Tweet
السلام عليكم , علشان مطولش عليكم, الحكاية انى كنت مسافر خارج مصر فترة طويلة و كنت عامل توكيل لواحد قريبى ( توكيل عام ) علشان يخلص لى امورى المالية فى مصر و انا مسافر و الشهادة لله قام بكل شئ حسب الواجب و الاصول و بشرع الله , المهم انا استقريت فى مصر الان و طلبت منه التوكيل علشان الغيه بحكم انى فى مصر , قال لى ان التوكيل فقد فى حريق شقته ( فعلا شقته تضررت كثيرا من الحريق) و انا معنديش نسخة من التوكيل طيب الغيه ازاى ؟ يا ريت اللى عنده فكرة يدلنى .
-
-
هو مش فى الشهر العقارى؟[CENTER] [SIZE=5][COLOR=blue]لا تمكّن زائغ القلب من أذنيك، فإنك ما تدري ما يعلقك من ذلك.[/COLOR][/SIZE][/CENTER]
الإمام مالك* الموطأ. -
ايوة طبعا
ايوة طبعا عملته فى الشهر العقارى بس من سنينالمشاركة الأصلية كتبت بواسطة volociximab مشاهدة المشاركةComment
-
اكيد الراجل دا استعمل التوكيل في حجات فلو جهه حكومية اكيد اخدة منه صورة روح الجهه دي وخد صورة منه بس لازم تفتح مخك
ودي اسهل طريقة
الطريقة الاصعب
انك تفتكر عامل التوكيل امتى بكل دقة وتروح الشهر العقاري وتدور في اليوم دا على رقمة وتلغية
غير كدا على حد علمي مش هتعرف تلغية من غير ما تجيب رقمة
وربنا معاكComment
-
شكرا لردك الكريم
صعب افتكر, التاريخ الكلام ده كان من حوالى 8 سنين , مش عارف مش فيه دفاتر فى الشهر العقارى مثلا للتوكيلات و اخرى للعقارات و لا كله على بعضه , دى تبقى حكاية. ومن جهة اخرى مش ممكن اعطى اوامر للبنوك بعدم استخدام اى توكيلات ؟المشاركة الأصلية كتبت بواسطة maged wahba مشاهدة المشاركةComment
-
بص يا باشا هتروح الشهر العقارى الى انت عملته فيه هتخش على الارشيف و هتقوله عملته امتى تقريبا و باسمك و هيجبلك نسخه منه تلغيه و بعدين تبلغ صاحبك ده رسميا بالغاءه و يمضى على استلام اعلان الالغاء كده خلاص التوكيل لاغى و هو لو لسه معاه و فكر يستعمله هيروح فى كلبوشComment
-
الارشيف
شكرا على ردك الكريم يبقى الحل ان شاء الله فى الارشيف حتى لو أخذ وقت أجلس و ادور مع الموظف لحد ما نلاقى التوكيل ....بارك الله فيك مع خالص تحياتى و شكرىالمشاركة الأصلية كتبت بواسطة karim alaa مشاهدة المشاركةComment
-
لسه المنتدى بحير
أستاذ كريم لسه المنتدى بخير حضرتك و كل الاخوة اللى رديتم على لكم شكرى و تقديرىالمشاركة الأصلية كتبت بواسطة karim alaa مشاهدة المشاركةComment
-
خلي بالك وانت بتدور على رقم التوكيل ان الدفاتر هناك حروف يعني مش دفتر واحد اللي بتدور فيه يعني هتلاقي الرقم الواحد متكرر كذا مره في السنة بس بيبقى جنبة حرف أ- ج - د الخ وانت ونصيبك على حسب ضغط المكتبالمشاركة الأصلية كتبت بواسطة ali ashraf مشاهدة المشاركة
والتوكيلات بيبقى ليها دفاتر لوحدها ومكاتب لوحدها ملهاش دعوى بمكاتب الشهر
اما بخصوص الالغاء عن طريق البنك دي مفتيش فيها لان عملتها قبل كدا بس رحت للبنك ومعايا الغاء التوكيل علشان اخطرة بعدم استعمالة لكن من غير الغاء معملتهاش
والله المستعانComment
-
هو فيه حل ..بس قليل الذوق شوية ..ومش عارف ممكن يجرح صاحبك ده وخصوصا إنه على كلامك كان أمين ومقصرش معاك في حاجه ..ممكن تبعتله إعلان على يد محضر ..تقوله فيه بعدم إستخدام التوكيل اللي منك له ..وتبعت جواب مسجل بعلم الوصول للبنوك اللي بتتعامل معاها بخصوص نفس الأمر ..بس حكاية الإعلان دي شكلها وحش قوي ..طيب بص ..ممكن حضرتك زي ما قال أحد الزملاء هنا تروح أحد الأماكن اللي هو إستخدم فيها التوكيل وتحاول تاخد صوره منه ..أهو أسهل من التدوير والبحث في دفاتر الشهر العقاري كمن يبحث عن إبره في كومة قش ..يعني مثلا لو إستخدمه في مكتب بريد بخصوص حواله كنت حضرتك باعتها ..أكيد هتلاقي صورة التوكيل ده في الملف الخاص بيك في مكتب البريد ..لو إستخدمه في المرور مثلا..هتلاقي صورة التوكيل في ملف العربية ..لو إستخدمه في البنك ..أقصد إنك تحاول توصل للتوكيل من خلال الجهات اللي إتعامل هو معاها هيكون أسهل لإنك في الحالة دي بتبحث فيما يخصك أو في ملفاتك بس ..غير البحث والتدوير في الشهر العقاري كله ..ده رأي ..ومتهيألي هيكون كده أسهل ..نسيت أقولك ..لازم تشخلل عشان تعدي ..لإن الحل ده مش قانوني برضه ..[SIGPIC][/SIGPIC]--------
m_m_sh_a سابقاComment
-
-
اللى اعرفه ان الشهر العقارى فرع المساحه ده كمبيوتر يعنى المفروض يبقى الموضوع سهل التدوير عليه هناك
بس مش عارف كان من 8 سنين كمبيوتر ولا ايه. حاول برضه هناك وبالتوفيق[SIZE="5"]لا اله إلا الله محمدُ رسول الله[/SIZE]Comment
-
كل الكلام اللي فوق ده صح طبعا..
بس دلوقتي الأمور اتطورت شوية عن زمان..
حضرتك دلوقتي هاتدخل الشهر العقاري تروح ع الموظف تديله اسمك وبطاقتك..
بيفتح عنده ع الكمبيوتر يطلع كل التوكيلات اللي حضرتك عاملها لكل الناس..
هايسألك بقا الطرف التاني مين ويبدأ في الإجراءات..
معادش فيه بحث يدوي في الارشيف زي زمان :)
روح وان شاء الله سهلة وبسيطة..
####ملحوظة هامة جدا جدا####
أي توكيل عموما ممكن يتلغي بوجود أحد الطرفين فقط (يعني ممكن انت تلغيه او ممكن هو يروح يتنازل عنه)
إلا في حالة (توكيل عام شامل رسمي) ده لا يجوز إلغاؤه إلا بحضور الطرفين مع بعض مهما كانت الظروف..
وعشان التوكيل ده بالذات حساس فالتوكيل بيسقط من تلقاء نفسه بوفاة أحد الطرفين أو فقدانه للأهلية القانونية بأي شكل من الأشكال.
معلومات إضافية للي حابب يستفيد بقا..
لو انت عامل توكيل لأي حد ورجعت بعد فترة طلبته منه واداهولك فدي مش نهاية القصة.. لازم برضه تلغيه..
لأنه ممكن يروح الشهر العقاري يدفع 60 جنيه ويطلع بدل فاقد بكل سهولة..
الخلاصة.. لو اللي معاه التوكيل راجل مش كويس عنده ألف طريقة وطريقة يسرقك بيها..
ممكن يطلع بدل فاقد.. ممكن مايستلمش اعلان الإلغاء.. ممكن يوكل حد غيره يتعامل بالتوكيل.. ممكن يقوم بعمليات بيع يكتبها بتاريخ قديم قبل الإلغاء ولو بيوم واحد وهاتعتبر صحيحة غصب عنك حتى لو رفعت عليه قضية تزوير لأن الطب الشرعي بيقدر يحدد الفترات الزمنية للكتابة بالشهور وفي بعض الحالات القليلة ممكن بالأسابيع انما مستحيل بالأيام..
فانت من الأول أحسنت في اختيار وكيلك والراجل لم يقصر معاك في شيء..
الغي التوكيل في الشهر العقاري من غير ما تسأله تاني ع النسخة اللي معاه..
ماتخليش الموضوع ده يعمل حساسية مابينكم بأي شكل من الأشكال لأنه لو عايز يسرقك كان سرقك من زمان :)
وأخيرا.. أفضل طريقة لإلغاء توكيل هي حضور الطرفين مع بعض أمام مكتب الشهر العقاري لإثبات الإلغاء في الحال..
أما الطريقة العادية للإلغاء فلا يعتد بها إلا بعد استلام الطرف الثاني لإعلان الإلغاء..[CENTER]
[/CENTER]Comment
Comment