دجله تاورز ، معمار المرشدي

[M!SHO]

السلام عليكم

حد يعرف تفاصيل عن مشروع دجله تاورز ، شوفت الاعلان بيقول مساحات من ٩٠ متر الي ١٦٠ متر تقريباً وبتبدأ من ٢٩٠ الف

ايه رأيكم ، وموقع المشروع كويس ولا ايه ؟

واخبار الشركه ايه في التسليم وكده ؟

[Ahmed_selmy]

متابع باهتمام

[4fun14]

ليا واحد صاحبى سأل هناك وعاجبه المشروع
معرفش عنه معلومات كتير بس المتر 3400 جنيه وطالع
الموقع في رأيى كويس لانه قريب من الدائرى والشركة معروفه طبعا ومستواها حلو
العيب طبعا انك مش هتستلم قبل سنتين

[M!SHO]

سنتين تسليم مش مشكله ، اهم حاجه المصداقيه والتسليم في الميعاد المقرر

بس انا حاسس انه مشروع صغير ، يعني مجرد ٦ ابراج تقريباً متصلين ببعض

[حسام الغرباوي]

لسة مكلمهم اول امبارح


موقع المشروع كويس

عدد الابراج 6 ابراج
البرج الواحد 11 دور + دورين باركينج تحت الارض + كل برج في لوبي فندقي وموظف استقبال
البرج الواحد فيه 6 اسانسير ( ودا يدل ان البرج هيكون فية مش اقل من 5 شقق في الدور الواحد )
التسليم بعد سنتين ونص ( نص تشطيب )
المساحة 90 متر سعرها 290 الف جنية ( ال90 متر مش صافي ..الصافي هيبقي في حدود 75 تقريبا )
السعر يبدأ من 290 الف قصدهم ان الشقق الخلفية والادوار العلوية هي اللي السعر يبدأ فيها من 290 الف ...يعني ممكن شقة 90 متر برضو سعرها يكون فوق ال300 الف عشان فيها نسبة تميز
طرق الدفع 10 % عند التعاقد
10 % تانية بعد 4 شهور من التعاقد
20% دفعة استلام
المبلغ الباقي لو عايز تقسطة براحتك


بشكل عام من رأي فيها عيوب
ان الابراج مرتفعة جدا 11 دور ودا هيكون مشكلة في التهوية وسادد المنطقة
ان البرج فيه 6 مصاعد يعني الدور مش هيقل عن 5 او 6 شقق في الدور الواحد ( بعتلهم تاني استفسر عن عدد الشقق ..مردوش عليا )
ابن خالتي هناك في مدينة نصر قللي موقع المشروع قريب منه منطقة المقابر
سعر المتر مرتفع علي الحاجات دي

[M!SHO]

ألف شكر يا استاذ حسام ، حضرتك جبت من الاخر واتفق مع حضرتك جداً ويبقى بالشكل ده المشروع مش مميز ولا حاجه

[حسام الغرباوي]

ألف شكر يا استاذ حسام ، حضرتك جبت من الاخر واتفق مع حضرتك جداً ويبقى بالشكل ده المشروع مش مميز ولا حاجه

بالظبط انا من رأي ان المشروع في حاجات مش كويسة اولها موضوع 11 دور دا وتاني حاجة موضوع عدد الشقق في الدور الواحد يعني لما الموظف بعتلي ان في 6 اسانسير في البرج ...بعتله قلتله يعني كام شقة في الدور ..نفض طبعا ومردش لكن منطقيا مش هيتعمل 6 مصاعد غير لو فية مش اقل من 5 شقق في الدور الواحد ودا عدد كبير جدا

سعر المتر هيبقي حوالي 3300 جنية ( بدون اي نسب تميز ) يعني هتاخد شقة 90 متر دور ارضي او علوي وفيو خلفي لبلكونة واحدة اكيد ...ونص تشطيب واستلام بعد سنتين ونص ( دا اذا استلمت بعد سنتين ونص ) فطبعا السعر مرتفع جدا جدا ...

[M!SHO]

يعني ال ٢٩٠ الف دي نظام جر رجل الزبون ، عشان الواحد ياخد حاجه معقوله هتكسر النص مليون للأسف

[حسام الغرباوي]

بالظبط يعني لو بحسبة بسيطة كدا

عشان تاخد شقة 3 غرف عشان هتبقي شقة العمر يعني فأكيد المساحة مش اقل من 120 متر عشان تصفي معاك علي 100 متر او 105 مثلا تكون مقبولة
ولو قلنا نسبة تميز ولا شقة دور متكرر او واجه فالمتر ممكن يوصل 3600 يعني زيادة بسيطة في المتر مقابل التميز .

يبقي 120 * 3600 = 432 الف جنية + بتاخدها نص تشطيب يعني عايز مش اقل من 50 الف كمان تشطيب لان النص بيسلمك محارة وحلوق فقط ..يعني هتدخلك في بتاع نص مليون جنية ...

[nilmaster]

طيب مكانها فين بالظبط؟؟

[مُصْطٓفٓى]

عدد الشقق في كل دور 20 شقة
زي ما هو واضح في البروشور

[مُصْطٓفٓى]

[nilmaster]

20 شقة؟؟؟ ياه
دة كدة 6 اسانسير غير كافيين

[M.Elwan]

موقع المشروع امام مسجد المشير طنطاوي مباشرة
وكنت عرفت من الشركة ان المشروع ١٥ الف وحده واتباع منها حتي الان ١٧٠٠ وحده

[مُصْطٓفٓى]

موقع المشروع امام مسجد المشير طنطاوي مباشرة
وكنت عرفت من الشركة ان المشروع ١٥ الف وحده واتباع منها حتي الان ١٧٠٠ وحده

15 ألف وحدة ده رقم كبير جدا
20x6x11 = 1320 وحدة