هل المال مقياس للسعادة

[adiaa222]

السلام عليكم
هل فعلا المال مقياس للسعادة بمعنى كل متزيد فلوسك تزيد سعادتك
وكل متقل فلوسك تقل سعادتك
خلى بالك الموضوع لايدخل فية الفقر المدقع
على رضى الله عنة قال لو كان الفقر رجلا لقتلتة
منتظر اراء حضراتكم

[salodas]

عن تجربة شخصية ....
المال فعلا = السعادة

[Mostafa.Mahran]

المال + مرض من غير علاج يبقى ملهوش لازمة
المال + ابن عاق و فاشل يبقى ملهوش اى لازمة

ربنا بيوزع الرزق بمقدار و المال جزء من الرزق

[غزلة]

نعم . انما المال والبنون زينة الحياة الدنيا

[hitman235]

المال = السعادة لو عرفت تصرفه على حاجات تبسطك
ممكن يكون عندك مال و معندكش راحة بال او وقت او صحة او عندك اكتئاب ساعتها مش هيبقى ليه قيمه

[adiaa222]

عن تجربة شخصية ....
المال فعلا = السعادة

ياريت تحكيلنا تجربتك

[adiaa222]

المال + مرض من غير علاج يبقى ملهوش لازمة
المال + ابن عاق و فاشل يبقى ملهوش اى لازمة

ربنا بيوزع الرزق بمقدار و المال جزء من الرزق

مش عايزين نتكلم عن استثناءات ( يعنى بدون امراض او علل)
ببساطه لو واحد مرتبة 3 الف جنية وواحد مرتبة 10 الف وواحد 50 وواحد 100 الف معنى كدة ان اسعدهم الاخير
ولو مش كدة يبقى ما هو مقياس السعادة

[adiaa222]

المال = السعادة لو عرفت تصرفه على حاجات تبسطك
ممكن يكون عندك مال و معندكش راحة بال او وقت او صحة او عندك اكتئاب ساعتها مش هيبقى ليه قيمه

لما تصرف المال على حاجة تبسطك او تشترى بية حاجة لنفسك بتتسمى فرحه مش سعادة
بمعنى السعادة دائمة اما الفرحة محدودة بفترة
اشتريت عربية جديدة فانا ساعتها فرحت جدا بس ياترى لحد امتى
مستنى ارائكم فى تحديد المقياس لسعادتك فى الدنيا

[adiaa222]

نعم . انما المال والبنون زينة الحياة الدنيا

فعلا المال والاولاد زينة االدنيا يعنى الناس بتتفاخر بيهم ولكن ربنا مقلش المال والبنون سعادة الحياة الدنيا
مستنى ارائكم

[midoabdeen]

مقياس السعاده هو الرضا بما رزقك الله به
كل غني في الأغنى منه ومهما كان معاك فلوس هتلاقي نفسك بتبص الاحسن و محمد عليك عيشتك
يا عني مثلا راكب مرسيدس وشوفت عربيه بورش معديه من جنبك أنا ليه ميبقاش معايا واحده زي دي
تبقى قاعد في فيلا طويله عريضه وشوفت الاحسن منها تقول ليه ميبقاش عندي زيها
في ناس عايشه في اوضه وصاله وراكب 128 مطلعه عينه بس مبسوط وماشي عمال يغني

وعلى فكره السعاده الحقيقيه في رضا الله عز وجل لأننا مخلوقين لعبادته وليس لركوب عربيه آخر موديل ولا العيش في القصور السعاده في ألواحد يبقى عارف هو عايش ليه

[adiaa222]

مقياس السعاده هو الرضا بما رزقك الله به
كل غني في الأغنى منه ومهما كان معاك فلوس هتلاقي نفسك بتبص الاحسن و محمد عليك عيشتك
يا عني مثلا راكب مرسيدس وشوفت عربيه بورش معديه من جنبك أنا ليه ميبقاش معايا واحده زي دي
تبقى قاعد في فيلا طويله عريضه وشوفت الاحسن منها تقول ليه ميبقاش عندي زيها
في ناس عايشه في اوضه وصاله وراكب 128 مطلعه عينه بس مبسوط وماشي عمال يغني

وعلى فكره السعاده الحقيقيه في رضا الله عز وجل لأننا مخلوقين لعبادته وليس لركوب عربيه آخر موديل ولا العيش في القصور السعاده في ألواحد يبقى عارف هو عايش ليه

الله يفتح عليك
مقياس السعادة = رضا الله عنك
رضا الله عنك يمنحك القناعة وايضا يمنحك المال ويمنحك الزوجة الصالحة ويمنحك اولاد صالحين ويمنحك البركة فى العمر
فكان الرسول (ص) يستعذ من موت الفجأه
بس خلينا نركز تانى ازاى نترجم دة على ارض الواقع ونعيش سعداء
بمعنى اخر ماهى اهم الاساسيات اللى تخلى ربنا راضى عنا ؟؟؟؟؟؟؟؟؟؟؟؟؟ عشان تمشى مبتسم بدون اسباب (ماشى فى الشارع سعيد راجع من شغلك سعيد داخل بيتك سعيد مفيش مؤثر خارجى يقدر ياثر على سعادتك) طبعا ممكن تكتئب لبعض المؤثرات احنا بشر وبنشعر ببعض ولكن هيعدى الاكتئاب وترجع سعيد ؟؟؟؟
طبعا الكلام السابق عن تجربة شخصية جدا جدا جدا

[adel1212]

السعادة
كلمة سحرية و معادلة صعبة جدا
- واحد يفضل يدخر من قوت يومه لمدة الله يعلم مداها لمجرد انه يشتري ملابس ويكون في قمة السعادة عند ارتدائها المرات الاولى و واحد تاني بيتمشى عجبه كام طقم اشتراهم و اتركنوا في الدولاب او استعملهم و بعدين وزعهم بدون ما يلبس بعضهم (اقرأ ما بين السطور)
و هكذا المأكل و المشرب و الفسحة و السكن و السيارة و الموبايل ................ وكل شئون الحياه
و لا تنسى اهم انواع السعادة عندما ينتهى يومك و قد اديت صلاتك و اوصلت رحمك و رحمت العباد و اعنتهم بما اعطاك الله من مال و صحة و عافية و لم تغضب ربك بمعصية
و اخيرا المال قد يكون وسيلة ان احسنت استخدامها و يكون سبب تعاستك ان اساءت
مع خالص التمنيات ان يرزقك الله السعادة الشافية

[salodas]

ياريت تحكيلنا تجربتك

تجربتى بسيطة جدا
أولا - زمان مكنش معايا فلوس ومكنتش عارف اشترى اى شيء ومع ذلك كنت راضى وقنوع ولكن مكنتش سعيد بالقدر المطلوب .

ثانيا - دلوقتى رزقنى الله من سعته واصبح معى فلوس وبشترى كل الى انا محتاجة فى رضا الله طبعا ...وسعيد جدا والفضل لله.

التفاصيل كتير ولا اريد ان اتطرق لها للخصوصية

[minicooper20]

المال مصدر سعاده لقصير النظر فقط

[4fun14]

عن تجربة شخصية.. المال وحده لايسبب السعاده..
وزي ماقلت ف موضوع مشابه من قبل..
في ناس "وانا منهم" بندفع مبالغ طائله لكشف الطبيب النفسي والالاف لادوية الاكتئاب
تفهم من ده اني الحمدلله معايا فلوس مكفياني لكن للاسف غير سعيد بالمرة