استفسار فى مواتير المياه

[engmero]

بعد التحية

عندي استفسار بخصوص ماتور المياة
انا ساكن في الدور 8 وتم تركيب بالونة جديدة لتلف القديمة وتم تغير الاتوماتيك ايضا - ما يحدث الان بعد تركيب البالونة والاوتوماتيك ان المياة تكون شديدة وخلال دقيقة الي دقتقتين تضعف خالص لدرجة الانقطاع وبعد ذلك ترجع الي شدتها وهكذا

ما هي نصيحتكم في هذا الموضوع هل العيب في البالونة الجديدة أم الاتوماتيك ............؟

شكرا

[احمد المصرى]

لا يوجد عيوب اطلاق مجرد تظبيت الاتوماتيك انت تنزل بنفسك تفك الغطا بتاع الاتوماتيك هتلاقى صاموله يمين كبيره وصاموله صغيره شمال

الصاموله اليمين هتربطها شويه حوالى لفه او لفه ونص بالكتير وتجرب وبس كدا

او تجيب سباك يعملهالك فى ثوانى وخلاص

[Abo_Mazen]

الأوتوماتيك عايز رجلاش ..السباك اللي ركبه كان المفروض ما يمشيش غير لما يرجلش الأوتوماتيك ..عموما سهلة ..أي سباك أو حضرتك ممكن تعملها بنفسك ..بس خلي بالك عشان ممكن تتكهرب ..شوف سباك يعملها وتديله خمسة جنيه في إيده وخلاص..أو خلي السباك اللي ركب الأتوماتيك ييجي يرجلشه ..إتصل بيه وقله تعالى ضبطلي الأتوماتيك ..بس سؤال ..حضرتك ما جبتش ليه فلوماك أحسن من البالونه وصيانتها وقرفها ..ومره عايزه تتزود ..ومرة مش عارف إتخرمت ...الفلوماك أريح يا راجل

[friendship7897]

..حضرتك ما جبتش ليه فلوماك أحسن من البالونه وصيانتها وقرفها ..ومره عايزه تتزود ..ومرة مش عارف إتخرمت ...الفلوماك أريح يا راجل

بعد إذن صاحب الموضوع أيه الفلوماك دا ؟

[Mecha]

تظبيط التوماتيك : الاول نعرف فيه ضغطين ,ضغط الدواره اللي عنده المتور يدور ويكبس الخط ودا ميقلش عن 20 PSI ,والتاني ضغط الفصل اللي عنده التوماتيك يبطل المتور لوصول الضغط ليه ودا ميزيدش عن 60 PSI.
حلو كدا نخش ع التظبيط النوع اللي في الصوره بالاعلي ابو 2 رجلاش .الصموله نمره واحد رباطها يزود الضغطين معا بفرق بينهم 20 PSI. كل لفه رباط كامله تزود الضغط 2.5 PSI .يعني اربع لفات ربط يدوك 10 PSI زياده والعكس لما تحل.
الصموله نمره 2 الصغيره لتظبيط ضغط الفصل فقط واستعمالها محدود. فظبط من نمره 1.
*فيه انواع توماتيك برجلاش واحد بس ودا زي صموله واحد يزود ويوطي الضغطين معا وبفرق 20 PSI.

[Mecha]

لو ساكن في التامن اعتقد-45 40 psi ضغط فصل كفايه.

[Mecha]

المنطقه اللي فيها كهربا ناحيه الاسلاك ,الصواميل مفهاش ,ممكن تأمن نفسك وتفصل مفتاح التغذيه.
هتحتاج عده مفك عاده/ صليبه لفك الغطا ومفاتيح 7 او 10 علي حسب للصموله وبلاش الكماشه بتخرب الصواميل.

[amr011111]

الأوتوماتيك عايز رجلاش ..السباك اللي ركبه كان المفروض ما يمشيش غير لما يرجلش الأوتوماتيك ..عموما سهلة ..أي سباك أو حضرتك ممكن تعملها بنفسك ..بس خلي بالك عشان ممكن تتكهرب ..شوف سباك يعملها وتديله خمسة جنيه في إيده وخلاص..أو خلي السباك اللي ركب الأتوماتيك ييجي يرجلشه ..إتصل بيه وقله تعالى ضبطلي الأتوماتيك ..بس سؤال ..حضرتك ما جبتش ليه فلوماك أحسن من البالونه وصيانتها وقرفها ..ومره عايزه تتزود ..ومرة مش عارف إتخرمت ...الفلوماك أريح يا راجل

الفلوماك مينفعش للدور التامن

[Abo_Mazen]

الفلوماك مينفعش للدور التامن

حضرتك متأكد؟؟؟؟؟؟!!!!!!!!!!!!!!! ...أصل أنا أعرف ناس في السادس وعندها فلوماك عادي جدا ..لإن الفلوماك ليه رجلاش برضه وبتضبط الضغط بتاعك عادي جدا زي الأتوماتيك بتاع البالونة

[amr011111]

حضرتك متأكد؟؟؟؟؟؟!!!!!!!!!!!!!!! ...أصل أنا أعرف ناس في السادس وعندها فلوماك عادي جدا ..لإن الفلوماك ليه رجلاش برضه وبتضبط الضغط بتاعك عادي جدا زي الأتوماتيك بتاع البالونة

اللى اعرفه ان اخره الدور الرابع علشان ضغط الميه يبقى كويس وننتظر برضه رأى المهندس /Mecha

[Mecha]

الفلوماك عباره عن توماتيك الكتروني زائد حمايه للدوران الجاف ,عن نفسي مشفتش شبيهه - لان الفلوماك اسم المركه- في ارتفاعات لكن خطوط ارضيه .المهم هو بيلغي البالونه اللي بتريح المتور و التوماتيك العادي .مواصفات المركه دي -فلوماك الايطالي- بتقول يستحمل ضغط حتي 10 بار يعني عرق ميه بارتفاع 100 متر ودا ضغط عالي .فكدا هيشيل افضل من الاتوماتيك العادي لكن المتور هيشتغل اكتر.

[friendship7897]

بعد إذن صاحب الموضوع أيه الفلوماك دا ؟

أنا عرفت الفلوماك من أحد المشاركات السابقة
ودي مشاركته للإفادة للي كان ميعرفش زي

الفلوماك اسموا BRIO 2000-M سعروا 280 جنية وبعد الفصال 270 من شركة الاكرمين
وده الرابط : Italtecnica srl - BRIO 2000-M

وده مميزاتة:
1-بيشتغل اول متفتح الحنفية بعدها ب10 ثوانى
2-وبيفصل بعد متقفل الحنفية بعدها ب 30 ثانية تقريبا
3-لو المياه قطعت بيفصل كهرباء عن المتور بعدها ب7 ثوانى
4-بيعيد تشغيل المتور كل 15 دقيقة فى حالة ولم المياة قطعت لوحده لحد مترجع ويشتغل ولو مرجعتش بيفصل تانى لمده 15 دقيقة ودى ميزه مش موجوده فى الموديل الى قبلة كان لو فصل علشان المياه قطعت لازم تنزل وتدوس على زرار reset بنفسك
5-ضغط المياه بتاعوا قوى جدا مشاء الله

عيوبة:
1-مفيش تحضير مياه زى البلونة بس اول لم تفتح الحنفية مفيش ثوانى وتلقى المياه جت بقوه
2-لازم يكون كل الحنفيات الى فى البت سلمية وحنفيات السيفون لانى لو فى تسريب هيفضل شغال على طول

[friendship7897]

الفلوماك عباره عن توماتيك الكتروني زائد حمايه للدوران الجاف .

شكراً للمعلومة - كنت بكتب المشاركة السابقة وقت ما حضرتك كتبت هذه المشاركة
شكراً جزيلاً

[engmero]

اشكركم جميعا علي المعلومات القيمة سأحاول بنفسي واشاركم الجديد

شكرا

[engmero]

سؤال طيب علشان ابقي فاهم
كده اظبط ضغط التشغيل علي كام وضغط الفصل علي كام علشان ميبقاش الموتور شغال عمال علي بطال علشان مش عارف يحقق