استفسار بخصوص شقة

[امجد مروان 454]

شقة اجمالى 160 متر يعنى نفترض ان الصافى 130 متر
وانت بتتكلم ف مستور تشطيب كويس "بورسلين وسيراميك فرز اول ودهانات جيوتن"مش هتقل عن 750 المتر..التشطيب لوحده 100 الف جنيه
خد بالك ان شقتك اسمها نص تشطيب انما فعليا هتلاقى انك بتهد كل حاجه..المحارة ممكن تكسرها وتقول ياريتهم سلموهالى بدون محارة وده على الأقل هيحصل معاك ف حيطه او اتنين وممكن يعيد على محارة حاجه والسقف لو عندك حالته وحشه زى ما حصل معاك هتدفع كتير اوى في المصيص,الكهرباء هتلاقى ان مفيش اسلاك واصله عاده وهتزود فيش بكتير جدا وتزود في الاسلاك والمفاتيح..
السباكه غالبا هتحتاج تفصل نفسك عن باقى العمارة عشان متحصلش مشكله هبله ف العماره تغرقلك شقتك وتبوظلك الارضيات او الفرش وتعمل الشقة على محبسين ع الأقل وتكسر وتوصل مواسير نضيفه
شوف كمان لو هتعمل بيت نور او ديكورات في بعضالحوائط ودى مكلفه
تشطيب كويس مش هتقل 85 الف اقل تقدير خصوصا ان الصنايعيه بقوا جشعين جدا واسعارهم نار نار نار

شكرا علی الرد
بس بالنسبة للاسلاك تقريبا ضعيفة مش تستحمل تكييفات فهل بقی تتشد كلها ويتحط غيرها ولا ايه الحل؟
وتقصد ايه حضرتك بالنسبة لفصل الصرف يعنی تنزل ماسورة مباشرة من الشقة للعمومی ممكن توضح؟
وايه لازمة النص تشطيب بقی علی كده اسم علی الفاضی بس ده انا بفكر لما اشتری الشقة بتاعتی استلمها علی الطوب وانزل من سعرها

[4fun14]

شكرا علی الرد
بس بالنسبة للاسلاك تقريبا ضعيفة مش تستحمل تكييفات فهل بقی تتشد كلها ويتحط غيرها ولا ايه الحل؟
وتقصد ايه حضرتك بالنسبة لفصل الصرف يعنی تنزل ماسورة مباشرة من الشقة للعمومی ممكن توضح؟
وايه لازمة النص تشطيب بقی علی كده اسم علی الفاضی بس ده انا بفكر لما اشتری الشقة بتاعتی استلمها علی الطوب وانزل من سعرها

بدون تفكير طبعا لو هتشتري.. اطلبعا ع الطوب الاحمر واخصم منهم تمن النص تشطيب ده.. انا كسرت ف المحاره البايظه واللي مكسرتهوش مش عاجبني ومش مظبوط.. والسليم كسرت فيها طبعا عشان مواسير الكهربا وحلوق الابواب بتباه زفره وغالبا هتتغير.. الحديد بتاع البلكونات صدي من قبل ما اسكن وملخلخ لازم يتغير.. باب الشقه طبعا انت عارف، هتبيعه وتشتري حاجه خامه كوييه وامان.. الالوميتال بيدخل تراب نشكلا مش قد كده.. طبعا بلا شك اشتري طوب احمر وخد خصم نظير ده
فصل الصرف يعني يباه ليك ماسوره صرغ من شقتك ترمي عليها للعمومي.. دي خطوة احترازيه يعني بس لو العماره جديده ممكن تأجل الحوار ده واخوك يتصرف زي ما يحب لما يرجع
الكهربا عاده بتستلم خراطيم فاضيه.. لكن لو فيها اسلاك وبتنور هات كهربائي يشوفلك انواع الاسلاك دي عشان لازم تباه انضف حاجه لانك لو سكنت مش هتعوف تغير فيها والمشكله هتطلع عينك.. بالنسبه للتكيفات والسخانات هتشتري اسلاك 4 ميللي واو تكيف كبير هتجيبه 6 مللي وتعمل مفاتيحها وتوصل باللوحه عادي بسيطه جدا. .بس لازم تجيب كهربائي ثقه يشيك ع الاسلاك وتوزيع الخراطيم.. الكهربا والسباكه اهم حاجه واصعب مشاكل ف علاجها