القلب ده لله انما الأسباب دى لعبتى انا

[خالد الشاذلى]

زى العنوان كده

لما أشرح اقصد ايه هتعرفوا سبب تأخرنا كمسلمين

لأننا فهمنا التوكل على الله غلط

التوكل على الله أنك تأخد بالأسباب ( القوانين الكونيه ) لانها هى كل حاجه

وتدعى ربنا بس خد فى اعتبارك أن الدعاء مكانه القلب مش اكتر وتاثيره مش بيتعدى منطقه الصدر


الموضوع مفتوح للنقاش للى حابب

[Adnfalcon]

حتي الأسباب لله .. كله بتدبير الجبار
بس أحنا لازم ناخد بالأسباب فعلا و نتوكل علي الله لا نتواكل

[congo]

بس خد فى اعتبارك أن الدعاء مكانه القلب مش اكتر وتاثيره مش بيتعدى منطقه الصدر

أرجو مزيد من التوضيح لهذه الجملة

[مُصْطٓفٓى]

الأخذ بالأسباب واجب
وتركها معصية
والاعتماد عليها شرك

خذ بالأسباب وكأنها كل شئ
واعتمد على الله وكأنك لم تفعل شئ

[adiaa222]

أرجو مزيد من التوضيح لهذه الجملة

خلينا فعلا نتكلم فى النقطة دية
فى خلط كبير فى المسئلة.
اولا: الدعاء هو سلاح المؤمن بمعنى ان الملحد او من يعبد غير الله لايتمتع بميزة اجابة الدعاء من الله تعالى
بس خلى بالك فى اسباب لاجابة الدعاء يجب البدء بها اولا ومن ضمنها عدم التواكل على الله
مثال: اتنين مقدمين على وظيفة واحدة فقط والاتنين اخدين بالاسباب ومحضرين نفسهم كويس
الاول بيدعى الله سبحانة وتعالى عشان يوفقة فى المقابلة والتانى مش فى دماغة
خد بالك من اللى ممكن يحصل بمشيئة الله
1- الاول يوفق فى المقابلة والتانى لا (بس مش سحر) بمعنى ربنا يوفق الاول ببعض الكلام والجمل اللى فعلا صاحب الوظيفة محتاج يسمعة مع ان التانى قال كل حاجة بس مش هو دا اللى كان عايز يعرفة منة
2- التانى يشتغل والاول لا (غريبه ؟؟؟؟؟؟) بالعكس دة اقوى اظهار لسلاح الدعاء . وكما قال رسول الله (ًص)
لايغير القدر الا الدعاء. ربنا مطلع على الغيب وعارف ان الوظيفة دية فى المستقبل هدخلة فى مشاكل او هتكون سبب انة ميدورش على وظيفة افضل منها واسباب كتيرة لاحصر لها وبالتالى لايوفق فى المقابلة
الايمان و معرفة قدرات الله تعالى ركن اساسى ايضا لاجابة الدعاء - غير اسباب كتير منها الكسب الحلال
وما توفيقى الا بالله سبحانة وتعالى