سؤال عن التجنيد ...

[misry]

السلام عليكم ...


دلوقتي انا بلغت 29 سنة ومكتوب في شهادة الاعفاء المؤقت اني لازم

اروح منطقة التجنيد لما ابلغ 29 سنة ... فدلوقتي اعمل ايه ...؟؟

يعني اروح القسم اعمل فيش وتشبيه واجيب قيد عائلي واروح التجنيد اعمل شهادة

جديدة وللا ايه ..؟


شكرا ...

[mk3]

متابع

[misry]

مفيش حد عارف وللا ايه ...

[أحمد كمال]

طيب اعفاءك على اساس ايه؟ وحيد ؟

[abdulkhaleq]

ايه اللي خلاك تستنى كل ده ؟
لو بسبب دراسه, هتروح القسم اللي تبعك تشرحلهم القصه وهما هيقولولك الخطوات

[misry]

طيب اعفاءك على اساس ايه؟ وحيد ؟

ايوة علشان وحيد ...

[misry]

ايه اللي خلاك تستنى كل ده ؟
لو بسبب دراسه, هتروح القسم اللي تبعك تشرحلهم القصه وهما هيقولولك الخطوات

مش فاهم ... انا معايا اعفاء مؤقتة لحد بلوغ 29 سنة أو بلوغ والدي 60 سنة

ودلوقتي عديت ال29 وعاوز اعرف ايه المطلوب مني

[الاسد المهاجر]

نفس نظامك بس انا 30
هتعمل قيد عائلي من القسم التابع ليك وبعد 15يوم تستلمه بس وانته بتعمله تاخد شهادة ميلادك ومؤهلك وشهادة ميلاد والدك وولدتك وقسيمة جوازهم صور البطاقة وضامن معاك والدك او ولدتك وطبعا انته وحيد وبعد متستلم القيد العائلي بتروح الهايكستب

[mmolazem]

السلام عليكم ...
دلوقتي انا بلغت 29 سنة ومكتوب في شهادة الاعفاء المؤقت اني لازم
اروح منطقة التجنيد لما ابلغ 29 سنة ... فدلوقتي اعمل ايه ...؟؟
يعني اروح القسم اعمل فيش وتشبيه واجيب قيد عائلي واروح التجنيد اعمل شهادة
جديدة وللا ايه ..؟
شكرا ...

تأجيل التجنيد أو الإعفاء المؤقت يستمر حتى إنتهاء السبب :
- التأجيل للدراسة يستمر حتى بلوغ 29 سنه كحد أقصى ثم التجنيد حتى لو لم تنتهى الدراسه.
- فى حالة الإبن الوحيد يستمر حتى سن 29 سنه ثم الإعفاء النهائى لو مازال السبب موجود .
هذا على حد علمى ،

[misry]

نفس نظامك بس انا 30
هتعمل قيد عائلي من القسم التابع ليك وبعد 15يوم تستلمه بس وانته بتعمله تاخد شهادة ميلادك ومؤهلك وشهادة ميلاد والدك وولدتك وقسيمة جوازهم صور البطاقة وضامن معاك والدك او ولدتك وطبعا انته وحيد وبعد متستلم القيد العائلي بتروح الهايكستب

هو مش المفروض اني طالما عملته قبل كده يبقى مش هحتاج كل الورق ده ...؟

[misry]

تأجيل التجنيد أو الإعفاء المؤقت يستمر حتى إنتهاء السبب :
- التأجيل للدراسة يستمر حتى بلوغ 29 سنه كحد أقصى ثم التجنيد حتى لو لم تنتهى الدراسه.
- فى حالة الإبن الوحيد يستمر حتى سن 29 سنه ثم الإعفاء النهائى لو مازال السبب موجود .
هذا على حد علمى ،

شكرا جزيلا ... :)

[أحمد كمال]

ايوة علشان وحيد ...

الوالد تم ال 60؟

[misry]

الوالد تم ال 60؟

لا , انا اللي تميت 29 سنة

[الاسد المهاجر]

هو مش المفروض اني طالما عملته قبل كده يبقى مش هحتاج كل الورق ده ...؟

لاء طبعا بتحتاجه شرط
انا اول كام اعفاء عملت قيد عائلي عادي مش كمبيوتر ومفيش مشكله جيت اعمله من سنه لقيته كمبيوتر وطلع ان في اسم جدتي مكتوبه غلط في قسيمة الجواز وطلع حوااااار دعوه في المحكمة وقصة وبسببه مخلصتش ورق الجيش باختصار الورق الي قلته شرط اساسي

[misry]

الحمد لله , رحت انهاردة السجل المدني وطلعت القيد العائلي وانا واقف

المستندات المطلوبة :::

1- صورة البطاقة
2- صورة بطاقة الوالد والوالدة
3- صورة شهادات ميلاد الاخوة
4- صورة قسيمة جواز الوالدين

واتكلف 10ج + جنيه وربع طوابع + امضاءات واختام كتييير



كنت عاوز اعرف بقى ... ايه اللي هيطلبوه مني في مكتب التجنيد غير القيد العائلي ..؟


شكرا