كيفيه التأكد من هويه مالك عقار معروض للبيع ؟؟؟

[Bassem Youssef]

خالي بيشتري شقه

و عايزين نتأكد من اسم صاحب الشقه الحالي

هل ينفع خالي يروح الشهر العقاري و يعرف من هناك ؟؟؟

و لا لازم محامي اللي يروح الشهر العقاري ؟؟؟

افيدونا

[mk3]

شهر عقارى = مسجله
صحه توقيع = تسأل الناس !!!!!!

[Bassem Youssef]

مش فاهم معلش

يعني ايه كلمه مسجله دي ؟؟؟ و بعدين ناس مين اللي اسألهم ؟؟؟

[مُصْطٓفٓى]

نسبة قليلة من الشقق مسجلة في الشهر العقاري بسبب ارتفاع تكاليف التسجيل
ومعظم الشقق مباعة بعقود ابتدائية معمول لبعضها صحة توقيع في المحكمة
وصحة التوقيع برضوا ملهوش علاقة بملكية الشقة
وتسأل الناس يعني فلان الفلاني صاحب الشقة ولا لا وايه رأيكم فيه
وممكن يكون مستأجر والناس فاكراه صاحب الشقة
حاول تشتري من شخص ثقة يعني مثلا تشوف بطاقته شغال فين وهكذا

[Bassem Youssef]

صاحب الشقه الحالي مسجلها في الشهر العقاري علي حد قوله

احنا بس عايزين نتأكد اذ كانت الشقه مسجله باسمه فعلا و لا لأ

نعمل ايه ؟؟؟

[salodas]

اتطلع على كل عقود الشقة .... يعنى لو اتباعت قبل كده 3 مرات ....لازم تشوف ال 3 عقود السابقة وتتأكد ان ده الشخص الأخير الى تملكها ... وأعتقد محامى ب 200 ج ممكن يعمل الليله دى

[mk3]

مش فاهم معلش

يعني ايه كلمه مسجله دي ؟؟؟ و بعدين ناس مين اللي اسألهم ؟؟؟

صاحب الشقه الحالي مسجلها في الشهر العقاري علي حد قوله

احنا بس عايزين نتأكد اذ كانت الشقه مسجله باسمه فعلا و لا لأ

نعمل ايه ؟؟؟

يبقى بصوره العقد او بياناته ورقمه ممكن تتأكد من الشهر العقارى بواسطخ محامى عاشن ينجزلك وعلى ما اتذكر العقد النهائى المسجل لونه اخضر واسأل المحامى برضه
حظك حلو انها مسجله ده هيطمنك جامد إن شاء الله

[Bassem Youssef]

يعني لازم محامي ؟ اوكي