موتور المياه ضروررررررررررررى

[mesaharaty]

شوف حضرتك
بما إن حضرتك فى الدور الثالث يبقى الأنسب الآتى :
كالبيدا نص حصان ينفع ولو حصان مايخسرش برضه مع جهاز فلوماك إيطالى وإنسى الدنيا .
فيه أنواع كلها حلوة وقريبة من بعضها زى كوميت وساير وداب ولوارا كل ده ممتاز .
حضرتك اختار أى حاجة مناسبة لميزانيتك واشتريه واستمتع بالمياه فى مواسيرك .
بالتوفيق

[A.Saad]

الكوميت حصان هيكون شديد
بس فيه ميزة انه يسحب المياه لو بعيدة شوية
وفيه نص كوميت برده

هو ايطالى بالكامل

[moonmisr]

طيب لو نويت أجيب كالبيدا نصف حصان فى اى محلات مضمونه غير الشرق علشان برفعها السعر بمقدار الضريبة ولو الكوميت هل فيه فرق كبير فى الكفاءة بين الاثنين لإن خايف أجيب كوميت حصان يكون شديد على المواسير 3/4 ويعملى مشاكل

[A.Saad]

سالت على كوميت نصف حصان ؟؟

[moonmisr]

لا انا مسألة عليه سألت على الكالبيدا النصف حصان طلع 45，مش نصف كامل وبحوالى 525 ج بس طرد بس مش سحب وطرد اللى بالنظام ده بيبدأ من 3/4th أن وللأسف كالبيدا بس علشان سألت على كوميت 3/4 مش موجود عند الكريم ومحتاج أجيب ايه بالضبط خاصة العمارة لسه مسكنتش بالكامل وواحد بس إللى عنده موتور ماركة صينى باين nt واحد حصان هى المية بتكون موجوده عند العداد بس مش بتطلع إلا لأول دور فقط فى الفترة بين الظهر والعشاء فى الصيف اما باقى اليوم كويس وفى الشتاء زى الفل

[moonmisr]

فين الناس

[moonmisr]

الأخ A.saad

[moonmisr]

طيب وبالنسبة لساير

[moonmisr]

هل من جديد

[A.Saad]

انا مدخلتش بقالى فترة

ساير مش عارف عنه

لو المياه بالنظام اللى قلت عليه يعنى موجودة عند الموتور يبقى السحب بس كافى

السحب والطرد مفيد لو هى مثلا فى عمومى الشارع او اول الواصلة الفرعية للبيت لكن مش داخلة للموتور

انا برجح الكوميت لان الكالبيدا سعره غالى شوية

[miam0502788391]

انا فى الدور السادس الميه وحشة عندى شتاء وصيفا ولما بتطلع طبيعى بالليل بتبقى ضعيفة
انا مركب موتور ايطالى اسمه matrix حصان ايطالى كامل وعليه ضمان 5 سنوات
وزى الفل بقاله 4 سنين
على فكرة المتريكس ده ماركه محترمة زيه زى اللورا والكلبيدا والساير
هاته ومش هتندم
وعلى فكرة له وكيل فى مصر

[moonmisr]

الف شكر ياجماعة وكل سنة وانتم طيبين وانا الحمدلله جبت كالبيدا لانى مش لاقى كوميت 3/4 وجبت فلما اسمه nt ملزوق عليه صنع فى ايطاليا حد يعرف عنه حاجة مرات أجيب بتاع كاليبدا علشان غالى اوى