مقابلة أغسطس 2007 امتى ؟

[إسلام شاهين]

معلش هو ممكن السؤال يكون بدري شويه بس علشان أنا بضبط مواعيد المصيف فعايز أعرف هيا المقابلة هتكون فين وإمتى إن شاء الله ؟

[AlmAhAtmA]

و انا كمان بنضم لاسلام في السؤال ده
علشان انا بخطط اخد اجازه و اطلع انا و الحاجه و اخويا اسبوع مطروح
اسلام انت حجزت في اي مكان ولا ايه النظام
علشان انا جي لي في شاطئ الابيض حاجه محترمه قوي
بينا علي المصايف بينا بينا علي المصايف

[Hossam_Hassan]

يا ريت فعلا نبتدى نقرر و أنا عندى أقتراح بمكان معقول و يا ريت لو حد شافه يبقى يفيدنا بأى معلومات أكتر، المكان فى المقطم، عند نادى الأعلاميين و مميزاته كالأتى:

1 - ممكن قعدتنا تبقى جوه النادى (هسأل عن نظام الدخول النهاردة ان شاء الله) و النادى نضيف جدا - بيطلع فى التليفزيون كتير - :D :D :D :D
2 -مدخل النادى هوه برده مدخل مشروع Uptown Cairo بطول حوالى 5 كيلو، اتجاهين، كل اتجاه 4 حارات و الأسفلت حرير - تحس انك اتنقلت دبى - (لتجارب السيارات)
3 - الجو فى المقطم بيبقى أرحم من حيث الحر
4 - المكان فى أول المقطم و سهل الوصول اليه من أى حتة.

[Karim_Monir]

فكرة كويسة جدا يا حسام حتي نلاقي مكان نجرب فيه العربيات وجو المقطم تحفة اصلا
يلا انا معاك

[معاذ الشرباصى]

موافق طبعا على المقطم

علشان قريب اوى منى :lol:

[Dr Ahmed]

أخونا الفاضل د/ أحمد سمير هو دايما مهندس ومخرج مقابلات أعضاء المنتدى (أمير الجماعة يعنى) وما ينفعش نتفق على مكان من غير ما ناخد رأيه ، فياريت يشاركنا ونتمنى حضور أكبر عدد من الأخوة.
وبالنسبة للموعد أعتقد انه مازال أول جمعة من الشهر زى الاتفاقات السابقة.

[AlmAhAtmA]

يبقي احنا بنتكلم علي الجمعه 3 اغسطس يا د احمد ان شاء الله
لوممكن يكون فيه جدول اعمال للاجتماع علشان يكون فيه فايده كبيره
يا ريت نفكر في شكل جديد يخرج بيه الاجتماع

طبعا في حاله الموافقه علي المقطم حتشرحولي اوصل له ازاي
انتوا عارفني انا علامه في شوارع المعز

يالا بقي علشان وحشتوني

[د.أحمد سمير]

أوك يا جماعة على يوم الجمعة 3 أغسطس ..
المهم المقطم مكان جميل جداً ، وانا عارف نادي الإعلاميين كويس ، والوصفة ما تتوهش أبداً ، لكن فيه ملاحظة ، اننا هنكون بعيد عن العربيات ، يعني الغالب اننا بنكون جنب العربيات نقوم ونشوف ونجرب ونرجع وهكذا ، لكن نادي الإعلاميين هنقعد جوة ، وندفع فلوس دخول ، ونخرج ازاي ونرجع تاني ، ولا نتقابل بره ونجرب ونشوف وبعدين نرجع نقعد .. حكاية لسه مش مفهومة قوي ..
المهم مش المكان في حد ذاته المهم ان كل ما نفعله يكون سلس ولطيف . وعلى فكرة هذه المسألة بوظت علينا اللقاء التاني في الأزهر بارك للسبب ذاته ، وبنفس المنطق هناك عشرات الأماكن التي يمكن أن نلتقي فيها ، فدار المدرعات في صلاح سالم مثلاً جنبها شارع الاستاد وهو شارع كبير وطويل ، والمكان هايل برضه ، وكذلك دار الأسلحة والذخيرة ودار المركبات نفس الفكرة وجنبهم الشارع اللي بيوصل من صلاح سالم إلى الأوتوستراد ، وكذلك هناك نادي الشرطة الجديد بالحي السادس مكان هايل وجميل وجنبه طريق القطامية العين السخنة ، وغير هذا الكثير من الأماكن . علشان كدة أنا لسه شايف الربوة مكان مثالي من حيث تجربة العربيات ، وسهولة الوصول لكل الناس ، ولو عايزين نغير ممكن حد يشوفلنا مكان مشابه في المقطم أو التجمع بس تكون كافيتريا مفتوحة مش نادي مغلق .
تقبلوا خالص مودتي
ويا دكتور أحمد بلاش حكاية أمير الجماعة دي لنروح في داهية

[Hossam_Hassan]

معلش يا جماعة مقدرتش افوت على نادى الأعلاميين امبارح، ان شاء الله أفوت النهاردة.

[Dr Ahmed]

والله أنا أأيد إختيار كافتيريا الربوة فعلا لسهولة الوصول اليها من جميع المناطق ولموقعها الجميل لأنها فعلا مرتفعة جدا وترى مساحة شاسعة والسيارات ستكون بجانبنا وهناك مشروبات ومأكولات وكل شئ ، والرأى للجماعة فى الآخر (من غير أمير أهه :lol: )

[Abonora]

انا متفق مع الجميع في كل اللي اتقال بخصوص مواصفات المكان من حيث سهولة الوصول ايه وامكانية اختبار السيارات وما الي ذلك بس انا شايف ان الاهم (زي ماقال الماهاتما) اننا ركز اكتر علي جدول اعمال المقابلة لان ده هيخلينا نوصل لقرارات في المقابلة بشكل اسهل وادق

ممكن تعتبروا ديه مسودة مبدئية

1- مناقشة مستقبل المنتدى بعد ما اصابة من اعطاب فنية متتاليه وتباحث خطط تطويرة بالشكل الائق المنتظر

2- مناقشة امكانية ترشيح مشرفين جدد

3- مناقشة سبل الترويج للمنتدي بشكل اكبر مما يساهم في زيادة عدد المشتركين

4- مناقشة اسباب تعطل مشروع المجلة الاكترونية ( Nile Motors digital magazine) سبق ان عرضت الفكرة اكثر من مرة دون جدوى

5- مناقشة اسباب تعطل مشروع الموقع (كموقع الكتروني كامل بتصميم متميز وخدمات مثل دليل المشترى ، واسعار السوق ، قاعدة بيانات مواصفات السيارات ، ومراكز الخدمة والمجلة الخ الخ )

6- مناقشة امكانية صياغة انشطة المجموعة بشكل قانوني (كجمعية اهليه غير هادفة للربح مثلا)

ديه شوية مقترحات مهمة جدا (بالنسبة ليا علي الاقل) وجدول الاعمال مفتوح للمناقشة والاضافة والتعديل بناء علي المسودة المقترحة

[SAbuhashem]

I never attended any meeting before and i wish i can attend the next one if i'm noot busy at that time

but is the attendance limited to specific persons - like specific car's owners - or somthing like this ??
i'm waiting to know the final appointment and i wish come to meet you all

Thanks
Eng. Sherif Abuhashem

[Abonora]

اطلاقا يا باشمهندس الدعوة عامة للجميع كل اعضاء نايل موتورز حتى لو معندكش عربية ،
انت تشرف يا شريف :P

[Abdallah]

اتفق مع اخى ابو نورا فى انه يجب ان يكون لدينا جدول اعمال لمناقشته بالنسبة للإدارة واتفق معه تماما فى النقاط التى تحدث معها بالاضافة الى دراسة امكانية تمويل المنتدى والاقتراحات الموجودة وما شابه واعتذر من الان عن حضورى الى المقابلة القادمة.

[Abonora]

مش ممكن تعتذر يا عبدالله انت هتحضر بالامر ، انت عارف ان رايك مهم في كل المواضيع المطروحة