عايز اشتري تكييف مستعمل 3 حصان نضيف...منين

[ahmad--ezzat]

عايز اشتري تكييف سبليت 3 حصان
ونظرا للحاله الماديه الميؤوس منها ونظرا لارتفاع اسعار التكييف ف عايز اشتري حاجه مستعمله نضيف
حد يعرف اماكن متخصصه فى البيع
او حد عايز يبيع تكييفه

[4fun14]

جربت دوبيزل؟

[friendship7897]

ما تشوف بالقسط من بي تك مثلا

[Salamonti]

شوف على دوبيزل او مواقع البيع على الانترنت
لكن المهم لازم تعمل حسابك في 500 جنيه فوق تمن التكييف ما بين نقل وشحن و أجرة فني يفحصه ويتأكد من حالته..

كمان لما تشتري تكييف مستعمل اوعى تشتريه مفكوك..
لازم تروح تتفرج عليه وهو راكب عشان تشغله وتحكم على كفائته قبل ما تستلم :)
وخد بالك ان الفحص بالتشغيل ده مش كل حاجة..
لازم يكون معاك فني يفحص حالة الكمبريسور والوحدة عامة عشان مايكونش مثلا فيه تسريب من السربنتينة أو الكمبريسور تعبان او غيره..

[ahmad--ezzat]

شوف على دوبيزل او مواقع البيع على الانترنت
لكن المهم لازم تعمل حسابك في 500 جنيه فوق تمن التكييف ما بين نقل وشحن و أجرة فني يفحصه ويتأكد من حالته..

كمان لما تشتري تكييف مستعمل اوعى تشتريه مفكوك..
لازم تروح تتفرج عليه وهو راكب عشان تشغله وتحكم على كفائته قبل ما تستلم :)
وخد بالك ان الفحص بالتشغيل ده مش كل حاجة..
لازم يكون معاك فني يفحص حالة الكمبريسور والوحدة عامة عشان مايكونش مثلا فيه تسريب من السربنتينة أو الكمبريسور تعبان او غيره..

ياااه
دنا اشتري جديد احسن
ان شاء الله ربنا يسهل
تشكر ياباشاااا

[Salamonti]

ياااه
دنا اشتري جديد احسن :e_braces[1]:
ان شاء الله ربنا يسهل
تشكر ياباشاااا

اقصد بالشحن هو شحن الفريون - معلش لما رجعت قريت الكلام حسيتها مش واضحة..
هو طبعا الجديد احسن كتير وكفاية راحة البال..
لكن برضه المستعمل أوفر وارخص وفيه منه حاجات بتبقا لقطة استعمالها خفيف وحالتها ممتازة..
وياحبذا لو يكون من حد معرفة أو قريب منك تبقا ضامن انه مش هايغشك ولا يخدعك..

عموما لو فكرت في الجديد بلاش تقسط..
اعمل جمعية واشتري كاش هايكون أفضل ليك يا صديقي..
ومبروك عليك مقدما وربنا يوفقك للاختيار الأفضل :)