وكمان النوعيه دي من الشركات غالباً بتعمل مشاكل مع موظفينها وممكن تروح تلاقي حاجات غير اللي إتفقت عليها.
                • الخليج عامة: لو رحت بمرتب محترم هاتفضل تزيد إحتراماً، لكن لو رحت على أمل إنك تروح بمرتب قليل وتزيد بعد شويه ده شئ مش مضمون إطلاقاً.
                • أنا رأيي ما تقبلش العرض ده إلا لو فعلاً إنت مش لاقي غيره جوه ولا بره، أو لو انت عاوز تجرب السفر وتخوض التجربه وانت صغير.


                شكراً
                محمد سعيد
                [B]"No act of kindness is ever wasted" [/B]

                Comment


                • #9
                  والله انا بشكر كل الناس اللى كاتبة ارائها وخبراتها بجد

                  انا بس مش عارف ليه كل الناس معترة ان المرتب قليل جدا

                  انا طريقة تفكيرى كالتالى :

                  انا صغير ومفيش مسؤليات ولا خطوبة ولا دياولو ... فبالتالى مخاطرة السفر دلوقتى متاحة ... بعد كام سنة مش هتكون متاحة

                  من خلال اتنين من اصدقائى ... بنفس المرتب فى الرياض ... بيحوشوا فى حدود الفين ريال فى الشهر ... يعنى 4 الاف جنيه ... وده مبلغ كويس لحديث التخرج بيكون نفسه فى الاول

                  بالنسبة لوظيفة مهندس المبيعات .... انا شايف ان المجال ده هيفيدنى جدا قدام ... لانى غالبا هكمل فيه

                  فياريت اللى بيقول المرتب معدوم يقولى بس ليه علشان اكون فاهم

                  وشكرا جدا ليكوا يا جماعة
                  [B][CENTER]إذا الشعب يوما اراد الحياة .... فلابد ان يستجيب البقر....تحيه لكل مصرى وطنى شارك فى ثورة التحرير .....[/CENTER][/B]

                  Mr_7oda سابقا

                  Comment


                  • #10
                    هههههههههههههههههههههههههههههههههههههههه
                    استغربت جدا وأنا بقرأ اسمك !!
                    افتكرتك انا !!!!

                    عموما ياكبير الناس اللي جاوبتك دي جابتلك الخلاصة والمرتب فعلا ضعيف جدا !!
                    يعني انت مهندس مش عامل يعني !!
                    مش أقل من 4000 ريال ولما تحس كمان انهم مهتمين ياخدوا مهندس يشتغل ف مكانه وبدراسته !
                    والعيشة ف السعودية سخيفة جدا للعازب زي ما اتقالك فمتفتكرهاش جنة يعني !
                    أصبر وان شاء الله تلاقي حاجة أفضل وارشق ف أي حاجة هنا ف مجالك ودور وانت شغال
                    انا خريج جديد زيك برضه واتعرض عليا زيه وموافقتش
                    وأنا مهندس برضه

                    بالتوفيق
                    [CENTER][COLOR=Indigo][B][COLOR=Indigo][B][B]Real Estate Broker & Agent[/B][/B][/COLOR][/B][/COLOR]
                    [COLOR=Indigo][B] [B][COLOR=DarkGreen]New Cairo[/COLOR] & [COLOR=Blue]Rehab City[/COLOR][/B][/B][/COLOR]
                    [COLOR=Indigo][B][B] 01111156170 - 01000046107[/B][/B][/COLOR][/CENTER]

                    Comment


                    • #11
                      فكر تاني ياباش مهندس المفروض المرتب بالبدلات شهريا سكن وانتقالات وغيره لايقل عن 6 او 7 ده يدوبك واعرف حد صاحبي كان بياخد شهري اكتر من كدة بس هيسيب شركته عشان مش راضيين يدوله عمولته في المبيعات...

                      Comment


                      • #12
                        مع ان المرتب قليل بس بقولك اقبل و اخلع من هنا

                        بس تأكد من ان الشركه الوسيطه مش نصابه

                        اسأل علي رقم الترخيص بتاعهم

                        Comment


                        • #13
                          المشاركة الأصلية كتبت بواسطة mahmoud naguib مشاهدة المشاركة
                          هههههههههههههههههههههههههههههههههههههههه
                          استغربت جدا وأنا بقرأ اسمك !!
                          افتكرتك انا !!!!

                          عموما ياكبير الناس اللي جاوبتك دي جابتلك الخلاصة والمرتب فعلا ضعيف جدا !!
                          يعني انت مهندس مش عامل يعني !!
                          مش أقل من 4000 ريال ولما تحس كمان انهم مهتمين ياخدوا مهندس يشتغل ف مكانه وبدراسته !
                          والعيشة ف السعودية سخيفة جدا للعازب زي ما اتقالك فمتفتكرهاش جنة يعني !
                          أصبر وان شاء الله تلاقي حاجة أفضل وارشق ف أي حاجة هنا ف مجالك ودور وانت شغال
                          انا خريج جديد زيك برضه واتعرض عليا زيه وموافقتش
                          وأنا مهندس برضه

                          بالتوفيق
                          هههههههههه انا برضه لما قريت اسمك اتخضيت فى الاول :)

                          والله يا باشا كلامك تمام بس برضه هرجع اقولك تانى ان اى شغل هنا بتتكلم فى 1500 او 1800 جنيه لمدة سنة
                          وتانى سنة بتاع حوالى الفين او الفين وشوية

                          ايه اللى يخلينى اقعد هنا بقى ؟ .... مش معنى انى اروح السعودية انى اعمل ملايين .... اه صحيح المرتب قليل بس احسن من هنا بكتير
                          [B][CENTER]إذا الشعب يوما اراد الحياة .... فلابد ان يستجيب البقر....تحيه لكل مصرى وطنى شارك فى ثورة التحرير .....[/CENTER][/B]

                          Mr_7oda سابقا

                          Comment


                          • #14
                            المشاركة الأصلية كتبت بواسطة zico707 مشاهدة المشاركة
                            فكر تاني ياباش مهندس المفروض المرتب بالبدلات شهريا سكن وانتقالات وغيره لايقل عن 6 او 7 ده يدوبك واعرف حد صاحبي كان بياخد شهري اكتر من كدة بس هيسيب شركته عشان مش راضيين يدوله عمولته في المبيعات...
                            باشا انا حديث التخرج

                            هو صاحبك ده دفعة كام ؟ .... المرتبات ده مش اقل من دفعة 2010 ويكون واحد فرود كمان مش اى حد
                            [B][CENTER]إذا الشعب يوما اراد الحياة .... فلابد ان يستجيب البقر....تحيه لكل مصرى وطنى شارك فى ثورة التحرير .....[/CENTER][/B]

                            Mr_7oda سابقا

                            Comment


                            • #15
                              ده عقد احتكار مش عقد عمل
                              هنا فى وجهتين نظر
                              الاولى تاخد الرسك و تتعلم و صدقنى هتتعلم كتييييير
                              او تخليك هنا لحد ميجيلك عقد كويس
                              شوف نفسك فى ايه
                              كولو بالحنيه بيفك مع تجيات جمعيه حنينها قبل متحلبها

                              Comment

                              Working...
                              X