تاجير العربيات في مصر

[AhMeD MeTwAlY]

حد جرب ياجر عربية لمدة 3 شهور او شهرين علي الاقل
يا ريت يفدني في الاسعار
لاني بعت عربيتي الي كانت في مصر ونازل اجازه قريب ومحتاج عربية وطبعا كلها مشاوير قصيره نازل البلد او طالع اسهر مع صحابي رايح القاهره ازور قريبي كدا يعني
ابعد مشوار 80 كيلو ودا ممكن تعمله في الشهر مره او اتنين
فيدوني في الاسعار للايجار الشهري ؟؟؟ كم

[mastr_n]

بص لوعربية سيراتو او الينترا مدة 3شهور
يبقي المفروض تبقي في حدود 150 او 160

علشان هيا لو يوم واحد بتبقي اغلي ممكن توصل ل 200

انما لو عربية صغيرة لانوس او فيرنا هاتبقي اقل طبعا في السعر وممكن تبقي ب 110او 120 في المدة الطويلة وخلي بالك اكشف علي العربية كويس جدااا ولو فيها خبطة ولا حكة وريها لصاحب المعرض علشان الموضوع دة في تلبيس كتير خلي بالك

[mikho83]

حدد نوع العربية اللي محتاجها، وأكيد كل حاجة بسعر

[احمد فهمى]

نصيحه ابعد عن ايجار العربيات فمصر هيكتبوك شيكات بتمن العربيه ومسؤليه ملهاش لازمه ومتضمنش تتسرق من صاحب المعرض نفسو او يتعمل عليك فيلم او تتخبط واجازتك تبوظ يا تتأكد 1000 مره من حد موثوق منو وده انا اشك ان فى حد كويس فى المهنه دى يا تعتمد على التكسيات وتريح دماغم

[AhMeD MeTwAlY]

بص لوعربية سيراتو او الينترا مدة 3شهور
يبقي المفروض تبقي في حدود 150 او 160

علشان هيا لو يوم واحد بتبقي اغلي ممكن توصل ل 200

انما لو عربية صغيرة لانوس او فيرنا هاتبقي اقل طبعا في السعر وممكن تبقي ب 110او 120 في المدة الطويلة وخلي بالك اكشف علي العربية كويس جدااا ولو فيها خبطة ولا حكة وريها لصاحب المعرض علشان الموضوع دة في تلبيس كتير خلي بالك

شكرا يا غالي علي الافاده
انا عمري ما اتاجرت عربيه لان الحمد لله كان عندي عربيتي بس كتير نصحوني ابيعها وبتاع بدل ما اركنها بس الحمد لله علي كل حال
بس 150-160 كنير يعني 3 شهور 14400 وخصوصا ان العربية لو حصل فيها حاجه هشلها لفي تامين ولي بتنجان

حدد نوع العربية اللي محتاجها، وأكيد كل حاجة بسعر

والله يا باشا هو المفروض عليك الكوري زي ما الاستاذ مستر قال في الرد الي فات انا شخصيا محتاج حاجه صغيره علي قد مشوار 40 كيلو 80 كيلو ممكن اروح بيها شمال سيناء وبردو في نفس الوقت يكون شكلها عربيه نضيفه فاهمني حضرتك

[طارق _عبد السلام]

الشهر هيقف عليك ب 5الاف .. اشترى عربيه بياعه ولها سوق وبيعها قبل السفر

[mikho83]

هو حضرتك من سينا؟؟ ولا هاتسافر بيها سينا؟

[AhMeD MeTwAlY]

الشهر هيقف عليك ب 5الاف .. اشترى عربيه بياعه ولها سوق وبيعها قبل السفر

ما انا بفكر في الموضوع دا ودخلت علي اسعار العربيات وربنا ييسر ونقع في حاجه نضيفه هخسر الف او اتنين مفيش مشكلة واسمها عربيتي حصلها حاجه لقدر الله مش مشكلة انما عربيات الغير ومفيش تامين بيبق الوضع صعب وخصوصا في مصر العيال بتمشي تبري حوافرها علي العربيات وكل واحد لابس الفنله ام حمالات وراكب الموتورسيكل يحكها شوية

هو حضرتك من سينا؟؟ ولا هاتسافر بيها سينا؟

لا انا شرقاوي بس بحب جو العريش في السكون كدا روحتها من حوالي 7 سنين وكل سنه بروح هناك اسبوع اتنين
جوها تحفه خصوصا الفجر كدا تنزل تتمشي وتاخد شايك معاك ولي قهوتك تحس بمتعه عاليه

[ahmedwagdy03]

بص لوعربية سيراتو او الينترا مدة 3شهور
يبقي المفروض تبقي في حدود 150 او 160

علشان هيا لو يوم واحد بتبقي اغلي ممكن توصل ل 200

انما لو عربية صغيرة لانوس او فيرنا هاتبقي اقل طبعا في السعر وممكن تبقي ب 110او 120 في المدة الطويلة وخلي بالك اكشف علي العربية كويس جدااا ولو فيها خبطة ولا حكة وريها لصاحب المعرض علشان الموضوع دة في تلبيس كتير خلي بالك

لو فيها حاجة يوريها لصاحب المعرض !!!!

لأ طبعا : يصور العربية بالكامل بالموبايل لحظة إستلامها قدام صاحب المعرض أو يكون معاه واحد صاحبه و يصور فيديو .أنا عملت كدة لما أجرت عربية فى الرياض لإن للأسف اللى شغالين فى المعارض معظمهم مصريين و الحركات الوسخة موجودة برضه . فما بالك فى مصر

[samyyousef]

سمعت - و الله اعلم - ان فيه معارض سيارات مستعملة .....بتشتري منها العربية ثم تقوم ببيعها لها مرة اخرى بعد المدة المحددة.....بفرق سعر...و بعد اعادة المعاينة....هو يبيعها باقصى قيمة لمتوسط السعر...و يشتريها باقل قيمة لمتوسط السعر على ما اذكر

[AhMeD MeTwAlY]

نصيحه ابعد عن ايجار العربيات فمصر هيكتبوك شيكات بتمن العربيه ومسؤليه ملهاش لازمه ومتضمنش تتسرق من صاحب المعرض نفسو او يتعمل عليك فيلم او تتخبط واجازتك تبوظ يا تتأكد 1000 مره من حد موثوق منو وده انا اشك ان فى حد كويس فى المهنه دى يا تعتمد على التكسيات وتريح دماغم

المشكلة ان هيكون معايا ولدتي واختي الصغيره همرمطهم معايا وهتروح القاهره في ميكروباص انت وهما لو عليك مفيش مشكلة انما الحريم دول قضيه وخصوصا في الوقت الي احنا فيه

لو فيها حاجة يوريها لصاحب المعرض !!!!

لأ طبعا : يصور العربية بالكامل بالموبايل لحظة إستلامها قدام صاحب المعرض أو يكون معاه واحد صاحبه و يصور فيديو .أنا عملت كدة لما أجرت عربية فى الرياض لإن للأسف اللى شغالين فى المعارض معظمهم مصريين و الحركات الوسخة موجودة برضه . فما بالك فى مصر

فكره كويسه جدا والله تسلم عليها اصور العربيه فيديو بره وجوه كمان

سمعت - و الله اعلم - ان فيه معارض سيارات مستعملة .....بتشتري منها العربية ثم تقوم ببيعها لها مرة اخرى بعد المدة المحددة.....بفرق سعر...و بعد اعادة المعاينة....هو يبيعها باقصى قيمة لمتوسط السعر...و يشتريها باقل قيمة لمتوسط السعر على ما اذكر

والله دا لو موجود يبق تمام اوي يعني اقدر اشتريها منه وابيعهاله تاني بعدها بفتره حاجه زي الفل :d بس فين بقئ