الشيتمة بالكلاكس.....؟؟؟

[أبو آسر]

الحمد لله اني معرفش اللغة دي. هي الناس بتعرف الحاجات دي ازاي؟ يعني اهو كلاكس و خلاص ، عمري ما ركزت معاه.

بيقلدوا نفس النغمة والرتم بتاع الشتيمة القبيحة إياها بالكلاكس
زي كلاكس بحبك مثلا بيضربوا على الكلاكس بنفس النغمة بتاعة كلمة بحبك بالبق
الفيديو ده في أوله لو حضرتك ركزتي على الدريكسيون الهيونداي هتلاقيه بيعملها وده مطلوب للأسف اننا نفهم الحاجات دي علشان منبقاش زي الأطرش في الزفة الناس بتشتمنا واحنا غلابة مش واخدين بالنا والناس تضحك علينا من سذاجتنا

https://www.youtube.com/watch?v=PAg4YSThJfA

[احمد فهمى]

دوله من العالم الثالث فلا تنتظر اي تحضر تكاتك تريسكلات موتسيكلات ميكروباصات تاكسيان سايقنهم مسجلين خطر فى الغالب هم نفسهم مع بعض تسمع الفاظ متتخيلش حد يقبلها على نفسو وللأسف اعلام مصر اصبه منصة اطلاق سفاله وسباب والفاظ حواري بالتالى اصبح اسلوب شعب تخيل زمان عماد حمدي واحمد رمزي وعمر الشريف الخ شياكه لغة كانو انضف من الاجانب وقتها والشعب نفسو كان بيحاول يبقى نسخه منهم وحاليآ اوكا واورتيجا واللمبى وعبدو موته وهم دول اللى فى الشارع حاليآ لذلك اصبحت مصر حظيرة الانحلال

[A3SAR]

سواقين العربيات الملاكي اللى مشغلانهم تاكسيات دلوقتي ..
تحس مركب حاجه في العربيه تخلي الكلاكس يشتغل لوحده كل خمس دقايق
حاجه تنرفز .. ولا عزاء في (سفاله شعب)
والدي ربنا يمسيه بالخير وهو بيعلمني السواقه دايما كان بيقولي
الكلاكس ده لو استخدمته علي الفاضي اعرف انك عشوائي وغير راقي
لان هدفه هو التنبيه وقت اللزوم جدا عشان منزعجش حد
لكن ايه ذنب الناس اللى ماشيه ع رجليها في الشارع تسمع دوشه وازعاج وهما نازليين يغيروا جو
انتوا جبتولي اكتئاب واحباط من البلد اكتر منا محبط ومكتئب

[zrzr1]

ممكن بتعملخ غلط والناس بتسمعها شتيمه:d

[Elawany13]

انا كمان معرفهاش ومش عايز اعرفها علشان دى ميتحرقش اكتر ما هو بيتحرق

[ahmedwagdy03]

ياباشا دي ثقافة ثورة والتطور الطبيعي لل ......؟؟؟
بلاش الكلاكس خالص وبدل ماتضرب كلاكس اضرب دماغك في الحيط لان الجيل دا خلاص عليه العوض

دى موجودة من قبل الثورة ....يمكن من أيام الفراعنة كانوا بيشتموا بكلاكسات العجلات الحربية

[lena jo]

بيقلدوا نفس النغمة والرتم بتاع الشتيمة القبيحة إياها بالكلاكس
زي كلاكس بحبك مثلا بيضربوا على الكلاكس بنفس النغمة بتاعة كلمة بحبك بالبق
الفيديو ده في أوله لو حضرتك ركزتي على الدريكسيون الهيونداي هتلاقيه بيعملها وده مطلوب للأسف اننا نفهم الحاجات دي علشان منبقاش زي الأطرش في الزفة الناس بتشتمنا واحنا غلابة مش واخدين بالنا والناس تضحك علينا من سذاجتنا
https://www.youtube.com/watch?v=pag4ysthjfa

انا شفت جزء من الفيديو و مركزتش اوي و لو في الشارع و بسوق طبعا مش هركز غير ان حد بيدي كلاكس يبقي عايز اوسع مثلا . انا بريح دماغي لو ينفع خليه يجري و نخلص من وجع الدماغ. لكن طبعا معرفش ايه الشتيمه اياها و محبش اعرف شتايم . يعني هحرق دمي مع ناس مش محترمة ليه. خليهم يتغاظوا ان اللي حواليهم مش فاهمينهم احسن. علم لا ينفع ، و بعدين هعمل ايه لو عرفت و فهمت؟ اكيد مستحيل اعمل زيهم .لو حد مثلا كان غلطان و ممكن يخبط عربيتي بقول حسبي الله و نعم الوكيل فيه . يسمع ، ميسمعش مش مهم .

[Elawany13]

اسمعوا الفيديو ده ظريف جدا وموضح الحكاية

[youtube]http://www.youtube.com/watch?v=pag4ysthjfa[/youtube]

ايه الظريف فيه
دول سواقين وقحين ... ومش عارف مين الجهة اللى عملت الفيديو ده
وبتنشر الاخلاق الزفت ديه
ربنا ياخدهم
حسبنا الله ونعم الوكيل

[فتح الباب]

اولا تحياتى لصاحب الموضوع لكن اسمحلى حضرتك ما فيش حاجه اسمها بحبك بالكلاكس اصلا ذى ما حضرتك ذكرت لكن اللى اعرفه ان فى شتيمه بالكلاكس ومن يستعملونها هم سواقين النص نقل الذين كانوا عربجيه اصلا وده اسلوب يليق بيهم اصلا ومؤخرا تم الانضمام اليهم طبعا التكاتك والموتوسيكلات والتريسكلات انا بقى لما بشوف الاشياء دى بزعل من نفسى اوى وبحس انى عامل عمله لا يمكن ان اغفرها لنفسى لغايه ما انسى المنظر ٠٠٠ الشئ المحزن بقى انه مؤخرا بقيت بلاحظ عربيات ملاكى بتستعما نفس الاسلوب فبقول عادى عربجى وركب ملاكى ولذلك تاهت معانى جميله فى الملاكى واصبح اليوم لم يعد للملاكى طابعه الخاص من احترام وادب وذوق واخلاق قليل جدا لما تلاقى عربيه ملاكى تنبعث منها نسمه جميله وصاحبها المبتسم حتى فى وجه اى حد غلطان فيه بصراحه افتقدنا معنى وطعم الملاكى بسبب عربجىه وبرشامجيه ومش بعيد تلاقيهم شايلين شيشه فى شنطة العربيه حتى ناس كتير بتفتكر ان الاحترام والكبرياء لما يجيب ملاكى يقوم بايع البهيمه اللى حيلته او القيراط اللى حيلته ويجيب ملاكى ويقوم محطوط فيها شبه هههههههه اللللل ههههههههههه الجالوص ومحدش يسالنى يعنى ايه لانى مش عارف غير ان الكلمه لايقه على اللى بتكلم عليهم على فكره انا معايا عربيه نص نقل بس عمرى ما استعملت الكلاكس بطريقه همجيه الا للضروره وضغطه واحده ومش معلق قرد على العربيه من ورا الا صحيح ايه الشياكه فى ان سواقين كتير بيعلقوا قرد ورا اموت واعرف

[hero]

شكرا لتفاعلكم يا جماعة ....و فعلا هي حاجة قبيحة و ذميمة..
انا باستخدم نغمة بحبك دي لما آجي آعدي سواقين النقل او النص نقل...لان في سوافين بيعتبروا انك تعديهم بملاكي يعني اهانة لية و يمكن يشد قدامك و يلبسك...و في ناس كثير غاوية آذية ربنا ينجينا جميعا منهم....

مشكلة شتيمة الكلاكس انها آصبحت لاي شيء متحرك في مصر حتي لو عجلة....
فعلا الآخلاقيات في انحدار رهيب و البركة في الميديا الاعلامية و السوبر هيرو البلطجية آصحاب السيوف و السنج و المطاوي...

مؤخرا عرفت ان بعض المُسجلين بيستخدموا الطريقة دي لآثارة مشاكل مع اي حد سايق عربية علشان ينرفزوا و يجر شكلة و يخلية يقف و يتخانق و بالتالي عملية التثبيت تكمل في سلاسة ....

ربنا يحفظنا جميعا....و يردنا لاحسن الآخلاق

[ayaamna]

الموضوع بسيط جدا
نسوا الله فانساهم انفسهم
ولا حول ولا قوة الا بالله