إعـــــــلان

Collapse

.

,
See more
See less

فضفضة من نوع غريب بس واقع الكل بيحسه ؟!!؟

Collapse
X
 
  • Filter
  • الوقت
  • Show
Clear All
new posts

  • فضفضة من نوع غريب بس واقع الكل بيحسه ؟!!؟

    بصوا ياجماعة أنا محتاج أفضفض شوية وأفهم كلام كتير مش عارف أفهمه !!

    باختصار أنا خلصت الكلية والجيش وطبعا بدأت مأساتي ف البحث عن وظيفة مناسبة !!
    وأنا ف الجيش فكرت ف حاجات كويسة جدا ممكن أعملها وشفت انها سهلة بس لما جيت أفكر لقيتها على أرض الواقع صعبة ومستحيلة !!

    لقيت شغل والحمد لله اشتغلت وف الآخر برضه مكسبتش حاجة لأنه شغل بنسبة !!

    حاولت أطلع بره الصندوق من وأنا ف الكلية وأعمل شغل خاص بيا وهو كويس ومربح بس برضه ف النهاية قبل ما أوصل بحاجة بسيطة الموضوع يبوظ لأي سبب
    وحتى حاولت فيه دلوقت وبرضه نفس النتيجة !!!

    دلوقت رجت تاني للصفر وتحت الصفر كمان وبسأل نفسي أسئلة كتير !!


    هو الإنسان لو عايز ينجح يعمل إي !؟!
    يعني الناس اللي نجحت ووصلت دي عملت إي مثلا !!
    ومحدش يقولي أصروا ع النجاح أو غيره لأن في ملايين مصرين ع النجاح بس مفيش أي ظروف حواليهم تشجعهم !!

    طيب هما الناس اللي وصلوا دول ازاي عرفوا انهم هيوصلوا ف المجال ده !!
    بمعنى انهم هل جربوا كل الطرق لحد ما نجحوا ف حاجة !
    وهل ضيعوا سنين عمرهم علشان يوصلوا للحاجة دي !
    ولا جت معاهم بالحظ !!!!

    يعني أنا دلوقت نفسي أنجح !
    أنجح ف اي وأجرب اي وأعمل إي يخليني أنجح !!؟؟!

    طيب هو لي باب الرزق مقفول ف وشي خالص كدة
    يعني بجرب كتير حاجات وبرضه مفيش أي جديد !!

    مهو في ناس مبتجربش حاجة ولا بتتعب وبتوصل !
    وفي ناس مولودة وهي معاها أساسا !!


    الآية اللي بتقول إن الله لآ يضيع أجر من أحسن عملا
    طب إحسان العمل ده المقصود بيه دنيا وآخرة صح
    طيب إحسان العمل للآخرة هو التقوى والعمل الصالح
    طيب وللدنيا بجانب التقوى والعمل الصالح نعمل إي علشان ننجح !

    يعني حد مخلص جامعة مثلا وعايز يبدأ المفروض يجرب كل الشغل علشان يشوف هو كويس ف اي ويكمل فيه !!
    ولآ يعمل إي بالظبط !!

    طيب في ناس بتنجح بالسعي ورا الهدف أكتر من مرة !
    طيب أنا لو عملت حاجة وفشلت مرة و2 و 3 !
    هل أجرب غيرها ولآ أستمر وراها !؟!؟!
    ومش يمكن لو جربت غيرها تبقى هي سبيل النجاح ليا لو صبرت عليها شوية !!؟؟

    طيب هو مين اللي ممكن يحددلي أنا أنجح ف اي وأفشل ف اي !
    والموضوع ده بيتحدد بناءا على إي !!
    فلوس منصب رضا راحة ؟!!؟

    فين الدلائل على إن اللي ماشي فيه أي انسان صح ولآ غلط !
    يعني واحد معاه فلوس وربا بيرزقه هل ده معناه انه كويس أو ربنا بيحبه !
    واحد معهوش وبيحاول مبيوصلش هل هو كدة ربنا مش راضي عليه !!

    في آية بتقول وما أصبتم من مصيبة فبما كسبت أيديكم
    وآية تانية أفحسب الناس أن يتركوا أن يقولوا آمنا وهم لا يفتنون

    طيب اي اللي بيحدد ده بلاء ولآ ذنب ؟!!؟!؟

    طيب برضه لو أنا مذنب إي الذنب ده علشان أتوب عليه !
    مهو برضه مينفعش أبص ع الناس علشان أشوف الذنب واصلحه !
    لأن في ناس ناجحة وكلها ذنوب
    وفي ناس بتعمل حاجات كتيييييييييير صح ومعهاش حاجة ؟!!؟
    طب هو الموضوع لي عايم أوي كدة !!!

    هو الرزق برضه لي عامل معايا طرق متقاطعة وواقف ف آخر اللعبة ومفيش غير طريق واحد بيوصل وهما 1000 طريق والمفروض أفضل أجرب ويمكن أموت قبل ما اوصله !!

    أنا اللي مأثر أوي فيا اني كويس وبعمل حاجات كتير حلوة وبتمنى أنجح بس مش مهم بقى يكون معايا ملايين أو فيلل وقصور عيشة نضيفة وخلاص !!

    كل لما بيحصلي مطب ف حياتي عبادتي بتقل غصب عني !!
    مهو أنا شايف اللي معاهم كتيييييييير مبيتعبدوش أصلا !
    وبرضه مبشوفش مقابل !!!!!
    وبيرجع اللي حواليا يقولوا انت علشان عبادتك قلت بيحصلك كذا وكذا !!
    منا بني آدم برضه لآزم أضعف حتى الجبل مع الخبط بيتكسر !!!

    طب هو البلاء ده هيفضل لحد إمتى !!
    وممكن يفضل موجود وتفضل عبادتي تقل وأموت وربنا مش راضي عني !!

    واحد تاني حاول ووصل وبيشكر ربنا دايما وعبادته بتزيد ربنا هيبقى راضي عنه أكتر مني !!

    إزاي أعرف أجمع بين النجاح ف الدنيا والآخرة مع بعض !!!؟؟؟؟؟؟؟؟
    سؤال ليه 1000 إجابة مفتوحة اللي هيجاوبها نفسهم مش بيعملوا بيها !!

    [CENTER][COLOR=Indigo][B][COLOR=Indigo][B][B]Real Estate Broker & Agent[/B][/B][/COLOR][/B][/COLOR]
    [COLOR=Indigo][B] [B][COLOR=DarkGreen]New Cairo[/COLOR] & [COLOR=Blue]Rehab City[/COLOR][/B][/B][/COLOR]
    [COLOR=Indigo][B][B] 01111156170 - 01000046107[/B][/B][/COLOR][/CENTER]

  • #2
    ولله انت جيت على الجرح انا من بعد 6 سنين شغل لقيت نفسي من غير شغل

    و نفس مضمون موضوعك دا لخص حاجات كتير انا كنت عايز اقولها ... مش عارف اعمل ايه

    Comment


    • #3
      بلاش تاخد اجابة السؤال دا من حد ..... انت اللى تقدر تجاوب تحدد وتحلل وتبنى

      وتؤمن باللى عايز تؤمن بيه

      كله هيفتى ...وهوا بنى ادم زيك بيفرض عليك اعتقاده وتفكيره
      https://t.me/pump_upp

      Comment


      • #4
        هو انا هجاوبك من منظور معين او هتكلم على منظور معين وهوالابتلاء

        وهحاول اكتب بالعاميه علشان المفهوم يوصل ولو اني مش بحب اكتب بيها.

        لو اتضح مفهوم الابتلاء عندنا بالصوره الصحيحه وعرفنا معناه على الوجه الصحيح مش هنتعب ولا هنفكر

        وهيزال كثير من اللبس عندنا.

        ناس كتير معاها ملايين وناجحين اوي في مجال شغلهم اي كان ايه هو بس الصفه الرئيسيه للمجال ده انهم

        بيغضبو ربنا بيه ....... الله ازاي ناجحين ومعاهم ملايين ياعم انت وهما اصلا ربنا غضبان عليهم..

        ااقولك ياسيدي وهو ده المعنى من مفهوم الابتلاء

        الابتلاء ليس مقتصر على المنع كما يتوهم البعض انما يدخل فيه العطيه ايضا.

        أنسان ربنا ابتلاه بالملايين وهو ماضي في غضب الله بل وبتزييد معاه والعياذ بالله ده غضب من ربنا لآنه هيسأل عن ماله هذا من اين اكتسبه وفيما انفقه.

        وفي الغالب هذا الشخص قد سقط من رحمة الله ومن عينه فتركه واعطاه الدنيا لتكون عليه وبال والعياذ بالله يوم القيامه.

        فهاذ المال بلاء وابتلاء له وسوف يسأل عنه.

        طيب والشخص اللي ربنا مؤيده وفي معية الله وبردو معاه ملايين ده شخص ربنا رزقه بالرزق الواسع ويرزق

        من يشاء بغير حساب وفي نفس الوقت هو اكيد اخذ بالاسباب لحد ما وصل الى ما وصل اليه.

        طيب وشخص متقي ربنا وفي معية الله لكن مش معاه الملايين وبيحاول جاهدا يتحصل عليها لكن مش موفق ليها.

        لآن الله سبحانه وتعالى يعلم ونحن لا نعلم فلربما هذا الشخص يغيره المال وربك يريده من الانقياء الاتقياء فيحجب

        عنه الاسباب التي تؤدي لهلاكه.

        وهو في الاول والاخر ده رزق يسوقه الله لمن يشاء وبغير حساب

        احيانا يكون نعمه وكثيرا مايكون نقمه.

        ايه المطلوب مني طيب

        ارضى بما قسمه الله لي واحمد الله على ذلك ولا مانع من الاخذ بالاسباب بل مأمورون بذلك

        نأخد بالاسباب والنتائج على ربنا سبحانه وتعالى.

        ليس كثرة المال ونجاح العمل من علامة الرضا وليس منع المال من علامة السخط.

        لكن هو رزق الله يسوقه لمن يشاء من عباده
        [COLOR=darkred] { اللَّهُ يَنْصُرُ الدَّوْلَةَ الْعَادِلَةَ وَإِنْ كَانَتْ كَافِرَةً وَلَا يَنْصُرُ الدَّوْلَةَ الظَّالِمَةَ وَإِنْ كَانَتْ مُؤْمِنَةً } " .[/COLOR]

        Comment


        • #5
          تمام كلامك يا أستاذ إبراهيم وكل اللي انت قلته أنا عارفه بس خليني أجيبهالك من ناحية تانية !!

          هو لي دايما بنقارن ونقول ممكن انسان يبقى معاه ملايين وربنا مش راضي عنه !!
          طب مهو ممكن يبقى معاه ملايين وربنا راضي عنه !!

          وممكن يبقى إنسان معاه اللي يكفيه وعايش حياة حلوة وربنا برضه راضي عنه !!

          إسلوب الربط بينهم مش كامل للأسف !!

          إن الله لا يظلم الناس شيئا ولكن الناس أنفسهم يظلمون

          طيب إحنا بنظلم نفسنا بالذنوب ولآ بإي بالظبط !

          يعني الظلم ده يتمثل في اي ضياع صحة ولآ قلة مال ولآ قلة بركة ولآ إي بالظبط !

          طيب مهو برضه يمكن اللي يحصل لحد معين ظلم لنفسه مش بلاء !
          طب يعرف منين ويصلح من نفسه !!

          طب حتى لو لقى حاجة معينة وصلحها وفضل برضه بنفس حالته هيكون في حاجة تانية ولآ ده هيكون بلاء !!

          الإنسان وهو ف بطن أمه يكتب له شقي هو أو سعيد
          الله يعلم ما سيفعله كل انسان في حياته وعليه يكتب له شقي هو أو سعيد

          طب دي بتتقاس ازاي برضه !
          يعني ممكن إنسان يبقى شقي على طول أو سعيد على طول !
          طب هو اللي بيشقى شوية وبعدين يسعد أو العكس دول إي !!؟؟؟

          وبرضه فكرة إن ربنا بيمنع علشان في ناس هتقل عبادتها قدام الفلوس !
          طب مهو ده حصل لناس كتير
          وفي ناس ربنا اداها وزادت عبادتها !

          يضل من يشاء ويهدي من يشاء
          ممكن ربنا يديني ويهديني ف نفس الوقت وربنا أعظم من أي شئ

          !!؟!؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
          [CENTER][COLOR=Indigo][B][COLOR=Indigo][B][B]Real Estate Broker & Agent[/B][/B][/COLOR][/B][/COLOR]
          [COLOR=Indigo][B] [B][COLOR=DarkGreen]New Cairo[/COLOR] & [COLOR=Blue]Rehab City[/COLOR][/B][/B][/COLOR]
          [COLOR=Indigo][B][B] 01111156170 - 01000046107[/B][/B][/COLOR][/CENTER]

          Comment


          • #6
            المشاركة الأصلية كتبت بواسطة mahmoud naguib مشاهدة المشاركة
            تمام كلامك يا أستاذ إبراهيم وكل اللي انت قلته أنا عارفه بس خليني أجيبهالك من ناحية تانية !!

            هو لي دايما بنقارن ونقول ممكن انسان يبقى معاه ملايين وربنا مش راضي عنه !!
            طب مهو ممكن يبقى معاه ملايين وربنا راضي عنه !!

            بيرجع لحالة الشخص ومدى قربه من الله ومدى طعاته لله

            وممكن يبقى إنسان معاه اللي يكفيه وعايش حياة حلوة وربنا برضه راضي عنه !!

            إسلوب الربط بينهم مش كامل للأسف !!

            شوف طول ما الشخص موفق للطاعات وبيعمل طاعه ورا طاعه فاعم ان هذا الشخص ربنا راضي

            عنه وموفقه للطاعات فدليل الرضا هو مدى مداومة الطاعات من الشخص وليس شيء اخر

            هذا هو الأساس اما بالنسبه للامور الدنيويه فممكن شخص ينال حظ منها وشخص لاينال ده رزق

            يسوقه الله لمن يشاء




            إن الله لا يظلم الناس شيئا ولكن الناس أنفسهم يظلمون

            طيب إحنا بنظلم نفسنا بالذنوب ولآ بإي بالظبط !

            طبعا مافيش شك

            يعني الظلم ده يتمثل في اي ضياع صحة ولآ قلة مال ولآ قلة بركة ولآ إي بالظبط !

            ظلم الشخص لنفسه هو فعل الاشياء التي تحرم نفسه من دخول الجنه وتوجب نفسه دخول النار

            طيب مهو برضه يمكن اللي يحصل لحد معين ظلم لنفسه مش بلاء !
            طب يعرف منين ويصلح من نفسه !!

            تاني على حسب استقامة الشخص شخص مستقيم على الطاعات بيتعرض لابتلاء

            هذا الابتلاء اما لتطهير بعض الذنوب واما رفع لبعض الدرجات

            والشخص الاخر الغير مستقيم على الطاعات فهذا ايضا ابتلاء له لعله يرجع ويتوب وان لم يكن

            فهو بمثابة عذاب دنيوي وضنك فوق ضنك


            طب حتى لو لقى حاجة معينة وصلحها وفضل برضه بنفس حالته هيكون في حاجة تانية ولآ ده هيكون بلاء !!

            احنا عايشين في الدنيا مش في الجنه والدنيار اصلا دار ابتلاء الصبر والرضى هما الفيصل

            الإنسان وهو ف بطن أمه يكتب له شقي هو أو سعيد
            الله يعلم ما سيفعله كل انسان في حياته وعليه يكتب له شقي هو أو سعيد

            طب دي بتتقاس ازاي برضه !

            ده صحيح الله سبحانه وتعالى يعلم كل شيء ماكان وما يكون

            وهذه ليست حجه للشخص بأن يقول في نفسه مثلا طالما ربنا عالم يبقا مافيش داعي للعمل

            لا .... ربنا سبحانه وتعالى قال للنبي صلى الله عليه وسلم استقم كما امرت ونحن اولى

            بالاستقامه هذه فنعمل اللي علينا فقط والمطلوب منا فقط وهو الاستقامة على طاعة الله.

            أنت تعمل ما يوجب دخولك الجنه فتدخل الجنه برحمة الله ..... وربنا عالم سبحانه وتعالى انك

            سوف تدخل الجنه .... لكن ما هو الطريق للدخول العمل الصالح وده في ايدك انت.

            نفسي الشيء للشخص الغير مستقيم على الطاعه ايضا له اعمال توجب دخوله النار والعياذ بالله

            وربنا يعلم انه من اهل النار......... لكن ايضا بعمله وبردو في ايد الشخص نفسه



            يعني ممكن إنسان يبقى شقي على طول أو سعيد على طول !
            طب هو اللي بيشقى شوية وبعدين يسعد أو العكس دول إي !!؟؟؟

            مقياس السعاده والشقاء مفهومه ايه عند حضرتك؟

            وبرضه فكرة إن ربنا بيمنع علشان في ناس هتقل عبادتها قدام الفلوس !
            طب مهو ده حصل لناس كتير
            وفي ناس ربنا اداها وزادت عبادتها !

            ده حصل ومشاهد كثيرا والواقع يشهد بذلك

            على حسب الشخص نفسه هل المال يزيد من فعله للخير ولا العكس

            كل ده متوقف على حال الشخص

            وبعدين يا سيدي الفاضل المال كما قلت سابقا ليس مقياس للرضى او عدمه



            يضل من يشاء ويهدي من يشاء
            ممكن ربنا يديني ويهديني ف نفس الوقت وربنا أعظم من أي شئ

            !!؟!؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
            لو ربنا هداك وربنا يهدينا جميعا وعطاك يبقا فضل ومنّ من ربنا سبحانه وتعالى

            لكنها ليست مقياس كثير مات فقيرا وكان عند الله عظيما

            وكثيرا مات وعنده المال ولكنه عند الله فقيرا

            والبعض مات غنيا وكان عند الله مقدما ومقربا

            فبيرجع لحال الشخص

            نحن كل المطلوب منا هو الاخذ بالاسباب والتوكل على الله والرضا بالمقسوم

            ملحوظه: رديت في الاقتباس على بعض التساؤلات فراجعها
            [COLOR=darkred] { اللَّهُ يَنْصُرُ الدَّوْلَةَ الْعَادِلَةَ وَإِنْ كَانَتْ كَافِرَةً وَلَا يَنْصُرُ الدَّوْلَةَ الظَّالِمَةَ وَإِنْ كَانَتْ مُؤْمِنَةً } " .[/COLOR]

            Comment


            • #7
              مش معقول انا مشاركتي الاخيره لم تصل كامله
              [COLOR=darkred] { اللَّهُ يَنْصُرُ الدَّوْلَةَ الْعَادِلَةَ وَإِنْ كَانَتْ كَافِرَةً وَلَا يَنْصُرُ الدَّوْلَةَ الظَّالِمَةَ وَإِنْ كَانَتْ مُؤْمِنَةً } " .[/COLOR]

              Comment


              • #8
                بدون الدخول في جدل ديني

                كلنا عارفيين حال البلد المايل

                و مفيش داعي للكلام عنه

                سافر من هنا و انت لسه صغير

                بدل ما تضيع اجمل سنين عمرك

                في البحث عن الوظيفه و العروسه

                و كله بلح في الاخر

                Comment


                • #9
                  لا الغني مبتلى بفلوسه عشان عاصي ولا الفقير مبتلى بفقره عشان مقصر

                  لو كنت في بلد متقدمة هتلاقي العاصي و المتدين واللاديني وضعهم الإجتماعي متساوي
                  البلد فيها مشاكل إقتصادية وقانونية وسياسية وفساد
                  والشيء دا بيخلق طبقات و بيخليه الحياة تبدو فعليًا مش عادلة ولا منطقية
                  ولكن اجتهاد الآباء بينعكس على الأبناء
                  يعني ممكن فقير يدفع تمن كسل أبوه أو خطأ جده


                  بس بلاش نبرة العداء للغني تعلى وإنه عاصي وربنا بيخليه في ذنوبه ويزيده لإنه غضبان عليه !
                  دا كلام مش صحيح طبعًا ... يعني ربنا هيعامل عبده الغني كدا ليه ؟ مش دا ظلم لفئة من عباده ؟
                  أصل الإبتلاء بالمرض هيحس الإنسان إنه مبتلى ولكن بالشكل اللي بتصوروه دا الغني عمره ماهيحس بغضب ربنا !

                  [CENTER]..........[/CENTER]

                  Comment


                  • #10
                    حب الصنعة او العمل + الاتقان + الصبر = النجاح .. معظم اللي نجحوا نجحوا في مجال بيحبوه و عاشوا تفاصيله و كملوا فيه رغم اي معوقات .. طبعا انا بتكلم على الناجحين بعرقهم .. بعيد عن الفهلوة و الوسطات و الرشا .. حضرتك بتتكلم على نوع واحد من النجاح و هو النجاح المهني .. بس في انواع تانية مهمة زي النجاح الاسرى و الاجتماعي و النجاح في الاحساس بالرضا و التصالح مع النفس .. حضرتك مش مطلوب منك غير انك تاخذ بالاسباب في السعي الواعي اللي فيه تفكير و اختيار المناسب والصحيح قدر الامكان .. و في النهاية مش كل اللي معاه فلوس و ثروة بالضرورة راضي .. ممكن ينقصة الصحة او راحة الضمير او اولاد متربيين .. الفكرة مش في نوع اللقمة اللي بياكلها الانسان .. الفكرة في استمتاعه بيها و رضاه . ما تضيعش عمرك تقارن و تبص على اللي في ايد الناس .. استعن بالله .. طور نفسك و ركز في طريقك .. و ربنا يوفقك .. الكلام ده بقلهولك و بفكر بيه نفسي قبلك.

                    [CENTER][SIZE=3]قلبي على ثقة ونفسي حرة .. تأبى الدنا وصارمي ذلاق[/SIZE][/CENTER]

                    Comment


                    • #11
                      مقياس النجاح مش الفلوس
                      مقياس النجاح هو النجاح في حد ذاته من غير مكسب مادي
                      يعني مثلاً لو انت بتشتغل اي شغل وأحسنت عمله من الناحية الفنية والحرفية لكن تمنه مش كتير هو دا النجاح
                      ممكن واحد تاني ما يشتغلش خالص وياخد فلوس قدك 100 مرة وشغله بس كلام ده تقدر تسمية نصب ماشي كوسة بامية اي حاجة لكن النجاح زي ما قلت اتقان عمل الشي المراد انجاحه.
                      وذه بيتطابق تماما مع المراد من العمل في الاخرة عَنْ عَائِشَةَ رَضِيَ اللَّهُ عَنْهَا قَالَتْ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:
                      ((إِنّ اللَّهَ تَعَالى يُحِبّ إِذَا عَمِلَ أَحَدُكُمْ عَمَلاً أَنْ يُتْقِنَهُ ))
                      [رواه البيهقي ]

                      Comment


                      • #12
                        اللي انت فيه ده طبيعي جداً و اغلب الشباب المتخرجين جديد بيفكروا بنفس الاسلوب,
                        انت بس عشان لسة في اول الطريق و حاطط عينيك على اخر الطريق فمش قادر تتخيل الطريق نفسه شكله بيبقى عامل ازاي..
                        متسبقش الاحداث و إدي نفسك فرصة تستمتع بالمرحلة اللي انت فيها دلوقتي, هي مجرد مرحلة انتقالية طبيعي جداً تكون متلخبط فيها و بتحاول تدور على نفسك..
                        كل حاجة هيجيلها وقتها, انت بس حط هدف قدام عينيك و اشتغل و اتعب عليه و كل حاجة هتيجي بعد كده في وقتها..
                        [shfaf2]http://nileup.com/up/uploads/nilemotors_14667781721.jpg[/shfaf2]

                        Comment


                        • #13
                          شكرا لصاحب الموضوع وأنا اشاركك سؤالك وتأملاتك
                          أحب بس أقولك انى زى حالك ويمكن اكتر
                          أنا الحمد لله بعد 25 يناير تخليت عن حاجات كتير غلط كنت بعملها وضميرى الحمد لله صحى من غفلته ولكن تخيل أنك تخسر كل شىء
                          تخسر عمل بعد 11 عام عمل
                          تخسر اسرتك واولادك
                          تخسر أموالك نهائيا
                          وتحاول وتحاول ومتلاقيش غير انك ترجع لنقطة الصفر
                          أنا بقول له فى ذلك شأن وحكمه يعلمه الله سبحانه وتعالى
                          ويجب انك توصل الى مرحلة تفويض الامر كلة لله مع برضو تكرار المحاولة والدعاء لله بفك الكرب وتيسيير الامر
                          والحمد لله على كل حال

                          Comment


                          • #14
                            المشاركة الأصلية كتبت بواسطة eso101 مشاهدة المشاركة
                            لا الغني مبتلى بفلوسه عشان عاصي ولا الفقير مبتلى بفقره عشان مقصر

                            لو كنت في بلد متقدمة هتلاقي العاصي و المتدين واللاديني وضعهم الإجتماعي متساوي
                            البلد فيها مشاكل إقتصادية وقانونية وسياسية وفساد
                            والشيء دا بيخلق طبقات و بيخليه الحياة تبدو فعليًا مش عادلة ولا منطقية
                            ولكن اجتهاد الآباء بينعكس على الأبناء
                            يعني ممكن فقير يدفع تمن كسل أبوه أو خطأ جده


                            بس بلاش نبرة العداء للغني تعلى وإنه عاصي وربنا بيخليه في ذنوبه ويزيده لإنه غضبان عليه !
                            دا كلام مش صحيح طبعًا ... يعني ربنا هيعامل عبده الغني كدا ليه ؟ مش دا ظلم لفئة من عباده ؟
                            أصل الإبتلاء بالمرض هيحس الإنسان إنه مبتلى ولكن بالشكل اللي بتصوروه دا الغني عمره ماهيحس بغضب ربنا !


                            انت بتكتب الكلام ده بناء عليه


                            بمعنى ايه اللي حضرتك فهمته وبناء عليه كتبت الكلام ده
                            [COLOR=darkred] { اللَّهُ يَنْصُرُ الدَّوْلَةَ الْعَادِلَةَ وَإِنْ كَانَتْ كَافِرَةً وَلَا يَنْصُرُ الدَّوْلَةَ الظَّالِمَةَ وَإِنْ كَانَتْ مُؤْمِنَةً } " .[/COLOR]

                            Comment


                            • #15
                              مهو برضه خلينا نقول حاجة تانية !

                              يمكن الرد اللي اتقال وأقنعني شوية هو اني علشان ف مصر فحاسس كدة لأن ولآ في عدالة اجتماعية ولآ مسئولين بيتقوا ربنا والبلد مليانة فساد وغيره وغيره !

                              مهو برضه دي مشكلة تانية !

                              دلوقت أنا اي أطلع ف ظروف زي كدة وفي ناس تانية زي أبويا وأجدادي كانت ظروفهم أحسن شوية ومحاولوش يقفوا قدام الفساد ده لحد ما جدوره كترت وبقى مينفعش أصلا يتشال لأنه جزء من الدولة !
                              وع الأقل كان سهل يسافروا الخليج العراق أوروبا أمريكا ويعملوا فلوس كويسة ويهاجروا خالص بس دلوقت الموضوع بقى صعب جدا !!

                              وفي ناس تانية طالعة لقت نفسها كويتية إماراتية أمريكية ولقوا حياتهم حلوة من غير ما يعملوا حاجة !!
                              طب لي أنا اللي أطلع وسط الظروف دي !!

                              ربنا ف القرآن على لسان الملائكة

                              قَالُوا فِيمَ كُنتُمْ قَالُوا كُنَّا مُسْتَضْعَفِينَ فِي الأَرْضِ قَالُوا أَلَمْ تَكُنْ أَرْضُ اللَّهِ وَاسِعَةً فَتُهَاجِرُوا فِيهَا فَأُوْلَئِكَ مَأْوَاهُمْ جَهَنَّمُ وَسَاءَتْ مَصِيرًا

                              طيب دلوقت مثلا أنا مش هقدر أتحرك من مكاني الا لو تخليت عن مبادئ كتير عندي علشان أتماشى مع القوانين اللي الكبار حاطينها !!
                              وف نفس الوقت مش عارف أطلع بره أنجح ف مكان تاني !!
                              يعني علشان أروح الخليج في كفيل وقصة طويلة ومش هيبقالي أي حرية هناك !!
                              وعلشان أسافر اي دولة تانية أجنبية لآزم فلوس كتييييييييييييير أو حاجات تانية برضه الوصول ليها صعب ومتعب !!
                              يبقى الحل إي هنا !!

                              ظروف صعبة وعيشة غير آدمية وبحاول مش قادر أتحرك من مكاني مفيش حاجة ولآ حد مساعدني كل الطرق مقفولة !!!
                              هل ده عقاب ولآ إي !!
                              وإي سببه ولي أنا وغيري بالأخص نشيل ذنب ناس غلطت قبلنا أو ناس موجودة بتغلط ف عهدنا واحنا قليلي الحيلة جنبهم !!
                              [CENTER][COLOR=Indigo][B][COLOR=Indigo][B][B]Real Estate Broker & Agent[/B][/B][/COLOR][/B][/COLOR]
                              [COLOR=Indigo][B] [B][COLOR=DarkGreen]New Cairo[/COLOR] & [COLOR=Blue]Rehab City[/COLOR][/B][/B][/COLOR]
                              [COLOR=Indigo][B][B] 01111156170 - 01000046107[/B][/B][/COLOR][/CENTER]

                              Comment

                              Working...
                              X