هو مبقاش في دم ولي في حالة فقر دم

[AhMeD MeTwAlY]

مساء الخير
والله يا جماعه الواحد مبقاش عارف يبتدي منين المهم
انا عندي اتنين ما شاء الله زهقوني في عشتي واحد اردني والتاني مصر زي ما حكيت الاردني خنقني وجيت في الفتره الاخيره اديته صح بعد لما كنت بنفض وبسيبه يخرطف بالكلام بقيت اوقفه عند اي كلمه لو حتي في السياسه لو ريحين مشوار تبع الشغل مع بعض ويجي يخربط في الطريق اديله في جنابه في جنابه لحد لما كره قعدتي
وصل المصري بالسلامه من مصر بقرطيسه لسه خريج جديد وشكله محترم وابن ناس متربي
كنت في مكة انا والاردني في شغل وهو كان في مقر الشركة جبته معايا وانا جي وطبعا واحد جديد لسه اول مره يسافر بتخده تعمل معاه الواجب لان بينصدم بالواقع المرير بدل ما يتجنن زي اول ما جيت اهوه يبق الموضوع سهل
المهم جبته عندي البيت قعدنا واتغدينا واتعشينا وكله تمام
قولتله تعالي ريح عندي النهارده انا اساسا عايش لوحدي وبكره اخدك تروح سكن الشركة الاردني روح ودا نام معايا
سكن الشركة مفيش 200 متر يعني بنزل من البيت بعدي الشارع خلاص في المكتب
نزلنا تاني يوم الصبح دا انصدم من المنظر
المهم حولت اظبطله الموضوع مسكني بقئ انا عايز تليفزون قولتله مفيش مشكلة اجبلك واحد وانا هحاسب الشركة عليه بالرسيفر بكل حاجه ملكش دعوه طيب التلاجه طيب الغسالة قولتله حجات بسيطه كلها هنقدر ندبرها مع ان السكن في الشركة عباره عن سرير ومرتبه ومخده وبطانية وشكرا واقل شئ 4 في الاوضه دا انا حجزتله اوضه لوحده مرضتش اقعده مع المصري التاني
المهم كل يوم نطلع نتغدي وكله تمام
عايز انام دا متكي عندي لبليل وطبعا فتح باب للمعلم الاردني كمان معاه
الاردني عايز واحد يقعد يقوله يمين والتاني يقوله اه شمال التاني يقوله اه ودا مش بيريح دماغه دا مش فاهم
ومسكين الريموت طاخ طريخ كل شوية في قناه يمكن حاجه تعجبني ياخي في الي فاتو وكل شوية اخبار وبرامج فكسانه وانا بتخنق من فيديو 4 دقايق علي الفيس وشوية وتلاقيهم دخلين علي المطبخ والي ياكل ويرمي علي التربيزه وانا لازم انضف والي عايز يشرب سجاير والي عايز يفتح الفيس من علي اللاب والي عايز يكلم مراته علي اي برنامج يشبك نت ويتكلم واعملنا شاي يا احمد واعمل قهوه واحمد نفسه ينام عشان بيداوم من سبعه الصبح ومش وخدين بلهم ان في اهلي عايز اكلمهم ولي حتي عايز اقعد ملط في الشقه ولي جيلي ضيوف
الحياة بقيت اوفر
بيكلمني بيقولي انا عايز اسكن معاك قولتله مينفعش انا امي عندها اقامة علي كفلتي وبتيجي كل فتره وانت لسه جي جديد وراتبك مش هيستحمل ايجار وقرف انا بدفع نص راتبي ايجار والنص التاني عايش منه وانت بتقولي انا عايز اتجوز واجهز شقه وبتاع مش انا كنت هخطب وبطلت اتجوز المهم سكت
الي فقع كبدي بقي ان جبت التليفزون وكل حاجه ليه في الاوضه وكلمت صاحب الشركة يرفع راتبه 25% من بداية الشهر الجاي عشان الواد بتاع شغل مع اني اديتله كرت التامين الطبي وبقوله دي الاقامه صدق وقعد يقولي شكرا قولتله يابني دا كرت التامين الطبي
ودا جيلي في البريك التكييف مش شغال هات مفتاح الشقه اريح هناك اديتله المفتاح بعد الدوام الناس مشيت وانا قولت والله ما انا مروح لقيته بيقولي هات المفتاح اروح اشوف الاخبار عندك
بجد قربت انفجر وطبعا ساحب الاردني في رجله اسفين للاطاله بس بجد خلاص هخرج عن شعوري واحرجهم الاتنين وانا غبي في الحجات دي

[أبو صلاح]

طبعا ياباشا توقفهم عند حدهم الاول بالذوق وبعد كده بقلة الذوق
حاول تخلي اوقات معينة للزيارة تناسبك وتناسب ظروف شغلك وحياتك

بس واضح انك كريم بزيادة شوية

[wmz]

توقفهم بالتجاهل
يعنى الى يقولك هات المفتاح تطنش او تشغل نفسك بحاجة او تتحج باى حجة الى يجى ممكن ما تفتحش الباب
ده على أمل انهم يفهموا أنك متضايق
مفيش نتيجة
يبقى الكلام المباشر بالذوق أنى مش واخد راحتى وأنا ليى طقوس وعادات واخد عليها فى حياتى وبحب العزلة ومبحبش التدخل الطريقة ديه ولو عاوزين زيارات يبقى فى اوقات محددة
معتقدش الموضوع هيوصل لقلة ذوق لان ببساطه ده بيتك وأنت حر فيه وتقدر توقفهم ببساطة دون اساليب بها عنف لفظى

[dodo2000]

انت الغلطان طبعا

[أحمد كمال]

قاعدة رقم 1 : بيتك مش اي حد يخشه ......

[lena jo]

اولا حضرتك متعودتش حد ياخذ مفتاحك و يدخل بيتك في غير وجودك .مينفعش . كمان الزيارات لها وقت و مش مفتوحة . لو من الاول حضرتك تحط القواعد دي محدش هيتخطاها. مش عيب انك تقول انك مثلا بتنام بدري و تقول لهم انا مقدرش علي سهركم فيمشوا بدري و لو نظام نام انت ده زي بيتنا يبقي مينفعش معرفش انام و فيه صوت في البيت و نور. و بعدين ليه الزيارات لك فقط احرجهم مرة و لما يقولوا جايين قول ماتخليها عندك يا فلان النهاردة. و البيات كل واحد يبات في بيته معرفش ابات مع حد.كمان لو حد عايز يروح معاك اتحجج النهاردة عايز اكلم اهلي و مش فاضي . ايه المشكلة لو قلت كدة . مش لازم تعذب نفسك مع ناس اوفر كدة.

[M!SHO]

قلة الذوق مع قليل الذوق متبقاش قلة ذوق

[congo]

بعض الناس لا يعرف معنى الحدود أو الخصوصية والبعض الآخر يعرفها جيداً لكنه يتغابي أو (يستهبل) إذا شعر بطيبة الشخص الذي يتعامل معه والحل هو وضع الحدود وتحديد نطاق الخصوصية لبعض المتطفلين وإلا فإن الخجل والحرج سيؤدي بهم إلى مزيد من التدخل في حياتك مع عدم التقدير لأفضالك أو (جمايلك) عليهم لأنها ستصبح مع الوقت جزء أصيل من حقوقهم عليك. الحل بين يديك.

[AhMeD MeTwAlY]

هو الحل الي انا عملته اتكلمت مع واحد فيهم قولتله ياخي انا طفشت بيقولي ليه
قولتله والله حماده جي عاملي الشقه استراحه وانا عايز اكلم اهلي وعايز انام وانت عارف شغلي كويس لازم اكون مركز لعارف انام ولي عارف اشتغل ولعارف اكلم اهلي فحس بردو ان قعدته عندي كانت غلط
المهم نسي يكلم حماده فجالي النهارده قبل الصلاه قعد يخبط علي الباب تقول زلازال كنت باخد دوش وكدا عشان صلاة الجمعة طلعت قبل ما افتح مين بيقولي اني قولت اهلا احنا بدأنا قمت فاتح وانا لابس البشكير قولتله كنت باخد دوش قالي مش هتصلي الجمعه قولتله اسبقني وانا هحصلك
وبما انه الجمعه فاليوم دا انا بطلع اشتري طلبات الاسبوع بالكامل واحطها في التلاجه روحت الصلاه وطلعت لقيته راكن عند العربيه ها يا حماده قالي يله قولتله يله روحت السوبرماركت واشتريت حجاتي المهم قالي عايز اشتري قولتله عندك الحاجه اسحب عربية ونقي الي يعجبك قالي ما انت معاك واحده قولت طيب انا بطبعتي بحب النواشف افطر منها رجعت مكسل اكل باكل منها لحد لما اعمل احضر الاكل
المهم دا بيرمي علبة الجبنه قمت بقوله حاسب الحجات دي لو اتفتفت هتبوظ قام بصصلي كدا وسكت تاني مره قمت رايح جايب سبت قولتله نقي الي يعجبك في البتاع دا ومتكلش دماغي ونتقابل بره عند العربيه
خلصنا ومشيت قالي عايز اشتري غدا عدينا علي مطعم قولتله بسرعه عشان مستعجل لسه هودي حجات للمكوه قالي طيب رجعت بيه علي السكن عندي قولتله عايز حاجه قالي ليه قولتله اصلي هنام
جالي من شوية فتحت الباب اهلا يا حماده خير قالي انا جي اشوف الاخبار عندك قولتله يا اهلا دخل وانا قمت نايم علي الكنبه قالي انت مش كنت نمت الضهر قولتله اصلي بحب النوم وكل ما بزهق وبتخنق بنام قالي طيب صحصح كدا نقعد مع بعض انا جي اسليك قولتله ماشي وقمت عامل نفسي مديها الحنان
قام مروح وقافل الباب
ففرحت :d بقي وبكره هعمل نفسي عبيط واقوله انتي جتلي امبارح كانه كان حلم :d
وهكذا

[#MAAM#]

انت محترم اوي ......... الناس ده مينفعش معاها كده :)