استفسار عن استخدام الفيزا كارد

[yalahwy2010]

دلوقتى يا جماعة واحد صاحبى مسافر الامارات (الشارقة) واتفقت معاه انه يجيبلى أى فون 6 من هناك
المهم انا كنت عايز أعرف ايه امكانية ان انا أديله الفيزا بتاعتى والباسورد ويستخدمها هناك ويشتريلى بيها الموبايل
هل المحل اللى هيشترى منه ممكن يقوله الفيزا دى مش بتاعتك ومايرضاش يستخدمها؟
وعلى افتراض انه مش هينفع يستخدمها والمحل هيرفض........هل ينفع يسحب دراهم من اى ماكينة..........والعمولة بتبقى كام؟

[shake]

متا بع

[swimmer25]

طيب ما تديله فلوس التليفون كاش بالإماراتي..إشتري درهم من أي صرافة في مصر..متهيألي ده أرخص وأسهل حل

[marsguy]

لو الفيزا فيها pin يبقى صاحبك هايدخل الـ PIN والبائع غالباً مش هايسأله عن حاجه تاني. ده غالباً بس مش أكيد بنسبة 100%.

لو مافهاش يبقى لازم هايطابق التوقيع اللي على الوصل بالتوقيع اللي على الكارت نفسه وإحتمال يطلب الباسبورت.

ممكن يسحب دراهم عادي بس اتأكد من البنك بتاعك العمولات هاتبقى كام

[dongol123]

هو المحل هيعرف منين اصلا ان الفيزا مش بتاعته

انا دايما بدي الفيزا بتاعتي لزوجتي علشان تشتري حاجات و عمر ما حد سألها عن حاجه

[حسام الغرباوي]

انتا ممكن تديلو الفلوس افضل حاجة

[4fun14]

دلوقتى يا جماعة واحد صاحبى مسافر الامارات (الشارقة) واتفقت معاه انه يجيبلى أى فون 6 من هناك
المهم انا كنت عايز أعرف ايه امكانية ان انا أديله الفيزا بتاعتى والباسورد ويستخدمها هناك ويشتريلى بيها الموبايل

ممكن بس مش امان..حد يدى الباصوورد بتاعه حسابه لحد تانى حتى لو صاحبه؟كمان في بعض الأماكن بتطلب اثبات شخصيه..بس عن نفسى محصلتش معايا في الامارات بس بتحصل معايا في مصر :)

هل المحل اللى هيشترى منه ممكن يقوله الفيزا دى مش بتاعتك ومايرضاش يستخدمها؟

ممكن طبعا

وعلى افتراض انه مش هينفع يستخدمها والمحل هيرفض........هل ينفع يسحب دراهم من اى ماكينة..........والعمولة بتبقى كام؟

ينفع بس خراب بيوت..اسوء طريقه للاقتراض هيا اللجوء للسحب النقدى بالكريدت كارد
ايه المشكله تديله دراهم بدل ما تديله كارت وتفضل من غير كارت لحد ما يرجع؟!

الرد في الاقتباس

[Mohamed_Hamid]

دلوقتى يا جماعة واحد صاحبى مسافر الامارات (الشارقة) واتفقت معاه انه يجيبلى أى فون 6 من هناك
المهم انا كنت عايز أعرف ايه امكانية ان انا أديله الفيزا بتاعتى والباسورد ويستخدمها هناك ويشتريلى بيها الموبايل
هل المحل اللى هيشترى منه ممكن يقوله الفيزا دى مش بتاعتك ومايرضاش يستخدمها؟
وعلى افتراض انه مش هينفع يستخدمها والمحل هيرفض........هل ينفع يسحب دراهم من اى ماكينة..........والعمولة بتبقى كام؟

اياك ثم اياك السحب النقدى باستخدام الكريديت كارد
هتدخل فى فوائد ( ربا ) والفائدة بشكل يومى

[أحمد كمال]

لو مبلغ كبير و كارت اجنبي في ا لامارات احيانا المحل بيطلب يشوف اثبات شخصية

[unl0veable]

طيب ما تديله فلوس التليفون كاش بالإماراتي..إشتري درهم من أي صرافة في مصر..متهيألي ده أرخص وأسهل حل

+1111111111111111111111111111111111111111

[A_H_M_A_D]

بص لو عايز تضمن ان مش هايحصل معاه مشاكل اعمل الأتي

اديله الكريديت كارد
واديله ال pin code
وصور جواز سفرك و اديهوله , عشان في حالة ان المحل طلب اثبات شخصية
اكتب اقرار على صورة جواز السفر و امضي عليه بأنك مفوض صاحبك في الشرا بالفيزا

[Ahmed_Rahem]

اشترى عملة امراتى (او اى عملة اجنبية تعرف تجبها، وهيعرف يغرها هناك بسهولة) من هنا واديهالة افضل الحلول

[lonedoctor]

pin code لا يحتاج اليه الا اذا هتسحب كاش فقط من اى صراف وعندنا فى السعودية 50 ريال زيادة على الالف (ربا طبعا)
فلا ادرى كام فى الامارات بس اظن نفس النسبة لانه الخليج وشركان الكريدت غالبا نفس السيستم
السؤال عن كارت الفيزا انه صاحبه ولا لا دى مسالة حظ فى المحلات العادية وفى الغالب محل جوالات مش هيسال
لكن فى اماكن اجبارى لازم يعرف الكارت ده بتاعك ولا لا ويتاكد من الاسم على الكارت ورقم 1 شركات الطيران وكان بالنسبة لى فيه مشكلة علشان احجز لزوجتى واولادى ييجوا من مصر لانى مش معاهم لكن اتاكد من اسم الزوجة فى الحجز واقامتها معى فى السعودية
انت مشكلتك مش عايز تدفع كاش وعايز تدفع بالكرديت كارد وتدفع الفلوس على مهلك بعدين انا عارف فممكن تديله الكارد عادى يدفعلك بيه وتسدد انت البنك فى مصر بعدين بس قبل 45 يوم الله يبارك فيك علشان الفايدة وغالبا مش هيساله مين صاحب الكارت ولو ساله فيه غيره الف محل مش هيسال
نصيحة اخيرة سيبك من الايفون وخليك فى سامسونج علشان خاطرى
تقبل تحياتى