ناموس ... ناموس ... وتحيا مصر !!

[بحار]

من فضل حضراتكم ..
المنطقه اللى انا ساكن فيها ..فيها مزروعات كتير واشجار كتيرة امام كل عمارة فى المنطقه
( كان المهندس اللى مصمم العمارات دى عمل مساحه قدام كل عمارة زى حديقه صغيرة )
والناس الله يكرمهم زبطوها زرع ومسببه وجود ناموس كتير ..
وغلبت اقراص وسائل طرد الناموس ومفيش حاجه نافعه .. ياترى فى حل جذرى للمشكلة دى ؟

[ehabouf]

اقولك الحل وتدعيلي
عليك وعلى زيت اللافندر او كولونيا اللافندر (القديمة بتاعت الشبراويشي)
إكتشفت بالصدفة ان المادة الفعالة في الأقراص والتعبان وخلافه هي زيت اللافندر
حاتحط كولونيا اللافندر على الأماكن المعرضة للقرص (المعصمين والقدمين والجبهة) واقعد في وسط الناموس وحاتتفاجىء ان الناموس بيبعد عنك وممكن يسيبلك الأوده ويمشي كمان

[فتح الباب]

هههههههههههههههه شعب مصرى مبدع فعلا

[ehabouf]

هههههههههههههههه شعب مصرى مبدع فعلا

أعتبر ده مدح والا ذم؟؟؟

[ehabouf]

Lavender Oil as a Bug Repellent | LIVESTRONG.COM

3 Ways to Make a Lavender Insect Repellent - wikiHow

[بحار]

اقولك الحل وتدعيلي
عليك وعلى زيت اللافندر او كولونيا اللافندر (القديمة بتاعت الشبراويشي)
إكتشفت بالصدفة ان المادة الفعالة في الأقراص والتعبان وخلافه هي زيت اللافندر
حاتحط كولونيا اللافندر على الأماكن المعرضة للقرص (المعصمين والقدمين والجبهة) واقعد في وسط الناموس وحاتتفاجىء ان الناموس بيبعد عنك وممكن يسيبلك الأوده ويمشي كمان

ياعمنا هادعيلك ومن غير الحل كمان ..
هو حضرتك مش شايف انى لو جبت كولونيا لافندر بالزات النوعيات الكويسه ورشيت لكل واحد فى الاسرة
( بختين كل ساعه أن الاثر هيروح ) اننا كده قرص الناموس ارحملنا ؟؟

[shake]

جربت السائل اللى بيتحط فى الكهربا اسمه ريد تقريبا

[بحار]

جربت السائل اللى بيتحط فى الكهربا اسمه ريد تقريبا

جبته .. ازازة ب30 جنيه تقريبا وقعدت 3 ايام رغم انى شغلتها 3 او 4 ساعات كل ليلة بس .. تعبان وتأثيره احسن من الاقراص بشويه ولا يحتاج فرق السعر ده .

[مُصْطٓفٓى]

جبته .. ازازة ب30 جنيه تقريبا وقعدت 3 ايام رغم انى شغلتها 3 او 4 ساعات كل ليلة بس .. تعبان وتأثيره احسن من الاقراص بشويه ولا يحتاج فرق السعر ده .

سائل ريد بيقعد بالشهور وبشغله بالساعات يوميا ما شاء الله

[shake]

جبته .. ازازة ب30 جنيه تقريبا وقعدت 3 ايام رغم انى شغلتها 3 او 4 ساعات كل ليلة بس .. تعبان وتأثيره احسن من الاقراص بشويه ولا يحتاج فرق السعر ده .

ازاى اكيد فى حاجة غلط ده انت لو سبته طول الليل هيقعد معاك شهر

[Abo_Mazen]

إحنا هنا في العجمي موضوع الناموس كان بالنسبه لينا مأساه المآسي ..وخصوصا قبل الصرف الصحي ما يشتغل من خمس أو سبع سنين تقريبا ...ولغاية دلوقتي والله ..بس يمكن دلوقتي أهون بعد الصرف ما إشتغل ..المهم ..من الحاجات اللي كانت بتتعمل بكترة قوي هنا إنك تزرع في الجنينة بتاعة الفيلا بتاعتك كام شجرة من نوع إسمه مسك الليل ..ولو مفيش عندك حديقة للبيت يبقى أربع خمس أصاري زرع وتحط فيهم شتلات مسك الليل ..وتحط إثنين في البلكونه اللي ناحية الجنينة اللي جاي منها الناموس ..وواحده مثلا على الشباك ..وحاول تركب سلك على الشبابيك وعلى البلكونات ..هيفرق معاك فرق جامد جدا ..ممكن ما تضطرش ترش كل يوم ..والله العيال عندي صدرهم تعب من كتر الرش لإنه كنت مستسهله أحسن ما أربي زرع وغيره ..بس لو حضرتك ما عندكش مشكلة مع الشتلة دي يبقى هي دي الحل مع تركيب سلك على الشبابيك والبلكونات ..موضوع رائحة اللافندر لو العيال عندك معندهمش حساسية من الروائح النفاذه زي عندي كده ممكن يكون حل كويس ...مع إني مع إحترامي للسيد العضو صاحب رأي عطر اللافندر مش مستسيغ إني أحط على إيدي أي عطور قبل النوم ..لإني أنا عن نفسي معرفش أنام وأنا شامم ريحة نفاذه ..زي مثلا ريحة عطور أو بخور أو رائحة طبيخ ..مثلا يعني

[بحار]

ازاى اكيد فى حاجة غلط ده انت لو سبته طول الليل هيقعد معاك شهر

اهو اللى حصل .. المهم جربته مرة وماعتدهاش

[بحار]

إحنا هنا في العجمي موضوع الناموس كان بالنسبه لينا مأساه المآسي ..وخصوصا قبل الصرف الصحي ما يشتغل من خمس أو سبع سنين تقريبا ...ولغاية دلوقتي والله ..بس يمكن دلوقتي أهون بعد الصرف ما إشتغل ..المهم ..من الحاجات اللي كانت بتتعمل بكترة قوي هنا إنك تزرع في الجنينة بتاعة الفيلا بتاعتك كام شجرة من نوع إسمه مسك الليل ..ولو مفيش عندك حديقة للبيت يبقى أربع خمس أصاري زرع وتحط فيهم شتلات مسك الليل ..وتحط إثنين في البلكونه اللي ناحية الجنينة اللي جاي منها الناموس ..وواحده مثلا على الشباك ..وحاول تركب سلك على الشبابيك وعلى البلكونات ..هيفرق معاك فرق جامد جدا ..ممكن ما تضطرش ترش كل يوم ..والله العيال عندي صدرهم تعب من كتر الرش لإنه كنت مستسهله أحسن ما أربي زرع وغيره ..بس لو حضرتك ما عندكش مشكلة مع الشتلة دي يبقى هي دي الحل مع تركيب سلك على الشبابيك والبلكونات ..موضوع رائحة اللافندر لو العيال عندك معندهمش حساسية من الروائح النفاذه زي عندي كده ممكن يكون حل كويس ...مع إني مع إحترامي للسيد العضو صاحب رأي عطر اللافندر مش مستسيغ إني أحط على إيدي أي عطور قبل النوم ..لإني أنا عن نفسي معرفش أنام وأنا شامم ريحة نفاذه ..زي مثلا ريحة عطور أو بخور أو رائحة طبيخ ..مثلا يعني

شكرا ليك .. بالنسبه لموضوع السلك مافيش عندى شباك او بلكونه من غير سلك ودايما مقفول ..
والزرع مواله صعب شويه ..

[mr_sese]

احسن سائل و لازم يكون جنب تيار هو يابانى من الاعشاب

[DreAmO]

الصاعق .. بيجذب الناموس الساذج ويلسعه يموت .. لو وصل للصاعق اساساً
حل فاشل

اقراص الناموس وسائل الناموس .. بيبعد الناموس من المكان اللي فيه الغرفه يروح لغرفه تانيه
حل فاشل

رش المبيدات بأنواعها .. بيقتل الناموس ويقتلنا معاه .. ويقتل جيوبنا .. لإنه مكلف
حل فاشل

تدهن نفسك حجات ومحتاجات .. مش أسلوب حياه ده ولا ينفع كده
حل فاشل

تعمل سلك عالشبابيك .. ماهو طبيعي اي شباك عليه سلك .. هو في حد بيعمل شبابيك من غير السلك في شقق
بس الهاموش الصغير الرفيع اوي ده بيدخل من فتحات السلك عادي


تزرع شجر انواع معينه .. كل ما ابحث فيها الاقي حد بيقول على نوع معين من الشجر
والاقي حد تاني رد عليه قال انه مانفعش ومش بيبعد الناموس ولا حاجه .. والله اعلم .


الحل اللي جاب معايا مالاخر

مافتحش شبابيك خالص .. الازاز مقفول ديماً .. الشقه تتهوى حبه كده الصبح بدري وخلاص كله يتقفل بعد كده
وتركب بقى تكييف وكده .

لكن عايز بقى تفتح الشباك يجيلك نسمة هوا صيفي حلوه بالليل .

ممكن تعمل ده لكن له طقوس وتجهيزات قبل قرار فتح الشباك الجرىء .