لو معاك مليون جنية و عاوز تستثمرهم تعمل ايه.....؟

[ali ashraf]

لو معاك مليون جنية و عاوز تستثمرهم تعمل ايه.....؟

[mk3]

فى البلد دى والظروف دى مفيش الا العقار
اجره او حتى اقفله

[ali ashraf]

مطلوب عائد

فى البلد دى والظروف دى مفيش الا العقار
اجره او حتى اقفله

كويس بس المطلوب استثمار يحقق عائد شهرى او كل كام شهر للمصاريف الشهرية

[mk3]

كويس بس المطلوب استثمار يحقق عائد شهرى او كل كام شهر للمصاريف الشهرية

اجره بس اختار منطقه مطلوبه حتى لو هتجيب شقه واحده !!

[lolnk]

سبق وعرضت ليك فكرتى بخصوص البنك ده افضل شىء

العقارات لو فى مكان كويس ماشى غير كده فكك منها

ممكن تحط مبلغ مين فى البنك يدخلك كل شهر 8000 جنية وتخلى جزء استثمار

[هيثم مجدي]

لو عندك المقدرة على الادارة, هات عربيتين تلاته في مكان كويس واجر محل او حتى اشتريه, و اعمل مكتب ليموزين وخدمات رجال أعمال.

[yassin_samir]

ادخل مع حد مضمون في وجوجود محامي طبعا في ارض و ابنوها مع بعض و ليك نص الشقق و المحلات و بيع بعد كدة او اجر جديد لو اجرت يبقي عندك دخل طول العمر و راس ماللك بيزيد لان تمن الشقق و المحلات بيزيد مع الوقت بس تنقي الحد دا و يكون مضمون لك بمسبه ٢٠٠٪

[Bassem Youssef]

ممكن تعمل مشروع بجزء من المبلغ ده في دوله اوروبيه معقوله و تاخد اقامه

[minicooper20]

تشغلهم فى التجاره
و تسع اعشار الربح فى التجاره

[mk3]

تشغلهم فى التجاره
و تسع اعشار الربح فى التجاره

لواحد معندوش خبره يخاف
لكن لو لقى حد شغال ومعرفه يدخل معاه

[زهير فكري]

لو ما لكش في التجاره و بتشتغل مهنه حره , يبقي افضل وضع هو عمل جزء شهادات استثمار في البنوك بعائد 10% : 11% سنويا و ممكن استثمار جزء في صناديق الاستثمار في احد البنوك ايضا بعائد 20 % الي 30% سنويا مع وضع في الاعتبار باحتماليه عدم ثبات الأرباح وممكن احيانا يحدث خساره في رأس المال ولكن نسبتها قليله مع المحترفين ... نصيحه اخويه ..حذاري حذاري ,,, ستكون مطمعا للمغامرين والحاقدين والنصابين و ستسمع اقاويل من عينه هاتللي فلوسك و انا اشغلهالك , اعرف واحد صاحبي استاذ و عنده تجاره واسعه ومحتاج يتوسع ,,,, تعالي شاركني ورزقنا علي الله ,,, هاتلي فلوسك و نشتغل في البورصه ,,,, كلام كتير من العينه دي ...... عايز تشتغل في البيزينيس تنزل تتعلم بنفسك المجال اللي عايز تدخل فيه و ما تتكبرش لو عايز تشتغل في المقاولات مثلا لو حكمت انك تشتغل عامل باليوميه مش عيب , بس هتتعلم اصول المهنه وتعرف خباياها الفرق هيبقي ان استيعابك هيكون سريع و هتتعلم بسرعه بس لازم تمر بالمراحل دي عشان تتعلم اسرار المهنه عشان تنافس في السوق ..... حافظ علي فلوسك و نعمه ربنا ...

[minicooper20]

لواحد معندوش خبره يخاف
لكن لو لقى حد شغال ومعرفه يدخل معاه

بص يا باشا اى حد يقدر يتاجر ان شاء الله فى البيبسى
بس اهم حاجه يحاول يتعلم
انا مبقولش شغل المليون جنيه كلهم
انا ممكن اتعلم ب ٥٠ و اخسر و اكسب فيهم و ابتدى اشتغل
انا ممكن يجى يقعد معيا و انا هدلو لوجه الله يشتغل فى ايه و اساعدو لحد ميوصل
و يبقا هو مشغل فلوسو لنفسو
بس يا باشا التجاره مبتخسرش الا فى حالات السرقه و الحريق
غير كده اخرها هتبيع البضاعه زى مشترتها و دخلت زى مخرجت
الموضوع بسيط بس يحتاج دراسه و تجربه
تحياتى

[ali ashraf]

حاجة تحير

أنعدام الشفافية و تدنى الاخلاقيات و تغليب المال على باقى الامور و غياب مقولة " الدين المعاملة بتخوف الواحد من التعامل مع الاخريين" انا قضيت اكثر من 20 سنه برة مصر و مجال عملى بعيد تماما عن التجارة (طبيب) و الحقيقة خططت حياتى للحياة فى مدينة الغردقة و كنت نويت الانتقال من فترة بس عطلنى امتداد اقامتى فى لندن عن ما كان مقرر من بضعة ايام الى بضعة شهور و بالمناسبة انا قليل الاحتكاك بالناس هنا فى مصر ووجدت فى المنتدى وسيلة ظريفة و مفيدة ايضا فى التواصل و تبادل الافكار و شكرا لكل من اعطانى وقته و جهده فى النصيحة.

[زهير فكري]

أنعدام الشفافية و تدنى الاخلاقيات و تغليب المال على باقى الامور و غياب مقولة " الدين المعاملة بتخوف الواحد من التعامل مع الاخريين" انا قضيت اكثر من 20 سنه برة مصر و مجال عملى بعيد تماما عن التجارة (طبيب) و الحقيقة خططت حياتى للحياة فى مدينة الغردقة و كنت نويت الانتقال من فترة بس عطلنى امتداد اقامتى فى لندن عن ما كان مقرر من بضعة ايام الى بضعة شهور و بالمناسبة انا قليل الاحتكاك بالناس هنا فى مصر ووجدت فى المنتدى وسيلة ظريفة و مفيدة ايضا فى التواصل و تبادل الافكار و شكرا لكل من اعطانى وقته و جهده فى النصيحة.

يبقي زي ما شرحت لحضرتك , طالما حضرتك صاحب مهنه حره , يبقي افضل حل بالنسبه لك الحلول الاستثماريه في البنوك و ذلك لضمان اداره اموالك والحفاظ عليها . و طالما انك ناوي تستقر في مصر , و ان شاء الله ربنا يكرمك و تكون طبيب مشهور , فهيكون لك دخل اضافي مستقر ,, ولحين ما توصل للمرحله دي و بما انك قليل الاحتكاك بالناس وغير خبير ببواطن النفوس و قضيت فتره طويله في الخارج بنظام مختلف كليا عن ما ستراه عندما تستقر ,
فالحفاظ علي اموالك و شقي العمر ابدي ...

[riyadh.arch]

بالنسبة للعقارات هل ممكن شراء ارض فيلات ب 6 اكتوبر و بنائها ومن ثم تاجيرها مربح ؟؟
الفلل يتم تاجيرها من 15 الف جنية في الشهر وتصل لل 30 الف ..مارايكم