اسفسار بخصوص نضارات هاي كوبي

[الاسد المهاجر]

السلام عليكم
امبارح كنت عند مترو محمد نجيبقولت ابص علي النضارات عجبتني ريبان هاي كوبي قالي 250والنهائي قالي200 ايه رائكم في الاسعار ياريت اهل الخبره يفيدوني وياريت لو حد ليه تجربه يقول

[misry]

انا اشتريت نضارة Boss ب250 من غير فصال في طنطا ... اعتقد تبقى ب200 في القاهرة

[miam0502788391]

دى مش هاى كوبى دى النسخة الدرجة التانية او التقليد
الهاى كوبى بيبتدى من 400 وانت طالع

[الاسد المهاجر]

بس تشوفها جودتها عاليه انا معرفتش افرق
ياريت حضرتك تقولي افرق ازاي

[أحمد كمال]

مانصحكش تلبس نضارة كوبي لان ال UV Protection بتاعها بيبقى اي كلام و انت كده بتشوي الشبكية بتاعتك

[accord]

في رايي المتواضع مفيش حاجة اسمها كوبي او هاي كوبي
فيه اصلي وفي تقليد (مهما اختلفت المسميات)

[أحمد كمال]

في رايي المتواضع مفيش حاجة اسمها كوبي او هاي كوبي
فيه اصلي وفي تقليد (مهما اختلفت المسميات)

متفق بشدة

[A_H_M_A_D]

في رايي المتواضع مفيش حاجة اسمها كوبي او هاي كوبي
فيه اصلي وفي تقليد (مهما اختلفت المسميات)

هو فعلا كلهم تقليد بس الصين بتطلع درجات كتير زي ما حضرتك عارف , الريبان بالذات ممكن تلاقيها بداية من 25 جنيه انا شوفتها في روكسي كمان , وشكلها من بعيد شغال قوي , بس طبعا خامات اي كلام و طباعة نص كم

الهاي كوبي دي بقى صعب جدا تفرقها عن الاصلي عشان كده معظم المحلات بيبيعوها على انها اصلية و يحط فيها الرقم اللي هو عايزه

[hugan]

هي نظارات ممتازه وماتفرقش عن اﻻصلي تماما
المشكله في محلات بيع اﻻصلي انت ماتضمنش انها اصلي
خاصه انت في مصر

[misry]

بخصوص العدسات ... فلازم طبعا تغيرها بعدسات كويسة علشان متضرش عينك

[marsguy]

عاوز أشرح بس ليه ما تشتريش نضاره تقليد

لما تلبس نضاره شمس الإضائه اللي داخله عينك بتقل. ولما الإضائه تقل قدحة عينك بتفتح أكتر عشان تدخل ضوء أكتر.

النضاره الشمس النضيفه بيكون فيها حمايه من الأشعه الفوق بنفسجيه. الأشعه دي بتضر العين.

النضاره التقليد مش بتحمي العين من اللآشعه الفوق بنفسجيه وحتى لو مكتوب عليها إنها بتحميها فده شئ ما تقدرش تقيسه ولا تتأكد منه ولو هي فعلاً ضرتك مش هاتقدر تقاضيهم ولا توصلهم أصلاً عشان إنت شاري نضاره مغشوشه.

في حالة إنك لابس نضاره مضروبه (سواء هاي كوبي أو نص نص كوبي) كل اللي بيحصل إن حدقة عينك بتفتح أكتر وتدخل أشعه فوق بنفسجيه أكتر وده عشان النضاره دي مافهاش فلتر للآشعه الفوق بنفسجيه.

في حالة إنك لابس نضاره أصليه كل اللي بيحصل إن حدقة عينك بتفتح أكتر بس مش بتدخل أشعه فوق بنفسجيه أكتر وده عشان النضاره دي فيها فلتر للآشعه الفوق بنفسجيه.


ممكن تقرأ أكتر هنا: كيف افرق بين النظارة الشمسية الاصلية او المقلدة - تمت الإجابة عنه - Google إجابات

شكراً

[الاسد المهاجر]

شكرا ليكم جميعا انا الصراحة ملقتش فرق بين الاصلي والهاي كوبي لاني عندي. ريبان اصلي بس كنت طبعا محتاج لخبرتكم

[الاسد المهاجر]

[QUOTE=marsguy;3875938663]عاوز أشرح بس ليه ما تشتريش نضاره تقليد

لما تلبس نضاره شمس الإضائه اللي داخله عينك بتقل. ولما الإضائه تقل قدحة عينك بتفتح أكتر عشان تدخل ضوء أكتر.

النضاره الشمس النضيفه بيكون فيها حمايه من الأشعه الفوق بنفسجيه. الأشعه دي بتضر العين.

النضاره التقليد مش بتحمي العين من اللآشعه الفوق بنفسجيه وحتى لو مكتوب عليها إنها بتحميها فده شئ ما تقدرش تقيسه ولا تتأكد منه ولو هي فعلاً ضرتك مش هاتقدر تقاضيهم ولا توصلهم أصلاً عشان إنت شاري نضاره مغشوشه.

في حالة إنك لابس نضاره مضروبه (سواء هاي كوبي أو نص نص كوبي) كل اللي بيحصل إن حدقة عينك بتفتح أكتر وتدخل أشعه فوق بنفسجيه أكتر وده عشان النضاره دي مافهاش فلتر للآشعه الفوق بنفسجيه.

في حالة إنك لابس نضاره أصليه كل اللي بيحصل إن حدقة عينك بتفتح أكتر بس مش بتدخل أشعه فوق بنفسجيه أكتر وده عشان النضاره دي فيها فلتر للآشعه الفوق بنفسجيه.


ممكن تقرأ أكتر هنا: كيف افرق بين النظارة الشمسية الاصلية او المقلدة - تمت الإجابة عنه -

Google إجابات

شكراً[/اQUOTE]

انا الصراحه مكنتش لاقي فرق في الشكل بس
كلام حضرتك مقنع جدا وانا فعلا هعمل بكلامك
شكرا جدا لحضرتك