فلتر المياه ؟

[wael6]

السلام عليكم
ممكن اعرف ايه فلتر المياه المناسب
وكام مرحله وايه خصائص كل مرحله
وايه الانواع والاسعار وقطع الغيار والضمان
متابع
وشكرا جزيلا

[3abdo.it]

افضل شى تلاتة مرحلة فقط لان المراحل الى ازيد من كدا هيفقدك فائدة المية تماما

تانك تلاتة مرحلة كويس

[ehabouf]

انا مش حازود والا كلمة على الكلام ده

فلاتر المياه المنزلية ... مياه للشرب بطعم ''الموت''..(تحقيق)

[mk3]

الموضوع شائك ومتعرفش
انا عندى 3 شمعه وناوى اجيب 7 إن شاء الله

[طارق _عبد السلام]

ال6 مراحل عندى من 8 او 9 سنين.................... والحمد لله زى الفل ... وموضوع الاملاح ده هو بيظبط الاملاح وبتكون فى حدودها الامنه............ اما حكايه انه بيشيل الحديد والمعادن والاملاح من المياه .هنفرض جدلا ان ده صحيح.. سؤال جانبى صغنون كده هو اعتماد اى انسان على الاملاح والمعادن والذى منه من المياه فقط ؟؟؟؟
طيب فين الخضار وفين الفاكهه وفين الطعام ...................

[طارق _عبد السلام]

افضل شى تلاتة مرحلة فقط لان المراحل الى ازيد من كدا هيفقدك فائدة المية تماما

تانك تلاتة مرحلة كويس

انا موافق على كلامك لكن سؤال محتاج اعرف هو صح ولا غلط الفلتر ال3 مراحل دا بيشيل شوائب من المياه وصدأ والذى منه هل يوجد فى الفلتر الثلاث مراحل صرف للمياه المتسخه ؟؟؟ يعنى طول ماهو واقف مبيفلترش المياه المتسخه بتروح فين ؟

[wael6]

ال6 مراحل عندى من 8 او 9 سنين.................... والحمد لله زى الفل ... وموضوع الاملاح ده هو بيظبط الاملاح وبتكون فى حدودها الامنه............ اما حكايه انه بيشيل الحديد والمعادن والاملاح من المياه .هنفرض جدلا ان ده صحيح.. سؤال جانبى صغنون كده هو اعتماد اى انسان على الاملاح والمعادن والذى منه من المياه فقط ؟؟؟؟
طيب فين الخضار وفين الفاكهه وفين الطعام ...................

نوعه ايه وسعره من فضلك

[wael6]

فعلا موضوع اختيار الفلتر نوعه ومراحله خطير جدا
لانه ممكن يجيب اثر عكسي
بدل ما ينقي ويحسن يجمع الشوائب ويركزها
ربنا يلطف

وجزاكم الله خيرا

[أبو آسر]

هات 7 مراحل في نوع محترم اسمه بيوريكوم ب1550 تقريبا
موضوع انه بيشيل الاملاح والمعادن مش صحيح ولو صحيح كوباية عصير برتقال اسبوعيا تغني وتكفي لتعويض الناقص

[طارق _عبد السلام]

نوعه ايه وسعره من فضلك

كان من زمان ... اسمه ملينينيوم... وكان 1600 والشركه عملت لى عرض صيانه سنه مجانا ....

تقريبا فيه ماركات كويسه كتير حاليا..... وطبعا لازم من اول ال6 مراحل يكون فيه صرف للمياه المخلفه من عمليه الفلتره