حد تاجر خضراوت يفسر اسباب ارتفاع الخضار واللحمة المفاجئ فى السوق

[الفجر]

انا نفسى اعرف لسة الكهربا والبنزين ما ارتفعوا والخضار واللحمة اسعارهم زادت بطريقة قاسية جدا الأسبوعين الماضيين

انا روحت اشترى ارنب لاقيت كيلو الارنب ب 45 جنية والله كيلو بامية 25 جنية كيلو سبانخ عشرة جنية !! طماطم ب عشرة جنية كيلو اللى كان سعرها من أسبوعين 3 جنية قفقط !!

طيب لية الزيادة الرهيبة دى ولة رمضان ما دخل ولا بنزين وكهراب طلعوا

ارجوكم عايز تفسير منطقى؟

[Karim Alaa]

طماطم ايه الى ب 10 جنيه :) فين الكلام ده

[مُصْطٓفٓى]

الطماطم بـ 8 جنيه محدش ينكر

[miam0502788391]

الطماطم اى نعم غالية
لكن باقى الاسعار مبااااااااااااالغ فيه جدااااااااااااا
ارنب ايه اللى الكيلو ب 45

[mk3]

اى ارتفاع فى خدمه كهرباء او وقود بيتعوض من جيب حضرتك خصوصا الكهرباء التجارى شغل جنان
البلد حالها واقف ..اللى كان بياخد كيلو بياخد نص وبالتالى التاجر اتأثر والتاجر لازم يعوض مصاريفه ويكسب فاى زياده فى الاسعار هتنعكس فورا على المنتج النهائى بدون مهاوده او رحمه... البلد بتلم فلوس من الشعب باى وسيله وده غلط لانه هيزيدنا تخلف ورجعيه . لازم تنتج لازم تفتح الصحرا بتوصيل المرافق..الشباب مستعد يتجوز فى الصحرا بس انت وسعله بلاش اللى حصل فى ابنى بيتك

[hugan]

ياراجل كبر مخك
ناكل فول وطعميه
زي المتخلفه روﻻ خرساء
ربنا يخرسها للابد
عايزه.الناس ماتشغلش مراوح توفيرا لكهرباء المكيفات
اللي بتستعملها هي وجوزها المناوي

[ali ashraf]

تعددت الاسباب و الزيادة واحدة

السبب المباشر الواضح الان هو ارتفاع درجات الحرارة يؤدى لتلف الخضروات و اللحوم بسرعة و تحتاج تبريد اكثر و ده يرفع سعر تخزينها و اعتقد هناك سبب تانى اهم و هو رفع الاسعار تدريجيا من الان علشان الناس لا تصدم فى رمضان ....رمضان مع زيادة اسعار الكهرباء مع ارتفاع درجات الحرارة هيبقى شهر "مولع" من كله فالارتفاع التدريجى يقلل الاحساس بالارتفاع مرة واحده ....عموما مطلوب ربط الاحزمة سنه و نصف ان شاء الله هتفرج مع بدايات 2017 لما انتاج مصر من النفط و الغاز يزداد و نرجع دولة مصدرة او على الاقل الاستيراد هيقل جدا....يعنى الامل و الخير موجود ان شاء الله.

[مُصْطٓفٓى]

السبب المباشر الواضح الان هو ارتفاع درجات الحرارة يؤدى لتلف الخضروات و اللحوم بسرعة و تحتاج تبريد اكثر و ده يرفع سعر تخزينها و اعتقد هناك سبب تانى اهم و هو رفع الاسعار تدريجيا من الان علشان الناس لا تصدم فى رمضان ....رمضان مع زيادة اسعار الكهرباء مع ارتفاع درجات الحرارة هيبقى شهر "مولع" من كله فالارتفاع التدريجى يقلل الاحساس بالارتفاع مرة واحده ....عموما مطلوب ربط الاحزمة سنه و نصف ان شاء الله هتفرج مع بدايات 2017 لما انتاج مصر من النفط و الغاز يزداد و نرجع دولة مصدرة او على الاقل الاستيراد هيقل جدا....يعنى الامل و الخير موجود ان شاء الله.

شكلك بتتفرج على القنوات اللي بتأيد الحكومة

[ali ashraf]

لا و الله ده على العكس

شكلك بتتفرج على القنوات اللي بتأيد الحكومة

السلام عليكم , على العكس بس الصورة قاتمة جدا و لو لاحظت انا مشاركاتى كلها غير متفائلة بالمرة على اللى بيحصل فى البلد لكن نعمل ايه لازم شوية تفائل علشان نقدر نعيش ...راجع مشاركتى فى ارتفاع الكهرباء الشهر القادم ..

[مُصْطٓفٓى]

السلام عليكم , على العكس بس الصورة قاتمة جدا و لو لاحظت انا مشاركاتى كلها غير متفائلة بالمرة على اللى بيحصل فى البلد لكن نعمل ايه لازم شوية تفائل علشان نقدر نعيش ...راجع مشاركتى فى ارتفاع الكهرباء الشهر القادم ..

شكرا لتوضيح حضرتك
لكن الوضع الحالي سيئ للغاية ومن سيئ إلى أسوأ
مادام يحكم مصر هذه الأشكال

[ali ashraf]

طب خد الخبر الجديد بتاع الغرامة على كشف الاطارات

شكرا لتوضيح حضرتك
لكن الوضع الحالي سيئ للغاية ومن سيئ إلى أسوأ
مادام يحكم مصر هذه الأشكال

طب حضرتك ادخل على المواضيع الجديدة و خد الخبر ده لسه طازة هيعملوا لجان امن و متانة على الاطارات و الكاوتش اللى هيسقط فى الاختبار هيحطوا السيخ المحمى فى صرصور ودن صحبه ( مش عارف هيكشفوا على الكوتش و هو راكب فى الجنط ازاى و كشف ظاهرى بقى و لا ازاى بالضبط) طبعا سبوبه جديدة زى موضوع الحزام اللى خنقنا و العربيات ماشية بسرعة نصف ك/س....

[Mohamed_Hamid]

تغير الفصول من الصيف للشتا ومن الشتا للصيف بيرفع اسعار الخضروات والفواكه الموسمية والله أعلم.
بس هى الأسعار مبالغ فيها فعلا

[ahmedwagdy03]

انا نفسى اعرف لسة الكهربا والبنزين ما ارتفعوا والخضار واللحمة اسعارهم زادت بطريقة قاسية جدا الأسبوعين الماضيين

انا روحت اشترى ارنب لاقيت كيلو الارنب ب 45 جنية والله كيلو بامية 25 جنية كيلو سبانخ عشرة جنية !! طماطم ب عشرة جنية كيلو اللى كان سعرها من أسبوعين 3 جنية قفقط !!

طيب لية الزيادة الرهيبة دى ولة رمضان ما دخل ولا بنزين وكهراب طلعوا

ارجوكم عايز تفسير منطقى؟

مش محتاج تسأل . الموضوع مالوش علاقة بسياسة أو حكومة زى ما بتحاول توصل فى كل مواضيعك و مالوش علاقة بمين اللى بيحكم س أو ص - حكيم أو عبيط - شريف أو حرامى - متدين أو خمورجى .

الموضوع أساسا جشع و طمع و إحتكار و رغبة فى المكسب السريع بدون وجود وازع دينى أو أخلاقى من أيام "سيد بيه يا سيد بية -كيلو اللحمة بقى بجنية " لغاية البامية 28 جنية الكيلو . الموضوع ده موجود من قديم الأزل و إلا لما أنزل الله "ويل للمطففين " .( المطفف ليس فقط كما هو دارج التاجر الذى يتلاعب فى الميزان ليسرق الزبون و لكن يمتد المعنى ليشمل أيضا كل من يسرق الزبو ن سواء بالتلاعب فى الميزان أو إحتكار السلعة أو تقليل المعروض....) . العيب فينا إحنا قبل أن يكون فى الحكام ( اللى هم فى الأصل نتاج المجتمع )


سيبك بقى من كل الحوارات دى : طول عمر البامية بتبقى غالية جدا فى أول موسم البشاير بتاعتها و كلنا متعودين على كدة بس تقول إيه لما فئة تعبانة فى مخها تنسى كل ده و تركز بس إن السنة دى البامية ب 28 جنية

[mmolazem]

الحل : نشتغل على عربيات خضار و ناكل كل الخضار اللى منعرفش نبيعه :)
و يبقى حلينا مشكلة البطالة و الخضار فى نفس ذات الوقت .

[ahmedwagdy03]

الحل : نشتغل على عربيات خضار و ناكل كل الخضار اللى منعرفش نبيعه :)
و يبقى حلينا مشكلة البطالة و الخضار فى نفس ذات الوقت :s_thum1[1]:.

سيادتك حليت 3 مشاكل مش 2
البطالة و الغذاء و المواصلات لأن كل واحد حيبقى معاه عربية خضار ينتقل بيها سواء حيدورها سولار او برسيم