If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
بالنسبة لنا كمسلمين المسلم كل ما يصيبه من مصيبة تكفر من ذنوبه سواء كان صالح أو طالح طالما لم يتعرض على قدر الله ويتسخط
هذه واحدة
الثانية الإختبار والترقية أو ما يسمى بالبلاء هو نوع خاص من المصائب والبلايا تكون من باب إختبار المسلم وكشف تصرفه الحقيقي فإن نجح فاز بعلو الدرجات الإيمانية في الدنيا والجنان في الجنة وإن لم ينجح لم يفز بذلك الأجر فهو بين أمرين أحدهما أن يكون ذلك الفشل درس له من الله يستفيد به في حياته بعد أن يعيه ويبصره ويبصره الله به والأمر الآخر أن يكون فشل يتبعه ضلال وقنوت وضياع والعياذ بالله
هذه مصائب البلايا والأذى
والنعم أيضاً هي مواد إختبار في دار الدنيا دار الإختبار فكلنا يبصر غزارة النعم وقلة الشاكرين والله تعالى قد يختبر الإنسان بالخير أو بالشر يقول الله تعالى :ـ
{ وَنَبْلُوكُم بِالشَّرِّ وَالْخَيْرِ فِتْنَةً ۖ وَإِلَيْنَا تُرْجَعُونَ (35) } سورة الأنبياء
أخيراً مطلوب منا جميعاً أن نسأل الله العافية العافية في كل حال فإن النبي صلى الله عليه وسلم قال :ـ
" مَا سُئِلَ اللَّهُ شَيْئًا أَحَبَّ إِلَيْهِ مِنْ الْعَافِيَةِ "
فإن الله قد يمن عليك بالعافية من فضله وقد يرقيك بلا إبتلاء من فضله ولا حرج على فضل الله
طيب بص خلينى اقولك حاجه كويسه مبدأ خده فى حياتك زى مفى ناس فى الغرب نجحت سواء فى الثراء او فى المجتمع او فى تكوين اسر محترمه فى مصر فى ناس كتير برضه حققت ثراء ونجاح بس الفرق انك تعيش بمبادئ مجتمعك بمعنى ان اللى نجح اكيد شكل فكره وتعامل مع الوضع بالمتاح فى البلد
وخللى بالك ان ممكن اللى انت بتشوفه سئ يكون فرصه بشكل مختلف بمعنى ان فى الغرب النظام جميل وحلو مفيش كلام ولكن النظام ده مش موجود فى بلد زى مصر تفتكر ده شئ سئ لو جاوبت بنعم يبقى انت عندك حق 100*100 ولكن لو انت شخص تانى حتشوف فى عدم النظام ده فرصه كبيره جدا يتمناها الغربي ازاى اقولك انت فى مصر ممكن موظف بنكله يعملك ورق الوزير ميقدرش يعمله "بس تعرف الدخله منين" وفى مصر ممكن تشتغل 5 سنين من غير ورق رسمى "لا ضرايب ولا يحزنون " ومحدش يعملك حاجه بعكس بره الناس بتلطم من الضرايب
وعلشان نكون واقعيين كلنا بنتمنى البلد تتغير ويبقى فيها نظام بس لحد مده يحصل استفيد باللى موجود علشان لو معملتش كده حتشوف الدنيا ضلمه
بنفس القياس شوف كل حاجه
وبرضه علشان اكون صريح معاك مش كل رجال الاعمال فى مصر حراميه ونصابين بس فى مبدأ فى البيزنس ان المليون يجيب اتنين فى ايد اللى يعرف يشغله "وحط تحت اللى يعرف يشغله دى عشرين خط" لانك علشان تعرف تشغلهم لازم يكون عندك خبره وذكاء ومجهود جبار ففى رجال اعمال وتجار "مع الفارق" عاملين ثروات بالحلال .
ولكن السؤال المنطقى دلوقتى اجيب منين الفلوس اللى اشتغل بيها علشان مضيعش وقتك فى فكره موجوده فى كتاب حتفيدك فى الموضوع ده "كتاب اغنى رجل فى بابل" لو فهمتها وطبقتها حتقدر تعمل راس مالك او نواه شغلك وانت بتاخد الخبره الازمه لتشغيله
السؤال اشتغل ايه اولا انسي شهادتك لو كنت واخد شهاده زى اغلب الناس "كليه نظريه بتقدير متوسط" لانك لو اتوظفت انسي انك تكون مختلف عن باقى الموظفين شوف انت بتحب ايه واعمله وانسي كلام الناس
ولك ان تعلم ان اقل صنايعى فى اى مهنه بياخد فلوس اكتر من مدير حكومى ولكن مفيش حد فيهم"ولا المدير ولا الصنايعى" بيعمل ثروه لانه بيخاف عارف ليه علشان يا عنده مسؤليه يا بيعمل لنفسه مسؤليه عارف ايه المسؤليه القاتله دى "الاسره" فرصتك تعمل نواه شغلك قبل متكون اسره لانك لو كونت اسره انسي انك تقدر تشتغل بقلب ميت او انك تدخل صفقه وانت عارف انك ممكن تخسر فلوسك
حاول تبنى نفسك وتخللى العجله تلف قبل متكون اسرتك "دى حاجه صعبه وليها استثناءات بس دى وجهه نظرى الشخصيه"
اخيرا حاول تعمل الحاجه اللى انت عايزها بمعنى انك لو عايز تكون ثروه اشتغل الشغل اللى يكسبك فلوس اكتر بالحلال لو عايز تكون مبدع فى مجال ما اشتغل ولو من غير فلوس علشان تقدر تلم بالموضوع ويبقى عندك فرصه للابداع لو حلمك تكون اسره محترمه"ودى مش حاجه سهله خاصه تربيه الاولاد" اعمل اسره فى اقرب وقت وخللى هدفك انك تربي اولاد ينفعوا الاجيال اللى جايه .
بلاش تيأس مهما كانت الدنيا ضلمه حاول تشوف الفرص وتستغلها.
تحياتى.
ودى اكتر مشاركه عجبتنى
لان فعلا انا كمان تفكيرى انى احقق هدفى او جزء بسيط منه بحيث يحطنى على اول الطريق قبل ما افكر فى الجواز لانى شايف انه هايبقى عقبه قدامى
كمان انا فعلا الهدف الللى عايز احققه محتاج فلوس
عشان كده انا بشتغل من وانا فى الكليه اهو وبحاول ادور على اى وسيله تحققلى غايتى ولسه فاضلى سنتين كل اللى بتمناه انى لما اتخرج اقدر احقق جزء من اللى انا عايزه قبل فكره الجواز دى مش مشكله كمان اتجوز بعد ال30 المهم اوصل للى انا عايزه
موضوع جميل جداااا وككل الاسئله اللى بتسألها بتدور فى دماغى انا كمان
ودى اكتر مشاركه عجبتنى
لان فعلا انا كمان تفكيرى انى احقق هدفى او جزء بسيط منه بحيث يحطنى على اول الطريق قبل ما افكر فى الجواز لانى شايف انه هايبقى عقبه قدامى
كمان انا فعلا الهدف الللى عايز احققه محتاج فلوس
عشان كده انا بشتغل من وانا فى الكليه اهو وبحاول ادور على اى وسيله تحققلى غايتى ولسه فاضلى سنتين كل اللى بتمناه انى لما اتخرج اقدر احقق جزء من اللى انا عايزه قبل فكره الجواز دى مش مشكله كمان اتجوز بعد ال30 المهم اوصل للى انا عايزه
وخدو بالكو من حاجه ان يمكن بسبب ظروف البلد السيئه دى حولت صوره النجاح بالنسبه لينا واختزله فى الفلوس لان دى العقبه قدام اى شاب
طيب بص فرصتك فى السنتين اللى فاضلين فى جامعتك انك تجرب تشتغل اكتر من حاجه وتجرب اكتر من تجاره بالاضافه انك تجنب جزء من دخلك كتحويشه حتى لو كانوا مبلغ صغير جدا وانت فى الجامعه اشتغل فى الملابس والكمبيوتر والمحمول واغلب المجالات ولو مقدرتش تشتغل فيهم اقرأ عنهم واقعد مع تجار شغالين فى المجالات المختلفه وصاحبهم وحاول تشوف كل بيزنس ايه مميزاته وعيوبه
علشان لما تتخرج وتحب تعمل بيزنس اولا تختار بيزنس انت مقتنع بيه وثانيا تلاقى حد يسندك او على الاقل يفتحلك سكته وبرضه حتكون اخدت ما يسمى "بقفا السوق" مع اعتذارى عن اللفظ بس ده الواقع فحتقدر تقف على رجلك تانى
اخيرا مصر من اكتر الشعوب الاستهلاكيه فى الكون بدليل ان اى حد قبل ميفكر يحوش بيفكر يغير موبايله ويشتري هدوم ويحدث اللاب وهكذا فالسوق المصري برغم انه بعافيه بقاله كام سنه وخاصه اخر كام شهر الا ان الناس بتفتح فروع جديده وعندها امل ان فى فتره ما حيرجع السوق تانى
اما بالنسبه لسؤالك تعرف امتى انك فشلت فدى معضله جامده لان اول اخفاق دايما بيكون ضريبه التعلم وتانى اخفاق ممكن يكون بسبب قهرى بس ثالث اخفاق فى نفس المجال دليل واضح انك بتشتغل فى المجال ده بشكل غلط ومش عارف تصلحه ولازم تغير نشاطك بشكل فورى .
اخيرا دايما خللى دخلك متقسم 3 اجزاء جزء استهلاكى وجزء تحوشه "تجمده"فى اى صوره استثمار امن وجزء تلعب بيه فى البيزنس وتكون على اتم استعداد ان الجزء ده ممكن يتضاعف او يضيع او يفضل زى مهو .
بس هو إي اللي ممكن الإنسان ينجح فيه وإي المقياس برضه !
يعني لآزم حاجة تكون بشهادتي ولآ حاجة بحبها ولآ حاجة بتجيب فلوس ؟!!؟
مفيش مقياس ممكن تشتغل بشهادك فى مجال بتحبه وتجيب فلوس
وممكن تشتغل بشهادك ومتكونش مبسوط وتعمل فلوس
وممكن متشتغلش بشهادك وتكون مبسوط ومتعملش فلوس
وهكذا
السؤال انت عايز ايه تشتغل بشهادك ده متاح بس تتحمل اختمالات انك تخسر العاملين التانيين
او تشتغل حاجه بتحبها وبرضه احتمالات تخسر الاحتمالين التانيين
او تعمل فلوس كتير جدا بس تضحى بالباقى
محدش بياخد كل حاجه دايما بيبقى فى مقابل لكل حاجه بتكسبها شوف تقدر تضحى بأيه واتمسك بالباقى حتعيش مرتاح وحيفضل ده القرار اللى انت اخدته ومهما حصل حتتقبله بس قبل متفكر فى اللى انت عايزه فكر فى اللى انت مستعد تضحى بيه .
تحياتى.
http://store2.up-00.com/2015-11/1448722430351.jpeg[CENTER]my new car [/CENTER]
eslamrace ماشاء الله عليك ردودك جاهزة ومقنعة جدا وواقعية
بس أنا حابب بشكل شخصي أدردش شوية معاك علشان متلخبط ومش عارف أختار !!
ياريت تسيبلي رقمك فى كومنت أو تبعته ف رسالة خاصة وأكون شاكر جدا ليك
besso ف السنتين دول اعمل اللي أستاذ إسلام قالك عليه ولآزم لآزم لآزم تتعلم انجليزي وتبقى فليونت فيه لأن ده هيفتحلك سكك كتييييييييييييييير ممتازة بعد التخرج
بص ..هو عموما تسعين في المائه من نجاحك مرتبط بخروجك من البلد دي ..يعني إنت أحسن من زويل ..زويل ما شافش النور غير لما سابها وطلع على بره ..إنت بتقول إنت وإنت في الجيش طلعت بره الصندوق ..باقي بقى تطبع بره البلد دي أصلا
طيب بص فرصتك فى السنتين اللى فاضلين فى جامعتك انك تجرب تشتغل اكتر من حاجه وتجرب اكتر من تجاره بالاضافه انك تجنب جزء من دخلك كتحويشه حتى لو كانوا مبلغ صغير جدا وانت فى الجامعه اشتغل فى الملابس والكمبيوتر والمحمول واغلب المجالات ولو مقدرتش تشتغل فيهم اقرأ عنهم واقعد مع تجار شغالين فى المجالات المختلفه وصاحبهم وحاول تشوف كل بيزنس ايه مميزاته وعيوبه
علشان لما تتخرج وتحب تعمل بيزنس اولا تختار بيزنس انت مقتنع بيه وثانيا تلاقى حد يسندك او على الاقل يفتحلك سكته وبرضه حتكون اخدت ما يسمى "بقفا السوق" مع اعتذارى عن اللفظ بس ده الواقع فحتقدر تقف على رجلك تانى
اخيرا مصر من اكتر الشعوب الاستهلاكيه فى الكون بدليل ان اى حد قبل ميفكر يحوش بيفكر يغير موبايله ويشتري هدوم ويحدث اللاب وهكذا فالسوق المصري برغم انه بعافيه بقاله كام سنه وخاصه اخر كام شهر الا ان الناس بتفتح فروع جديده وعندها امل ان فى فتره ما حيرجع السوق تانى
اما بالنسبه لسؤالك تعرف امتى انك فشلت فدى معضله جامده لان اول اخفاق دايما بيكون ضريبه التعلم وتانى اخفاق ممكن يكون بسبب قهرى بس ثالث اخفاق فى نفس المجال دليل واضح انك بتشتغل فى المجال ده بشكل غلط ومش عارف تصلحه ولازم تغير نشاطك بشكل فورى .
اخيرا دايما خللى دخلك متقسم 3 اجزاء جزء استهلاكى وجزء تحوشه "تجمده"فى اى صوره استثمار امن وجزء تلعب بيه فى البيزنس وتكون على اتم استعداد ان الجزء ده ممكن يتضاعف او يضيع او يفضل زى مهو .
مفيش مقياس ممكن تشتغل بشهادك فى مجال بتحبه وتجيب فلوس
وممكن تشتغل بشهادك ومتكونش مبسوط وتعمل فلوس
وممكن متشتغلش بشهادك وتكون مبسوط ومتعملش فلوس
وهكذا
السؤال انت عايز ايه تشتغل بشهادك ده متاح بس تتحمل اختمالات انك تخسر العاملين التانيين
او تشتغل حاجه بتحبها وبرضه احتمالات تخسر الاحتمالين التانيين
او تعمل فلوس كتير جدا بس تضحى بالباقى
محدش بياخد كل حاجه دايما بيبقى فى مقابل لكل حاجه بتكسبها شوف تقدر تضحى بأيه واتمسك بالباقى حتعيش مرتاح وحيفضل ده القرار اللى انت اخدته ومهما حصل حتتقبله بس قبل متفكر فى اللى انت عايزه فكر فى اللى انت مستعد تضحى بيه .
تحياتى.
eslamrace ماشاء الله عليك ردودك جاهزة ومقنعة جدا وواقعية
بس أنا حابب بشكل شخصي أدردش شوية معاك علشان متلخبط ومش عارف أختار !!
ياريت تسيبلي رقمك فى كومنت أو تبعته ف رسالة خاصة وأكون شاكر جدا ليك
besso ف السنتين دول اعمل اللي أستاذ إسلام قالك عليه ولآزم لآزم لآزم تتعلم انجليزي وتبقى فليونت فيه لأن ده هيفتحلك سكك كتييييييييييييييير ممتازة بعد التخرج
انا فعلا بشتغل فى مجالى دراستى لان حاببه اصلا ... انا دراستى فى مجال تكنولوجيا السيارات وبشتغل فى مركز خدمه كنت بتدرب الاول وبعدين لما كملت اثناء الدراسه بقت بشتغل ...وحاليا بحاول اعمل شغل على اليوتيوب بردو تبع العربيات :) (شرح للمجال نفسه وكمان ريفيوز وهكذا)
انا حلمى بردو فى السيارات (رخم انا اوى)
بس بردو زى ماقولتلكوا انا مش عارف امتى اقول مثلا انى لا انا ضيعت وقت كتير ولسه ماوصلتش لا لازم اغير طريقى من غير تغيير الهدف
فرضان انا خلصت الكليه ومكنتش لسه قدرت اطلع السلم
بردو مش فاهم على قد ما انا عارف عوامل النجاح والفشل بس مش قادر احدد
امتى اقول انى فشلت
ايه اللى اقدر اعملوا تانى ... لانى فعلا مستعجل جداااااااااااااا دايما الصوره اللى متخيلها لمتسقبلى اللى انا عايزه قدامى دايما واقول امتى اوصل
اقولكوا على حاجه ليا كذا واحد قريبى تعبو اوى فى حياتهم وعانو كتير لحد لما وصول لمكانه كويسه جدا ماديا واجتماعيا بس بقعد اقول لنفسى شوف هما قعدو كام سنه لحد لما وصلوا للمستوى ده حد فيهم ياترا انا هاستنى لما ابى فى سنهم عشان اقول انا فعلا وصلت ولا لأ بمعنى اصبر تانى واكمل ولا اقف
وبكلم نفسى واقول امتى ابقى زيهم او زى غيرهم كتير من الشخصيات الناجحه
ويمكن فعلا لو خرجنا بره البلد ننجح ويمكن العكس - ده اذا قدرت اقرر اصلا انى اسافر ولا اكمل هنا ... الاسئله عماله تدور وسؤال بيجيب التانى
مشوار النجاح مش سهل فعلا
انا مصمم علي بلوغ الهدف ...اما ان انجح واما ان انجح
انا فعلا بشتغل فى مجالى دراستى لان حاببه اصلا ... انا دراستى فى مجال تكنولوجيا السيارات وبشتغل فى مركز خدمه كنت بتدرب الاول وبعدين لما كملت اثناء الدراسه بقت بشتغل ...وحاليا بحاول اعمل شغل على اليوتيوب بردو تبع العربيات :) (شرح للمجال نفسه وكمان ريفيوز وهكذا)
انا حلمى بردو فى السيارات (رخم انا اوى)
بس بردو زى ماقولتلكوا انا مش عارف امتى اقول مثلا انى لا انا ضيعت وقت كتير ولسه ماوصلتش لا لازم اغير طريقى من غير تغيير الهدف
فرضان انا خلصت الكليه ومكنتش لسه قدرت اطلع السلم
بردو مش فاهم على قد ما انا عارف عوامل النجاح والفشل بس مش قادر احدد
امتى اقول انى فشلت
ايه اللى اقدر اعملوا تانى ... لانى فعلا مستعجل جداااااااااااااا دايما الصوره اللى متخيلها لمتسقبلى اللى انا عايزه قدامى دايما واقول امتى اوصل
اقولكوا على حاجه ليا كذا واحد قريبى تعبو اوى فى حياتهم وعانو كتير لحد لما وصول لمكانه كويسه جدا ماديا واجتماعيا بس بقعد اقول لنفسى شوف هما قعدو كام سنه لحد لما وصلوا للمستوى ده حد فيهم ياترا انا هاستنى لما ابى فى سنهم عشان اقول انا فعلا وصلت ولا لأ بمعنى اصبر تانى واكمل ولا اقف
وبكلم نفسى واقول امتى ابقى زيهم او زى غيرهم كتير من الشخصيات الناجحه
ويمكن فعلا لو خرجنا بره البلد ننجح ويمكن العكس - ده اذا قدرت اقرر اصلا انى اسافر ولا اكمل هنا ... الاسئله عماله تدور وسؤال بيجيب التانى
مشوار النجاح مش سهل فعلا
انت كده تمام "ماشاء الله" يعنى كون انك بتشتغل فى مجال بتحبه وهو نفس مجال دراستك ده فى حد ذاته نجاح يبقى فاضل انك تطور نفسك خاصه ان مجالك واسع جدا وممكن تبتكر وتشتغل وتتاجر وتتشهر فى المجال ده
ربنا يكرمك وتقدر تثبت نفسك وخللى بالك كل مجهود انت بتعمله انت بتكسب منه سواء فلوس او خبره او شهره ومتقلقش من الفشل لانك لو حطيته فى دماغك حيعطلك انت ادرس كل خطوه بتعملها واعملها صح وتوقع جزء من السلبيه اثناء التنفيذ وتوكل على الله ومهما حصل خليك مقتنع انك يوم محتكون لازم تغير نشاطك او طريقه شغلك حتكون انت اول واحد عارف الكلام ده وحيبقى واضح قدامك مش حتحتاج حد يقولك
ولو جالك فرصه سفر جرب مش حتخسر حاجه بالعكس حتتعلم كتير جدا حتى لو سفر سياحه
اتمنالك النجاح والتوفيق وتحقق ما تتمناه
تحياتى .
http://store2.up-00.com/2015-11/1448722430351.jpeg[CENTER]my new car [/CENTER]
انت كده تمام "ماشاء الله" يعنى كون انك بتشتغل فى مجال بتحبه وهو نفس مجال دراستك ده فى حد ذاته نجاح يبقى فاضل انك تطور نفسك خاصه ان مجالك واسع جدا وممكن تبتكر وتشتغل وتتاجر وتتشهر فى المجال ده
ربنا يكرمك وتقدر تثبت نفسك وخللى بالك كل مجهود انت بتعمله انت بتكسب منه سواء فلوس او خبره او شهره ومتقلقش من الفشل لانك لو حطيته فى دماغك حيعطلك انت ادرس كل خطوه بتعملها واعملها صح وتوقع جزء من السلبيه اثناء التنفيذ وتوكل على الله ومهما حصل خليك مقتنع انك يوم محتكون لازم تغير نشاطك او طريقه شغلك حتكون انت اول واحد عارف الكلام ده وحيبقى واضح قدامك مش حتحتاج حد يقولك
ولو جالك فرصه سفر جرب مش حتخسر حاجه بالعكس حتتعلم كتير جدا حتى لو سفر سياحه
اتمنالك النجاح والتوفيق وتحقق ما تتمناه
تحياتى .
تمام
حضرتك حمستنى اكتر والله
انا مصمم علي بلوغ الهدف ...اما ان انجح واما ان انجح
Comment