وزير الاتصالات: لا تراجع عن «تسعيرة الإنترنت الجديدة».. والتطبيق 15 مايو

[ahmed asem]

قال المهندس خالد نجم، وزير الاتصالات وتكنولوجيا المعلومات، إن قرار تخفيض أسعار الإنترنت، قرار نهائي من جانب وزارة الاتصالات، منوها إلى أنه سيتم إقراره في الاجتماع المقرر انعقاده في 15 مايو المقبل.

وتابع نجم، اليوم، أن الشركة المصرية للاتصالات، قدمت دراستها حول تخفيض أسعار الإنترنت إلى الجهاز القومي للاتصالات والشركات الأخرى العاملة في مجال الإنترنت ومن المقرر إرسالها الأيام المقبلة.

وأشار نجم أن الهدف الأساسي من اجتماع 15 مايو، تقديم أسعار مناسبة للمواطنين وخدمات جيدة بجودة عالية والقضاء على "الوصلات" غير الشرعية للإنترنت.

وكان وزير الاتصالات أكد مؤخرا قناعته بالمطالب التي عرضها عليه شباب صفحة "ثورة الإنترنت" خلال الاجتماع الأخير الذي عقد بينهم بالوزارة.

[Bassem Youssef]

جدلا تم تخفيض الاسعار ... عملنا ايه في جوده الخدمه ؟؟؟

[DreAmO]

والله لو بقت ببلاش .. الوصلات مستمره لعدم توفر خطوط تليفون أرضي

أنا نفسي يبقى فيه ثوره لجودة الخدمات في جميع المجالات

هستفاد ايه من خمسين ولا 100 جنيه توفير في الشهر ... والخدمه بتحرق دمي وتخصرني شغل بألافات .

[mk3]

فى 2 سيناريو
اما تظل الاسعار زى ما هى اقل شئ 95 جنيه لكن السرعه هتبقى 2 ميجا وده بعد انتشار الفايبر
او تنزل الاسعار الى 50 جنيه وده شئ صعب فى السرعات المفتوحه لان المصريه بتاخد 30 جنيه شهريا ايجار بورت من اى شركه انترنت الا بقى لو المصريه قللت ايجار البورت ده موضوع تانى.

[akmm]

ايا كان ................. النتيجه هتكون لصالح العميل ............ ولكن يبقى هنا سؤال ان كنت مشترك على سرعه ما ودفعت رسوم الاشتراك ولسه باقى شهور في الاشتراك بعد تطبيق الاسعار الجديده ..هل سيتم احتساب فارق السعر لصالح المشترك عما دفعه مسبقا .

[mmolazem]

. . . شباب صفحة "ثورة الإنترنت" . . .

تمرد الإنترنت :)

[aymanshebl]

ياريت الخبر يكون صح

[gade2]

افلح ان صدق

[ehabouf]

حتى لو الإنترنت بقت ال 4 ميجا ب 10 جنيه في الشهر - حاتلاقي كل 5 افراد اشتركم مع بعض في خط علشان كل واحد يدفع 2 جنيه بس!!!!!
انا رأيي الشخصي ان الي حايتم زي المرة الي فاتت بالظبط - كل واحد حايدفع نفس المبلغ الي بيدفعه بس حايخد ضعف السرعة
يعني 512 لى 1 ميجا
1 ميجا الى 2 ميجا وهكذا
وسرعة ال 512 حاتتلغي

[ahmed_eng2001]

لسة مجدد اشتراك الانترنت امبارح ... دفعت شهرين مقدما ... فى تى اى داتا .... معندهمش اى معلومات عن الاسعار الجديدة للانترنت !!!! و حاسبونى على الاسعار القديمة

[طارق _عبد السلام]

كنت بدفع الفاتوره سئلتهم عن النظام الجديد قالوا مفيش اى تعليمات وصلت لهم .......... بنسمع عن الموضوع زيكم بالظبط واول ماهيتوفر معلومات هنبلغكم وقت تجديد الاشتراك........... قلت لها شكرا على المعلومات الثمينه دى !!!!!!!

[Omar Sarray]

ان اسمعت ان 512 حتتلغى وحتحل محلها واحد ميجا والله اعلم بس ياريت يعملو اسعار بما يرضى الله الواحد يدفع دم قلبو عشان خدمه حلوا مش حرقه الدم ساعه تروح وساعه تيجى

[sherif222]

يا رب مايكونش كلام وبس

[M!SHO]

طب بس يحسنوا جودة الخدمة الاول

انا بقالي ٥ ايام النت عندي بدون مبالغه اقل من ال dial up بتاع زمان

[mmolazem]

مصادر: شركات الاتصالات ترفض تخفيض أسعار الإنترنت

مصادر: شركات الاتصالات ترفض تخفيض أسعار الإنترنت | المصري اليوم


الإشتغالات حلوه مفيش كلام :)