عايز أركب ماتور مياة لشقتى

[yalahwy2010]

لخبراء المواتير
انا شقتى فالدور الرابع (التالت علوى)....المياة عندى ساعات بتبقى ضعيفة....وساعات معقولة.....لكن الحمد لله بتوصل.....
خط المياة واصل لى لوحدى (البيت بيتنا).....الشقتين اللى اتحت على خط....وانا على خط لوحدى
وعايز أجيب موتور يخللى المياة عندى قوية....أجيب ايه.....بس يكون سعره كويس.....ولو كالبيدا.....يعمل كام وكام حصان
ويا ريت أسعار البالونة والأوتوماتيك كام
والسباك اللى هيركبه........ياخد كام
معلش الأسئلة كتيرة.........استحملونى

[J A G U A R]

هات ماركه تكون ايطالي زى كالبيدا مثلا
ولو استعمال مفيش مشاكل ونص حصان هايجيبلك ضغط قوى
وابعد عن الصينى الجديد
والسباك على حسب وقته
من 20 ل 50

[lonedoctor]

خليك فى موتور كالبيدا هو افضل نوع اثبت كفاءة
دلوقت فى اتوماتيك بدون بالون ووالكلام ده بيشتغل ويقصل لوحدة مع فتح الحنفية ويديك ضغط ماية هايل اشتريته ايطالى ب 220 ج
خلاص راحت على البالونة والكلام ده والسباكين عارفينه دلوقت لانه انتشر

[elkorany]

متابع

[yalahwy2010]

وسعر الكالبيدا النص حصان كام؟

[yalahwy2010]

يعني اتوكل علي الله واجيب كالبيدا نص حصان والفلوماك بتاعه؟

[مُصْطٓفٓى]

نص حصان كالبيدا بس اطمن انه اصلي مش تقليد ان شاء الله

[yalahwy2010]

اعرف افرق ازاي الاصلي من التقليد؟

[مُصْطٓفٓى]

اعرف افرق ازاي الاصلي من التقليد؟

اشتري من وكيل لكالبيدا

[ابو سيف]

انا محتار زييك بالظبط بس الراجل قالي متجيبش الكالبيدا النص حصان عشان مش عارف ايه كدا صغير وبيتكتم مع الوقت وعشان كدا سعره رخيص ٥٥٠ جنيه اما الحصان ١٥٥٠ فيه انواع ايطالي كتير اوي وكل واحد بيقول ع اللي بيبيعه احسن حاجة
عموما انا لاقيت واحد اسمه اكواتك ايطالي حصان ب ٨٢٥ جنيه تقريبا وبيشكر قيه اوي وبيقول انه معاه ضمان ٥ سنين !!

[مُصْطٓفٓى]

انا محتار زييك بالظبط بس الراجل قالي متجيبش الكالبيدا النص حصان عشان مش عارف ايه كدا صغير وبيتكتم مع الوقت وعشان كدا سعره رخيص ٥٥٠ جنيه اما الحصان ١٥٥٠ فيه انواع ايطالي كتير اوي وكل واحد بيقول ع اللي بيبيعه احسن حاجة
عموما انا لاقيت واحد اسمه اكواتك ايطالي حصان ب ٨٢٥ جنيه تقريبا وبيشكر قيه اوي وبيقول انه معاه ضمان ٥ سنين !!

الفرق بين النص حصان والحصان
ان الموتور الحصان فيه إمكانية التحضير يعني لو مفيش مياه في المواسير بيحاول يسحبها بقوة
لكن النص حصان اللي هو 45% حصان مهمته ان بيرفع المياه لو موجودة في المواسير وبشكل قوي جدا خصوصا لو المواسير قطرها مش كبير جدا
والاستاذ صاحب الموضوع بيقول ان المياه ضعيفة مش مقطوعة

انا كنت شغال بنص حصان وكان بيطلع الدور السادس زي الفل
لحد ما الجيران كلهم ركبوا مواتير وضغط المياه قل في الشارع

[yalahwy2010]

المياة الحمد لله ساعات كمان بتبقي قوية...لكن اقدر اقول انها موجودة الحمد لله ...مابتقطعش.....ممكن تدلوني علي مكان وكيل كالبيدا فالقاهرة...اصل انا من الشرقية واكيد مافيش وكيل هنا

[salodas]

ش الجمهورية ... هتلاقى توكيل كالبيدا وهيديك ضمان (غالبا مش أكتر من سنه) .... انا ساكن فى عمارة 5 ادوار ومركب حوالى موتور 2 حصان للعمارة كلها ... ممتاز ... وطبعا بشغله فى رمضان بس عشان الميه بتضعف فى الوقت ده .
البشمهندز السباك أخد 300 تركيب .