موظفين الحكومه والقطاع الخاص والتجار

[eslamrace]

اولا .. احب اشكر حضرتك و موضوعك على سلامة قصدك .. و حبك لبلدك . ثانيا .. اريد ان اعلق على جزئية القطاع الخاص تحديدا .. لعلمي و اشتغالي به لعدة سنوات من حياتي العملية .. الكلام بان الموظف قد اترضى المرتب فلا يجوز له المطالبة بزيادته ! .. طرح غير دقيق .. و هل اعباء و مسؤوليات الموظف الوظيفية لا تزداد بالتقادم ؟ .. بل تزداد احيانا ايضا بسبب تقليص صاحب العمل لموظفيه مع بقاء حجم العمل دون انكماش ! .. و هل اسعار الخدمة او المنتج المقدم من مؤسسته او شركته لا تزداد تحت ضغط التضخم و تحريك الاسعار كغيرها من السلع الاستهلاكية الضرورية لموظفيه و اسرهم ! .. و هل تعاقد صاحب العمل مع موظفين لا تتغير ظروفهم الاجتماعية كباقي البشر من العزوبية الى الزواج ثم الى الاعالة بل من الصحة الى المرض ! .. و الحقيقة ان معظم العمل الخاص يستنزف افراده جسديا و عصبيا بأضعاف غيره من قطاعات .. فأين المقابل ؟ .. كما ان العمل الخاص عادة يدير ظهره لموظفيه عند المرض المزمن او الكبر .. فإذا لم يأخذ الموظف كامل حقه سليما معافا .. فمتى سيأخذه ؟ .. كل ما فات على اعتبار ان صاحب العمل لا يتحايل على القوانين لسلب الموظفين حقوقهم و امتيازاتهم في العمل او بعد التقاعد .. وفي الختام .. من يدفع فعلا فاتورة اخفاق العمل الخاص ؟ .. لا شك بأن صاحب العمل قد جازف بأمواله .. و لكن هناك من موظفيه من يجازفون بشبابهم و مستقبل ذويهم .

لا حضرتك فهمت كلامى غلط انا بتكلم فى جزئيه الارباح مش زياده المرتب لان طبيعى ان اى موظف او عامل بيزيد مرتبه سنويا او كل فتره على الاقل لمواجهه التضخم لانى لو قولت ان العامل يفضل ياخد نفس المرتب فيعد 5 سنين مرتبه مش حيكفيه مواصلات
ولكن اللى بتكلم فيه ان بعض العاملين بيطالب بجانب زياده مرتبه جزء من ارباح المنشئه وده اللى انا شايفه مش منطقى لان الارباح بعد اقتطاع المرتبات والضرائب وباقى المصروفات مفترض انها خاصه بصاحب العمل له حريه التصرف فيها
واكيد من حق كل موظف فى القطاع الخاص طالما مجهوده بيزيد او بتغيير وضعه الوظيفي انه مرتبه يزيد واذا كان فى عمل اضافى ليه خارج عمله المحدد فحقه الحصول على بدلات تكافى جهده وده حق انا مقدرش اتكلم فيه
تحياتى.

[Forever.Leo]

عندي قناعة ان مصر لا تنقصها الموارد .. مصر .. قطاع عام او خاص او اي قطاع ! .. ينقصه عدالة التوزيع .. مطلوب التوقف .. عن تمييز افراد او فئات طفيلية لا تستحق .. على حساب اصحاب الكفاءة و الموهبة .

[eslamrace]

عندي قناعة ان مصر لا تنقصها الموارد .. مصر .. قطاع عام او خاص او اي قطاع ! .. ينقصه عدالة التوزيع .. مطلوب التوقف .. عن تمييز افراد او فئات طفيلية لا تستحق .. على حساب اصحاب الكفاءة و الموهبة .

بالفعل مصر لا تنقصها الموارد ولكن ينقصها من يدير الموارد بشكل كامل وامثل
ولكن الحل الاسهل والاسرع لاى حكومه علشان تقدر تسد العجز المالى بشكل عاجل فرض ضرائب وزياده اسعار ولان استغلال الموارد بيحتاج وقت علشان يتم تفعيله ويصبح مصدر للدخل القومى فنتمنى ان اى حكومه حاليه او قادمه تكون شغاله فى الحلول العاجله والحلول اللى بتحتاج وقت لعلها تخفف الضغط على الافراد من السياسات المتمثله فى الجبايه فقط .

عداله التوزيع بالرغم انها احد مشاكل المجتمع ولكنها صعب يتم حلها بشكل ادارى لان موضوع العداله نسبي فاللى حد بيشوفه عادل غيره بيشوفه غير عادل وبالتالى حلها فى بناء الضمير المجتمعى اللى حيخللى الاجيال اللى جايه تحط كل شئ فى موضعه وحتى الخطأ بتاعهم حيكون غير مقصود انما غير كده صعب نغير موضوع المحسوبيه واصحاب الثقه عن اصحاب الكفاءه لان من الممكن جدا ان يكون احد اصحاب الثقه "ما نسميه محسوبيه" يكون نفس الشخص صاحب الكفاءه "ده غالبا بيكون مش صح ولكنه وارد"
الحل الاسهل فى موضوع التمييز "من وجهه نظرى "اعطاء فرصه اكبر للشباب داخل الادارات فمهما اتلوث باشكال الفساد مش حيبقى زى اللى بقاله سنوات عايش فيه لحين ظهور اجيال تعرف معنى الضمير المهنى داخل المؤسسات .
تحياتى .

[Forever.Leo]

بالفعل مصر لا تنقصها الموارد ولكن ينقصها من يدير الموارد بشكل كامل وامثل
ولكن الحل الاسهل والاسرع لاى حكومه علشان تقدر تسد العجز المالى بشكل عاجل فرض ضرائب وزياده اسعار ولان استغلال الموارد بيحتاج وقت علشان يتم تفعيله ويصبح مصدر للدخل القومى فنتمنى ان اى حكومه حاليه او قادمه تكون شغاله فى الحلول العاجله والحلول اللى بتحتاج وقت لعلها تخفف الضغط على الافراد من السياسات المتمثله فى الجبايه فقط .

عداله التوزيع بالرغم انها احد مشاكل المجتمع ولكنها صعب يتم حلها بشكل ادارى لان موضوع العداله نسبي فاللى حد بيشوفه عادل غيره بيشوفه غير عادل وبالتالى حلها فى بناء الضمير المجتمعى اللى حيخللى الاجيال اللى جايه تحط كل شئ فى موضعه وحتى الخطأ بتاعهم حيكون غير مقصود انما غير كده صعب نغير موضوع المحسوبيه واصحاب الثقه عن اصحاب الكفاءه لان من الممكن جدا ان يكون احد اصحاب الثقه "ما نسميه محسوبيه" يكون نفس الشخص صاحب الكفاءه "ده غالبا بيكون مش صح ولكنه وارد"
الحل الاسهل فى موضوع التمييز "من وجهه نظرى "اعطاء فرصه اكبر للشباب داخل الادارات فمهما اتلوث باشكال الفساد مش حيبقى زى اللى بقاله سنوات عايش فيه لحين ظهور اجيال تعرف معنى الضمير المهنى داخل المؤسسات .
تحياتى .

متفق مع حضرتك في معظم كلامك .. و لكن ارى ان العدالة لا تحتاج الوقت .. تحتاج فقط الارادة الصلبة .. احد الحلول المجنونة في مخيلتي .. اذا كان التغيير العاجل و الملح صعبا .. .. هو انشاء مؤسسات موازية .. تتمتع بالكفائة و العصرية و نظافة اليد و الضمير .. مع الابقاء على المؤسسات الحالية .. كمؤسسات متحفية .. تزكم الانوف .. و تلقى العبرة للناظرين .. الى حين القاء قاطنيه في سرداب المعاش الى الابد .. غير مأسوف عليهم .

[الاسد المهاجر]

موضوع جميل جدا وفعلا حقيقي
وطريقة النقاش عجباني ومحترمه جدا بعيد عن الجدل والخناق وقلت الادب اعضاء محترمين جدا

انا اشتغلت في قطاع خاص فيه ظلم في المرتبات واكبر واحد مظلوم العامل وياسلام لو الموظف او العامل او المدير مرتبه عالي هتلاقي الاعلي منه او صاحب الشغل مبهدله عشان واثق انه مش هيلاقي مرتب زيه ده في حالت ان المرتب عالي
انما السرقة والمحسوبية والفساد في القطاع الخاص والعام والحكومي
العامل في منه محترم وفي منه بيسرق
المهندس في منه محترم وعنده ضمير وفيه منه بيسرق
الموظف في منه محترم وفيه منه مرتشي
المدير او الاداري في من محترم وعنده ضمير وفيه منه بيسرق
زي مافيه ناس عندها ضمير وبترضي بالقليل ناس مرتبها ميوصلش الف وبتسرق عشان تعيش وناس مرتبها كذا الف وبتسرق غير طبعا الحراميه الكبار
البلد ديه عشان تتعدل لازم كل واحد يراعي ضميره من اول العامل لحد صاحب العمل او المسئول

[الاسد المهاجر]

مش كل المفسدين لازم يكونو كبار زي مقلتلكم ممكن تلاقي مثلا مصنع فيه الف عامل ٥٠٠ بيسرقو و٣٠٠ معندهمش ضمير في شغلهم و٢٠٠ عمال غلابه فعلا وتلاقي برده وتلاقي المهندس او المدير جزء منهم حرامي وجزء عنده ضمير وجزء مقضيها وهتلاقي صاحب الشغل بيدي رشاوي عشان يمشي شغل غلط باختصار الفساد موجود من اصغر واحد لاكبر واحد بس كل واحد بياخد علي اد مكانه
الي يجننك ايام مبارك كان فيه سرقه والدعم موجود والغلابة عايشة لكن الان ......

[eslamrace]

موضوع جميل جدا وفعلا حقيقي
وطريقة النقاش عجباني ومحترمه جدا بعيد عن الجدل والخناق وقلت الادب اعضاء محترمين جدا

انا اشتغلت في قطاع خاص فيه ظلم في المرتبات واكبر واحد مظلوم العامل وياسلام لو الموظف او العامل او المدير مرتبه عالي هتلاقي الاعلي منه او صاحب الشغل مبهدله عشان واثق انه مش هيلاقي مرتب زيه ده في حالت ان المرتب عالي
انما السرقة والمحسوبية والفساد في القطاع الخاص والعام والحكومي
العامل في منه محترم وفي منه بيسرق
المهندس في منه محترم وعنده ضمير وفيه منه بيسرق
الموظف في منه محترم وفيه منه مرتشي
المدير او الاداري في من محترم وعنده ضمير وفيه منه بيسرق
زي مافيه ناس عندها ضمير وبترضي بالقليل ناس مرتبها ميوصلش الف وبتسرق عشان تعيش وناس مرتبها كذا الف وبتسرق غير طبعا الحراميه الكبار
البلد ديه عشان تتعدل لازم كل واحد يراعي ضميره من اول العامل لحد صاحب العمل او المسئول

طبعا كلامك صح والضمير احد اسباب المشكله
ولكن الضمير ممكن يعالج المشكله ولكن من غير اعتراف بالمشكله ومعرفه الحقوق اللى كل واحد لازم يقف عندها والواجبات اللى مفروضه عليه وشويه ايجابيه الضمير حيتحول قهرا لعدم ضمير او انطوائيه ويأس

مش كل المفسدين لازم يكونو كبار زي مقلتلكم ممكن تلاقي مثلا مصنع فيه الف عامل ٥٠٠ بيسرقو و٣٠٠ معندهمش ضمير في شغلهم و٢٠٠ عمال غلابه فعلا وتلاقي برده وتلاقي المهندس او المدير جزء منهم حرامي وجزء عنده ضمير وجزء مقضيها وهتلاقي صاحب الشغل بيدي رشاوي عشان يمشي شغل غلط باختصار الفساد موجود من اصغر واحد لاكبر واحد بس كل واحد بياخد علي اد مكانه
الي يجننك ايام مبارك كان فيه سرقه والدعم موجود والغلابة عايشة لكن الان ......

الفكره ان ايام مبارك هو كان على استعداد يعمل اى حاجه بس يتجنب الشعب بمعنى انه كان بيستلف قروض خارجيه لسد العجز وتثبيت الوضع وكان عنده شويه ادمغه ابليسيه تخللى الوضع على ما هو عليه سواء بالشده او بالتلاعب او بالتفصيل وكانوا فاكرين ان الناس طالما ماشيه بمبدأ عض قلبي ولا تعض رغيفى يبقى اديله باليمين وارجع خده بالشمال ومحدش حيتكلم ولاحظ برضه ان مبارك حظه حلو لانه مشي فى وقت البلد كانت على حافه الانهيار فكده كده حتى لو الثوره مقامتش اللى بعده مكانش حيعرف يعمل اللى مبارك كان بيعمله وكان حيصطدم بالشعب لا محاله
الوضع دلوقتى ان وضع البلد لا يحتمل ديون لسد عجز الموازنه بالكامل فالحل هو تقنين الدعم ليكون لمستحقيه فقط وفرض ضرائب على ارباح القادرين "كما فى كل دول العالم كمصدر رئيسي للدخل " وفى نفس الوقت فى حل طويل وهو الاستثمار وللعلم الحكم على نيه الحكومه الحاليه صعب لانهم بالرغم من كل اللى بيعملوه فى علامات استفهام كتير مش حتقدر تفسرها او تقول اللى بيتم تحصيله بيصرف فى افضل مكان ولا بيتم فرتكته على اشياء غير جيده .

الموضوع ملعبك شويه وللعلم مش حنقدر نتكلم اكتر فى الموضوع الاقتصادى "علشان قواعد المنتدى وعلشان منحولش الموضوع عن سياقه ".
تحياتى .