ممكن اعرف "الخبره" لزمتها ايه ؟؟؟

[Bassem Youssef]

اصله خبره

جمله بسمعها كتير مع ان اللي بيضيعو الدنيا هما الناس "الخبره"

انا هذكر مثالين عشان اوصل رؤيتي لموضوع "الخبره" ده

الناس اللي بتدير البلد دي من 100 سنه ناس تخطت ال 60 بمراحل

تسأل اشمعني الناس دي ؟؟؟ يقولك اصلهم "خبره"

حد يقدر يقولي "الخبره" عملت لنا ايه دلوقتي ؟؟؟

البلد من سيئ لأسوأ من30 سنه علي الاقل

المثال التاني لمحبي كره القدم

اللي اتفرج علي ماتشات ريال مدريد و فيورينتينا الموسم ده

تملي الريال لما يخسر يبقي بسبب كاسياس "الخبره"

طب مش بتعتمد ليه علي نافاس (28 سنه تقريبا )يعني "خبره" برضه ؟؟؟

اصله مش "خبره" زي كاسياس

تقدر تقولي "خبره" كاسياس الرهيبه عملت ايه لما خرجو خروج مذل من دوري الابطال ؟؟؟

و لا حاجه طبعا ... بلح

كل ماتش لفيورينتينا لازم يتم الاعتماد علي جوميز "الخبره" جنب صلاح

مع ان جومير مش بيلعب كوره صح يقابل بيها ربنا اصلا :d

عملت ايه بقه "خبره" جوميز ؟؟؟ اهم خرجو بدون بطولات السنه دي

معلش طولت عليكم بس اتمني ان اكون وضحت رؤيتي لموضوع "الخبره" ده

[الاسد المهاجر]

في حاجات الخبره لازم تبقي مطلوبه مثلا
١-متجبش عامل نظافه وتشغله شيف
٢-متجبش سمكري وتقولو رش عربية
٣-متجبش محاسب وتقوله خليك محامي
٤-متجبش شيخ في زاويه وتمسكه حاجه ميفهمش فيها لازم هيخربها
٥-متجبش خريج سجون (حتي لو بريق متضمن السجن غير فيه ايه) وتشغله في بنك او ...... متنساش انه عاش في سجن

الخبره مطلوبه او تستحمل خساير لحد ميتعلم زي ما شركه لمصرية استحملت عديم الخبره سنه بعد ماغرقها وجابت الخبره ههه

[lonedoctor]

لا يوجد فى ماااسر شخص يعمل فى مجال تخصصه تقريبا الا الاطباء واساتذة الجامعات والمدرسين وبعض المهندسين
ونظرا لكونى طبيب وعايش بره ماااسر من زمان ما كنتش اخد بالى قوى من الموضوع ده
لما نزلت اجازات فوجئت بذلك
اروح شركة تسويق عقارى الاقى مندوب التسويق خريج اداب قسم فلسفة
اروح اعمل صيانة للسيارة الاقى مدير المركز ظابط متقاعد
مرة روحت اقدم لابنى فى مدرسة لقيت مدير المدرسة ظابط جيش متقاعد برضه
جارى دكتور بيطرى شغال على تاكسى وبيودى مدارس
ولى جار تانى دكتور بيطرى فاتح ورشة رخام ولما طلبت منى يقفلى المطبخ عملى شغل زبالة وبفلوس كتيرة
وسمعت عن خريجين سياسة واقتصاد بيبيعوا حاجات بسيطة زى الميداليات والكلام ده فى المترو
ولى ابن خالتى خريج سياسة واقتصاد شغال فى هيئة الاستثمار بس والله اتكسفت اساله بيشتغل ايه
وسمعت انه شركات البترول بتشغل ناس كتير مالهمش دعوة بالتخصص ده زى بتوع الجيلوجيا علوم ومهندسين التنقيب وكدة
معظم لاعبي الكرة اللى فى اندية البترول متعينين فىها بس ماعرفش على وظيفة ايه
خبرة مين ياريس اللى بتسال عليها ؟ مش لما كل واحد يشتغل فى تخصصه الاول الخبرة تبقى ليها لازمة ؟

[rotanamasoud]

بالنسبه للخبره على راى عادل امام (البنت دى خبره)
اما المسؤليه على راى محمد صبحى (احنا كمسئولين اكتشفنا اننا غير مسئولين)
ولو اتكلمنا جد حتلاقى مصر البلد الوحيده اللى بتطلب شهاده خبره للخريج قبل ما يشتغل اصلا طب ازاى

[أحمد كمال]

٥-متجبش خريج سجون (حتي لو بريق متضمن السجن غير فيه ايه) وتشغله في بنك او ...... متنساش انه عاش في سجن

يعني لو حضرتك اتسجنت و انت "بريق" تحب اما تخرج محدش يشغلك لانك مع انك "بريق" ما تضمنش حصل لك ايه جوة ........


بالمناسبة ...... برئ مش "بريق"

[black.hawkdawn]

احنا احسن ناس تمشى لورا

[unl0veable]

عليه العوض فى الخبرة

الصبر ثم الصبر

[eslamrace]

لازم تفرق الاول ان فى نوعين من الخبره *خبره شكليه *خبره فعليه
الخبره الشكليه هى خبره العمر والاقدميه وده احد اسباب تأخر مصر عن سائر الدول فى مجال العمل بحيث ان اى شركه بتطلب خبره بيعتمد على السن كدليل على الخبره والقطاع الحكومى بيعتمد على الاقدميه فى الترقيات والوظائف القياديه وبالتالى لا نولى الاصلح ولكن الاقدم وغالبا بتلاقى حرب وخصام وزعل بين الاصدقاء فى القطاعات الحكوميه بسبب الترقيات بالشكل ده
النوع ده من الخبره لا يعترف بيه فى اى مكان محترم ولكن فى بلدنا "مش عارف مين منه لله" حط مبدأ ان دايما الاكبر بيفهم اكتر وهو الاحق بالقرار ولذلك جميع القطاعات الحكوميه بالذات بتلاقى البيروقراطيه والافكار التقليديه هى السائده مما يساعد بشكل غير مباشر على الفساد

اما الخبره الفعليه فهى مقدار علم والمام الفرد بمجال معين وقدراته الذهنيه اللى تؤهله للقيام بعمل معين ودى بقي الخبره الحقيقيه اللى لازم تكون موجوده عند اى شخص سواء متقدم لوظيفه او مرشح للترقيه ونوع الخبره ده لازم تقدره وتحترمه بغض النظر عن سنه سواء صغير او كهل عجوز او وصفه العام وده اللى بنسميه فى مجتمعنا الرجل المناسب اللى لو حطيناه فى المكان المناسب يغير وضعنا بالكامل

فالخبره متقدرش تقول ملهاش لازمه ولكن انهى خبره فى النوعين اللى احنا بنتكلم عليها ؟؟؟
تحياتى .

[Bassem Youssef]

طبعا اقصد الخبره الشكليه اللي ملهاش لزمه

في وزراء في العشرينات و التلاتينات في بعض الدول الاوروبيه

انا مش فاهم مبدأ "الاكبر يبقي هو اللي بيفهم اكتر" ده جه منين ؟؟؟

و ماشيين بيه ليه اساسا ؟؟؟

[الاسد المهاجر]

يعني لو حضرتك اتسجنت و انت "بريق" تحب اما تخرج محدش يشغلك لانك مع انك "بريق" ما تضمنش حصل لك ايه جوة ........


بالمناسبة ...... برئ مش "بريق"

غلطة مطبعية
وبعدين انا في حالي ولا ليه صديق صايع ولا ارهابي ولا احب احط نفسي مكان شبهات وبعدين بالعقل هتجيب واحد خريج سجون وزي مقلتلك حتي لو برئ تشغله في بنك ازاي بقي
يعني لو انته اتسجنت مثلا وانته برئ متخيل حد هيشغلك ساعتها خليك زي منته في النهضه هتلاقي مرتب يجيلك لحد عندك
بهظر طبعا بالتوفيق

[أحمد كمال]

غلطة مطبعية
وبعدين انا في حالي ولا ليه صديق صايع ولا ارهابي ولا احب احط نفسي مكان شبهات وبعدين بالعقل هتجيب واحد خريج سجون وزي مقلتلك حتي لو برئ تشغله في بنك ازاي بقي
يعني لو انته اتسجنت مثلا وانته برئ متخيل حد هيشغلك ساعتها خليك زي منته في النهضه هتلاقي مرتب يجيلك لحد عندك
بهظر طبعا بالتوفيق

في الدول المتقدمة اللي بيتسجن و هو برئ بياخد تعويض


و بجد بجد الحمد لله الذي عافاني

[MTAK]

لا يوجد فى ماااسر شخص يعمل فى مجال تخصصه تقريبا الا الاطباء واساتذة الجامعات والمدرسين وبعض المهندسين
ونظرا لكونى طبيب وعايش بره ماااسر من زمان ما كنتش اخد بالى قوى من الموضوع ده
لما نزلت اجازات فوجئت بذلك
اروح شركة تسويق عقارى الاقى مندوب التسويق خريج اداب قسم فلسفة
اروح اعمل صيانة للسيارة الاقى مدير المركز ظابط متقاعد
مرة روحت اقدم لابنى فى مدرسة لقيت مدير المدرسة ظابط جيش متقاعد برضه
جارى دكتور بيطرى شغال على تاكسى وبيودى مدارس
ولى جار تانى دكتور بيطرى فاتح ورشة رخام ولما طلبت منى يقفلى المطبخ عملى شغل زبالة وبفلوس كتيرة
وسمعت عن خريجين سياسة واقتصاد بيبيعوا حاجات بسيطة زى الميداليات والكلام ده فى المترو
ولى ابن خالتى خريج سياسة واقتصاد شغال فى هيئة الاستثمار بس والله اتكسفت اساله بيشتغل ايه
وسمعت انه شركات البترول بتشغل ناس كتير مالهمش دعوة بالتخصص ده زى بتوع الجيلوجيا علوم ومهندسين التنقيب وكدة
معظم لاعبي الكرة اللى فى اندية البترول متعينين فىها بس ماعرفش على وظيفة ايه
خبرة مين ياريس اللى بتسال عليها ؟ مش لما كل واحد يشتغل فى تخصصه الاول الخبرة تبقى ليها لازمة ؟

شوف يا دكتور

ما ينفعش حاجه مهنيه تشتغل فى غير تخصصها

يعنى ما ينفعش اجيب المحاسب و اشغله جيولوجى

انما فى وظائف عامه ممكن اى حد يشتغلها

و ان جيت للحق ممكن اى حد يشتغل اى حاجه حتى الطب

هما مش مسكوا اكتر من مره ناس بقالها فتره طويله تمتهن الطب بدون ترخيص او حتى لم يتخرجوا من كلية الطب

سؤال صغير

حضرتك برا مصر ( و ليس ماااسر ) بتشتغل ايه

طبيب و لا مهنه مختلفه

اصل برضه انا كمان سمعت ان فى دكاتره بيروحوا بلاد تانيه علشان يشتغلوا فى غسيل الصحون و سواقين تاكسى

و بيبقى على قلبهم زى العسل و بيستحملوا

---------------------------------------

لصاحب الموضوع

ابحث عن حكاية الفنى الذى اصلح المركب بضربة شاكوش و انت هاتفهم ايه فائده الخبره

اما الخبره الشرفيه اللى بيحابوا بها ناس عن طريق اعطاء مناصب فى اماكن لا يستحقوها لمجرد انهم خبره فى مجال اخر

فأنا متفق معك و ارفض هذا تماما لانه من اسباب انهيار اى منظومه

بس فى نقطه هنا لازم ننتبه لها

فى فرق بين ادارة المكان و رئاسته

ممكن ماتكونش تكنكال فى مكانك انما لك خبره ازاى تدير التكنكال اللى تحتك علشان يطلعوا الشغل

رئيس مجلس ادارة اى شركة

مش مطلوب منه انه يعرف شغل اصغر موظف عنده انما مطلوب منه خطوط عريضه للمكان

[SeiffoZ]

الخبرة تفرق كتير، خصوصا فى اختصار الوقت. يعنى الخبرة هتخليك الشغل اللى هتعمله فى 10 ايام تعمله فى يومين.

الخبرة هى تجارب سابقة بتستفيد منها عشان متقعش فيها مستقبلا.

المسئولين والوزراء ال23 - 29 سنة دول حالات صغيرة واستثناء ومبتحصلش كتير وبيعتمدوا على مستشارين. مش لوحده. ونادرا لما بتلاقيها. اغلب المسئولين التقال بيكونوا من 45-60 سنة او على اقصى درجة 70. غالبا فوق السبعين خبرتهم بتكون قديمة وصعب الاعتماد عليها كليا.

عدم الاعتراف بالخبرة ده فى رأيي اول درجات الانحدار المهنى. وفى رأيي من لا يعترف بالخبرة مكانهم دائما ذيل القائمة.

على فكرة مش معنى انك تخصصت فى متخصص معين فى الجامعة انك تخرج برنس، لا انت هتخرج تبدأ تبنى خبرة. فى المجال اللى اشتغلت فيه.

ومفيش سن للتعلم عادى.

المسئولين فى بلادنا بدأ سنهم يقل شوية ... يعنى هتلاقى ال40 .
وعلى فكرة صعب تمسك اللى فى سنى مناصب قيادية لأن حتى لو كنت شاطر فانا افتقر للخبرة اللى ممكن توديني فى داهية.

بيقولك فى الجيوش عايزين يعملوا الجندى الخارق، اللى هو جندي فى جسد شاب عفى قوى عنده 22 سنة، وخبرة مقاتل يبلغ حوالى 45 سنة. يعنى 25 سن خبرة قتالية فى جسد شاب 22 سنة.

[lonedoctor]

شوف يا دكتور

ما ينفعش حاجه مهنيه تشتغل فى غير تخصصها

يعنى ما ينفعش اجيب المحاسب و اشغله جيولوجى

انما فى وظائف عامه ممكن اى حد يشتغلها

و ان جيت للحق ممكن اى حد يشتغل اى حاجه حتى الطب

هما مش مسكوا اكتر من مره ناس بقالها فتره طويله تمتهن الطب بدون ترخيص او حتى لم يتخرجوا من كلية الطب

سؤال صغير

حضرتك برا مصر ( و ليس ماااسر ) بتشتغل ايه

طبيب و لا مهنه مختلفه

اصل برضه انا كمان سمعت ان فى دكاتره بيروحوا بلاد تانيه علشان يشتغلوا فى غسيل الصحون و سواقين تاكسى

و بيبقى على قلبهم زى العسل و بيستحملوا

---------------------------------------

لصاحب الموضوع

ابحث عن حكاية الفنى الذى اصلح المركب بضربة شاكوش و انت هاتفهم ايه فائده الخبره

اما الخبره الشرفيه اللى بيحابوا بها ناس عن طريق اعطاء مناصب فى اماكن لا يستحقوها لمجرد انهم خبره فى مجال اخر

فأنا متفق معك و ارفض هذا تماما لانه من اسباب انهيار اى منظومه

بس فى نقطه هنا لازم ننتبه لها

فى فرق بين ادارة المكان و رئاسته

ممكن ماتكونش تكنكال فى مكانك انما لك خبره ازاى تدير التكنكال اللى تحتك علشان يطلعوا الشغل

رئيس مجلس ادارة اى شركة

مش مطلوب منه انه يعرف شغل اصغر موظف عنده انما مطلوب منه خطوط عريضه للمكان

حررتك انا شغال طبيب استشارى فى تخصص دقيق
انما غسيل الصحون والاطباق احيانا بامارسه كمهنه جانبية علشان ازود دخلى ههههههه
بس طبعا بدون license لانى ما دخلتش كلية الصحون علشان مجموعى فى الثانوية العامة كان دعييييييييف

[MTAK]

حررتك انا شغال طبيب استشارى فى تخصص دقيق
انما غسيل الصحون والاطباق احيانا بامارسه كمهنه جانبية علشان ازود دخلى ههههههه
بس طبعا بدون license لانى ما دخلتش كلية الصحون علشان مجموعى فى الثانوية العامة كان دعييييييييف

ههههههههههه

رد جميل كنت اتوقعه

بس كنت تكتب

تخصص دائيئ علشان تكمله

و علي العموم مش عيب تمارس مهنه جانبيه علشان تزود دخلك

المهم يكون عن اقتناع

و ما تزعلش انك مدخلتش كلية الصحون , انت برضه ما بعدتش عنها

و احييك لانك تمارس المثل القائل

اعمل ما تحب وقت الفراغ , حتى تعمله فى كل وقت
-------------------------------------------------------
شويه جد

لم اقصد امتهان من يغسل الصحون , انما هى ظروف اضطرته لذلك

كما هى الظروف التى اضطرت الدكتور البيطرى للعمل على تاكسى

و مش شرط تكون الظروف ماديه بحته

فى دكتور معنا هنا فى المنتدى و يعمل بمجال السوفت وير و متقدم فيه و ترك الطب

و فى طبيب بشرى (لا اذكر اسمه) على قناه طبخ (اعتقد cbc) برضه ساب الطب و بقى شيف مشهور

المشكله فى عقلياتنا اللى بتحتم علينا اننا لو ما اشتغلناش فى تخصصنا اللى اتخرجنا منه يبقى عيب

و لو مدخلناش كليه بمجموع عالى يبقى احنا مش فالحين

تحياتى لك يا دكتور