الطلاق ... موضوع شائك

[امجد مروان 454]

حاول ثم حاول ثم حاول الانفصال مش سهل بالمرة ومش بيكون الحل الا فی احلك الظروف وخراب بيوت المسلمينمش امر هين ولاد حضرتك يستاهلوا انك تصبر شوية وبيتك يستحق انك تصبر لغاية الموضوع ما يتحل وحضرتك فی نقطة مهمة ان زوجتك حامل وطبعا النفسية تعبانة والهرمونز بايظة ده مهوش تبرير للغلط ولكن لالتماس شیء من العذر
وكمان الاهتمام مش شرط المصيف او الخروج ولكن الاهتمام بشخصها واحوالها عاملة ايه اشتريتی ايه يومك كان ازای لما تمرض تلاقيك حزين عليها ولما تفرح تكون فرحان اكتر منها وكده.
مبدأيا عدی الامر لغاية الوضع بالسلامة وبعدها لازم تعقدوا مع بعض وتصفوا حساباتكم وكل واحد يفرغ ما فی جعبته وانت تتكلم وتلوم وتعاتب وهی كذلك وكل واحد يعرف اللی ليه واللی عليه وتحطوا النقط علی الحروف بنفسكم لحياتكم الجاية واللی مش هتنفع تستمر علی الوضع ده وممكن تطلب تدخل واحدة ست ليها قيمة عندها زی صديقتها او واحدة هی بتعزها وبلاش تدخل حد من العائلة فی الوقت الحالی
حاجة كمان ممكن ناس تعتبرها هايفة وتضييع للوقت بس انا شايفها فی غاية غاية الاهمية وهی الكتب بتاعة الحياة الزوجية ومشاكلها لكريم الشاذلی وغيره وصدقنی ده خلاصة تجارب الازواج وهتلاقی فيها علاج جميع المشكلات وطبعا زوجتك برضه لازم تقراها.
اما موضوع انها عصبية هل هی عصبية من بداية حياتكم ولا اكتسبت العصبية؟ لو مكتسبة حلها يسير ان شاء الله فتعرف ايه اللی وصلها لكده وايه اللی بيعصبها وتحاول تتجنبه اما انها اصلا عصبية معرفش الحل بصراحة فاسأل فيها
واسأل الله أن يهدی زوجتك وان يردها للحق وان يجنبكما الشطان وأن ييسر امرك ويصلح شأنك ويوفقك لما فيه صلاح دينك ودنياك

[بحار]

حضرتك جاى للأسف بعد خراب مالطه ... تسأل الحل ايه ؟؟
حضرتك فرط فى حقوقك واحدة ورا واحده وعودتها انها تغلط وانته كأن ماحصلش حاجه !!
الاصلاح دلوقت هايكون زى استعدال شجرة كبرت وهيا مايله النتيجه الكسر وهوه هدم البيت على دماغها
الاخ اللى بيقول لحضرتك هى دى الرجوله انك استحملت مد ايديها واهاناتها ليك ومارديتش عليها واستغليت قوتك كراجل..
عاوز اقوله فى فرق بين انى افوت واطنش وانا قادر انى اعاقب واحط الامور فى نصابها .. وانى أكون مفعول بيه ولا حول لى ولا قوة امام بطش الهانم دى
المفيد بقى :
- اما تتحملها على وضعها خصوصا ماحدش من اهلها يعرف فى الاصول ويقف معاك ..وتخسر رجولتك فى البيت وتسقط صورتك فى عيون ولادك كأب محترم .
- أو تطلقها وتخسر فلوسك وتكسب احترامك لنفسك واحترام أولادك ليك .
انا أهملت عن عمد حل ودى معاها بالحوار .. لأنى شايف للأسف أنها عدت المرحلة دى بمشوااااار .
اسف ليك لو ماعجبكش كلامى .. ربنا يلهمك الصواب .

[الفجر]

اترك البيت شهر واحد بس

اذا ما رجعت ليك . ورجليها فوق رقبتها ................... تعالى وقلى انت متفهمش في الدنيا حاجة

وصفة عن تجارب عديدة

[samyyousef]

السلام عليكم
لا تياس من محاولة الصلح
اذا استحالت العشرة لا قدر الله فقبل ان تطلقها يجب ان تكون على بينة من اللي حايحصلك

اولا تنسى انك حاتعرف تشوف بنتك او تشوف البيبي اللي جاي في السكة....و لو عرفت حايكونوا معبينهم منك

ستمطرك بوابل من القضايا لا حصر لها

طيب و ايه الحل؟

اذ كان لابد من الطلاق فليكن باحسان و باتفاق و كن صبورا و متمسكش في الماديات و ابعد عن المحاكم، وربنا معاك

[lonedoctor]

انا لو مكانك كنت طلقتها من اول مرة تقل ادبها فيها من سكات لكن انا لا استطيع ان انصحك ابدا بذلك وبينكما عشرة وطفل فى الطريق
ماشاء الله اوتيت الصبر والاحتمال على الاذى ولكن ينقصك الحكمة
تحتاج ان تغير معاملتك معاها كنوع من العقاب ولو هى راحت لاهلها طنشها لغاية ماهى تتصل بيك وتتحايل عليك ترجع ساعتها يبقى ليكم وقفة والنقط تتحط فوق الحروف وتتهدها بالطلاق لو تعدت حدودها مرة تانية

[Bassem Youssef]

حضرتك غلطت من الاول لما زوجتك تخطت حدودها معاك و حضرتك لم يكن لديك اي رد فعل

[volociximab]

طبعا الموضوع حساس جدا بس حبيت اخد رايكم فيه لاني بصراحه مش عارف اخد قرار فياريت اللي مقتنع من رده ينصحني بس اللي محتار زيي بلاش يرد لان الموضوع متداخل جدا.

انا كنت متزوج قبل كده وزوجتى توفت وتزوجت واحده تانيه انسانه محترمه ومؤدبه واستحملت معايا كتير عندي بنت والتانيه في السكه الموضوع من اوله اني بحب مراتي وولادي جدااا وبعاملهه بكل احترام وبغيير عليهه كأي واحد بيخاف على عرضه طبعا ده كله كلام جميل ... الطبيعي ان الانسان كل ما بيكبر حياته بتتغير سواء صحته او مستواه او مسئولياته والحمد لله انا وصلت لمرحله كويسه في حياتي المشكله تكمن في الاتي.

في اول الجواز كان الواحد موظف صغير مسئولياته محدوده مرتبه على اده طبعا كنت مقضيهه بلطجه في الشغل اجازات على اذون كاي شاب صغير ولتغير الحال ودلوقتي مسئولياتي كبرت جدا وبقيت رئيس قسم في شركة مالتي ناشيونال ومسئول عن 15 فرد وطبعا المستوى المادي اتغير والهموم كترت مراتي باه مش عاجبهه الحال ده وشغلالي في نغمة انت اتغيرت وحبك ليا قل والشغل اهم مننا مع اني والله بنسافر نصيف مرتين في السنه وبحاول نروح كافيهات كتير عشان متملش المهم انا غلطت غلطه رهيبه في اول الجواز بجني ثمارهه دلوقتي مراتي عصبيه جدا فكان في اي مشكله بيننا تزعق وتشتم وتهلل وبصراحه كنت بحايلهه مش ضعف مني بس كانت بتصعب عليا ومكنتش عاوز اخسرهه بس الواحد العمر بيجري بيه ومبقاش مستحمل الكلام ده من كام يوم حصلت مشاده عنيفه بيننا مراتي كانت من 3 سنين مش طايقه الشقه اللى كنا فيهه فكلمتهه بصراحه ان الامكانيات مش سامحه نعزل دلوقتي قالتلي هتستلف من امهه مبلغ ونرده براحتنا ووالله قولتلهه بالنص انا مش حمل ديون دلوقتي قالتلي ملكش دعوه المهم حطيت القرشين بتوعي على اللي استلفته وخدنا شقه واكراما مني كتبتلهه الشقه باسمهه ولحد دلوقتي برد الدين لان المبلغ كان كبير حوالي 70 الف جنيه فبداية المشكلة كنا بنتناقش في امور حياتنا فهيه هتولد بعد شهرين قولتلهه مش هنرد حاجه من الديون الشهرين دول لحد الولاده فاتعصبت جدا انت هتخلي شكلي وحش وكيت وكيت ولازم ترد ديونك فقولتلهه لا انا برد ديونك انتي والشقه باسمك انتي قامت هايجه وهاتك يا طولة لسان وانا ماسك نفسي عشان حامل يابنتي اهدي مفيش فايده قامت قايله انا هسقط نفسي فجريت وراهه ولسه بحوشهه لقيتهه بتزقني وبتضربني على صدري قدام البنت طبعا تمالكت نفسي ومتكلمتش معاهه طول الليل النهار طلع رحت الشغل لقيتهه بتكلمني انا سبت البيت وعاوزه اطلق وبصراحه كبرت في دماغي ومكنتش هرجعهه بس قولت عشان البنت والحمل اقصر الشر وبعد مناهده معاهه طول اليوم رجعت بالعافيه ودلوقتي انا من جوايا مشلول التفكير هيه مش هتنصلح ومش هتعدل اسلوبهه وكرامتي نقحاني ازاي تشتمني وتمد اديهه عليا وفي نفس الوقت ازاي هيه اللي تغلط وانا اللي احايلهه بصراحه مش عارف اقوم حياتي وبالرغم من نجاحي في الشغل وادارة قسم بنجاح بصراحه مش عارف ادير حياتي الشخصيه وعشان كده لجأت لنصيحتكم عشان استرشد بيهه لو مكاني هتعمل ايه في المشكله الجايه

مفيش ست عاوزه الطلاق
و معظم الستات عصبيات
و مينفعش تعامل مراتك بنفس اسلوبها لانك راجل البيت و لازم تحتويهاا و ممكن تاخد حقك من غير ما تكسرها و من غير ما تدمر البيت
الستات مجانين
و الست العاقلة عارفه ان جنس الستات عقله خفيف
فمش تدمر البيت عشان تقلبات مزاج الستات
و شوف فى الدين ازاى ممكن تعامل الست العاصية
اهم شيىء مش تتعصب و تقابل الشدة بالحكمة و ليست بشدة مماثلة و هذا ليس علامة ضعف بالعكس
اي رجل ممكن يكسر دماغ مراته و يبيتها فى المستشفى و ممكن ميصرفش عليها و يسيبها زى البيت الوقف لا متجوزه و لا متطلقة لكن الرجل الحقيقي الذى يتعامل مع الامر بحكمة و يعرف متى يشد و متى يرخى
لو امها بتسلطها حاول تستبعدها بدبلوماسية و تدخل رجاله فى الموضوع اذا لزم الامر

[volociximab]

الاخ اللى بيقول لحضرتك هى دى الرجوله انك استحملت مد ايديها واهاناتها ليك ومارديتش عليها واستغليت قوتك كراجل..
عاوز اقوله فى فرق بين انى افوت واطنش وانا قادر انى اعاقب واحط الامور فى نصابها .. وانى أكون مفعول بيه ولا حول لى ولا قوة امام بطش الهانم دى
المفيد بقى :
- اما تتحملها على وضعها خصوصا ماحدش من اهلها يعرف فى الاصول ويقف معاك ..وتخسر رجولتك فى البيت وتسقط صورتك فى عيون ولادك كأب محترم .
.

اى راجل ممكن يخرشم زوجته و يشربها من الطين و يخليها مش بس تتنازل عن الفلوس لا و تدفعله فلوس عشان يسيبها
الستات مجانييييين اى واحد عاشرهم يعرف كده و يعاملهم على الاساس انه راجل و عشان راجل هيستحمل و هيرد برد مناسب للاصلاح و ليس للخراب انما ضرب الست من اسهل ما يكون

[volociximab]

( فَإِنْ كَرِهْتُمُوهُنَّ فَعَسَى أَنْ تَكْرَهُوا شَيْئًا وَيَجْعَلُ اللهُ فِيهِ خَيْرًا كَثِيراً )

ممنوع إستخدام اللون الأحمر حيث أنه مخصص للمداخلات الإدارية
م.ع 7

[ahmed1981]

المشكلة والمصيبة هنا :ـ

شتيمه بيا وشتيمه لاهلي

مش هنا :ـ

طب وحتة انهه مبتعترفش بغلطها ابداااااااا حلهه ايه

كثير من النساء لا تعترف بالخطأ
ولا تعترف بالجميل ( يكفرن العشير )
فدي حاجه لازم تتحملها مع بنتك وأختك وعمتك و..........
(وليس كل النساء فهناك نساء في غاية الحكمة والوفاء )
=
لكن الشتيمة ليك ولأهلك
لا حول ولا قوة إلا بالله
هي دي المشكلة اللي لازم يوضع لها حل
ربنا يعينك وتجد لها حل
=
إنت عارف إن لو الراجل بيشتم مراته من حقها تطلب مجلس صلح وحكم من أهله وحكم من أهلها وتوقفه عند حده
فما بالك.

ـ

[وليد 1]

بص ياباشا ...محسوبك مدوب ( جوز نسوان ) – و لافخر – بس واحدة منهم كان الطلاق غصب عننا لظروف قهرية وكانت قصة حب جامدة وقديمة
سيبك من دى
التانية بقى دى ام العيال – الحمد لله عيالى كبار – دى بقى طلعت مذاهب تلاتة تلاتين اللى خلفونى ...حاجة كدة زى اللى انت بتحكى عنها دى ...
بس احنا بقى كنا بنسلى الجيران يوماتى وكانت كفاءة تلم عليا العمارة
وانا كمان بصراحة راجل بجاعورة ما بسكتش ولا باستر ..
م الآخر رميت عليها بتاع سبعة تمانية يمين طلاق ...مش فاكر

هوصف لك جرعتين يمكن ينفعوا مع اللى عندك ...بس خد بالك من نقطة مهمة جدااا
مش كل ست زى التانية ..
قبل ما أكتب لك الجرعة فيه سؤال مهم جدا ...
أخبار ( السيكو سيكو ) أية ؟
المسألة دى مهمة جدا لأن 90 % من الحياة الزوجية السعيدة ان شاء الله
قائمة عليه
هل انت مثلا من النوع الروتينى المنتظم بتاع كل خميس ؟
والا ممكن تطلع فى دماغك مثلا ساعة ضهرية بدون اى مناسبة ؟
هى كمان عليها عامل ...هل العملية دى بتكون تأدية واجب قومى وتحيا مصر ؟

واضح من كلامك حاجتين ...أما ان حضرتك من النوع الهاااااادى جدا
وهى محتاجة حد يستفزها ...فتستفزك وتحاول تطلع المارد المنزلى من جواك
( أو ) أنك بتحبها جدا وهى عارفة دة فبتستغله
بصرف النظر طبعا عن كونها حامل - على فكرة الحامل مش بتبقى عصبية للدرجة دى يعنى
ممكن اقولك طنشها فترة – وممكن اقولك ارمى عليها يمين وجرب ...كدة يعنى
نعرف الأول أجابة سؤالى ( ومعلش على صراحتى )

[hh]

اقول لحضرتك فكرة غريبة عن مجتمعنا شوية بس هي الانسب لحالتك. شوف مستشار في العلاقات الزوجية و خد جلسات انت و مراتك عنده. انتوا محتاجين طرف تالت يساعدكوا تتكلموا و تحطوا ايديكوا على العيوب و المشاكل اللي عند كل واحد و يكون محايد و عاقل و ذو خبرة في نفس الوقت. الدور ده المفروض يقوم بيه الاهل بس للاسف تدخل الاهل في بلدنا غالبا بيخربها زيادة. ربنا ييسر لك امرك يا رب

[afndina]

الاخ اللى بيقول لحضرتك هى دى الرجوله انك استحملت مد ايديها واهاناتها ليك ومارديتش عليها واستغليت قوتك كراجل..
عاوز اقوله فى فرق بين انى افوت واطنش وانا قادر انى اعاقب واحط الامور فى نصابها .. وانى أكون مفعول بيه ولا حول لى ولا قوة امام بطش الهانم دى

الراجل اللي يستغل قوته يا اخ علي واحد ضعيف او ست ميبقاش راجل والنوع دا من الرجالة اللي بيجي علي الاضعف منه , لمؤخذه بياخد علي دماغه بره من الناس اللي اقوي منه ويجي يعمل راجل ودكر علي مراته وعياله والنوع دا للاسف كتير اوي .
انما الراجل اللي يقدر يعمل ولكن لان اللي ادامه ضعيف ويمسك اعصابه علشان ميأذهوش يبقي راجل بجد .
في فرق بين اني اخد موقف واحط الامور في مكانها واني ابقي بلطجي ودكر علي واحده ست
وبالمناسبة كمان الست اللي بتبقي متجوزة النوع دا من الذكور بتنضرب وتسكت علشان متطلقش وعلشان العيال والدكر بقي مفكر نفسه سي السيد وانه رباها وشكمها , لكن من وراه بتشتمه وبتشتم اهله .

[cyborg_ift]

دلوقتي يا جماعه احكلكم اخر التطورات

لما رجعت من الشغل خدتهه ونزلنا قعدنا في مكان

قعدنا عادي جدا وبعد شويه بدات اكلمهه في الاحوال اللي وصلنالها وطبعا كل كلامهه اني اتغيرت ومبقتش بحبهه زي الاول وان الشغل اهم حاجه عندي وانهه مكسوفه من اهلهه والديون بتاعتهم وان الشقه مش عشان باسمها يبقا مليش فيها وطبعا كلام في الهوا كله لحد ما وجهتها ان اللي حصل انا عديته وكنت راكب دماغي اني مرجعهاش من الاساس

فقالتلي يعني انت بتهددني ان لو سبت البيت تاني مش هتعبرني ولا بتلمح انك تعرف واحده تانيه وهري النسوان اللي انتوا عارفينه

طبعا الجلسه تحولت لشد ونرفزه والذي منه فقولتلهه عموما انا مش راضي عنك وعن اسلوبك وبصراحه الامور هتوصل بينا للانفصال لو استمريتي على كده ومش عيب ان تعتذري لما تغلطي العيب اللي بتعمليه

طبعا بلمت وروحنا وفضلت تعبانه طول الليل وشكلي هسقط ومش عارف ايه والموضوع واقف على كده لحد دلوقتي


المشكله ان مراتي مش عايشه معايا عشان بتحبني ديه بتقيس عيشتها معايا على مدى حبي وتمسكي بيها ولحد دلوقتي الامور مشحونه وفي انتظار الجديد لاني متاكد ان النكد هيبقا للصبح لما نبتدي نتكلم انهارده

ملحوظه: انا فعلا غلطت اني تساهلت معاها كتير بس انا عمرى ممد ايدي على ست مهما كانت مش عشان ضعيف لا انا لو مديت ايدي عليهه هتموت من اول خبطه وعمري مهخلي بنتي تشوفني وانا بمد ايدي عليهه ده حتى بنتي عمري ممديت ايدي عليهه والحمد لله مؤدبه جدا

حصل موقف ابكاني انهارده وانا رايح الشغل بنتي صحيت وباستني وقالتلي بابا انت جاي تاني فقولتلهه يا حبيبتي انا رايح الشغل وجاي هروح فين يعني للاسف الابناء بيحصدوا اخطائنا اللي بنرتكبها واحساسي ان البنت نفسيتهه تعبانه جدا فما بالكم لو ضربتهه قدامهه

[mido3_gho]

ياصاحبي إنت مخطئ من الاول إنك وصلت الامور للمرحلة دى

المسايسة تمام لكن مش للدرجة دى

الحل دلوقت زى ما بيقولوا .. نقطة ومن اول السطر دا لو عاوز ترجع

وبعد كده فى شروط وقوانين .. لكن مبدأ أن كل حاجة موافق دىن عليك .. معلش لأ

ومبدأ الشغل دا لمصلحة البيت وهى لو مش مقدرة إنك شغال عشان الحياة والبيت ... يبقي ماتعرفش يعنى إيه حياة ودى المشكلة اللى موجودة فى اغلب البيوت بصراحة