معلومات عن الاستثمار الزراعي في السودان

[eslamrace]

طيب السؤال هل استصلاح الاراضى فى مصر فى مناطق زى النوباريه او وادى النطرون غير مجزى ومش بيحقق عوائد تقترب من الاستثمار فى السودان بعد توضيحات المشاكل المتعلقه بالانتاجيه هناك

محتاج توضيح اكتر للنقطه دى؟؟؟
تحياتى

[MaZaGAngeE]

استصلاح الاراضي مشاكل بالهبل و خراب بيوت و نصب للصبح… الا لو انت فلاح و هتزرع بنفسك مش هتدير و تجيب عمال يومية او خفير بمرتب شهري… .

[Bassem Youssef]

طيب السؤال هل استصلاح الاراضى فى مصر فى مناطق زى النوباريه او وادى النطرون غير مجزى ومش بيحقق عوائد تقترب من الاستثمار فى السودان بعد توضيحات المشاكل المتعلقه بالانتاجيه هناك

محتاج توضيح اكتر للنقطه دى؟؟؟
تحياتى

الاراضي غاليه علي ما اعتقد زي ما اي حاجه غاليه في البلد دي

و الفلاحيين مش زي زمان لانهم عاشوا في المدن و سابوا الريف

انا بتكلم بشكل عام و بعدين في مشكله تانيه اساسيه

حضرتك عارف احنا كمصريين بنشتغل بضمير ازاي :d

استصلاح الاراضي مشاكل بالهبل و خراب بيوت و نصب للصبح… الا لو انت فلاح و هتزرع بنفسك مش هتدير و تجيب عمال يومية او خفير بمرتب شهري… .

قصدك علي مصر و لا السودان ؟؟؟؟

[Xander2010_Evo]

طب بالنسبة للوضع في السودان .. هل أنا كمستثمر مثلآ زرعت أرض والمحصول عاوز أصدره هينفع ولا لأ لازم فالسوق المحلي فالسودان بس؟

[MTAK]

ما تريح دماغك من ده كله

و مشوار للسفاره و الناس هناك بالامانه متعاونه جدا

و مشوار تانى لحد هناك (الدخول لا يحتاج فيزا ) و ادرس الموضوع على ارض الطبيعه

[Bassem Youssef]

ما تريح دماغك من ده كله

و مشوار للسفاره و الناس هناك بالامانه متعاونه جدا

و مشوار تانى لحد هناك (الدخول لا يحتاج فيزا ) و ادرس الموضوع على ارض الطبيعه

مشوار السفاره صعب عليا لاني خارج القاهره

كده كده ان شاء الله هيبقي في دراسه علي الطبيعه

بس لازم اعرف التفاصيل الكامله قبل ما امشي من مصر

[MaZaGAngeE]

الاراضي غاليه علي ما اعتقد زي ما اي حاجه غاليه في البلد دي

و الفلاحيين مش زي زمان لانهم عاشوا في المدن و سابوا الريف

انا بتكلم بشكل عام و بعدين في مشكله تانيه اساسيه

حضرتك عارف احنا كمصريين بنشتغل بضمير ازاي :d



قصدك علي مصر و لا السودان ؟؟؟؟

علي مصر بناء علي تجربة شخصية مريرة… .. و خسرت كتير بس عوضت خسارتي من بيع الارض نفسها…

اما السودان سمعت من زملا ليا انهم اخدوا ارض هناك و زرعوها بس السودانيين مش بتوع شغل و جابوا فلاحين من مصر و شاركوهم عليها… و كسبوا منها كويس لحد ما طمعوا و زرعوا طماطم بمساحه كبيره و خسروا فيها كتير ..و رجعوا مصر لما خلصوا مصنع الاسمنت اللي كانوا بيشتغلوا في بناه..

[mif]

الزراعة هناك اخر حلاوة و احلى خضار و فاكهة تاكلهم في حياتك اساسا

انت شكلك قضيت فترة كبيرة فى السودان

بس على فكرة
مصر و السودان زمان كانوا دولة واحدة من الاف السنين

[mif]

كذبة و فرية افتراها المصريون على السودانيين

مش كذبة و لا افترى

الناس بتتكلم من ارض الواقع

السودان فيها ارض ممكن تاكل العالم كله و رغم ذلك مش اجتهاد فى المجال الزراعي

[mif]

المشكلة ان الارض فعلا هناك رخيصة ولــــــــكن
مشكلة كبيرة جدا في الانتاجيات بسبب عدم اهتمام السودانيين بابحاث التقاوي
يعني انتاجية الفدان هناك من القمح لا تتعدى 3 اردب ...............في مصر هنا 18 الى 20 اردب
انتاجية الذرة بانواعة 2 اردب في مصر في حدود 20 اردب
وقيس على الباقي
بجانب عدم توفر الاسمدة
بجانب ان الحكومة بتاخد جزء كبير من المحصول اللي هو ضعيف اصلا ك ضرايب
الموضوع مش وردي للاسف

حتة الضرايب دي فعلا مقرفة جدا فى السودان
تحس ان المتحكم فى الضريبة مش الدولة و مجموعات من السلطويين زى بتوع المجالس المحلية عندنا كدا

[رحالة]

خدني معاك يا سي دوني

[Ladawy]

سودان ايه بس يا جماااعة !!

استصلاح الاراضى هنا على ودنه ،، فيه اماكن معينة للاستصلاح معروفة بالاسم ،، و الناس بالفعل بيجمعوا انفار و فى عربيات و يروحوا على الاراضى يشتغلوا و يرجعوا

يا ريت لو حد عنده معلومة عن الاماكن و الاراضى دى يقولنا ،، مش نسيبها و نروح السودان
.
و على فكرة الاراضى دى مش سرية ولا نوادر يعنى ، بس انا علشان ماليش فى الموضوع ده ف ماعنديش معرفة بيها
ربنا يعينه بقى اللى كان شغال فى استصلاح الاراضى دى ، للأسف مختفى من شهور علشان اخوان !