حد عنده تجربة مع عملية الانزلاق الغضروفى

[star101]

بقالى سنتين بعانى من الانزلاق الغضروفى فى الفقرات القطنية..جربت ادوية وعلاج طبيعى وصرفت كتير ومفيش اى نتيجه
حاليا الحاله مستقرة لكن مع وجود تنميل فى القدم والم لو عملت مجهود
فهل اعمل العملية ولا احاول اتأقلم مع الوضع اللى انا فيه وانا متردد اعملها لان ناس كتير خفقتنى منها
خصوصا انى شغلى يعتمد على الوقوف

وهل العمليه افضل بالجراحه ام بالمنظار

[ali ashraf]

بقالى سنتين بعانى من الانزلاق الغضروفى فى الفقرات القطنية..جربت ادوية وعلاج طبيعى وصرفت كتير ومفيش اى نتيجه
حاليا الحاله مستقرة لكن مع وجود تنميل فى القدم والم لو عملت مجهود
فهل اعمل العملية ولا احاول اتأقلم مع الوضع اللى انا فيه وانا متردد اعملها لان ناس كتير خفقتنى منها
خصوصا انى شغلى يعتمد على الوقوف

وهل العمليه افضل بالجراحه ام بالمنظار

شفاك الله و عافك انشاء الله, انا طبيب و مصاب بانزلاق غضروفى من اكثر من عشرين سنه , و كنت اعمل فى لندن لفترة وهناك ضربنى " الدسك" بقوة حتى ان الالم كان من الشدة يسبب تعرق و دوخة و جالى وقت لا استطيع المشى مترين على بعض و كانت حكاية التنميل و الم الرجل اقل مشاكلى....المهم تحدد لى عملية , و دخلت المستشفى فعلا و قبل العملية بيوم كشف على بروفسور تخصصه الانزلاق الغضروفى ( و كانت كالعادة الفقرات القطنية) المهم بعد كشف دقيق استمر اكثر من نصف ساعة وده لانه اعتبرنى زميل (نعمل بنفس المستشفى ) رغم انى كنت مساعد اخصائى او نائب قديم و هو كان chairman و خبط على بطنى و قال "الكرش" لازم ينزل و التمارين لازم تتعمل الخخخ مفيش عمليات ...شاورت بيدى على منظر الديسك البارز بين الفقرات ( شكله مرعب) فى الاشعة المقطعية, قالى بحدة انا بكشف على ظهرك و لا على الصور....قوم روح مفيش عمليات بس لازم تخس وتنزل "كرشك" وفات على الموضوع ده الان اكثر من 10 سنوات صحيح بيجى شوية الم من حين لآخر بس الامور بصورة عامة معقولة جدا ......خلى بالك من الاتى
1) لو بتقف كتير , تجيب حاجة تحت رجلك مثل درجة سلم ( صندوق مشروبات غازية ) و تبدل كل رجل علية شوية يعنى تحمل وزن جسمك على رجل واحدة بالتبادل.
2) ممنوع منعا باتا حمل اوزان ثقيلة و تغير استبن السيارة ( هات منفاخ كومبرسور) و ممنوع رفع شئ من على الارض بثنى ظهرك و الرفع لو مضطر يكون من الركب.
3) لو اشتد عليك الالم لسبب ما تأخذ دواء ملين العضلات " سيردالود 2 مج قرص قبل النوم مساء " + مسكن قوى للالم + بنتالوك 20 مج يوميا لحماية جدار المعدة.
4) ممكن استخدام حزام للظهر و بيكون معزز بقطعة صلبة للحفاظ على شكل الانحناء الطبيعى للظهر و ده بيكون اثناء العمل و ممنوع بتاتا النوم به و ينصح باستعماله 3-4 ايام فقط فى الاسبوع.
5) اخيرا العلاج الطبيعى غير موجهة للفقرات القطنية و انما المقصود تقوية عضلات الظهر و ده امر اساسى فى العلاج.
تبقى موضوع الجراحة ده بنلجأ له فى الحالات الشديدة جدا و المصحوبة ببداية ضمور فى الاعصاب للساق (foot drop ) او حاجات لا داعى لذكرها غير كده العلاج الجراحى غير محبذ .... وربنا يشفيك و يا رب اكون فدتك مع خالص تحياتى

[exelence]

بعد إذن صاحب الموضوع لو سمحت يا دكتور بالنسبة لغضروف الرقبة يتعمل معاه ايه و ايه الطريقة المثالية للتعامل معاه ؟

[ali ashraf]

ربنا يشفى كل مريض

[QUOTE=exelence;3875944378]بعد إذن صاحب الموضوع لو سمحت يا دكتور بالنسبة لغضروف الرقبة يتعمل معاه ايه و ايه الطريقة المثالية للتعامل معاه ؟
الحقيقة انا طبيب قلب و كانت نصيحتى للاخ العزيز عن انزلاق الفقرات القطنية بالظهر و خبرتى بالمرض كمريض ( اكثر من 20 سنه) قبل ان اكون طبيب و تخصصى بعيد كل البعد عن امراض العظام و الاعصاب (قلب و اوعية دموية) بما لا يمكننى من توصيل معلومة صحيحة بالنسبة لغضروف الرقبة مع تمنياتى بالشفاء و الصحة للجميع.

[wawamoha]

طب حد سمع عن الموضوع ده:

https://www.youtube.com/watch?v=kMDj_kiyaUs

لقيت فيه عياده في القاهره بس عاوز اتاكد طبيا

[3abdo.it]

ali ashraf دكتور على اشرف

ممكن استغل حضرتك فى انك دكتور قلب واسئلك على حاجة مهمة جدااا تخصنى

انا عندى عيب خلقى ارتجاع فى الصمام الميترالى متوسط حسب كلام اخر دكتور كشفت عندة والحقيقة وانا رايح عند الدكتور كانت عندى نغزات مميتة تمنعنى عن التنفس لمدة دقيقة نغزات مكان القلب وكانت بتجيلى طول حياتى ولكن زادت من خمس سنين
لما روحتلة قلى ان معندكش حاجة وكلمنى كلام نفسانى وقلى النغزات دى مش هتجيلك تانى اقلة ازاى مهى لسة جيالى قبل مجيلك بيوم كلمنى كلام كتير وبالفعل بقالى سنتين اتمنعن النغزات من بعد مرحتلة بدون ميدنى اى علاج

فهل ممكن يكون فى خطر وهل النغزات دى هتجيلى تانى بعد فترة وهل هحتاج عملية وشكرا

[ali ashraf]

مفيش خطر ومش محتاج جراحة

ali ashraf دكتور على اشرف

ممكن استغل حضرتك فى انك دكتور قلب واسئلك على حاجة مهمة جدااا تخصنى

انا عندى عيب خلقى ارتجاع فى الصمام الميترالى متوسط حسب كلام اخر دكتور كشفت عندة والحقيقة وانا رايح عند الدكتور كانت عندى نغزات مميتة تمنعنى عن التنفس لمدة دقيقة نغزات مكان القلب وكانت بتجيلى طول حياتى ولكن زادت من خمس سنين
لما روحتلة قلى ان معندكش حاجة وكلمنى كلام نفسانى وقلى النغزات دى مش هتجيلك تانى اقلة ازاى مهى لسة جيالى قبل مجيلك بيوم كلمنى كلام كتير وبالفعل بقالى سنتين اتمنعن النغزات من بعد مرحتلة بدون ميدنى اى علاج

فهل ممكن يكون فى خطر وهل النغزات دى هتجيلى تانى بعد فترة وهل هحتاج عملية وشكرا

أستاذ عبده السلام عليكم وصف حضرتك دقيق و مفصل لوصف ما يسمى بأرتخاء الصمام الميترالى Mital valve prolapse with mitral regurge و هو يعتبر من الامور البسيطة لا احب وصفها بكلمة مرض لأن نسبه وجودها بين الاصحاء تصل الى 5% من كل البشر و معظمها تم تشخيصها بعد وجود اجهزة التصوير بالموجات الصوتية فائقة الدقة و الوضوح , و الاحساس بالالم قد يزيد و يقل حسب الانفعال و التوتر لا المجهود العضلى و يأتى اكثر فى سن الشباب يعنى لا علاقة له بمرض قصور الشرايين التاجية , و قد يكون مصحوب بالاحساس بتسارع ضربات القلب, و الموضوع عموما غاية فى البساطة و لا خطر منه , المشكلة الحقيقية هى فى احساس الشخص ( لا احبذ وصف المريض هنا) عندما يخبره الطبيب ( عادة بعد اجراء الموجات الصوتية) بأنه عنده مرض بالقلب و الصمام الميترالى فيه ارتجاع و يتوهم "الشخص" بأنه اصبح مريض قلب و من بعدها الاعراض تزيد و تتضخم و يتحول لمريض فعلا.......أستاذ عبده اولا هذا الارتخاء لا خطورة منه و معظم الناس اللى عندهم الارتخاء ميعرفوش و موضوع النغزات حاول تنساها .....طيب هل تحتاج علاج ؟ ممكن تناول عقار الاندرال 10 مج قرص مرتين يوميا ( بعد الكشف الطبى و استبعاد وجود ربو بالصدر) و تعمل موجات صوتية مرة كل سنتين كمتابعة و مرة اخرى لا توجد خطورة و لا تحتاج اى جراحات فى 98% من الحالات. مع تمنياتى بدوام الصحة و العافية.

[3abdo.it]

كلامك بالنص يا دكتور هو نفس تشخيص وكلام اخر دكتور استشارى روحتلة
وللعلم وصفلى فعلا اندرال وكانت خانتنى الذكرة ولما اذكرة لحضرتك فى الوصف السابق للحالة

ولكن امتنعت عنة نظرا لانى وقت ما اخدة بتظهر ليها بثور فى البشرة فقلت اكيد عندى حساسية من العلاج

وشكرا ليك على الرد وانا فعلا بحاول على قد مقدر اتنجنب تفكيرى فى خوفى من ان تجيلى النغزة فى اى وقت خاصة لو فى الشارع لانها بتسبب ان مقدرش احرك حتى صبعى واكتم نفسى لحد مطروح وبكون شبة بطلع فى الروح وربنا يستر

بس زى مقلت لحضرتك من كلامى مع الدكتور اخر مرة وهيا مجتش تقريبا تمام خلال سنتين رغم انها كانت بتاتى كل شهر مرة

اسف للاطالة وشكرا لك

[نور القمر]

شفاك الله و عافك ان شاء الله, انا طبيب و مصاب بانزلاق غضروفى من اكثر من عشرين سنه , و كنت اعمل فى لندن لفترة وهناك ضربنى " الدسك" بقوة حتى ان الالم كان من الشدة يسبب تعرق و دوخة و جالى وقت لا استطيع المشى مترين على بعض و كانت حكاية التنميل و الم الرجل اقل مشاكلى....المهم تحدد لى عملية , و دخلت المستشفى فعلا و قبل العملية بيوم كشف على بروفسور تخصصه الانزلاق الغضروفى ( و كانت كالعادة الفقرات القطنية) المهم بعد كشف دقيق استمر اكثر من نصف ساعة وده لانه اعتبرنى زميل (نعمل بنفس المستشفى ) رغم انى كنت مساعد اخصائى او نائب قديم و هو كان chairman و خبط على بطنى و قال "الكرش" لازم ينزل و التمارين لازم تتعمل الخخخ مفيش عمليات ...شاورت بيدى على منظر الديسك البارز بين الفقرات ( شكله مرعب) فى الاشعة المقطعية, قالى بحدة انا بكشف على ظهرك و لا على الصور....قوم روح مفيش عمليات بس لازم تخس وتنزل "كرشك" وفات على الموضوع ده الان اكثر من 10 سنوات صحيح بيجى شوية الم من حين لآخر بس الامور بصورة عامة معقولة جدا ......خلى بالك من الاتى
1) لو بتقف كتير , تجيب حاجة تحت رجلك مثل درجة سلم ( صندوق مشروبات غازية ) و تبدل كل رجل علية شوية يعنى تحمل وزن جسمك على رجل واحدة بالتبادل.
2) ممنوع منعا باتا حمل اوزان ثقيلة و تغير استبن السيارة ( هات منفاخ كومبرسور) و ممنوع رفع شئ من على الارض بثنى ظهرك و الرفع لو مضطر يكون من الركب.
3) لو اشتد عليك الالم لسبب ما تأخذ دواء ملين العضلات " سيردالود 2 مج قرص قبل النوم مساء " + مسكن قوى للالم + بنتالوك 20 مج يوميا لحماية جدار المعدة.
4) ممكن استخدام حزام للظهر و بيكون معزز بقطعة صلبة للحفاظ على شكل الانحناء الطبيعى للظهر و ده بيكون اثناء العمل و ممنوع بتاتا النوم به و ينصح باستعماله 3-4 ايام فقط فى الاسبوع.
5) اخيرا العلاج الطبيعى غير موجهة للفقرات القطنية و انما المقصود تقوية عضلات الظهر و ده امر اساسى فى العلاج.
تبقى موضوع الجراحة ده بنلجأ له فى الحالات الشديدة جدا و المصحوبة ببداية ضمور فى الاعصاب للساق (foot drop ) او حاجات لا داعى لذكرها غير كده العلاج الجراحى غير محبذ .... وربنا يشفيك و يا رب اكون فدتك مع خالص تحياتى

بالنسبة للعلاج الطبيعي او التمرينات
ممكن حضرتك توضح اكتر
هل العلاج الطبيعي هانستخدم جهاز جهاز سلندر تون بس ولا حاجة تاني ؟؟؟؟ لاني عايزة اشتريه واعمل لنفسي في البيت
ايه التمرينات المقترحة ؟؟؟؟؟؟؟؟؟؟؟
مع العلم اني نحيفة وفي اواخر الثلاثينات وعندي في رقبتي والفقرات القطنية
صحيح الفقرات القطنية لسه الدكتور مشخصش انزلاق وطلب مني رنين بس انا عرفت اللي فيها من خبرتي السابقة مع الرقبة

انا اهملت نفسي في البداية كنت بوصل لدرجة مقدرش احرك دراعي ولا امسك ماوس مع اني شغلي معتمد على الماوس اعتماد كلي
وبعد كورسات علاج لاكتر من 5 اطباء اكتشفت ان لا فائدة من العلاج ومانابني الا تدمير المعدة

[ali ashraf]

و اذا مرضت فهو يشفين , اللهم اشفى كل مريض .

بالنسبة للعلاج الطبيعي او التمرينات
ممكن حضرتك توضح اكتر
هل العلاج الطبيعي هانستخدم جهاز جهاز سلندر تون بس ولا حاجة تاني ؟؟؟؟ لاني عايزة اشتريه واعمل لنفسي في البيت
ايه التمرينات المقترحة ؟؟؟؟؟؟؟؟؟؟؟
مع العلم اني نحيفة وفي اواخر الثلاثينات وعندي في رقبتي والفقرات القطنية
صحيح الفقرات القطنية لسه الدكتور مشخصش انزلاق وطلب مني رنين بس انا عرفت اللي فيها من خبرتي السابقة مع الرقبة

انا اهملت نفسي في البداية كنت بوصل لدرجة مقدرش احرك دراعي ولا امسك ماوس مع اني شغلي معتمد على الماوس اعتماد كلي
وبعد كورسات علاج لاكتر من 5 اطباء اكتشفت ان لا فائدة من العلاج ومانابني الا تدمير المعدة

شفاك الله و عفاك, من كلام حضرتك الانزلاق الغضروفى فى الرقبة و الفقرات القطنية واضح ان سببه الرئيس هو الجلوس فترات طويلة امام الكومبيوتر و استخدام الكى بورد و الماوس , من المعلوم ان الجلوس فى وضع غير مناسب للشخص و مكان وجود الشاشة و الكى بورد يؤدى الى مشاكل فى قوة الابصار و عدة مناطق فى الجسم اهمها الرسغ و الرقبة و الظهر و تسمى occupational diseases يعنى الامراض الوظيفة بمعنى آخر ان هناك بعض الاعمال و الوظائف قد يصاحبها مع الوقت بعض الامراض مثلا مشهور عننا كاطباء قلب الم مفاصل اليد اليمنى فى حال عمل موجات صوتية كثيرة و ايضا خشونة فقرات الرقبة الخخخ و بالنسبة للاستخدام المفرط للكومبيوتر يؤدى لما سبق و ذكرته. طيب و الحل اسيب شغلى ؟ طبعا لأ و لكن الموضوع يحتاج بعض التنظيم و يأتى بعد ذلك العلاج, ....بخصوص التنظيم لازم الراحة مدة 10 دقائق بعد كل شاعة متواصلة على الكومبيوتر و عمل بعض التمارين لمفاصل اليد و الكتف و الرقبة, ايضا لازم ارتفاع الكى بورد و الشاشه يوضع بحيث مفصل الكوع يكون 90 درجة و مفصل الكتف يكون مرتاح ( فى وضع لا يشد معه عضلات الرقبة و الظهر) و ممكن الاستعانة اثناء ساعات العمل بحزام للظهر مقوى بشكل يحافظ على انحناء او تقوس الظهر الطبيعة بالمنطقة القطنية ( فقط اثناء العمل و ممنوع تماما النوم به مثلا فقط يستعمل بضع ساعات. و ده يفضل يكون تفصيل لان انحناء الظهر يختلف من شخص لأخر,.....الوضع المثالى و التعليمات دى هتجديها حضرتك على النت ببحث بسيط.... وده العامل الاساسى ....الحاجة الثانية التمارين الغرض منها تقوية عضلات الظهر قبل اى شئ تانى و بكده بتشد فقرات الظهر و تخفف الانزلاق الغضروفى و دى اهميتها وبعد تخفيف الضغط على الفقرات , الجسم يحاول شفاء نفسه بنفسه عن طريق تقليص حجم الجزأ البارز من الغضروف علشان كدة تمارين تقوية الظهر مهمة جدا, وهى موجودة برضه بسهولة على النت, بالنسبة للعلاج الطبيعى للاسف مينفعش تعمليه بنفسك لازم اخصائية علاج طبيعى ( و الخبرة هنا مهمة جدا) و الموضوع بيحتاج شوية اجهزة معاونة حسب الحالة المهم هنا ان فى بداية جلسات العلاج الطبيعى لا يحدث تحسن و ربما الالم يزيد نظرا لزيادة تدفق الدم فى اماكن العلاج الطبيعى و خصوصا مع استخدام العلاج الحرارى, بقى شئ اخير وجب التحذير من الاستعمال المفرط لمسكنات الالم مثل البروفين و الفولتارين الخخخخ لأن لها تاثير ضار جدا على الكلى ( و هو الاخطر) و جدار المعدة و قد تؤدى لرفع ضغط الدم و احتباس الماء بالجسم للبعض و ينصح باستخدامها بأقل قدر ممكن و الاستعانة هنا بمرخيات العضلات يفيد جدا......مع تمنياتى بالصحة و السلامة للجميع

[ali ashraf]

حضرتك حليت المشكلة من كلامك

كلامك بالنص يا دكتور هو نفس تشخيص وكلام اخر دكتور استشارى روحتلة
وللعلم وصفلى فعلا اندرال وكانت خانتنى الذكرة ولما اذكرة لحضرتك فى الوصف السابق للحالة

ولكن امتنعت عنة نظرا لانى وقت ما اخدة بتظهر ليها بثور فى البشرة فقلت اكيد عندى حساسية من العلاج

وشكرا ليك على الرد وانا فعلا بحاول على قد مقدر اتنجنب تفكيرى فى خوفى من ان تجيلى النغزة فى اى وقت خاصة لو فى الشارع لانها بتسبب ان مقدرش احرك حتى صبعى واكتم نفسى لحد مطروح وبكون شبة بطلع فى الروح وربنا يستر

بس زى مقلت لحضرتك من كلامى مع الدكتور اخر مرة وهيا مجتش تقريبا تمام خلال سنتين رغم انها كانت بتاتى كل شهر مرة

اسف للاطالة وشكرا لك

.....مفيش اطالة بالعكس ده شئ يسعدنى بس حضرتك تقدر تحسبها و تفكر مع نفسك هو فيه مرض فى القلب يقعد سنتين من غير علاج ميزعجش المريض و يتطور للأسوأ؟؟؟؟؟ طبعا فيه و هو ان الواحد مش مريض اصلا و التفكير بيضخم الاعراض و بيعمل توتر نفسى شديد anxiety and panic attack انما لما الواحد يحسب الامور بطريقة سليمة و مينزعجش من الكلمتين اللى صدمك بيهم تقرير الموجات الصوتية ارتجاع و صمام بالقلب الخ كلام يخض و يرعب و للاسف الموضوع عاوز شوية حكمة بدون تهوين او تهويل و زى ما قلت لحضرتك 5% من البشر عندهم الموضوع ده و ميعرفوش منهم الرياضى و عامل البناء الخ و امورهم تمام. بالنسبة للاندرال ما دام عمل حساسية يبقى بلاش منه طبعا فيه بدائل لكن ما شاء الله مادام الموضوع سنتين ماشى عال ده معناه انك مش محتاج علاج اصلا ...مع تمنياتى بدوام الصحة

[نور القمر]

شفاك الله و عفاك, من كلام حضرتك الانزلاق الغضروفى فى الرقبة و الفقرات القطنية واضح ان سببه الرئيس هو الجلوس فترات طويلة امام الكومبيوتر و استخدام الكى بورد و الماوس , من المعلوم ان الجلوس فى وضع غير مناسب للشخص و مكان وجود الشاشة و الكى بورد يؤدى الى مشاكل فى قوة الابصار و عدة مناطق فى الجسم اهمها الرسغ و الرقبة و الظهر و تسمى occupational diseases يعنى الامراض الوظيفة بمعنى آخر ان هناك بعض الاعمال و الوظائف قد يصاحبها مع الوقت بعض الامراض مثلا مشهور عننا كاطباء قلب الم مفاصل اليد اليمنى فى حال عمل موجات صوتية كثيرة و ايضا خشونة فقرات الرقبة الخخخ و بالنسبة للاستخدام المفرط للكومبيوتر يؤدى لما سبق و ذكرته. طيب و الحل اسيب شغلى ؟ طبعا لأ و لكن الموضوع يحتاج بعض التنظيم و يأتى بعد ذلك العلاج, ....بخصوص التنظيم لازم الراحة مدة 10 دقائق بعد كل شاعة متواصلة على الكومبيوتر و عمل بعض التمارين لمفاصل اليد و الكتف و الرقبة, ايضا لازم ارتفاع الكى بورد و الشاشه يوضع بحيث مفصل الكوع يكون 90 درجة و مفصل الكتف يكون مرتاح ( فى وضع لا يشد معه عضلات الرقبة و الظهر) و ممكن الاستعانة اثناء ساعات العمل بحزام للظهر مقوى بشكل يحافظ على انحناء او تقوس الظهر الطبيعة بالمنطقة القطنية ( فقط اثناء العمل و ممنوع تماما النوم به مثلا فقط يستعمل بضع ساعات. و ده يفضل يكون تفصيل لان انحناء الظهر يختلف من شخص لأخر,.....الوضع المثالى و التعليمات دى هتجديها حضرتك على النت ببحث بسيط.... وده العامل الاساسى ....الحاجة الثانية التمارين الغرض منها تقوية عضلات الظهر قبل اى شئ تانى و بكده بتشد فقرات الظهر و تخفف الانزلاق الغضروفى و دى اهميتها وبعد تخفيف الضغط على الفقرات , الجسم يحاول شفاء نفسه بنفسه عن طريق تقليص حجم الجزأ البارز من الغضروف علشان كدة تمارين تقوية الظهر مهمة جدا, وهى موجودة برضه بسهولة على النت, بالنسبة للعلاج الطبيعى للاسف مينفعش تعمليه بنفسك لازم اخصائية علاج طبيعى ( و الخبرة هنا مهمة جدا) و الموضوع بيحتاج شوية اجهزة معاونة حسب الحالة المهم هنا ان فى بداية جلسات العلاج الطبيعى لا يحدث تحسن و ربما الالم يزيد نظرا لزيادة تدفق الدم فى اماكن العلاج الطبيعى و خصوصا مع استخدام العلاج الحرارى, بقى شئ اخير وجب التحذير من الاستعمال المفرط لمسكنات الالم مثل البروفين و الفولتارين الخخخخ لأن لها تاثير ضار جدا على الكلى ( و هو الاخطر) و جدار المعدة و قد تؤدى لرفع ضغط الدم و احتباس الماء بالجسم للبعض و ينصح باستخدامها بأقل قدر ممكن و الاستعانة هنا بمرخيات العضلات يفيد جدا......مع تمنياتى بالصحة و السلامة للجميع

انا فعلا لما روحت للعلاج الطبيعي لرقبتي مكملتش لما لقيتني تعبانة اكتر تخيلت انه عدم معرفة من الاخصائي على اساس اشوف حد غيره ومشوفتش ( شعب مهمل بطبعه)
بالنسبة للمسكنات انا حمولة واخري استخدم مسكن موضعي
شكرا لك يا دكتور

[accord]

الف سلامة ربنا يعافيك ان شاء الله