ثقافة ومعلومات فى مجالات كتير بس مش عارف أعمل فلوس !!!!

[Mahmoud Naguib]

أنا مش عارف ازاي أبدأ !!

بس أنا عامة زي ما كاتب ف العنوان كدة

مش عارف أعمل فلوس !!

أنا عندي 23 سنة ممكن ميبقوش كتير بالنسبة لناس كتير !
بس أنا شايفهم كتير أوي !

بدأت كل حاجة بدري
وانا عندي 12 سنة كنت عامل منتدى وبشرف عليه لوحدي
ف نفس السن هارد وير وسوفت وير الكمبيوتر كان أي حاجة بتعطل منهم عند أي حد كنت بصلحهاله
حفظت القرآن كله وانا عندي 14 سنة
وانا عندي 15 سنة أخدت المركز الأول على مستوى الإدارة التعليمية ف المسابقة الثقافية عن قصة قصيرة كتبتها

من وأنا ف أولى كلية باخد مراكز أولى على مستوى الجامعة ف مسابقات أحاديث ومسابقات ثقافية
طلعت معسكرات كتير جدا
اتعلمت فوتوشوب وتصميم مواقع وبرمجة وكله على خفيف متعمقتش ف حاجة
كتبت قصص قصيرة أخدت مراكز متقدمة جدا وبطلت
بدأت اصور وصوري نالت على إعجاب فنانين كبار وبرضه مكملتش !

كل اللي فات ده عادي
المشكلة الكبيرة بقى ان أنا فضولي جدا من صغري
بحب أعرف كل حاجة
مينفعش حاجة مبقاش عارفها !
بس بعد وقت بزهق منها واروح أعرف معلومات عن حاجة غيرها

بقت عندي معلومات عن كل حاجة تقريبا وعارف اغلب الحاجات بس للأسف مش عارف أجيب فلوس

يعني دلوقت اشتغلت ف مجال بحبه وشايفه كويس وبمارسه من فترة وهو مجال العقارات
بس برضه مش مديله تركيزي الكامل

يعني برضه في حاجات كتير تانية بتلهيني عنه وبرضه بدخل ف مجالات تانية وأنا فيه !!
نفسي أركز ف حاجة بس ومشتتش نفسي ومش عارف !!

محدش يعرف علاج للموضوع ده

[Adnfalcon]

عايز فلوس ؟؟ انت قولتها
العقارات
بس لو عايز تكسب مكاسب حقيقيه محتاج راس مال كبير فالأول
لو راس المال مش كبير امشي خطوه خطوه
تاني اقتراح .. تصميم المواقع اسمع انه مكاسبه كويسه
المهم انك تخلص لشغلك و تهتم بيه عشان يديك فالمقابل
ربنا يكرمك

[Secret-Man]

Find ur Passion

https://itunes.apple.com/ae/podcast/passion-to-profit-podcast/id604405052?mt=2

[prof2013]

انت جاوبت على نفسك
الثقافة والمعلومات الكتيرة هي اللي بتشتتك
افضل حل تضربلك حجرين كل يوم لحد ما تنسى منهم شوية بشوية
بحيث بعد كده تقدر تركز في حاجة واحده بس ههههههههه بهزر معاك
عموما ربنا يوفقك ياكبير وتحقق احلامك ان شاء الله

[Karim Alaa]

شبه حكايتى بس انا كمبيوتر و بس من و انا فى 3 اعدادى و بدائت فرى لانسر و انا بقول لنفسى مش هعمل جنيه و دلوقتى هى الشغل كله و مستقبلى و حياتى اتعلم برمجه مواقع او برامج موبيل الاتنين دول مستقبل الدنيا و لو ليك فيهم حتى بسيط خش على فرى لانسر و اعمل اكونت و خش اعمل بيد فى الى بتفهم فيه و واحده واحده هتبقى انسان تانى اسمع كلامى عشان انا كنت بتمنى ابتدى و انا فى سنك لكن للاتسف استنيت و ابتيدت متاخر شويه ياريتنى بدائت بدرى كان بقى فى فرص اكتر و وقت اكتر احوش فيه

[عبدالحكيم]

اختر أكثر مجال تحبه وركز عليه. أنت بحاجة لوقفة مع النفس تحدد فيها مسارك المهني أو تخصصك المستقبلي. أنت إلى الآن هاوٍ لمجالات كثيرة ولست محترف في أي منها



إذا أردت يوماً أن تتقدم للعمل في إحدى الشركات الخاصة أو المؤسسات العامة ماذا ستقول لهم؟ أي تخصص ستكتبه في سيرتك الذاتية: مبرمج متخصص في الكمبيوتر؟ باحث في الشريعة والحديث؟ كاتب روائي؟ مصور محترف؟


ما قلته في موضوعك عن "معلوماتك الكثيرة" للأسف يكاد يكون كله هوايات أو مهارات عامة، لكن لا يوجد تخصص تُبنى عليه حياتك المهنية وتتكسب منه.


المثل الإنجليزي يقول Jack of all trades, master of none

[ENG.MaRk]

follow your passion يعني اعرف انت بتحب ايه و هتقدر توصل إن شاء الله بس افتكر دائماً إنك لو لقيت الطريق سهل يبقي انت ماشي غلط و علي فكرة الفلوس مش كل حاجة مقابل إحساسك بالسعادة إنك بتعمل الحاجة اللي بتحبها ... أشجعك إنك تدرس برمجة أو تكمل في الموضوع ده لو عندك خلفية عنه لأن ده اللي مكمل في المستقبل و لو عندك نية إنك تقدم ورقك في شركة كبيرة يبقي لازم تطور الpersonal skills و لازم تتعلم لغات علي الأقل يبقي معاك لغتين غير العربي و مش تتعلمهم عادي لا ده انت لازم تبقي بتتكلم fluently as a native speaker بالتوفيق إن شاء الله

[#MAAM#]

نفس مشكلتي للاسف

[مُصْطٓفٓى]

اعمل دراسة لمواقع الـ freelancers
واعمل حصر بالمجالات المطلوبة عليه وشوف ممكن تتخصص في ايه فيهم
وتضرع إلى الله وداوم على الاستغفار وعليك بالصدقة

[طارق _عبد السلام]

يعني برضه في حاجات كتير تانية بتلهيني عنه وبرضه بدخل ف مجالات تانية وأنا فيه !!
نفسي أركز ف حاجة بس ومشتتش نفسي ومش عارف !!

محدش يعرف علاج للموضوع ده

انت قلت المشكله وقلت الحل فى نفس المشاركه

ركز

[Ahmed_selmy]

بص هو عموما كتر الملعلومات حلو جدا ....وحيفيدك على المدى البعيد
الفكرة بقى انك تشوف اكتر حاجه عجبتك وتركز فيها شويه وتحاول تسخر المعلومات والخبرات اللى عندك فى خدمتها و دا حيخليك تبدع وتطلع افكار غير مسبوقه
يعنى لو انت عاجبك مجال العقارات حاول تسخر ابداعك فى نوع جديد من الدعايا او اكتساب الزبون من اجل التسويق الجيد.
وربنا يوفقك

[Mahmoud Naguib]

بص هو عموما كتر الملعلومات حلو جدا ....وحيفيدك على المدى البعيد
الفكرة بقى انك تشوف اكتر حاجه عجبتك وتركز فيها شويه وتحاول تسخر المعلومات والخبرات اللى عندك فى خدمتها و دا حيخليك تبدع وتطلع افكار غير مسبوقه
يعنى لو انت عاجبك مجال العقارات حاول تسخر ابداعك فى نوع جديد من الدعايا او اكتساب الزبون من اجل التسويق الجيد.
وربنا يوفقك

مهو برضه في هنا مشكلة !!

كل لما بحاول أتعمق فيه بلاقي نفسي دخلت ف مواضيع تانية !!

يعني أي حاجة حابب أشتريها لآزم أبحث عنها وأشوف اي الأفضل !

وحاجة بتجيب حاجة تانية وموضوع أساسي يجيب فرعي والفرعي يبقى أساسي وهكذا !!

التصفح عندي واكتساب المعلومات زي الدم مش عارف أوقفه !!

مش عارف أعمل اي علشان أركز !!!