اية شروط البناء في الشروق واسعار الاراضي لو سمحتم

[حسام الغرباوي]

السلام عليكم

لو سمحتم عايز اعرف اية شروط البناء في الشروق ..كام % من مساحة الارض والارتفاع بيكون كام ..؟؟ولو عايز اشتري ارض اتحاد ملاك انا و2 كمان معايا هيكون الموضوع ارخص من برة أو لا واية المكان اللي بعد سنتين او تلاتة يكون كويس لأننا برة مصر حاليا وعايزنها كمان سنتين او 3 للمعيشة

[حسام الغرباوي]

للرفع

[amr011111]

هرد على جزء من السؤال طبعاً لو انت جبت الارض وبنيتها هتبقى ارخص من الاسعار بره
بالنسبه للنسبه البنائيه بتبقى كل المدن الجديده بتبقى على 50% الى 60% من مساحه الارض مش متذكر النسبه بالظبط بس ده نتيجة انك بتسيب ردود من كل الجهات وبالتوفيق

[حسام الغرباوي]

هرد على جزء من السؤال طبعاً لو انت جبت الارض وبنيتها هتبقى ارخص من الاسعار بره
بالنسبه للنسبه البنائيه بتبقى كل المدن الجديده بتبقى على 50% الى 60% من مساحه الارض مش متذكر النسبه بالظبط بس ده نتيجة انك بتسيب ردود من كل الجهات وبالتوفيق

الف شكر ياعمرو ...بس متعرفش هل الاراضي مفتوحة المساحات ولا ليها تقسيمات معينة ؟

[hugan]

معلش هاعمل مشاركه لحد ماروح
انا شاري وبنيت في الشروق
ان شاء الله افيدك

[حسام الغرباوي]

معلش هاعمل مشاركه لحد ماروح
انا شاري وبنيت في الشروق
ان شاء الله افيدك

ياريت والله
منتظر حضرتك وتوصل بالسلامة إن شاء الله

[hugan]

بالتوفيق استاذ حسام
ربننا يعينك وتقد ر تشتري وتبني
اولا الشروق كمدينه جميله جد هاديه تماما مالهاش اي امتداد عمراني ولا ظهير صحراوي
زي التجمع والعبور والعاشر واكتوبر
تقدر تقول اقفلت لاءن حدودها معروفه طريق السويس طريق الاسماعيليه
الرابط الثالث مدينه هليوبوليس الجديده وعمارت الجيش
مفيش مصانع مفيش شركات يعني سكني صرف مساحه صغيره كمدينه
يعيبها بعيده تكه بس مش قوي 15 كيلو عن التجمع اللي وصلت لمساحه خرافيه
بالتالي اصبح مفيش فرق لائنك ممكن تاخد نصف ساعه داخل التجمع علي ماتوصل سكنك مثلا
مع فرق السعر الخرافي بين الشروق والتجمع يعني تقدر تقول بتسكن سكن محترم مع سعر اقل من التجمع بكثير
دا اول شيء
المساحات
العائلي دا بالنسبه لي افضل شيء انا اشتريت فيه قريب جدا من طريق السويس
هاديء جدا
مستويات تقدر تقول فوق المتوسطه اجتماعيا
المساحات 260 متر بتبني علي 60% الشقه 165 متر صافي لو بتبتاع تجاري بتتحسب 200 متر
ةممكن الدور يتقسم علي شقتين بتاخد رسومات بكده شقه واحده او شقتين
الرخصه بدروم
ارضي
3 مكرر
جراج برامب
غرفه سطح للخدمه
القطعه 3 اتجااهات فاضي امامي طبعا منزل الرامب ومدخل البدروم والخلفي فاضي جانب واحد ملتصق بالجار
الاسعار بتتكلم لو مبني خلصان هيكل خرسانه فقط 1200000
لو ميني بدروم او سقف الارضي بتتكلم في مليون جنيه او 900 الي 950 الف حسب المكان والتميز

لو ارض فاضيه لا انصح بيها لاءن الاراضي تقريبا خلصت في العائلي وممكن يكون عليها مشكه مع الجهاز

ومده السماح انتهت
البيع طبيعي في العائلي بدون مشاكل مع الجهاز والكلام ده هانحتاجه بعد كده
لاءن العائلي تخصيص مش قرعه

النوع الثاني الاسكان الاجتماعي
نفس نموذج العائلي بس المساحه 209 متر الشقه 120 متر
موجود اراضي بكثره تعمل 550 الف الي 650 الف حسب التميز
لكن لاانصح بيها اطلاقا لاءن عليها حظر بيع بسبب انها قرعه
البعض بليتف علي القانون بعقد ابتدائي وتوكيل اداره
لكنه لا يصلح في التنتازل ونقل الملكيه في الجهاز
جهاز كل مدينه هو صاحب السلطان علي مدينته الجديده علي مستوي الجمهوريه
النوع الثالث عمارات
ودي في الغالب بتكون مع شركات ونادر بيعها كاراضي او تقدر تقول مش موجود
دي مساحتها 600 او700 والمتر بيعمل من 2500 الي 3000 حسب التميز
تقسيمها بدروم ارضي 4 مكرر
وممكن تحجز اراضي عمارت عن طريق العا ملين بالخارج بالدولار او القرعه الجديده

النوع الرابع فيلات دي ممكن تتقسم شقق
بدروم
ارضي 2 مكرر الدور علي شقتين
مفيش منها اراضي حاليا
لكم الفيلا بتتكلم 3 الي 4 مليون حسب التميز


يارب اكون قدرت افيدك علي حد علمي

[حسام الغرباوي]

بالتوفيق استاذ حسام
ربننا يعينك وتقد ر تشتري وتبني
اولا الشروق كمدينه جميله جد هاديه تماما مالهاش اي امتداد عمراني ولا ظهير صحراوي
زي التجمع والعبور والعاشر واكتوبر
تقدر تقول اقفلت لاءن حدودها معروفه طريق السويس طريق الاسماعيليه
الرابط الثالث مدينه هليوبوليس الجديده وعمارت الجيش
مفيش مصانع مفيش شركات يعني سكني صرف مساحه صغيره كمدينه
يعيبها بعيده تكه بس مش قوي 15 كيلو عن التجمع اللي وصلت لمساحه خرافيه
بالتالي اصبح مفيش فرق لائنك ممكن تاخد نصف ساعه داخل التجمع علي ماتوصل سكنك مثلا
مع فرق السعر الخرافي بين الشروق والتجمع يعني تقدر تقول بتسكن سكن محترم مع سعر اقل من التجمع بكثير
دا اول شيء
المساحات
العائلي دا بالنسبه لي افضل شيء انا اشتريت فيه قريب جدا من طريق السويس
هاديء جدا
مستويات تقدر تقول فوق المتوسطه اجتماعيا
المساحات 260 متر بتبني علي 60% الشقه 165 متر صافي لو بتبتاع تجاري بتتحسب 200 متر
ةممكن الدور يتقسم علي شقتين بتاخد رسومات بكده شقه واحده او شقتين
الرخصه بدروم
ارضي
3 مكرر
جراج برامب
غرفه سطح للخدمه
القطعه 3 اتجااهات فاضي امامي طبعا منزل الرامب ومدخل البدروم والخلفي فاضي جانب واحد ملتصق بالجار
الاسعار بتتكلم لو مبني خلصان هيكل خرسانه فقط 1200000
لو ميني بدروم او سقف الارضي بتتكلم في مليون جنيه او 900 الي 950 الف حسب المكان والتميز

لو ارض فاضيه لا انصح بيها لاءن الاراضي تقريبا خلصت في العائلي وممكن يكون عليها مشكه مع الجهاز

ومده السماح انتهت
البيع طبيعي في العائلي بدون مشاكل مع الجهاز والكلام ده هانحتاجه بعد كده
لاءن العائلي تخصيص مش قرعه

النوع الثاني الاسكان الاجتماعي
نفس نموذج العائلي بس المساحه 209 متر الشقه 120 متر
موجود اراضي بكثره تعمل 550 الف الي 650 الف حسب التميز
لكن لاانصح بيها اطلاقا لاءن عليها حظر بيع بسبب انها قرعه
البعض بليتف علي القانون بعقد ابتدائي وتوكيل اداره
لكنه لا يصلح في التنتازل ونقل الملكيه في الجهاز
جهاز كل مدينه هو صاحب السلطان علي مدينته الجديده علي مستوي الجمهوريه
النوع الثالث عمارات
ودي في الغالب بتكون مع شركات ونادر بيعها كاراضي او تقدر تقول مش موجود
دي مساحتها 600 او700 والمتر بيعمل من 2500 الي 3000 حسب التميز
تقسيمها بدروم ارضي 4 مكرر
وممكن تحجز اراضي عمارت عن طريق العا ملين بالخارج بالدولار او القرعه الجديده

النوع الرابع فيلات دي ممكن تتقسم شقق
بدروم
ارضي 2 مكرر الدور علي شقتين
مفيش منها اراضي حاليا
لكم الفيلا بتتكلم 3 الي 4 مليون حسب التميز


يارب اكون قدرت افيدك علي حد علمي

انا بشكر حضرتك جدا جدا علي الافادة دي وفعلا اوفيت بكل المطلوب اللي كان بيدور في بالي

سؤال اخير فقط
بالنسبة لاراضي الاسكان العائلي اللي هي 260 متر وصافي 165 متر ...دي ازاي ممكن شقتين ...يعني لو هتبني علي شقتين بيديلك مساحة بناء اكتر من 60% ولا بيقسلمك ال 165 متر علي اتنين ؟؟ وهل فيها رسومات ثابتة ولا كل واحد بيرسم رسم خاص ؟
معلش عشان دا مناسب جدا ليا انا والشخصين اللي معايا ( هنعمل إتحاد ملاك إن شاء الله )

ومرة تانية والله شكرا جدا لحضرتك وعلي تعبك لانك اختصرت عليا بحث كتير

[hugan]

انا بشكر حضرتك جدا جدا علي الافادة دي وفعلا اوفيت بكل المطلوب اللي كان بيدور في بالي

سؤال اخير فقط
بالنسبة لاراضي الاسكان العائلي اللي هي 260 متر وصافي 165 متر ...دي ازاي ممكن شقتين ...يعني لو هتبني علي شقتين بيديلك مساحة بناء اكتر من 60% ولا بيقسلمك ال 165 متر علي اتنين ؟؟ وهل فيها رسومات ثابتة ولا كل واحد بيرسم رسم خاص ؟
معلش عشان دا مناسب جدا ليا انا والشخصين اللي معايا ( هنعمل إتحاد ملاك إن شاء الله )

ومرة تانية والله شكرا جدا لحضرتك وعلي تعبك لانك اختصرت عليا بحث كتير

الشكر لله
لاء نفس المساحه البنائيه بدون اي تعديلات
لكن التعديل بيكون داخلي
في حاله 2شقه بالدور
يعني شقه اماميه وشقه خلفي
كل شقه 2 نوم صاله حمام واحد مطبخ
الرسومات ثابته طبعا
بتاخدها من الجهاز المالك الاصلي بيسلمها ليك
والجهاز بيستلم منك المبني بعد الانتهاء علي الرسومات المعتمده
الرسومات بتكون لكل شيء
قواعد
اعمده
واجهات
تقسيم داخلي لو حاله شقه واحد
تقسيم لو حاله شقتين اسمها مسقط افقي

لوح بالتسليح لكل دور
لوح بالصرف والتغذيه
لوح الاسوار
مفيش اي فرصه في المدن الجديده نهائي للمخالفات او الافتكاسات
كله بيكون من خلال رسومات واشتراطات الجهاز
بالتوفيق ان شاء الله

[M!SHO]

طيب بعد اذن استاذ حسام

لو الواحد اشترى في العائلي هياكل ، اللي بمليون و ٢٠٠ الف وصرف عليها ٢٠٠ : ٣٠٠ الف تشطيب ( نص تشطيب ) ومحتاج شقه واحده بس وباع الباقي تجاري ، ينفع ولا فيه مشاكل ، والمتر هيتباع بكام ، والمساحه الصافي ولا التوتال ؟

وحضرتك تنصح بالموضوع ده ولا العمليه مش جايبه همها

[حسام الغرباوي]

الشكر لله
لاء نفس المساحه البنائيه بدون اي تعديلات
لكن التعديل بيكون داخلي
في حاله 2شقه بالدور
يعني شقه اماميه وشقه خلفي
كل شقه 2 نوم صاله حمام واحد مطبخ
الرسومات ثابته طبعا
بتاخدها من الجهاز المالك الاصلي بيسلمها ليك
والجهاز بيستلم منك المبني بعد الانتهاء علي الرسومات المعتمده
الرسومات بتكون لكل شيء
قواعد
اعمده
واجهات
تقسيم داخلي لو حاله شقه واحد
تقسيم لو حاله شقتين اسمها مسقط افقي

لوح بالتسليح لكل دور
لوح بالصرف والتغذيه
لوح الاسوار
مفيش اي فرصه في المدن الجديده نهائي للمخالفات او الافتكاسات
كله بيكون من خلال رسومات واشتراطات الجهاز
بالتوفيق ان شاء الله

بشكر حضرتك مرة تانية علي المعلومات الوافية جدا
جزاك الله الف الف خير

[swimmer25]

ألحق وقدم في القرعة الحالية شروق أو تجمع..الأسعار في الشروق حلوة بس في التجمع عالية شوية


الرابط ده فيه كل البيانات والشروط البنائية للأراضي المتاحة والأسعار وأهو بدل ما تدفع أوفر في أراضي قرعة سابقة عشان تشتري من مالك سابق
الصفحة الرئيسية - القرعة المميزة1-2015

بالتوفيق

[حسام الغرباوي]

اسعار الاراضي فين ؟؟ انا شفت الاسعار بتاعة القطع المميزة دي اعتقد انها اعلى من اللي برة
ياريت لو تكرمت تبعتلي رابط الاسعار

[khmshry]

بعد اذن صاحب الموضوع كنت بسال علي شقق فيﻻت بالشروق مساحات 150 الي 160 متر صافي تعمل كام

[hugan]

اسعار الاراضي فين ؟؟ انا شفت الاسعار بتاعة القطع المميزة دي اعتقد انها اعلى من اللي برة
ياريت لو تكرمت تبعتلي رابط الاسعار

المتر في القرعه مش رخيص نهائي
نازل3000 جنيه
خلاف انها لسه هاتكون منطقه تحت اﻻنشاء يعني 5سنوات كمان علي ماتتسكن