هل المال مقياس للسعادة

[hugan]

المال من اسباب السعاده طبعا
لكن مش السبب الرئيس
يعني قلته انعدامه اكيد من اسباب االتعاسه
قديما قال اﻻمام علي كرم الله وجهه
لو كان الفقر رجلا لقتلته

[Forever.Leo]

مؤكد ان المال عصب الحياة .. بس برضه مؤكد انه مش سبب للسعادة المطلقة .. الاسلام قدر اهمية المال علشان كده حارب الربا و الكنز و فرض الزكاة .. علشان يبقى فيه استطراق للثروة .. و ميبقاش فيه التباين بين الثراء الفاحش لفئة .. و الفقر المدقع لآخرين .

[Bassem Youssef]

الفلوس بدون صحه و رضا ربنا مش مصدر للسعاده

[ESO101]

أهم حاجة يكون معاك تمن الجاكوزي ومكعبات \ كرات الإستحمام الفوارة من ماركة فرنسية أصلية
وعيش السعادة

[hitman235]

الدراسات السلوكية و النفسية اثبتت ان فيه احد ادنى للدخل علشان تبقى مبسوط الحد الى يخفف عنك الضغوط النفسية و يخليك على الاقل فى الشريحه الادنى للطبقة الوسطى و منها كل ما زاد دخلك سعادتك بتزيد بس بمعدل اقل بكتير
لو دخلك نزلك للطبقات الفقيرة الكادحة اه هتشوفوا ناس منهم راضيين و مبسوطين و سعداء بس الاغلبيه هتلاقهم تحت ضغوط كبيره لأنعدام مقومات الحياه الاساسية خصوصا فى دول معفنه زى مصر دايما هتلاقى العنف و الجريمة و الانحلال الاخلاقى مرتبط بالزحام و تدنى مستويات الدخل
طبعا مصر اغلبها يقع تحت خط الفقر و المنطقى اننا نكون من اتعس شعوب الارض
امريكا اقل دخل 30 الف سنويا ... المتوسط 40 الف سنويا لو مؤهل عالى يوصل ل 70..90...... الشريحه الاعلى 250 الف سنويا (المديرين)........النسبة بين الاعلى و الادنى اقل من 10 اضعاف
مصر المرتبات الشهرية تتفاوت من 500..800 جنيه لمؤهل عالى ل 500الف و مليون فى الشركات الحكومية (لاتعليق)
التفاوت ده مش موجود حتى فى الخليج ( بين رواتب المواطنين مش المقيمين)

[Hussein_Ramdan]

عن تجربة شخصية ....
المال فعلا = السعادة

صدقنى المال مش كل حاجه اة فعلا المال مهم
بس اهم حاجه الرضا

[adiaa222]

شكرا لكل المشاركين وتاكيد على ماقيل
السعادة = رضاء الله
رضاء الله = اجتناب المعاصى اولا ( عدم ظلم العباد)
ثانيا : صلاة فى اوقاتها ( محدش هيحس بالسعادة فى صباح يومة وهو مصلى الصبح قضى او صلاة فائتة)
ثالثا: الاذكار صباحا والتسبيح والاستغفار (وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا )
وطبعا رضاء الوالدين اساسى فى شعورك بالسعادة
دول من وجهة نظرى اهم نقاط ومفاتيح شعورك بالسعادة

[samehsorour]

ربما لا يصنع المال السعادة .. ولكن الأكيد أن الفقر لا يصنعها أيضا ...

[ibrahim sallam]

السلام عليكم
هل فعلا المال مقياس للسعادة بمعنى كل متزيد فلوسك تزيد سعادتك
وكل متقل فلوسك تقل سعادتك
خلى بالك الموضوع لايدخل فية الفقر المدقع
على رضى الله عنة قال لو كان الفقر رجلا لقتلتة
منتظر اراء حضراتكم

[adiaa222]

ربما لا يصنع المال السعادة .. ولكن الأكيد أن الفقر لا يصنعها أيضا ...

اكيد طبعا. فى موقف فى القران الكريم بيدل على اللى بنقولة من ان المال نعمة من ربنا ورحمة وشئ مهم فى الحياة ومع رضاء الله يتحول المال مصدر من مصادر سعادتك .ربنا سبحانة وتعالى قال فى سورة الكهف :
بسم الله الرحمن الرحيم
(وَأَمَّا الْجِدَارُ فَكَانَ لِغُلَامَيْنِ يَتِيمَيْنِ فِي الْمَدِينَةِ وَكَانَ تَحْتَهُ كَنْزٌ لَهُمَا وَكَانَ أَبُوهُمَا صَالِحًا فَأَرَادَ رَبُّكَ أَنْ يَبْلُغَا أَشُدَّهُمَا وَيَسْتَخْرِجَا كَنْزَهُمَا رَحْمَةً مِنْ رَبِّكَ ۚ وَمَا فَعَلْتُهُ عَنْ أَمْرِي ۚ ذَٰلِكَ تَأْوِيلُ مَا لَمْ تَسْطِعْ عَلَيْهِ صَبْرًا)

ربنا ارسل سيدنا الخضر لكى يحافظ على المال لهؤلاء الصبية. دليل قاطع على اهمية المال فى الحياة
حتى الزاهد لا يكون زاهدا الا اذا امتلك المال فلا تستطيع ان تكون زاهدا فى شئ الا اذا امتلكته من الاساس و تكون الدنيا فى يديك وليس فى قلبك

[salodas]

كفايه شعارات وكلام افلام ...
انا هبسطهالك عشان تكون واضحة لى قبلكم .
المال هو السلم الى حضرتك بتطلع عليه للسعادة .