مساعده في حوار جواز

[mody1982]

انا اسف يا جماعه في الرد اللي هقوله
انا بحترم ارائكم جميعها بس انا دخلت اسأل سؤال محدد مطلبتش من حد رايه في شخصي
و رايه في سبب ان 15 واحده اللي شوفتهم و ده معناه ايه و ان معايري صح و لا لأ
يا جماعه سؤالي بسيط
سيبكوا مني و من ال 15 و من ظروف الاختيار ارجوكم
عامه البنت عاديه جدا جدا جدا حتي امي بتقولي دي لو عجباك ده انت ذوقك وحش قوي
يا جماعه ساعدوني في اني اسألها في ايه اتكلم معاها في ايه ازاي اقدر اخرج منها حاجه تديني انطباع عن شخصيتها و اسلوبها و اخلاقها

[بحار]

انا شايف بعد اذن حضرتك .. ان حل الموضوع كله والاجابات عن كل استفساراتك عايز ( الوقت ) يعنى لو أمكن زيارتين تلاته كمان اما جلسة أو اتنين مش كفايه .
- ماتستبعدش اختك ووالدتك فى المراحل الاولى .. رؤية 3 افراد غير واحد وتلاقيهم بعد الزيارة الاولى كل واحد شاف ملاحظه الباقى ما أخدش باله منها .
- الجرأة والانطلاق فى الزمن ده مش عيب دى ميزة .. الدنيا محتاجه اليومين دول الصفات دى .
- حكايه الخوف من الحسد انته ممكن تعالجه وتنبها بسهولة للحكايه دى . ده كل الناس اليومين دول فاكرين انهم ياأما محسودين ياأما هايتحسدو .

[mody1982]

انا شايف بعد اذن حضرتك .. ان حل الموضوع كله والاجابات عن كل استفساراتك عايز ( الوقت ) يعنى لو أمكن زيارتين تلاته كمان اما جلسة أو اتنين مش كفايه .
- ماتستبعدش اختك ووالدتك فى المراحل الاولى .. رؤية 3 افراد غير واحد وتلاقيهم بعد الزيارة الاولى كل واحد شاف ملاحظه الباقى ما أخدش باله منها .
- الجرأة والانطلاق فى الزمن ده مش عيب دى ميزة .. الدنيا محتاجه اليومين دول الصفات دى .
- حكايه الخوف من الحسد انته ممكن تعالجه وتنبها بسهولة للحكايه دى . ده كل الناس اليومين دول فاكرين انهم ياأما محسودين ياأما هايتحسدو .

متشكر علي رأيك يا استاذ بحار من الردود القلائل فعلا اللي في الموضوع و مش داخله علشان تهاجم فيا و في ظروفي هو حضرتك انا بشوفها في مكان عام مش في بيتهم انا مش بحب ادخل بيت حد الا لو هيبقي الموضوع رسمي خلاص و ده متمش قبل كده

[sha2e]

أولا نظرتك وتفريقك بين المستوى المادي والاجتماعي صحيحة
لو المستوى المادي فيه تفاوت بسيط الحياة هتمشي لو المستوى الاجتماعي واحد
لكن لو في فرق فى المستوى الاجتماعي الحياة لو مفشلتش واستمرت فهيكون على حساب نفسيتك وجهازك العصبي اللي هيستهلك بدري بدري

بخصوص الانتظار يومين او تلاته :
ده طبيعي ومفيش خلاف عليه ولو كانوا ردهم تعالى بكره هيتقال عليهم ما صدقوا لقوا عريس
وانت برضوا حاول تتقل شويه عشان متعطيش انطباع سلبي عنك

بخصوص الرنه :
- انا شايف انه عادي عشان ميبقاش اسمهم هما اللي بيتصلوا بيك
- وممكن برضوا يكون نتانه منهم

بخصوص موضوع التخميس ده :
- ممكن تكون عشريه وقالت الكلمه بتلقائية وهزار
- وممكن برضوا يكونوا مستوى اجتماعي أقل ومهووسين

بخصوص انها مش بتنسى :
- ممكن تكون طيبه وبتقول كل حاجه بطبيعتها
- وممكن برضوا بتعرفك وبتدبحلك القطة من اولها

بخصوص انها مش مكسوفه ومنطلقة :
- ممكن تكون شخصيتها كده اصلا انها عشرية وطيبه بزيادة
- وممكن برضوا تكون اللي جه فى بالك


الحل انك تروح تاني وتقعد معاها وتخلي والدتك تتكلم مع والدتها واختك تتكلم مع اختها وتحاولوا تعرفوا ان كان شكك فى محله ولا لأ ولو كان شكك فى محله فى أي نقطه من دول أخلع

أخيرا : كونك أول جلسه طلعت فيها بملاحظات أو تساؤلات في ذهنك ملقتلهاش تفسيرات واضحة فده مش شيئ سلبي بالعكس ده شيء كويس بدل ما كنت تفسرها غلط أو كنت ملاحظتهاش أصلا

تحياتي

[ESO101]

حضرتك عندك تصور إن الفارق العمري يعتبر عيب في العريس ؟ دا مش صحيح
بغض النظر عن رأي الفتاة .. حضرتك طلبت النصيحة في ( حوار الجواز ) ونصحتك بسن مقارب أكتر ..
لإنه من أهم أسباب التوافق .. فالنصيحة ليك مش ضدك .. غير إنك شايف سلبيات كتير في شخصيتها وطريقتها مش متوافقة معاك
عمومًا
جيل واحد سابق مش مقياس مايناسبهم قد لا يناسب غيرهم
ووجود فارق يصل لـ 30 سنة والزوجين مستمرين مع بعض مش دليل على إنه زواج ناجح .. البيوت أسرار .
في النهاية يا أخي الكريم أمر سعاتك قرار فإيدك .. شكلها مقبول ودا شيء إيجابي لو شايف إن فيه توافق فكري وشخصيتها مناسبة لشخصيتك
يبقى توكل على الله ... ربنا يوفقك للخير

[amr011111]

من ضمن الحاجه اللى تخليك تفكر شويه فى الموضوع انها خدت وقت تلات ايام علشان يردوا عليك
الموضوع ده له تفسيرين
ياما انهم بيعززوا نفسهم وده انت اللى هتحدده
ياما فيه واحد تانى فى حياتها واقنعوها انك مهندس وتقعد معاك مش هتخسر حاجه والكلام ده
فالحل انك توصل لحد من دفعتها وتسال عليها وربنا يسامحنى لو كان غلط بس انت طلبت النصيحه ولازم تاخد كل الاراء فى الحسبان
ومتستهمينش باى راى حد بيدهولك لان كل شىء وارد

[هيثم مجدي]

ممكن تكون أنت من احسن الناس وأكرمهم, و هي من أحسن الناس وأكرمهم
لكن اللي حكيته دا كله يوضح انك مش هتقدر تمشي الأمور لو حصل بينكم اي ارتباط. هي كشخصية مش مناسبة لك, هيظهرلك مشاكل من لاشئ, وهتلاقي نفسك في كل موقف في صراع بين انك تقوّم سلوكها عشان يتناسب معاك, وفي انك تتغاضى عن بعض الأمور عشان الدنيا تمشي. يعني موضوع "التخميس" شوف مع انه بسيط لكنه لفت نظرك, طيب لما يبقى فيه ارتباط وتقول كلمة لأختك تتفهم خطأ ؟ لو والدتها نسيت تجيب هدية لوالدتك في مناسبة معينة ؟ كل المواقف (الصغيرة) هتكبر لان فيه عدم توافق بينكم.

بالنسبة للسن, انا رأيي اللي يناسبك سن 25 - 27 سنة, هتكون هادية وراكزة وبتنتبه لكلامها أكتر من البنت اللي بتحكي عنها. حاول تغير طريقة بحثك و شروط السن بالذات عشان تقدر تلاقي شريحة مختلفة تختار منها. اغلب اللي في سن 20 - 24 حاليا متمردات, و مش بالمعنى السئ للكلمة, لكنهم محتاجين معاملة بشكل معين ممكن حضرتك متقدرش عليها, مش عشان عيب فيك لكن دي طبيعة الأمور. وإن شاء الله بالتوفيق

[mody1982]

ممكن تكون أنت من احسن الناس وأكرمهم, و هي من أحسن الناس وأكرمهم
لكن اللي حكيته دا كله يوضح انك مش هتقدر تمشي الأمور لو حصل بينكم اي ارتباط. هي كشخصية مش مناسبة لك, هيظهرلك مشاكل من لاشئ, وهتلاقي نفسك في كل موقف في صراع بين انك تقوّم سلوكها عشان يتناسب معاك, وفي انك تتغاضى عن بعض الأمور عشان الدنيا تمشي. يعني موضوع "التخميس" شوف مع انه بسيط لكنه لفت نظرك, طيب لما يبقى فيه ارتباط وتقول كلمة لأختك تتفهم خطأ ؟ لو والدتها نسيت تجيب هدية لوالدتك في مناسبة معينة ؟ كل المواقف (الصغيرة) هتكبر لان فيه عدم توافق بينكم.

بالنسبة للسن, انا رأيي اللي يناسبك سن 25 - 27 سنة, هتكون هادية وراكزة وبتنتبه لكلامها أكتر من البنت اللي بتحكي عنها. حاول تغير طريقة بحثك و شروط السن بالذات عشان تقدر تلاقي شريحة مختلفة تختار منها. اغلب اللي في سن 20 - 24 حاليا متمردات, و مش بالمعنى السئ للكلمة, لكنهم محتاجين معاملة بشكل معين ممكن حضرتك متقدرش عليها, مش عشان عيب فيك لكن دي طبيعة الأمور. وإن شاء الله بالتوفيق

بص يا باشا هي داخله علي ال 24 يعني مش بعيده عن ال 25 زي ما حضرتك كنت بتقول انه سن حلو المشكله ان البنت مختلفه عن اللي شوفتهم قبلها اللي كانوا قريبيت منها في العمر
اكبر واحده شوفتها كانت 26 سنه
مش عارف اقيم و انا عايز جوازه تريحني مش جوزاه تتعبني
للأسف كمان عدم قدرتي علي الحصول علي المعلومات عنها مخليني هتجنن علشان المصدر الوحيد للمعلومات هو قعدتنا مع بعض اللي هي اصلا مينقعش تبقي قاعده استجواب
و ممكن يبقي فيها خداع و كدب
عموما انا محدد ميعاد تاني معاهم و هنقعد و نشوف
امي و اختي طيبين و هبل و دايما شايفين الناس كلها حلوه و نادرا لما يخدوا موقف من حد
خايف لو مقدرتش اجمع صوره كافيه في المره الجايه اسيب البنت ابقي ظلمتها و ظلمت نفسي و خايف اتوكل علي الله ابقي وحلت نفسي
صراحه يا جماعه انا بنصح كل شاب ينشن علي حد معاه في الجامعه او قريبه من و هو صغير
و ميتسناش لما يبقي جاهز للجواز
انا بقالي تقريبا 5 سنين بدور و في الاخر زي ما انتم شايفين

[mody1982]

من ضمن الحاجه اللى تخليك تفكر شويه فى الموضوع انها خدت وقت تلات ايام علشان يردوا عليك
الموضوع ده له تفسيرين
ياما انهم بيعززوا نفسهم وده انت اللى هتحدده
ياما فيه واحد تانى فى حياتها واقنعوها انك مهندس وتقعد معاك مش هتخسر حاجه والكلام ده
فالحل انك توصل لحد من دفعتها وتسال عليها وربنا يسامحنى لو كان غلط بس انت طلبت النصيحه ولازم تاخد كل الاراء فى الحسبان
ومتستهمينش باى راى حد بيدهولك لان كل شىء وارد

فكرت فيها
و قولت ممكن حتي ميبقاش في حد في حياتها و اهلها بيقولوا ليها ده عريس كويس و فرصه
و يكونوا بيضغطوا عليها علشان تقابلني
انا بفكر اسألها مباشره عن سبب التاخير

[4fun14]

السن يباه مشكله لو حد فيكوا حاسس انه فرق كبير.. بس غير كدة عادي.. متركزش فيه

[hh]

اول حاجة موضوع التأخير ده مفيهوش اي حاجة. بتتقل، بتفكر، مترددة اي تفسير من دول و لا يعيبها و لا يعيبك. اذا كنت انت نفسك بتفكر و تسأل و تفسر كل حركة و همسة، تفتكر هي مش حتفكر و تاخد وقتها؟ حتى لو هي بتقابلك عشان عريس كويس و فرصة برضه ايه المشكلة؟ ماهو جواز الصالونات كدة انت بتقيم ظروفها و شخصها و هي كمان، و اهم حاجة في العريس في الصالونات انه يكون جاهز اكيد.

موضوع انهم بلدي دي انت تحكم عليها مش حد تاني و اكيد بتبان في اللبس و التصرفات و طريقة الكلام. انما حكاية التخميس دي مش مقياس، ممكن جدا تكون هزار او تكون طريقة اختك ضايقتها فبتغلس عليها. يعني اختك بتنتقد رفعها حتي لو قالتلها انها ميزة لأنها لو شايفاها ميزة مكنتش علقت من الاول فالبنت بتفهمها ان دي حاجة الناس بتحسدها عليها. رأيي النقطة دي كلام ستات في بعض متديهاش اهتمام اكبر من حجمها.

كونها منطلقة و مش مكسوفة في الكلام دي شخصيتها و اعتقد ان معناها انك عاجبها و الا كانت بقت مقفلة معاك. لو انت من النوع اللي عايز واحدة مقفلة و مش متكلمة و لا جريئة دي حاجة ترجع لك، انما النقطة دي متقلقش من اخلاقها لو هو ده قصدك بالعكس هي مش بتحاول تمثل، و انا شخصيا مش فاهمة الرجالة اللي بيبقوا عايزين واحدة مقفلة و ملهاش شخصية دول خالص.

حكاية انها بتقول لك انها مبتنساش دي برضه انا مش عارفة تقلق في ايه. اولا فعلا كل الستات مبتنساش و حتكتشف ان ممكن مع اول خناقة تلاقيها شايلالك حاجات عملتها من سنين :-o و الله لو فكرت شوية حتلاقي مامتك نفسها كدة. طالما قررت تتجوز يبقى تقبل الستات بمميزاتهم و عيوبهم :-)

حكاية الرنة دي بصراحة بايخة شوية و اتمنى انها متدلش عالبخل. بس هي ممكن قوي الام تكون شايفة انها عيب هي اللي تتصل بيكوا. موضوع البخل ده يبان اكتر لما تدخل بيتهم و ان كان بخل الام مش دليل على بخل البنت.

بصراحة واضح من كلامك ان البنت عاجباك بس انت خايف مش اكتر. وفي نفس الوقت اعمل حسابك ان رأي مامتك و اختك بس عشان يلفتوا نظرك لحاجة انت مش شايفها، انما وارد جدا تكون فيه حاجات مش عاجباهم و انت معندكش مشكلة فيها فرأيهم في النهاية مش مقياس خصوصا في الشكل لأن واضح انهم بيقولوا عليها مش حلوة و رفيعة زيادة و بلدي، يعني مش عاجباهم و بيقلقوك منها. انما في الاخر الحاجات دي ازواق و انت مش حتتجوز على زوق مامتك، اهم حاجة متكونش تحفظاتهم ليها علاقة بأخلاق البنت و اهلها.

اخيرا متنساش الاستخارة و ادعي دايما ان ربنا ييسر لك الافضل و سيب الامور على الله. حاول تبقى مقبل على الموضوع ببساطة و متحملش الامور اكتر مما تحتمل و ان شاءالله ربنا ييسر لك امرك و يكتب لك الخير.

[mody1982]

اول حاجة موضوع التأخير ده مفيهوش اي حاجة. بتتقل، بتفكر، مترددة اي تفسير من دول و لا يعيبها و لا يعيبك. اذا كنت انت نفسك بتفكر و تسأل و تفسر كل حركة و همسة، تفتكر هي مش حتفكر و تاخد وقتها؟ حتى لو هي بتقابلك عشان عريس كويس و فرصة برضه ايه المشكلة؟ ماهو جواز الصالونات كدة انت بتقيم ظروفها و شخصها و هي كمان، و اهم حاجة في العريس في الصالونات انه يكون جاهز اكيد.

موضوع انهم بلدي دي انت تحكم عليها مش حد تاني و اكيد بتبان في اللبس و التصرفات و طريقة الكلام. انما حكاية التخميس دي مش مقياس، ممكن جدا تكون هزار او تكون طريقة اختك ضايقتها فبتغلس عليها. يعني اختك بتنتقد رفعها حتي لو قالتلها انها ميزة لأنها لو شايفاها ميزة مكنتش علقت من الاول فالبنت بتفهمها ان دي حاجة الناس بتحسدها عليها. رأيي النقطة دي كلام ستات في بعض متديهاش اهتمام اكبر من حجمها.

كونها منطلقة و مش مكسوفة في الكلام دي شخصيتها و اعتقد ان معناها انك عاجبها و الا كانت بقت مقفلة معاك. لو انت من النوع اللي عايز واحدة مقفلة و مش متكلمة و لا جريئة دي حاجة ترجع لك، انما النقطة دي متقلقش من اخلاقها لو هو ده قصدك بالعكس هي مش بتحاول تمثل، و انا شخصيا مش فاهمة الرجالة اللي بيبقوا عايزين واحدة مقفلة و ملهاش شخصية دول خالص.

حكاية انها بتقول لك انها مبتنساش دي برضه انا مش عارفة تقلق في ايه. اولا فعلا كل الستات مبتنساش و حتكتشف ان ممكن مع اول خناقة تلاقيها شايلالك حاجات عملتها من سنين :-o و الله لو فكرت شوية حتلاقي مامتك نفسها كدة. طالما قررت تتجوز يبقى تقبل الستات بمميزاتهم و عيوبهم :-)

حكاية الرنة دي بصراحة بايخة شوية و اتمنى انها متدلش عالبخل. بس هي ممكن قوي الام تكون شايفة انها عيب هي اللي تتصل بيكوا. موضوع البخل ده يبان اكتر لما تدخل بيتهم و ان كان بخل الام مش دليل على بخل البنت.

بصراحة واضح من كلامك ان البنت عاجباك بس انت خايف مش اكتر. وفي نفس الوقت اعمل حسابك ان رأي مامتك و اختك بس عشان يلفتوا نظرك لحاجة انت مش شايفها، انما وارد جدا تكون فيه حاجات مش عاجباهم و انت معندكش مشكلة فيها فرأيهم في النهاية مش مقياس خصوصا في الشكل لأن واضح انهم بيقولوا عليها مش حلوة و رفيعة زيادة و بلدي، يعني مش عاجباهم و بيقلقوك منها. انما في الاخر الحاجات دي ازواق و انت مش حتتجوز على زوق مامتك، اهم حاجة متكونش تحفظاتهم ليها علاقة بأخلاق البنت و اهلها.

اخيرا متنساش الاستخارة و ادعي دايما ان ربنا ييسر لك الافضل و سيب الامور على الله. حاول تبقى مقبل على الموضوع ببساطة و متحملش الامور اكتر مما تحتمل و ان شاءالله ربنا ييسر لك امرك و يكتب لك الخير.

والله انا متشكر لحضرتك جدا كون انك اول سيده ترد علي الموضوع بس علشان موضوع الرفع و الطخن ميتفهمش غلط اختي مكناتش بتقول ليها انت رفيعه الموضوع جه ان اختي بتقولها انا في وقت فراغي بروح جيم علشان احافظ علي وزني قامت البنت قالت ليها انا بقي باكل كتير بس بحرق اللي باكله كله اختي قالت ليها ما ده شئ كويس قامت البنت قالت ليها الله اكبر انت هتحسديني و خمست في وشها

[mody1982]

انا هقابل البنت النهارده بالليل حد عنده ملاحظات واقتراحات تساعدني اني احسم رأيي

[بحار]

انا هقابل البنت النهارده بالليل حد عنده ملاحظات واقتراحات تساعدني اني احسم رأيي

- خليك واثق فى نفسك ( بس مش مغرور )
- ماتشغلش بالك بأيه اللى تتكلم فيه المواضيع هاتجيب بعضها
- خليك واضح وصريح لأن الصراحه فى الاول أساس بتبنى علية مستقبل بكامله
- ياريت مايوصلش منك انك لسه متردد وانما بتفكر كتير بس لاهمية الموضوع ليك وليها

تمنياتى لك بالتوفيق ...

[hh]

انا هقابل البنت النهارده بالليل حد عنده ملاحظات واقتراحات تساعدني اني احسم رأيي

خد الامور ببساطة اكتر من كدة. خليك مقبل على الموضوع بنفس مفتوحة و من غير توتر و سيب الامور تمشي بشكل طبيعي و ادعي ربنا سبحانه و تعالى ييسر لك اللي فيه الخير