سيتي ستارز .... أيام الجاهليه ..كل الفواحش

[Abdelrahman]

السلام عليكم يا أحلى منتدى

امبارح وللاسف كنت في سيتي ستارز ...ورغم اني ساكن في اول عماره بعد سيتي ستارز على طول ..إلا أني ما بحبش اروحه علشان الزحمه ..اللهم سبينس علشان طلبات البيت...وده بيكون الظهر ..فالعمليه بتكون هاديه.

المهم رحت بليل علشان أقابل واحد صاحبي ونقعد في حته ندردش شويه....وعينك ما تشوف إلا النور ....وهذا هو الوصف بالضبط بدون مبالغه

مجموعه رقم واحد:
بنات واولاد عمرهم لا يتجاوز ال 12 سنه ..صحاب مع بعض ...البنات لابسه لبس غريب جدا ..لبس بنات فوق ال 20 سنه وميكب كامل
والولاد لابسين كم سناسل وأساور وحظاظات في ايديهم ورقبتهم غير طبيعي...ولغاية الساعه 11 بليل (لغاية ما مشيت ) وهما قاعدين !!

مجموعه رقم اتنين:
بنات واولاد عمرهم تقريبا مابين 18 و 20 ...برضه صحاب مع بعض...البنات بلا مبالغه لا بسه من غير هدوم ....كل حاجه باينه ...وبأعداد رهييييييييييييييييييييييييييييييييييبه ...في كل مكان ....منتشرين كالسرطان ....بحجاب وبدون حجاب (طبعا لا يمت للحجاب بصله)
والولاد لابسين بناطيل للاسف الشديد باين (الأندر وير) منها ...ومنهم من تظهر عورته اصلا ....
كم سجاير في ايد الولاد والبنات ..غير طبيعيه ...في هذا السن.....لاحول ولا قوة إلا بالله العلي العظيم

مجموعه رقم ثلاثه:
دي بقه لم أكن أتخيل في يوم من الايام إني اشوفها في مصر ...أيوه شفتها في أمريكا ..وكان عادي خالص ..بس مصر ...لا يمكن
شواذ ...وصل الحال ....للشواذ ....علشان ما ابالغش ...يمكن شفت واحد او اتنين ..بس بصراحه ..منظر يخليك عاوز تجيب الي في بطنك

وقمة الاستفزاز ...ولدين وبنتين ...بيلعبوا كوره ....مش دي المشكله ...المشكله انهم كانوا بيلعبوا الكوره بموبايل ّّ...بجد...الارض علشان رخام ...حاطين موبايل على الارض وبيلعبوا بيه كوره...لايقل تمنه عن 800 جنيه ...وحتى ولو ب 10 جنيه...

زحمه رهيبه رهيبه ...كلها من المجموعات السابقه ...ايه الي بيحصل ده ..
لما ده هو جيل الشباب تحت سن العشرين ..وهو ده تصرف ولاد الناس...او المفروض انهم ولاد ناس ....هانروح فين بعد كده؟

[mohamed_88sk]

إنا لله وإنا إليه راجعون
البقاء لله في أغلب شباب مصر من الجنسين
عزضنا عليك يارب في مصر والعرب

نفس الكلام ده شوفته في الكويت
بس هناك عدد الشواذ بالعشرات

بس نرفزتني قوي حكاية الموبايل دي .. حرام والله ,, الله أعلم مال حلال ولا إيه نظامه

[adel1414]

انالله وانااليه راجعون....ربنا يهديناويهديهم

[M!NA]

العيال ديه لازم تخش الجيش عشان تتظبط و تتعلم ازاي تبقا رجالة....

زي ما عملوا في العيال اللي مسكوهم في قضية الSatanics لما دخلوهم الجيش عشان يسترجلوا...

[sherif_m72]

لا حول ولا قوة الا بالله
اللهم اجرنا فى مصيبتنا وارزقنا خيرا منها

[aif]

شوف يا عبد الرحمن .....
مصر فيها تكدس سكاني غير طبيعي ...
عشان كدة كل شيء بيبقي زحمة ....
لو روحت ستارز تشعر ان الناس كلها في ستارز
لو روحت شارع الهرم ..... ح تشعر ان كل الناس في الكازينوهات
لو روحت الجامعات ... سواء الحكومية او الخاصة .... ح تشعر ان الناس كلها بتتعلم في الجامعة
لو روحت المساجد في رمضان .... ح تقول ان الناس كلها بتصلي و زي الفل
ولو روحت دروس دينية لكبار العلماء او حتي الدعاة الشباب ح تذهل من عدد الناس
اللي اقصد اقوله .... ما تفتكرش ان دي اغلبية .... دي اغلبية في المكان ده ... لكن مش اغلبية بين الناس .... لازم برضه يكون فيه نقطة ضوء في نهاية النفق .... مش مظلم تماما .....
الخير في وفي امتي الى يوم الدين .... او كما قال عليه الصلاة والسلام

لكن ده ما يمنعش ان الواحد بيبقى متحصر علي الشباب الضايع ده ..... لكن الضياع مش منهم ..... من اهلهم اولا .....
لاحول ولا قوة الا بالله

[الطنطاوي]

مصيبة والله !!!!!!!!!!!!!

العيب على الأباء والأمهات في الأول والأخر

أنا مش هاتكلم على التربية وتحمل المسئولية اللي الواجب على الاباء إنهم يعلموها لأولادهم لكن عندي سؤال إزااي راجل عنده نخوة يسيب إبنه أو بنته ينزل بالهدوم دي ده أقل واجب ؟؟؟؟


إزي رااااااااااااااجل يسمح لبنته إنها تكون في الشارع لحد الوقت ده؟؟؟؟ !!!!!!!!!!

الشباب ده يعرف ايه عن أمته ؟؟؟

فين هم الأمة في عقول الشباب دول ؟؟؟؟

أسال الله السلامة

لا أملك إلا أن أقول

اللهم اهد قومي فإنهم لا يعلمون

اللهم نجني وأهلي مما يعملون

(( من دعا إلى هدى ، كان له من الأجر مثل أجور من تبعه ،

لا ينقص ذلك من أجورهم شيئا . ومن دعا إلى ضلالة ،
كان عليه من الإثم مثل آثام من تبعه ،
لا ينقص ذلك من آثامهم شيئا ))

رواه مسلم

[elassar2010]

ربنا يهدى الاهل

[human]

مصر باظت و عايزه عمره
مصر بقت خربانه

[دموع الثلج]

حضرتك اخترت ااااااااااااااااااااااسواء مكان بكرهه فى مصر
لما بدخله بحس انى فى دوله ثانيه وخصوصا
عند الفود كورت اللى فى المبنى الجديد مناظر استغفر الله

ماهم دول نفس الشباب اللى بتشوفهم فى مارينا وفى شرم وفى حفلات الرقص

ماهو دول الجيل الصاعد

جيل هزى يا نواعم

منتظرين ايه من مجتمع منعدم الاخلاق ويعانى من انحطاط فى التعليم

وغياب الرقابه من البيت وانعدام الوعى وتدنى السلوكيات فى الشارع


اللهم ارحمنا رحمه واسعه من عندك

[creative]

انا مش عاوز اقولك ان دى حاجة قليلة فعلا للى بيحصل فى البلد
يعنى انا من فترة حضرت عيد ميلاد صديق ليا .... وكان فى ديسكو تك زى الناس بتسميه
المهم انا بجد فعلا ماكنتش مصدق نفسى احنا فى مصر والكلام ده بيحصل فيها ازاى كده
ازاى الرقابة والامن عندهم علم بالاماكن دى واللى بيحصل فيها وسيبين الناس كده
ازاى الاقى ناس تقريبا كلها قالعة هدومها كلها جوه وبنات استغفر الله العظيم بيبقوا شواذ مع بنات تانية
واساليب قذرة
لدرجة انى سالت بنت من اللى موجودين بقولها انتى بتيجى الاماكن دى كتير
الرد كان اه طبعا هنا وفى الساحل الشمالى فى افظع من كده مليون مرة
بجد انا كنت قرفان من المكان جدا جدا وسيبته ومشيت
لازم بجد يكون فى توجيه للشباب والبنات دى لانهم المفروض هايمونوا اباء وامهات فى المستقبل
ربنا يهديهم يارب

[sherif_84]

سيتى ستارز ده اصلا دولة تانية جوه مصر زى الاخت دموع الثلج ماقالت
مناظر غير طبيعية سواء ولاد او بنات او حتى الستات الكبار اللى هما high class زى مابيسموا نفسهم والامور اتغيرت فى مصر 180 درجة من اول ما عملوا المولات والمراكز المغلقة
ربنا يهديهم ويهدى أبائهم وأمهاتهم

[OlaOsman]

زي ما أحمد إبراهيم قال بالظبط.

انما ده برضه ما يمنعش ان الانحلال ده موجود من زمان انما الأمور لا شك إنها في انحدار متواصل

[elassar2010]

لو الموضوع انحدار شوفو الكليات والى بيحصل فيها وخصوصا المجمعات لانها بتكون كبيرة
انا فى الكلية كان من الطبيعى تلاقى شلة بتشرب حشيش
والصبيان والبنات كانت الادارة شغالة بنظام العصفورة علشان تقلل من الى بيحصل
الانحدار دة موجود فى كل حتة للاسف

[OlaOsman]

لو الموضوع انحدار شوفو الكليات والى بيحصل فيها وخصوصا المجمعات لانها بتكون كبيرة
انا فى الكلية كان من الطبيعى تلاقى شلة بتشرب حشيش
والصبيان والبنات كانت الادارة شغالة بنظام العصفورة علشان تقلل من الى بيحصل
الانحدار دة موجود فى كل حتة للاسف

يعني ايه نظام العصفورة؟