محتار أعمل الوظيفه فى البطاقه ايه !

[a raafat]

السلام عليكم

انا يا جماعه خريج حقوق ومعايا كارنيه نقابة المحامين بس مشتغلتش فى المحاماه خالص ولا يوم واحد
وحاليا انا شغال أخصائى موارد بشريه فى شركه كبيره

حاليا مكتوب فى البطاقه فى مكان الوظيفه ليسانس حقوق

انا دلوقتى محتار اروح اعدلها وأعملها بوظيفتى الحاليه اللى اعتقد انى مكمل فيها ان شاء الله
ولا أعملها محامى ! ناس قالتلى المحامى ليه حصانات وبتاع

ممكن تقولولى أرائكم لو انتم مكانى هتعملوا ايه ؟

[مُصْطٓفٓى]

محامي يمكن تنفعك في لجنة شرطة

[Bassem Youssef]

علي ما اعتقد محامي يكون افضل

[أبو آسر]

زي ما الرجالة ردوا
محامي
وإن كان ملوش قيمة في البلد دي حاليا إلا إنك مش هتخسر حاجة وممكن فعلا تنفعك في حالات نادرة من ناحية ان لو حد حب يرخم عليك هيخاف من وجع الدماغ
أنا على فكرة زيك برده ليسانس حقوق ومش شغال بيها بس مطلعتش كارنيه نقابة ومكتوب في البطاقة حاصل على ليسانس حقوق برده

[a raafat]

شكرا يا جماعه عالرد والاهتمام والافاده
انا شكلى هصرف نظر انى احط وظيفتى الحاليه فى البطاقه
لان ممكن كمان تسببلى مشكله لما اجى اجدد فى النقابه او اغير من محامى جزئى لمحامى ابتدائى وارد جدا يطلبوا صوره من البطاقه ويلاقونى وظيفه تانيه مش محامى يشطبونى