شقه فى الحى الاسبانى

[mostafa mahmod]

دلوقتى ونا بدور ع النت لقيت شقه ف الحى الاسبانى ٧٥ م هدفع مقدم ٤٠ الف و هقسط الباقى على ٧ سنين
و انا شاب لسه ف الاول ف هدفع اللى حيلتى و القسط هيبقى من المرتب ف هتسحل
هى توتال ب ١٧٧ متشطبه على المفتلح سيراميك و دهانات و شبابيك و طقم حمام
ف السؤال بقى علشان قبل ما اتدبس معاعم هل الناس هنا تعرف حاجه عنها او عن المنطقه ككل كويسه وحشه و الشركه نفسها حد اشتكى منها او كده
و لو حد عنده اقتراحات تانيه ل اماكن بتقدم برضه شقق للشباب ( ب ١٧٧ و للشباب ههههههههههههههه ) يعنى ف بدر مثلا او اكتوبر
و الف شكر

[friendship7897]

هي دي فين أصلاً ؟
عموماً أهتم بالتراخيص لأن فيه حاجات زي كدة في زهراء مدينة نصر - عمارات السلاب لكن أغلبيتها غير مرخصة وفيها قلق .
وربنا يوفقك ويوفقك الشباب اللي زيك

[cyborg_ift]

يا باشا لو المقدم 40000 يبقا القسط 1640 جنيه

[mostafa mahmod]

هي دي فين أصلاً ؟
عموماً أهتم بالتراخيص لأن فيه حاجات زي كدة في زهراء مدينة نصر - عمارات السلاب لكن أغلبيتها غير مرخصة وفيها قلق .
وربنا يوفقك ويوفقك الشباب اللي زيك

المفروض انها مكان كويس يعنى و كومباوند و كده

يا باشا لو المقدم 40000 يبقا القسط 1640 جنيه

اه منا عارف
هى هتبقى ف حدود كده لو اتقسمت
بس هيبقي فيه اقساط سنويه و دفعه استلام
و حتى لو القسط ١٦٠٠ ميتهياليش كتير على شقه متشطبه ولا ايه رايك
اصل كده المتر واقف ف حدود ٢٣٠٠ جنيه .. متهيالى كويس عالمكان ولا مبالغ فيه !!؟

[mostafa mahmod]

ايه يا جدعان .. مفيش اى معلومات

[الاسد المهاجر]

موجود في حدائق اكتوبر مستقبلها حلو بس
انا واخد في كمبوند اللوتس145 الف غير التمويل مديني25الف الكلام ده شهر 9 دلوقتي بتتباع ب200الف اه ونص تشطيب
تابع صندوق التمويل واعمل بحث عن حدائق اكتوبر مستقبلها كويس جدا

[الاسد المهاجر]

خلف مدينة الانتاج الاعلامي اعمل سيرش علي الحي الاسباني هتلاقي كل التفاصيل علي الفيس وكمان في كمبوندان كتير شوف الي ينسبك

[أبو عبدالله]

ناس كتير اشتكت منهم
والمنطقة مش اد كده ومحدوفة شويه
نصيحة شوف حاجه تانيه افضل

[رحالة]

موجود في حدائق اكتوبر مستقبلها حلو بس
انا واخد في كمبوند اللوتس145 الف غير التمويل مديني25الف الكلام ده شهر 9 دلوقتي بتتباع ب200الف اه ونص تشطيب
تابع صندوق التمويل واعمل بحث عن حدائق اكتوبر مستقبلها كويس جدا

يعني زادت ٣٠ الف من شهر ٩ ؟
ما شاء الله ربنا يباركلك

مساحتها كام متر

هي في ليها مواصلات والا لازم عربية؟

[الاسد المهاجر]

هيا المنطقة هناك ناس قليله سكنه فيها يعني لسه معمرتش يعني الافضل شاب الي ياخد الشقه او واحد يستثمرها او لو واحد مستعجل هيسكن فيها بس عن نفسي مش هسكن هناك قبل٣ سنين ان شاء الله
في كمبوندات دخلت فيها الكهربا والمياه وفيه لسه
في حدائق اكتوبر عندك مدينه زويل/القرية الكونية /نادي الزمالك/نادي الشرطة /نادي. الترسانة/غير اغلبية الكمبوندات فيها مولات نوادي مساجد وكله بسعره
المواصلات مكلفة هناك سة لما تدخل لمواصلات
ونظام هناك كل ماخدمات تدخل المنطقة سعر الشقق تغلي اكتر

[mostafa mahmod]

موجود في حدائق اكتوبر مستقبلها حلو بس
انا واخد في كمبوند اللوتس145 الف غير التمويل مديني25الف الكلام ده شهر 9 دلوقتي بتتباع ب200الف اه ونص تشطيب
تابع صندوق التمويل واعمل بحث عن حدائق اكتوبر مستقبلها كويس جدا

سمعت برضه انا عن كمبوند اللوتس ده و سألت هناك
طب يا ريت حضرتك تقولى معلومات شويه .. طرق السداد المكان نفسه كويس فيه مساحات خضراء !! المساحات قد ايه ..؟

[hugan]

فين مكان الحي اﻻسباني