عايز اعرف شقة ٦٣ م تاخد كام متر سيراميك

[الاسد المهاجر]

السلام عليكم
دلوقتي انا محتار وعايز مساعدت اهل الخبره فقط
عندي شقتي٦٣ متر صافي نص تشطيب يعني محاره وحلوق فقط
عايز اعرف تاخد كام متر سيراميك وبتتحسب ازاي
مع العلم المطبخ ٢.١٢*٢.٦
والحمام ١.٧٠*١.٧٧
حمام ومطبخ سيراميك للسقف
شكر ليكم

[Forever.Leo]

بالنسبة لسيراميك الارضيات = مساحة الشقة الصافي = 63 متر تقريبا .. طبعا الرقم هيبقى اكتر من كده بسبب غلايق البلاط الغير كامل و الوزر .. طبعا تصميم الارضية السيراميك بيفرق في حساب الامتار .. لو البلاط لون واحد و مرصوص بشكل عدل يختلف عنه بميل .. او لو الارضية فيها اكتر من لون بلاط و بتصميم معين بيحتاج حساب آخر .
بالنسبة لسيراميك الحوايط للحمام و المطبخ و بافتراض ارتفاع السقف 3 متر و بدون خصم الفتحات المعمارية من شبابيك و ابواب .. المطبخ = 30 متر تقريبا .. الحمام = 21 متر تقريبا .

[zrzr1]

احسب كل حاجة لواحدها احسن وجمع ف الاخر, يعني طول ف عرض يديك المربع

[mohamedbook]

متنساش تضيف الوزارة هو بتاع السيراميك هيحسبهالك

[الاسد المهاجر]

شكرا ليكم
في ناس قالت 95 متر وناس تانيه110 وناس قالت تضرب 63 *2 يديك الشقة محتاجه اد ايه سيراميك يعني 126 فا الكلام كتير

[amr011111]

بالنسبه لمساحه الارضيه لو مساحه الشقه صافى 63 متر يبقى وهتعملها لون واحد فقط وهتعملها فى اتجاه افقى ورأسى يبقى هات 64 متر مربع ده غير الوزر احسب ان البلاطه لو 40*40 يبقى البلاطه هتتقطع اربع قطع بارتفاع 10 سم وساعتها يبقى كل بلاطه هتعمل معاك 160 سم

بالنسبه لسيراميك حوائط المطبخ والحمام يستحسن بتاع السيراميك هوه اللى يحسبها علشان الغلايق بتبقى كتير فيه وبالتوفيق

[الاسد المهاجر]

الف شكر ليكم فعلا اعضاء نايل موتورز اخوات افاضل

[abokoko]

حضرتك عملت ايه

يعنى جبت كام متر للارضيات
و كام متر للحوائط
وكام للوزر

والمصنعيه كام وبالتفصيل

وايه انواع السيراميك اللى جبتها