ممكن اعرف "الخبره" لزمتها ايه ؟؟؟

[الاسد المهاجر]

في الدول المتقدمة اللي بيتسجن و هو برئ بياخد تعويض


و بجد بجد الحمد لله الذي عافاني

في الدول المتقدمة الي زي حاضرتك شوف شغال هنا ايه لو روحت هناك هتشتغل تسغل مواعين في المطبخ طبعا في الاول ومقابل مادي مغري وصاحب المطعم هناك راجل محترم معاملة ناس محترم لكن في مصر كيد نته عارف سواء من اصحاب الاعمال او الحكومة او البلطجية او الارهابين مش هقول الحكوم بس لكن العيب في الناس برده

[eslamrace]

طبعا اقصد الخبره الشكليه اللي ملهاش لزمه

في وزراء في العشرينات و التلاتينات في بعض الدول الاوروبيه
بس خللى بالك بره مش بيختار الاصغر يعنى مش الاساس السن بمعنى ان فعلا بره فى وزراء سنهم صغير بس بيكون مجال شغلهم وخبرتهم الفعليه تؤهلهم للعمل ده فلو هو مش مؤهل وفى شخص عنده 85 سنه خبرته الفعليه تؤهله للعمل ده بلا شك حيختاروا اللى عنده 85 سنه فالفكره مش فى السن الفكره فى المؤهلات والخبره الفعليه
وكمان لاحظ حتلاقى فى نماذج فى مصر قليله مؤهلاته "وشويه حظ " خلتهم فى مناصب كويسه كمثال مدير المصريه للاتصالات فبالرغم ان مصر مبدأ الخبره الشكليه هو اللى سائد ولكن برضه فى قليل من الاحيان بتلاقى حد خد فرصه وغالبا بيتحارب من اصحاب الخبره الشكليه لاحساسهم بالاهانه .

انا مش فاهم مبدأ "الاكبر يبقي هو اللي بيفهم اكتر" ده جه منين ؟؟؟
المبدأ ده جه من القواعد اللى اتحطت فى السبعينات من القرن الماضى فلما اصبحت الدوله مسؤله عن توظيف جميع الخريجين واعطائهم مرتبات بغض النظر عن شغلهم واجتهادهم "وده اسس لمبدأ السلبيه والكسل " خلت المؤسسات الحكوميه متخمه بالعماله وبالتالى مفيش مقياس للترقيات وزياده المرتبات غير الخبره الشكليه علشان تقدر تسيطر على حشد العماله ومن ساعتها الناس اخدت على الكسل والاجيال الكبيره شايفه ان ده العدل والاجيال الجديده نفسها تخش فى الوضع ده "على اساس انه امن مستقبله " لانه لو دخل مؤسسه حكوميه ضمن مرتبه وزيادته وترقياته وكمان ضامن انه محدش يقدر يرفده
وبالتالى المبدأ ده جه بسبب وضع سابق لاسباب معينه "شايفها غلط" واستمر فى التوارث لحد موصل عندنا .
و ماشيين بيه ليه اساسا ؟؟؟
ماشيين بيه ليه اظن الاجابه اللى فاتت كافيه انك تعرف ماشيين بيه ليه
من الاخر اى حد بيتوظف معندوش استعداد انه ميترقاش حتى لو مبيشتغلش هو شايف انه كفايه وجوده داخل المؤسسه علشان يترقى وان ده حق مكتسب واللى المفترض يحصل انه علشان يترقى ياخد دورات تعليميه فى مجال تخصصه ويحقق معدلات انتاجيه تؤهله للترقى وللعلم اللى اعرفه ان ده بيحصل فى مؤسسه واحده فى مصر .

تحياتى .

[أحمد كمال]

في الدول المتقدمة الي زي حاضرتك شوف شغال هنا ايه لو روحت هناك هتشتغل تسغل مواعين في المطبخ طبعا في الاول ومقابل مادي مغري وصاحب المطعم هناك راجل محترم معاملة ناس محترم لكن في مصر كيد نته عارف سواء من اصحاب الاعمال او الحكومة او البلطجية او الارهابين مش هقول الحكوم بس لكن العيب في الناس برده

اللي ما يعرفش يقول عدس......

مش كل الناس بتسافر برة تغسل مواعين

[4fun14]

الخبرة مهمة جدا يا باسم بس بشروط
*في حاله كاسياس هو خبرة بس مستواه متدنى ..مش عارف ايه السبب بس في حاله تساوى مستواه مع زميله اكيد الخبرة ترجح كفته..يعرف يظبط اعصابه ويوجه زمايله ويتوقع حركات المنافس ومعندهوش الرهبه
*الخبره متكونش على حساب الكفاءة..واحد قديم ومش شاطر ده ببساطه غبى او فاشل مش خبير ابدا
*لازم يكون من اهل الثقة..ميستغلش خبرته في النصب والمصلحة الشخصية
----
الخبرة عموما تحسها حتى في نفسك..لو بتلعب بلاى ستيشن بقالك سنه هتكون احرف من واحد لسه متعلمها جديد..واللى بيسوق بقاله 10 سنين على عربيه نقل اكيد احرف من واحد لسه متعلم ومطلعش رخصة