الأسعار النهائية لاشتراكات الإنترنت في مصر

[YahiaAshraf]

(محمد علاء الدين – mbc.net) أكد شباب صفحة "ثورة الإنترنت" انتهاء الاجتماع العاجل الذي أجري مع وزير الاتصالات وتكنولوجيا المعلومات خالد نجم لمناقشة مطالبهم.
وقال محمد مجدي أحد مسئولي صفحة "ثورة الإنترنت" على موقع فيسبوك لـ mbc.net اليوم الثلاثاء إن "وزير الاتصالات كان متافهم ومتعاون جدا معنا منذ بداية الاجتماع، ومقتنع أن أسعار الانترنت في مصر غالية جدا".
وأضاف مسئول الصفحة "الاجتماع أثمر على بعض الاتفاقات مع الوزير والشباب منها إلغاء سرعة 512 كيلو بيت، وتحديد سعر 45 جنيه لسرعة 1 ميجا بيت، و 95 ميجا بيت لسرعة 2 ميجا بيت، وأن يكون الاستخدام العادل لسرعة 1 ميجا بيت 75 جيجابيت بدلا من 40 جيجا، وأن يكون الاستخدام العادل لسرعة 2 ميجا 105 جيجا".
وأوضح مجدي أن الأسعار المقترحة من الشباب تأتي لمحاربة وصلات الإنترنت غير الشرعية المنتشرة في أرجاء مصر.
ولفت مجدي أن وزير الاتصالات سيجتمع بشباب "ثورة الإنترنت" في خلال أسبوعين بعد مناقشة الأسعار مع مدراء شركات الإنترنت في مصر.
وأشار مجدي أن وزارة الاتصالات ستبحث تطبيق المطالب فور الموافقة عليها بعد الانتهاء من تجهيزات استبدال الأسلاك النحاسية بالفيبر الذي سيعمل على استيعاب أكبر طاقة ممكنة عن أسلاك النحاس.


منقول

[YahiaAshraf]

• تاريخ النشر: 15 أبريل, 2015

أول صورة للشباب الذين غيروا أسعار الانترنت في مصر



(القاهرة – mbc.net) التقط ممثلو شباب ثورة الإنترنت صورة سيلفي مع وزير الاتصالات وتكنولوجيا المعلومات المهندس خالد نجم وذلك عقب الاتفاق على تسعيرة خدمات الإنترنت الجديدة.
ونشرت صفحة ثورة الإنترنت صورة تجمع الوزير مع ممثلي ثورة الإنترنت، لتؤكد التوافق التام على الأسعار الجديدة، و جاءت تفاصيلها وفقا لما نشرته صفحة شباب ثورة الأنترنت كالتالي:



الاسعار والسعات اللى أقترحها الشباب على وزير الأتصالات
الغاء سرعه 0.5 ميجا بت
1 ميجا بت من 35 الى 50 جنيه (هذه السرعة كان من المقرر الغاءها ولكن اقترحنا بقائها لتكون بسعر مناسب لذوي الدخل المحدود )
2 ميجا بت من 95 جنيه
4 ميجا بت من 220 جنيه
8 ميجا بت من 400 جنيه الى 600 جنيه
اقترحنا ان يكون سياسة الاستهلاك العادل %33 من اقصى سعة تحميل لكل سرعة
وهو 105 جيجا بايت لسرعة 1 ميجا بت شهريا او 3.5 جيجا بايت يوميا
وهو 210 جيجا بايت لسرعة 2 ميجا بت شهريا او 7 جيجا بايت يوميا
وهو 420 جيجا بايت لسرعة 4 ميجا بت شهريا او 14 جيجا بايت يوميا
بعد سحب هذه السعة تقل السرعة الى 25% من السرعة الاصلية وليس 128 كيلو بت لكل السرعات !
بعد انتهاء السعة يكون هناك امكانية شراء سعة اضافية باسعار مناسبة تبدأ من جنيه الى 3 جنيه للجيجا الواحدة
تم ايضا مناقشة تقنين الوصلات غير الشرعية ووضع ضوابط لها
وفي النهاية اقر الوزير بموافقته المبدأية على هذه الاسعار والسرعات ( مع تعديل سياسة الاستهلاك العادل بما يتناسب مع متوسط الاستهلاك الشهري للعملاء وسيتم معرفة المزيد في هذه النقطة قريبا ) وسيتم مناقشة هذه الاسعار والسرعات مع الشركات فى الاجتماع المقبل نهاية الشهر الجاري.
وهذه الاسعار والسرعات هى اسعار مبدأية لم يتم نزول اى قرار بها من الشركات بعد
وهذه الاسعار خاصة بالمرحلة الحالية الانتقالية وسيتم تعديلها قريبا بعد تحديث البنية التحتية للدولة

[YahiaAshraf]

......................................

[afndina]

استهبال
العالم دلوقت اغلبه عنده السرعات العالية واحنا لسه شغالين علي خطوط التلفون
وبيضحكوا علي الناس وبيقولوا السبب ان الحكومة معندهاش التكلفة انها تمد خطوط والسبب الرئيسي لعدم دخول السرعات العالية مصر هو شركات الاتصالات اللي شغاله علي مستخدمين الانترنت عن طريق التلفون واللي موقفه موضوع السرعة العالية من زمان جدا لانها بتكسب كويس من موضوع انترنت التلفون واللي حيقف لو دخلت السرعات العالية مصر .

[misry]

ان غدا لناظره لقريب

[khaled_yehya]

يا مسهل ...

[DreAmO]

اولاً : عنوان الموضوع يوحي وكأن الأسعار تم إعتمادها
ثانياً : كلامك لا يتطابق مع كلام الناس بتوع صفحة ثورة الانترنت
ثالثاً : حسب كلامهم هناك .. اللي عملوه ده نصيبه وكارثه
راحوا قعدوا مع الوزير .. جم يكحلوها عموها

دول اخدوا عرض طلقه .. وراحوا معدلين اسعاره وبقى اغلى .. ويقولك هي دي الاسعار الجديده اللي اقترحناها
مالاخر كده .. شوية عيال لا يعتمد عليهم .. وشكلهم كده فرحانين بحكاية الثورة دي .. وبقيت حجتهم ومهنتهم في الحياه .. وصعبان عليهم يعشوا من غيرها
فراحوا عكين الدنيا اكتر علشان يفضلوا على كده وجارين الناس وراهم

فكك مالناس دي وماتضيعش وقتك في اوهام

في حجات كتير اهم من اسعار النت

خلينا نكلم عالبنيه التحتيه .. ونكلم على انتشار الخطوط الارضيه .. وعلى بدائل الخطوط الارضيه
وعلى الواي ماكس .. وعلى شبكات الجيل الرابع اللي مش عايزين يدخلوها .. الخ الخ الخ

[Karim Alaa]

باشا ممكن حد يقولى هو فين عرض الطلقه الى بيدينى السرعات دى و حدود التحميل دى ؟؟


وهو 105 جيجا بايت لسرعة 1 ميجا بت شهريا او 3.5 جيجا بايت يوميا
وهو 210 جيجا بايت لسرعة 2 ميجا بت شهريا او 7 جيجا بايت يوميا
وهو 420 جيجا بايت لسرعة 4 ميجا بت شهريا او 14 جيجا بايت يوميا

عشان دى تحسن كبير عن الحالى سعرا و سرعه و سعه تحميل

[DreAmO]

لاحظ ان الاسعار الحاليه فيها معادله وهي
ان السرعه بتضاعف لكن السعر مش بيضاعف .. يعني كل ما بتزيد السرعه السعر مش بيبقى الضعف
ومع الاسف بقى الضعف واكتر مع الاقتراحات الجديده .. ودة المقصود ان الاسعار المقترحه غير حكيمه

واغلب الخطوط مع طلقه مش بيوصلها اكتر من 4 ميجا والغالبيه 2 ميجا بالعافيه والبعض بيعدي 4 ميجا لكن قليل .
ومش عايز اطول واجادل في الاسعار .. علشان في فعلاً حجات اهم بكتير

انا مش متضرر من الاسعار الحاليه أساساً

اللي انا متضرر منه فعلاً واغلب الناس متضرره منه .. هو البنيه التحتيه
هما عايزين يشغلونا بالاسعار علشان نتجاهل حجات تانيه أهم وفساد كبير في الإتصالات

يكفي انك تعرف ان كل اللي عندهم تليفون ارضي + هوائي في مصر كلها ( 8 مليون عميل فقط )

شوف مصر تعداد سكانها كام .. وشوف فيها كام خط محمول

شوف بقى من ال 8 مليون خط ارضي + هوائي دول كام خط منهم متوصل عليه dsl

مالاخر كده .. السبوبه الكبيره والمكسب والربح للشركات في المحمول ونت المحمول
وهو دة اللي هما عايزينك تستخدمه وتصرف عليه فلوسك

وخود المعلومه دي كمان : الجيل الرابع ال 4G هيدخل مصر بعد مالشبكه الرابعه بتاعة المصريه للاتصالات تشتغل

وهتكون هي اول شبكه تشغل الجيل الرابع لفترة سنه تقريباً منفرده قبل ما تدخل لباقي الشركات

علشان كده هما مانعنها عنك دلوقت .. وهتلف الشهور وارجع للموضوع ده

وعلى فكره النت عندي فاصل بقاله 11 يوم بسبب التليفون الارضي العطلان

وصرفت 120 جنيه في ال 11 يوم دول على الفلاشه اللي مطلعه عيني كمان .. وبحسس عالنت بيها علشان اتابع بس شغلي .

[MaZaGAngeE]

هيه كده رخصت ?
لما تحطلي استخدام محدود علي الخط ده طريقة للنصب و تقليب الزبون

[besso]

بلد حراميه

[Karim Alaa]

هيه كده رخصت ?
لما تحطلي استخدام محدود علي الخط ده طريقة للنصب و تقليب الزبون

اه يا باشا رخصت لان الاستخدام العادل مطبق اصلا 150 ميجا ل خط ال 2 جيجا و 300 جيجا لل 4 ميجا على كل الناس و من زمان مطبق محستش انت بيه عشان معدتهاش كنت زويك لحدممره واده عديت ال 150 جيجا و حسيت بيه انه موجود و دلوقتى السعر قل اكتر من النص :) و الاستخدام العادل زاد بمقدار محترم جدا

تطور و عيال جدعان و عمر مكان هياخدو منهم كل حاجه ياريت يكملو و كمان سنه يحصل تطور تانى و يكون فى خطوط فايبر فى الارض على الاقل فى القاهره و الاسكندريه و الجيزه و السرعات تبقى اكتر من كده

منضايق منهم لانهم محددوش سعر ال 8 ميجا و لا استخدامها العادل يعنى ايه من 400 لى 600 للاسف

انا عن نفسى واحد بيدفع 380 جنيه فى ال 4 ميجا و سعه 300 جيجا غصب هدفع 220 و انزل 110 جيجا اكتر ازعل ازاى

الفرق مبين الى تحقق على الواقع و الاحلام هو واقيعه العيال دى مش هتاخد منهم كل شىء لكن نقدر نحرك الموضوع بعد اكتر من 4 سنين مجرد صفحه على النت و فكره مبتعملش شىء مش بقارن بالاحلام بقارن بالواقع الى فيه دلوقتى لو كل سنه بس فى ال 4 سنين الى فاتو حد عرف يتفاوض زيهم كان زمنا وصلنا لفين ؟؟

[Black gold]

الاسعار دي كوويسه جدا بالنسبه للاسعار الي موجوده حاليا في فرق كبييير انا شايف انها لو فعلا اتطبقت هتبقى انجاز من الشباب دول

وكمان هما كاتبين ان الاسعار دي هتبقى مؤقته لحد ما البنيه التحتيه تتحسن يعني هتبقى افضل كمان في المستقبل .

انا مش شايف انهم عيال تافهه خالص على الاقل وصلوا لحاجه والمفروض نشجعهم مش نقول انهم حبوا الموضوع حتى لو كان التحسن 0.00001% على الاقل بيحاولوا

الاجتماع مع شركات الاتصالات هيبقى نهاية الشهر الجاري لو خلص بالموافقه هتبقى حاجه حلوه الاسعار هتقل وسعة التحميل هتزيد
وفي حاليا بيركبوا فايبر في اماكن كتير في مصر يعني في شغل كمان مش كلام على ورق

وكل حاجه هتبقى مؤقته بعد الانتهاء من التحسين هيبقى في اسعار تانيه برضه

مش شايف اي سبب يديك الحق انك متدعمش الشباب دول

[marsguy]

المشكله إن الأسعار لو رخصت بس شركات الإنترنت ما إشترتش سعان إنترنت جديده يبقى اللي هايحصل إن كل الناس هاتشترك في سرعات أعلى بس مش هاتكون أسرع فعلياً عشان الماسوره الأم نفسها لسه صغيره زي ما هي!

[gade2]

فلحوا ان صدقوا ولو انى اشك