أقتراح خدمة جديدة لاعضاء المنتدى

[ali ashraf]

السلام عليكم عندى اقتراح خدمة جديدة لاعضاء المنتدى ( و يمكن تكون موجودة و انا معرفش) او حتى تنفع و لا متنفعش.....بأختصار هو وجود أفراد من جهة المنتدى لمساعدة من يريد من الاعضاء فى تجديد او عمل ترخيص جديد مثلا او الاستعانة بمحترف عند استلام سيارة جديدة مثلا الخ...... وطبعا برسوم محددة مش عارف راى ادارة المنتدى ايه و هل ممكن عمليا تطبيق هذا الاقتراح ام هناك موانع ( قانونية , مالية , ؟؟؟؟) ياريت اسمع راى الادارة و راى السادة الاعضاء
220

[الفجر]

معك وبشدة

[4fun14]

فكرة جميله
بس في مشكلة..او تحديدا صيغه قانونية محدده لمعرفه دور عضو المنتدى المسئول بالظبط..يعنى ايه اللى اقدر احاسبه عليه لو غلط وايه اللى مش من اختصاصه..
يعنى ممكن يطلع واحد معايا وانا بشترى عربيه جديده فاجى كمان أسبوعين أقوله انت ضحكت عليا وقلتلى العربيه تمام واتضح انها محتاجه تغير طنابير مثلا واعمل مهرجان ان ازاى ده يحصل رغم ان دى مش من اساسيات العربيه
بس الفكرة عاجبانى فعلا ..في ناس كتير بتغرق ف شبر مياه

[ali ashraf]

هو ده المطلوب

هو ده المطلوب...النقاش.... دى مجرد فكرة و بتفكير حضراتكم نقدر نطرح المشاكل اللى هتوجهنا و ازاى نتغلب عليها يعنى مين اللى يحدد كفاءة الافراد دى و ايه الشق القانونى ليها و هل ممكن الاتصال بالمسؤلين فى وحدات المرور مثلا لتسهيل عمل هؤلاء الفنين او المساعدين للعملاء ( اكيد فيه مثلا كبار سن او عملاء مشغولين او سيدات يشق عليهن مزاحمة الرجال) و اكيد الدور الاساسى هيقع على ادارة المنتدى لثقتنا الكبيرة فيها و فى الاول و الاخر الغرض الاساسى هو تقديم خدمة مميزة لاعضاء المنتدى ....ارجو من القراء الافاضل الا يبخلوا علينا بالمشاركة و اثراء النقاش و يا عالم يمكن الفكرة تبقى مشروع يرى النور
159

[4fun14]

اعتقد كمنطق كدة ان دوره هيكون بالبلدي كدة "مخلصاتي"..
لو هتعمله توكيل باه عشان يكون له صفه قانونيه والجو ده مش هتظبط معاك

[ali ashraf]

مش هنختلف على الاسم

مش هنختلف كم واحد مننا بيدفع فى المرور علشان يمشى اموره و بنحس بتانيب ضمير رغم كل طلاباتك رسمية و قانونية بس عاوز تعامل ادمى يعنى الزحام الشديد عن الشبابيك و الانتظار بالساعات بدون طائل و اجراءات سخيفة عفا عليها الزمن لا توجد الا فى مصر ممكن استخدم واحد ( مخلصاتى) يساعدنى و فى نفس الوقت هو كسبان برضه و لكن بشكل رسمى و بتراضى الطرفين بل على العكس موضوع زى ده على مستوى الجمهورية ممكن يوجد فرص عمل لكثير من الشباب.