زهقت من حب الشباب . هل من معيين

[sayed.taha]

انا تعبت جدااا من الحبوب الى بتطلعلى فى جسمى وشى وفى مؤخرة الراس والدهر والصدر مسبتش حاجة من الاخر

احيانا مش بعرف انام منها واضطر انام على بطنى

حبوب صديدية وخت علاجات كتير جدا من ضمنها علاج اسمة نت بوك غالى جدا ولية اعراض جانبية كتييير استحملتها والحبوب اختفت سنة ورجعت تانى مش عارف اعمل اية

بقالى 10 سنين ع الحال دا زهقققققققققققققققققققققققت

روحت لدكاترة كتير جدااا وخدت مضادات حيوية لحد ممعدتى ضعفت ومبقتش اعرف اكل زى الناس والقاولون تعبنى

والكريمات مرة تعالج المشكلة ومرة لاء

قلولى لما تتجوز الحبوب هتروح بقالى سنة اهو متجوز والحبوب زادت مش راحت المفروض افضل طول حياتى مكسوف من الناس واخبى وشى فى الموصلات

اية القرف دا ياربى

[misry]

انا زيك برضه ... عندي 29 سنة ومفيش حاجة نافعة معاها

[sayed.taha]

معتقدش ان فى حد زى .. انا 28 سنة

بس انا مفيش يوم صحيت وشى مكنش فية حبوب فاكيد حالتى اصعب منك كفاية الحبوب الى فى القفا دى

[misry]

انا معظمها بيطلع في الانف والظهر ... انما غير كده مفيش الحمد لله

[3abdo.it]

لا انا كلة والحمد لله

[sayed.taha]

لا انا كلة والحمد لله

انتا كمان ؟

تعالى جمبى

[X_MM_X]

بطل تاكل كل انواع المكسرات والشكولاته والزيوت وممكن تستعمل صابونه اسمها ريو والنت لوك كويس بس بيرجع تاني لبعض الناس الحبوب انا مش دكتور جلديه بس تقريبا نفس حالتك بس اتحسنت شويه مع النت لوك

[sayed.taha]

بطل تاكل كل انواع المكسرات والشكولاته والزيوت وممكن تستعمل صابونه اسمها ريو والنت لوك كويس بس بيرجع تاني لبعض الناس الحبوب انا مش دكتور جلديه بس تقريبا نفس حالتك بس اتحسنت شويه مع النت لوك

معدتك مش تعبتك او حصلها اى حاجة بعد النت لوك بفترة .. انتا ختة فترة قد اية

لانى بعد مبلتة بكام شهر جالى التهابات فى المعدة لسة بتعالج منها لحد دلوقتى .؟

[X_MM_X]

استخدمته 3 شهور باين ووقفت غير المعده القولون بقا يتعبني جامد ووقعلي نص شعري

[sayed.taha]

يعنى فعلا تعب المعدة الى عندى دا منة

انا كنت شاكك مش متاكد بصراحة

[zrzr1]

جرب تعمل حجامة ع ضهرك و مؤخرة الرأس

[sayed.taha]

صعب من كتر الحبوب اعمل جرح كمان

[Ahmed Lotfy]

بص يا باشا انا كان عندي زمان واخدت كورس من دواء اسمه راكيوتان هو غالي شويه بس كويس جدا والحمد لله بس لازم تأخذه بعد استشارة الطبيب وانا باكد لازم تأخذه بعد استشارة الطبيب لا نه في فحوصات الأول لازم تعملها وفي دكتور جلديه اسمه دكتور محمد حبيب ده كويس وكنت بتعالج عنده والحمد لله النتيجة 75% في ميدان روكسي بجانب أبو حيدر وبالشفاء ان شاء الله

[J A G U A R]

بص يا باشا انا كنت زيك بس الحبوب دى بس كانت فى ذقنى وكانت مبوظه منظر خدى وقعدت معايا حوالى ثلاث سنين وبعدين روحت لصيدلى عطانى كريم اسمه ازادرم وبقالى 6 شهور شغال عليه والحمد لله من ثاني شهر استخدام الحبوب راحت بنسبه 80 % .. جربه لو تحب هو ب 18 جنيه

[MotorX]

ممكن تجرب Dalacin T دا محلول مضاد حيوي موضعي بس ما تحطش منه كتير لانه بينشف الجلد .

تحياتي.