حد عنده معلومات عن مصرف أبو ظبي الإسلامي؟؟

[Xander2010_Evo]

سلام عليكم يارجالة
حد عنده معلومات عن مصرف أبوظبي الإسلامي وهل هوا فعلآ إسلامي ولا إشتغالات
وإيه حكاية الصكوك والمضاربة والحاجات دي أنا مش فاهم حاجة خااالص
أو حد جرب نظام المضاربة ده قبل كده والعائد بيكون ف حدود كام مثلآ لأنه علي حسب كلام السايت بتاعهم فيه حاجة إسمها صكوك وحاجة تانية إسمها حساب إستثمار وأنا دماغي وجعتني لأني مبفهمش فالحاجات دي خالص

[Mohamed.Muslim]

للأسف مفيش بنك اسلامى 100% فى مصر أنا بحثت فترة فى الموضوع ده ...

http://www.nilemotors.net/Nile/448583-a.html

[Mohamed.Muslim]

و ممكن تبص على الموقع ده
الموقع الرسمى لفضيلة الدكتور على بن أحمد السالوس
, الراجل ده متخصص فى المعاملات الاسلامية و كان بيقول ان بنك فيصل أفضلهم , و كمان القائم على اللجنة الشرعية للبنك الشيخ نصر فريد واصل و مكتوب فى ويكيبديا انه كان معارض التوريث و تصدير الغاز لاسرائيل ايام مبارك و عشان كده مبارك شاله من الافتاء و قتها والله أعلم .

[pastrank]

انا مدير بنك و بقولك انسي ملويش دعوه بالصيرفه الإسلاميه نصابييييييين

[Xander2010_Evo]

و ممكن تبص على الموقع ده
الموقع الرسمى لفضيلة الدكتور على بن أحمد السالوس
, الراجل ده متخصص فى المعاملات الاسلامية و كان بيقول ان بنك فيصل أفضلهم , و كمان القائم على اللجنة الشرعية للبنك الشيخ نصر فريد واصل و مكتوب فى ويكيبديا انه كان معارض التوريث و تصدير الغاز لاسرائيل ايام مبارك و عشان كده مبارك شاله من الافتاء و قتها والله أعلم .

هوا راجل محترم ماشي وحتة معارضة التوريث وتصدير الغاز ده مجرد رأيه السياسي الديني إنما هوا ملهوش سلطة أساسآ .. لأنه ببساطة بما إنه مفتي ومعارض الكلام ده فعلآ كان إستخدم سلطته أصدر فتوي في ساعتها لأن المفتي المفروض بيراعي شرع الله ولو علي رقبته .. بس الكلام ده مبيحصلش أصلآ
أنا رغيت كتير صح ؟؟ D:
علي رأي لي في فيلم فول الصين العظيم " ملناش دعوة يا موهيي"
كل حاجة فالبلد زالفل الحمد لله
*سامحني يارب*

انا مدير بنك و بقولك انسي ملويش دعوه بالصيرفه الإسلاميه نصابييييييين

طيب جميل جدآآ بما إن حضرتك مدير بنك إسمحلي أسأل حضرتك
نسبة أرباح البنك إللي حضرتك شغال فيه مثلآ من القروض كام .. ونسبة أرباحه من المشروعات والإستثمار كام؟؟
طب إيه البنك إللي شغال بالصيرفة الإسلامية وموجود هنا ف مصر؟؟

[samyyousef]

من حين لاخر يطرح هذا السؤال على كافة مواقع التواصل
و دائما تكثر اجابة ان البنوك الاسلامية ليست اسلامية و لا حاجة و انما هي مسميات فقط
انا رايي الشخصي - و ليست فتوى و لا اتحملها - انها حتى لو مسمى فقط ...فعلى المسلم ان يتعامل معها دون التجارية و يتحمل القائمين عليها مغبة كذبهم....و الله اعلم....و الافضل لو يوجد بنك اسلامي حقيقي فيتعامل معه دون ما يحمل اسم اسلامي فقط

[samyyousef]

و من يتيقن بان اعمال البنوك الاسلامية حرام .....عليه بايداع امواله في حساب جاري و ليس استثماري

[ahmed1981]

انا مدير بنك و بقولك انسي ملويش دعوه بالصيرفه الإسلاميه نصابييييييين

يكفي إن اللجنة الشرعية بتمنعه إنه يستثمر أمواله في قطاع الخمور مثلاً

ـ

[Mohamed.Muslim]

بص البنوك التانية 100 % حرام , و البنوك اللى اسمها اسلامية نقول مثلا 70 % حرام , طالما ما أدامكش غير الاتنين دول يبقى ايه الحل ؟؟

شوف الفيديو ده كنت حاطه فى موضوع بتاع البنوك

https://www.youtube.com/watch?v=fFJblaGKhHg&hd=1

[Xander2010_Evo]

بص البنوك التانية 100 % حرام , و البنوك اللى اسمها اسلامية نقول مثلا 70 % حرام , طالما ما أدامكش غير الاتنين دول يبقى ايه الحل ؟؟

شوف الفيديو ده كنت حاطه فى موضوع بتاع البنوك
https://www.youtube.com/watch?v=ffjblagkhhg&hd=1

أنا عارف إن كل البنوك إللي بالمنظر ده حرام .. أنا قصدي مفيش ولا بنك وااااااحد إسلامي بجد مش منظر؟؟