بطاقة رقم قومى (بدل فاقد)

[Mohamed.Muslim]

أي بيانات قديمة بتفضل زي ما هي لحد ما تقدم بيانات جديدة تلغي البيانات القديمة
يعني بطاقتك القديمة طالب يبقى هتفضل طالب من غير ما تحتاج أي إثبات من الكلية
عنوانك القديم على مكان معين هيفضل زي ما هو ومش هتحتاج تثبته لحد ما تقدم بيانات جديدة لعنوانك الجديد لو حبيت تغيره



المتخلف عن الجيش لو وقع تحت ايديهم بيبقى برده في قضية وحبس لكن أعتقد ممكن يكون الحكم مخفف شوية عن الهربان بس الاتنين بياخدوا أحكام ، بس متقلقش تجديد البطاقة أو الرخصة وما شابه ملوش دعوة بالتجنيد لكن حاول تبعد عن أي موطن شبهة علشان لو وقعت تحت إيد الشرطة العسكرية مثلا لا قدر الله هما دول اللي ممكن يفتشوا عن موقفك من التجنيد ويأذوك لكن مصالح الأحوال المدنية أو أقسام الشرطة العادية وإدارات المرور وما شابه ملهاش علاقة بحوار التجنيد والجيش إلا بقى لو طلعوا قانون جديد !

فيه حاجة عايز أوضحها , بالنسبة للمتخلف عن التجنيد تحت 30 سنة , يعنى اللى مقدمش ورق خالص , القانون بيقول ان عقوبته انه يتجند بدون ارجاء يعنى يكشف طبى و لو اتقبل ( و طبعا ده حيتقبل الا لو فيه اعاقة واضحة زى الشمس ) مش حيسمع ارجاء زى الناس العادية و كمان يخدم سنة زيادة ( هى فى الواقع 45 يوم ) ,, أما لو اتمسك ففى محامى قالى انهم بيبيتوه فى القسم و و تقريبا بيبعتوا الشرطة العسكرية تيجى تتعامل معاه , مش فاكر قالى ايه بعد كده , بس أنا فاكر انه قالى الأفضل تخلص فى ساعتها كأن مفيش حاجة حصلت لكن الأكيد ان مفيهاش سجن زى المتهرب من التجنيد ...

[Muhammed Samy]

عليا
أنا لسة مروحتش أسوي موقفي للأسف متردد شوية لأني ملتحي لكن كل الناس بتروح وبتبقى غرامة عادي أعتقد متوسطها أقل من ٤٠٠٠ جنيه والقانون أيوة في حبس أو غرامة أو الاتنين بس مسمعتش لحد دلوقتي عن حد اتحبس بسبب الموضوع ده

طيب دى مشكلة, انا لقيت ان فى تعديل للقانون ده بيقول, "جاء فى تعديل قانون خدمة الصف والجنود «يوفر القانون تدبير احتياجات الشرطة من الأفراد المجندين بقرار من وزير الدفاع بناء على طلب من وزير الداخلية»، وغلظ القانون الغرامة الخاصة بالتخلف عن مرحلة الفحص أو التجنيد وأطلق عقوبة الحبس فيها، وحدد القانون تحديد بدء مدة الخدمة العسكرية الإلزامية من تاريخ انضمام المجند إلى السلاح الموزع عليه"
انا كمان بنتمى لحزب دينى...اعتقد انه مش مفضل بالنسبة للقوات المسلحة! انا شخصياً مش ملتحى بس اخوانى و والدى ملتحيين, و بالتالى خايف اتعامل معاملة مختلفة بسبب الانتماء ده. و نقطة "و أطلق عقوبة الحبس فيها" دى مش مطمنانى بصراحة.

[Karim Alaa]

انا حاولت اعملها اونلين و المهنه طالب رفض و قالى سنك 26 سنه مينفعش اكنبلك طالب من غير ختم الكليه بعد 22 سنه لو خلصت هات الشهاده و تعالى اعمله فى العباسيه و هتجيلك برضه لحد البيت بس نشوف الشهاده لو مخلصتش اختمها من الكليه ده كلامهم لما حاولت من كام سنه اعملها اونلين عشان الكليه مكنتش عايزه تختم عشان المصاريف ساعتها

[أبو آسر]

طيب دى مشكلة, انا لقيت ان فى تعديل للقانون ده بيقول, "جاء فى تعديل قانون خدمة الصف والجنود «يوفر القانون تدبير احتياجات الشرطة من الأفراد المجندين بقرار من وزير الدفاع بناء على طلب من وزير الداخلية»، وغلظ القانون الغرامة الخاصة بالتخلف عن مرحلة الفحص أو التجنيد وأطلق عقوبة الحبس فيها، وحدد القانون تحديد بدء مدة الخدمة العسكرية الإلزامية من تاريخ انضمام المجند إلى السلاح الموزع عليه"
انا كمان بنتمى لحزب دينى...اعتقد انه مش مفضل بالنسبة للقوات المسلحة! انا شخصياً مش ملتحى بس اخوانى و والدى ملتحيين, و بالتالى خايف اتعامل معاملة مختلفة بسبب الانتماء ده. و نقطة "و أطلق عقوبة الحبس فيها" دى مش مطمنانى بصراحة.

انت لسة ٢٣ سنة يعني علشان تقعد مستني لحد سن ٣٠ سنة علشان تعمل التصالح وتدفع الغرامة وتاخد الشهادة هتقعد ٧ سنين في قلق وخوف ومش هتعرف تشتغل ولا تسافر فنصيحة حاول تخلص من الحوار ده وتقدم وتقضي المدة بتاعتك ولو الموضوع هيزيد ٤٥ يوم خدمة زي ما الإخوة قالوا فمش هتفرق كتير بس تاخد الشهادة وتخلص

انا حاولت اعملها اونلين و المهنه طالب رفض و قالى سنك 26 سنه مينفعش اكنبلك طالب من غير ختم الكليه بعد 22 سنه لو خلصت هات الشهاده و تعالى اعمله فى العباسيه و هتجيلك برضه لحد البيت بس نشوف الشهاده لو مخلصتش اختمها من الكليه ده كلامهم لما حاولت من كام سنه اعملها اونلين عشان الكليه مكنتش عايزه تختم عشان المصاريف ساعتها

كده ممكن يكون كلامك انت صح وأنا كان قصدي لو مكتوب في بطاقتك القديمة حاصل على كذا يبقى مش هتحتاج إثبات جديد وهتفضل زي ما هي حاصل على لكن لو طالب فعلا ممكن يطالبوك بإثبات من الكلية

[Muhammed Samy]

انت لسة ٢٣ سنة يعني علشان تقعد مستني لحد سن ٣٠ سنة علشان تعمل التصالح وتدفع الغرامة وتاخد الشهادة هتقعد ٧ سنين في قلق وخوف ومش هتعرف تشتغل ولا تسافر فنصيحة حاول تخلص من الحوار ده وتقدم وتقضي المدة بتاعتك ولو الموضوع هيزيد ٤٥ يوم خدمة زي ما الإخوة قالوا فمش هتفرق كتير بس تاخد الشهادة وتخلص

الظاهر مفيش قدامى حل غير كده فعلاً و أمرى لله. انا بتعالج نفسياً من "الرهاب الاجتماعى" بقالى 5 سنين, يعنى مش بقدر أكون متواجد فى اى مكان فى ناس كتير او فى بيئة مضطر اتعامل مع ناس و اتشارك معاهم كل حاجة بشكل يومى, لكن طبعاً الجيش مش بيهتم بأى حاجة متعلقة بالصحة النفسية ولا المشاكل النفسية. شكرًا ليكم على وقتكم و اهتمامكم.

[أبو آسر]

الظاهر مفيش قدامى حل غير كده فعلاً و أمرى لله. انا بتعالج نفسياً من "الرهاب الاجتماعى" بقالى 5 سنين, يعنى مش بقدر أكون متواجد فى اى مكان فى ناس كتير او فى بيئة مضطر اتعامل مع ناس و اتشارك معاهم كل حاجة بشكل يومى, لكن طبعاً الجيش مش بيهتم بأى حاجة متعلقة بالصحة النفسية ولا المشاكل النفسية. شكرًا ليكم على وقتكم و اهتمامكم.

معلش متدراش يمكن دخولك الجيش يكون سبب في علاجك من الموضوع ده شفاك الله وعافاك
أهم حاجة تشوف واسطة أو تدفع فلوس علشان تخدم في حاجة إدارية بعيدة كل البعد عن الاشتباكات والضرب واللي بيحصل ده

[Muhammed Samy]

معلش متدراش يمكن دخولك الجيش يكون سبب في علاجك من الموضوع ده شفاك الله وعافاك
أهم حاجة تشوف واسطة أو تدفع فلوس علشان تخدم في حاجة إدارية بعيدة كل البعد عن الاشتباكات والضرب واللي بيحصل ده

متشكر ربنا يكرمك. معرفش حد مهم فى المؤسسة العسكرية. لو حضرتك تعرف حد بيقدم الخدمة دى مقابل فلوس ياريت تقولى عليه, معنديش مانع ادفع له.

[أبو آسر]

متشكر ربنا يكرمك. معرفش حد مهم فى المؤسسة العسكرية. لو حضرتك تعرف حد بيقدم الخدمة دى مقابل فلوس ياريت تقولى عليه, معنديش مانع ادفع له.

ده طلب تقديم رشوة علني وصريح خلي بالك ههههههههه
أنا للأسف معرفش وسايط برده في السلك ده ولو كنت أعرف كنت خلصت نفسي وأخدت الشهادة من بدري :)
انت دور في العيلة عندك أكيد هتلاقي حد يعرف واسطة ولو من بعيد

[Muhammed Samy]

ده طلب تقديم رشوة علني وصريح خلي بالك ههههههههه
أنا للأسف معرفش وسايط برده في السلك ده ولو كنت أعرف كنت خلصت نفسي وأخدت الشهادة من بدري :)
انت دور في العيلة عندك أكيد هتلاقي حد يعرف واسطة ولو من بعيد

هههههههه ما انا حاولت آجمل نقطة الرشوة دى و اكتبها "خدمة" لكن... هحاول الاقى حد. متشكر جدًا على اهتمام حضرتك و يارب مشكلتك تتحل على خير ان شاء الله قريب, و ابقى طمنا عليك.