للمرة الثانية انا و البنك الاهلى و الدولار

[afndina]

مفيش موضوع يتكتب عن اي خبر عن مصر , لازم نفس الاعضاء ونفس الاسماء تدخل تشتم في البلد حتي لو الخبر خير للبلد

وحتي لو موضوع ملوش دعوة بالسياسة وحال البلد يحولوه لمناوشات وكلام من تحت لتحت

اللي فعلا بيحب البلد وعايز ليها الخير , لما يسمع او يقري خبر كويس يفرح , مش يدخل يشكك في الخبر ويشتم في البلد

[أبو آسر]

كل واحد في البلد عنده مشاكل مش سياتك بس ,وفي ناس اتظلمت كتير
لكن الجو العام الحالي البلد واقعه , نشر طاقتك السلبية والتحريض علي العنف واثارة الفتن والمظاهرات وقطع الطرق كل دا سياتك حيجبلك حقك ولا حيخرب البلد علي كل الناس !!!
لو سياتك شايف انك راجل عايز تثور وتعيش بكرامه ومش عجبك اننا راضيين ومش عايزين نبقي زي العراق وسوريا
خلاص روح جاهد في العراق وسوريا , مش انت مش عجبك رضانا علي الامر الواقع , سبنا يعم في المستنقع اللي احنا عايشين فيه وثور انت بعيد عننا الله يخليك .

بتضطرني إني أقول لك ربنا يدوقك من الظلم اللي أنا شفته أو الناس اللي بتموت في الأقسام من التعذيب أو بيطلعوا بعاهة مستديمة أو اللي بيموتوا بالسرطان وفيروس سي علشان مش لاقيين تمن العلاج وساعتها بس ابقى ورينا وطنيتك دي هتوديها فين لأن للأسف في ناس في غفلة وسلبية طول ما هم في راحة ونعيم وأمان يكش البلد كلها تولع والناس كلها تغور في داهية مبيفرقش معاهم لكن بمجرد ما يتمسلهم شعرة بيلعنوا سلسفيل أم البلد على اللي فيها على البلاد اللي حواليها على الكرة الأرضية كلها والناس دي كتير أوي للأسف في مصر وهما هما بتوع شعارات الوطنية والمهلبية وبمجرد ما مرتبهم ينقص جنيه بيتحولوا لكائنات أخرى

[afndina]

بتضطرني إني أقول لك ربنا يدوقك من الظلم اللي أنا شفته أو الناس اللي بتموت في الأقسام من التعذيب أو بيطلعوا بعاهة مستديمة أو اللي بيموتوا بالسرطان وفيروس سي علشان مش لاقيين تمن العلاج وساعتها بس ابقى ورينا وطنيتك دي هتوديها فين لأن للأسف في ناس في غفلة وسلبية طول ما هم في راحة ونعيم وأمان لكن بمجرد ما يتمسلهم شعرة بيلعنوا سلسفيل أم البلد على اللي فيها على البلاد اللي حواليها على الكرة الأرضية كلها والناس دي كتير أوي للأسف في مصر وهما هما بتوع شعارات الوطنية والمهلبية وبمجرد ما مرتبهم ينقص جنيه بيتحولوا لكائنات أخرى

حضرتك بتدعي وبتمنالي المرض والظلم علشان حضرتك حصلك ظلم !!!

مش برضوا سياتك من شويه مكنش عجبك اخلاق الشعب المصري , يا تري هي دي الاخلاق اللي عايز تعلمها للشعب المصري , ان كل واحد يتمني الشر لاخوه , علشان يحس بيه !!!

ربنا يهدي الجميع

[أبو آسر]

حضرتك بتدعي وبتمنالي المرض والظلم علشان حضرتك حصلك ظلم !!!

مش برضوا سياتك من شويه مكنش عجبك اخلاق الشعب المصري , يا تري هي دي الاخلاق اللي عايز تعلمها للشعب المصري , ان كل واحد يتمني الشر لاخوه , علشان يحس بيه !!!

ربنا يهدي الجميع

معلش أصل في ناس مش بتحس بغيرها غير لما بيحصلها زيهم علشان يفوقوا من غفلتهم ويشيلوا الغشاوة من على عنيهم

[Abo_Mazen]

بتضطرني إني أقول لك ربنا يدوقك من الظلم اللي أنا شفته أو الناس اللي بتموت في الأقسام من التعذيب أو بيطلعوا بعاهة مستديمة أو اللي بيموتوا بالسرطان وفيروس سي علشان مش لاقيين تمن العلاج وساعتها بس ابقى ورينا وطنيتك دي هتوديها فين لأن للأسف في ناس في غفلة وسلبية طول ما هم في راحة ونعيم وأمان يكش البلد كلها تولع والناس كلها تغور في داهية مبيفرقش معاهم لكن بمجرد ما يتمسلهم شعرة بيلعنوا سلسفيل أم البلد على اللي فيها على البلاد اللي حواليها على الكرة الأرضية كلها والناس دي كتير أوي للأسف في مصر وهما هما بتوع شعارات الوطنية والمهلبية وبمجرد ما مرتبهم ينقص جنيه بيتحولوا لكائنات أخرى

في ناس فعلا غاية أملها في الحياة هو الإحساس بالأمان..مش مهم عنده كرامته آدميته أو حتى كرامة غيره أو آدمية غيره مش مهم ..أهم حاجه إحساسه بالأمان ..وخلي بالك ..الإحساس بالأمان مش الأمان الحقيقي ..يعني ممكن يكون عايش في بورما مثلا ..وشايف التقطيع اللي بيحصل لغيره وقدام عينيه ..لكنه عايش في كهف ومحدش يقدر يوصله ..فهو كده من وجهة نظره تمام قوي ..يتفرج ويشفق ..لكنه مش هيغضب ..ومش هيثور ..لإنه هو في أمان ومحدش عارف يوصله أو محصلوش اللي بيحصل لغيره ..آخره بس يمتعض ..أو يشجب ..أو يندد ..لكنه صدقني مش هيثور لغيره ..أما بقى موضوع العلاج اللي مش مجاني في أمريكا فالموضوع ده بصراحه فاجئني قوي ..أنا عارف إن في أمريكا العلاج مش ببلاش ..لكنه على الأقل موجود ..آه والله ..العلاج في أمريكا موجود ..إنما هنا مش ببلاش ..ومش موجود ..أنا مش عاوز أدخل في تفاصيل تخصني ..لكن أنا بصراحه متفاجئتش لما عرفت إن العلاج في أمريكا مش ببلاش ..وأنا بصراحه بشكر الأخ أبو يحيى على درس التنمية البشرية اللي قدمه لينا من خلال مشاركته ..بصراحه رفع روحي المعنوية كتير ..وخلاني أفكر جديا إني أسمع الدكتور إبراهيم الفقي ..حضرته بيتكلم عن شباب عنده طاقه سلبيه في بلد كلها سلبيه ..وعاوز الشباب يتفائل .يتفائل وهو مش قادر يتكلم ولا قادر يعبر ولا قادر يقود ولا لاقي قدوه أصلا يقتدي بيها غير السبكي وإطلع بقى يا أحمد إنزل بقى يا أحمد وحلاوة روح ..ولا لاقي مكان ليه في دولة عواجيز ..جارت عليها الأيام ..كفاية صحابنا اللي سافروا مع صاحبنا المانيا ..شوف مناظرهم عامله إزاي ..فعلا أفضل عنوان لمصر ..فعلا ..شوية عواجيز وهلاسين طالعين يمثلوا مصر .. ..بس برضه ..لسه النور بيقطع ..عارف طبقا لنظرية بكره أحلى ومبادئ التنمية البشرية ..هيتقالي إيه يعني لما النور يقطع ..الظلام دعوه للتأمل ..بس برضه ..لسه الأسعار عاليه ..هتقولي طبقا لنظرية بكره أحلى ومبادئ التنمية البشرية إيه يعني الأسعار عاليه ..دعوه لتحديد الإنفاق وعدم التبذير ..هقولك ..لسه الأمن متنيل بنيلة ..ولسه واحد عربيته مسروقه من شهر وراح القسم يعمل محضر قالوله النهارده الجمعة والقسم طالع يفض مظاهرات إبقى تعالى بكره ..هتقولي إيه يعني طبقا لنظرية بكره أحلى ومبادئ التنمية البشرية ..دعوة للإعتماد على النفس وحماية أملاكك بنفسك ..هقولك سينا واللي بيحصل في سينا ..هتقولي حماس واللي جاب حماس ..هقولك إسرائيل وحشه ..هتقولي روح حاربها إنت وسيبنا إحنا في الإرهاب اللي بنحاربه هنا ..وهو ده اللي إحنا وصلنا ليه ..ومن سيئ لأسواء لأسواء ...ده الواحد عايز يقعد يسمع في إبراهيم الفقي بتاع سبع تمن سنين جايين ويارب يجيب نتيجه


السؤال بقى ..هو أنا لسه عضويتي متوقفتش !!!!!!!!؟؟؟؟

[ali ashraf]

منع التحويل بين البنوك صحيح 100%

على فكرة مفيش ما يمنع انك تحول دولار بين البنوك جوا مصر,, دي اكيد افتكاسة بنك..

منع تحويل الاموال بالعملة الصعبة بين البنوك داخل مصر اكيد 100% و ده من البنوك الحكومية لأن القرار ده استثنائ و غير قانونى حتى و ممكن ترفع قضية على البنك .....لو انت فاضى

[ali ashraf]

دعونا نتفق و لانختلف

كنت كتبت المشاركة عن صعوبة التعامل فى البنوك الحكومية و بقدرة قادر اتقلب الموضوع لنقاش سياسي ساخن و للاسف كان النقاش بين فريقين و كان الخلاف و الاختلاف بينهما ظاهر للعيان بشكل وصل الى التراشق و التشكيك فى الوطنية و الحقيقة ان ما يحدث فى البلد و الدولة ينعكس على الافراد( اللى هم احنا) و ينعكس على ردود افعالنا و تعاملنا مع الاخر ( لاحظ ما يحدث فى الشارع عند اصطدام بسيط و كمية السباب و ربما الضرب بالايادى) و ارى ان نحاول البحث عن اوجة التشابه و التقارب فيما بيننا بدلا من اسباب التنافر فكلنا فى مركب واحدة ....ارى ان نجد الاعذار لبعضنا البعض او كما قال رسول الله (ص)

جعلنا اللّه وإياكم ممن قال فيهم الرسول صلى اللّه عليه وسلم: { إن أقربكم مني مجلساً يوم القيامة أحسنكم أخلاقاً }

[رواه أحمد والترمذي وابن حبان]
وحُسن الخلق يوجب التحاب والتآلف، وسوء الخلق يُثمر التباغض والتحاسد والتدابر. وأوصى النبي صلى اللّه عليه وسلم أبا هريرة بوصية عظيمة فقال: { يا أبا هريرة! عليك بحسن الخلق }. قال أبو هريرة رضي اللّه عنه: وما حسن الخلق يا رسول اللّه؟قال: { تصل مَنْ قطعك، وتعفو عمن ظلمك، وتُعطي من حرمك} [رواه البيهقي].
{ إن الرجل ليدرك بحسن خلقه درجة الصائم القائم }
[رواه أحمد]

لازم نتعلم ان الاختلاف شئ صحى و مطلوب و الخلاف شئ مرضى و مرفوض و نحاول نجد الاعذار لبعض و فى النهاية كما يقال الايام دول يعنى يوم فى العالى و يوم فى الواطى و حظنا بقى اننا موجدين فى الشق الثانى من المعادلة .....انتاج مصر انخفض بنسبة الربع .....السياحة شبه معدومة .....انتاج البترول تقلص جدازعلشان مفيش استثمارات لتنمية الحقول و الغاز ....علشان موضوع الطاقة الايجابية انتاج مصر من الغاز الطبيعى هيزيد 25% ومن حقل غاز واحد هيبدأ الانتاج 2017 ....قناة السويس دخلها هيزيد من 30 -50% خلال 3 سنوات و اكيد السياحة هتتحسن تدريجيا و مش هتفضل البلد واقعة كدة ببساطة لان ده احد نواميس و قوانين الكون ثبات الحال من المحال يعنر بالبلدى يوم فوق ويوم تحت و احنا دلوقت تحت يبقى اللى جى فوق ان شاء الله ......

[Abo_Mazen]

كنت كتبت المشاركة عن صعوبة التعامل فى البنوك الحكومية و بقدرة قادر اتقلب الموضوع لنقاش سياسي ساخن و للاسف كان النقاش بين فريقين و كان الخلاف و الاختلاف بينهما ظاهر للعيان بشكل وصل الى التراشق و التشكيك فى الوطنية و الحقيقة ان ما يحدث فى البلد و الدولة ينعكس على الافراد( اللى هم احنا) و ينعكس على ردود افعالنا و تعاملنا مع الاخر ( لاحظ ما يحدث فى الشارع عند اصطدام بسيط و كمية السباب و ربما الضرب بالايادى) و ارى ان نحاول البحث عن اوجة التشابه و التقارب فيما بيننا بدلا من اسباب التنافر فكلنا فى مركب واحدة ....ارى ان نجد الاعذار لبعضنا البعض او كما قال رسول الله (ص)

جعلنا اللّه وإياكم ممن قال فيهم الرسول صلى اللّه عليه وسلم: { إن أقربكم مني مجلساً يوم القيامة أحسنكم أخلاقاً }

[رواه أحمد والترمذي وابن حبان]
وحُسن الخلق يوجب التحاب والتآلف، وسوء الخلق يُثمر التباغض والتحاسد والتدابر. وأوصى النبي صلى اللّه عليه وسلم أبا هريرة بوصية عظيمة فقال: { يا أبا هريرة! عليك بحسن الخلق }. قال أبو هريرة رضي اللّه عنه: وما حسن الخلق يا رسول اللّه؟قال: { تصل مَنْ قطعك، وتعفو عمن ظلمك، وتُعطي من حرمك} [رواه البيهقي].
{ إن الرجل ليدرك بحسن خلقه درجة الصائم القائم }
[رواه أحمد]

لازم نتعلم ان الاختلاف شئ صحى و مطلوب و الخلاف شئ مرضى و مرفوض و نحاول نجد الاعذار لبعض و فى النهاية كما يقال الايام دول يعنى يوم فى العالى و يوم فى الواطى و حظنا بقى اننا موجدين فى الشق الثانى من المعادلة .....انتاج مصر انخفض بنسبة الربع .....السياحة شبه معدومة .....انتاج البترول تقلص جدازعلشان مفيش استثمارات لتنمية الحقول و الغاز ....علشان موضوع الطاقة الايجابية انتاج مصر من الغاز الطبيعى هيزيد 25% ومن حقل غاز واحد هيبدأ الانتاج 2017 ....قناة السويس دخلها هيزيد من 30 -50% خلال 3 سنوات و اكيد السياحة هتتحسن تدريجيا و مش هتفضل البلد واقعة كدة ببساطة لان ده احد نواميس و قوانين الكون ثبات الحال من المحال يعنر بالبلدى يوم فوق ويوم تحت و احنا دلوقت تحت يبقى اللى جى فوق ان شاء الله ......

أحسن حاجه في مشاركتك الجزء اللي مكتوب بالأخضر ..إنما بقيت المشاركه قائمة على نظرية ..بكره أحلى ..لسه حضرتك بتتكلم عن حقول غاز هتدر عائد في 2017..مع إن حدودنا البحريه مع قبرص أعيد ترسيمها ..وشوف بقى حقول الغاز كانت من نصيب مين.؟؟؟.حضرتك بتتكلم عن قناة السويس اللي دخلها هيزيد ..مع إن كل اللي حط فلوسه في شهادات قناة السويس إتفاجئ إن في مصاريف إداريه على أرباح الشهادات محدش عارف هي جات منين وبتتخصم أوتوماتيك من الأرباح بتاعة الشهاده ..يعني من المنبع..مع إن المشروع أصلا متعثر حاليا...بس برضه ..هنقول بكره أحلى عشان ما نبقاش سلبيين وعندنا طاقه سلبيه وعشان ما نبقاش مجانين وبننشر شائعات ..وعشان نبقى واقعيين وبنقبل الأمر الواقع ..ما هو يا إما بكره أحلى ..يا إما أبقى سلبي ومجنون وغير واقعي

[ali ashraf]

تفائل بالخير تجده

التفاؤل عبارة عن ميل أو نزوع نحو النظر إلى الجانب الأفضل للأحداث أو الأحوال، وتوقع أفضل النتائج. أو هو وجهة نظر في الحياة والتي تبقي الشخص ينظر إلى العالم كم كان إيجابي، أو تبقي حالته الشخصية إيجابية. والتفاؤل هو النظير الفلسفي للتشاؤم. المتفائلون عموما يعتقدون بأن الناس والأحداث جيدة أصلا، وأكثر الحالات تسير في النهاية نحو الأفضل.

• الامل ربما يتـلاشى. لكن لا ينعدم
• بيت اضحك فيه خيرا من قصر ابكي فيه
• كن كالنخله ترمى بالأحجار وتعطي أطيب الثمار
• لا تثقل يومك بهموم غدك فقد لاتجيء هموم غدك وتكون قد انحرمت سرور يومك
• ليس الفخر أن لاتسقط ولكن الفخر ان تنهض كلما سقطت
• يوجد دائما من هو أشقى منك، فابتسم
• لا يجرؤ بعض الناس أن يكونوا ملوكا حتى في أحلامهم.وهذا هو الخطأ الجسيم

أذا لم نتفائل بالغد هيكون حكم بالاعدام لنفسنا و بالمناسبة حقل الغاز العمل جارى فيه من قبل 3 شركات على قدم وساق و هو فى الصحراء الغربية مش بحرى.

[Abo_Mazen]

التفاؤل عبارة عن ميل أو نزوع نحو النظر إلى الجانب الأفضل للأحداث أو الأحوال، وتوقع أفضل النتائج. أو هو وجهة نظر في الحياة والتي تبقي الشخص ينظر إلى العالم كم كان إيجابي، أو تبقي حالته الشخصية إيجابية. والتفاؤل هو النظير الفلسفي للتشاؤم. المتفائلون عموما يعتقدون بأن الناس والأحداث جيدة أصلا، وأكثر الحالات تسير في النهاية نحو الأفضل.

• الامل ربما يتـلاشى. لكن لا ينعدم
• بيت اضحك فيه خيرا من قصر ابكي فيه
• كن كالنخله ترمى بالأحجار وتعطي أطيب الثمار
• لا تثقل يومك بهموم غدك فقد لاتجيء هموم غدك وتكون قد انحرمت سرور يومك
• ليس الفخر أن لاتسقط ولكن الفخر ان تنهض كلما سقطت
• يوجد دائما من هو أشقى منك، فابتسم
• لا يجرؤ بعض الناس أن يكونوا ملوكا حتى في أحلامهم.وهذا هو الخطأ الجسيم

أذا لم نتفائل بالغد هيكون حكم بالاعدام لنفسنا و بالمناسبة حقل الغاز العمل جارى فيه من قبل 3 شركات على قدم وساق و هو فى الصحراء الغربية مش بحرى.

وهو ده اللي مخلي ناس لغاية النهارده ..بيقولوا البلد دي لازم تبقى للغلابه وترجع للغلابه .وعايشين على كده وبيموتوا على كده ..وبيسلموا الأجيال اللي بعدهم كده.وهو ده برضه نفس الكلام اللي مخلي ناس تانيه تقول بكره احلى ومصيرها تتعدل وخلينا عايشين وجنب الحيط ماشيين ..يعني كل واحد ليه طريقته في التفاؤل ..سواء كان الفريق ده ..أو الفريق ده

[dede_dodo88]

منع تحويل الاموال بالعملة الصعبة بين البنوك داخل مصر اكيد 100% و ده من البنوك الحكومية لأن القرار ده استثنائ و غير قانونى حتى و ممكن ترفع قضية على البنك .....لو انت فاضى

عشان كده بقولك أنها أفتكاسة بنك ملهاش علاقة بالبنك المركزي لأن مفيش منشور نزل ينص صراحةً بمنع التحويلات الدولارية بين البنوك, هتلاقي بس البنوك دي بتستسهل فقفلوا التحويلات من بابها تجنباً لوجع الدماغ..

[M!SHO]

afndina يا اخي انت بني آدم مستفز فعلاً وتستاهل ان الواحد يتوقف بسببك

[أبو آسر]

أنا عن نفسي متفائل
متفائل نفس تفاؤلي بجهاز علاج الإيدز
متفائل نفس تفاؤلي بمشروع المليون وحدة بتوع الطبقة محدودة الدخل
متفائل نفس تفاؤلي بمشروع عربيات الخضار .. أخيرا هنبقى أغنيا ونبيع خضار بعد مجهود سنوات في الدراسة .. أحمدك يارب
متفائل نفس تفاؤلي بالكهربا اللي خلاص مش هتقطع تاني .. هي أينعم لسة بتقطع اليومين دول برده بس هتفائل علشان التفاؤل مش هيخليها تقطع .. آه تفاءلوا بالخير تجدوه
متفائل نفس تفاؤلي بالإرهاب اللي الحمد لله اتقضى عليه خلاص لما الدكر مسك ودخل الإرهابيين جحورهم وسينا رجعت تاني لينا وخلاص هنعمرها وهتبقى أد الدنيا .. مش مهم رفح أخلوها ما هو كله علشان الإرهابيين اللي في غزة ميضايقوش إخوانا الإسرائيليين تاني احنا عاملين معاهدة سلام واحنا بنحترم عهودنا أمال
متفائل نفس تفاؤلي بالدولار اللي خلاص هيوصل ل6 جنيه زي ما كان قبل ثورة يناير ده البنك المركزي مسيطر على الوضع
متفائل نفس تفاؤلي بالبورصة اللي ما شاء الله كل يوم بتزيد
متفائل نفس تفاؤلي بالسياحة اللي خلاص رجعت زي الأول وأحسن
متفائل نفس تفاؤلي بمشروع ازوداج قناة السويس اللي قناة سويس واحدة كانت عملالنا مشكلة في حرب أكتوبر دلوقتي بقى عندنا اتنين علشان محدش يفكر يحارب إسرائيل تاني علشان برده احنا بنحترم عهودنا .. مش مشكلة المنطقة اللوجستية بتاعة الإخوان اللي كانوا عايزين يقطعوا على رزق إخوانا في دبي هو يصح برده نقطع على أرزاق بعض ؟ هو الدين بيقولنا كده ؟ سيبوا الناس تشتغل حبوا بعض
عرفتوا بقى أد إيه أنا متفائل ؟
هو المفروض إني هتوقف علشان الموضوع قلب سياسي بس علشان أنا متفائل فالتفاؤل ده أكيد هيخليني متوقفش ^_^

[afndina]

afndina يا اخي انت بني آدم مستفز فعلاً وتستاهل ان الواحد يتوقف بسببك

اهلا بيك اخي ميشو منور الموضوع
فاضل واحد ويبقي كدا كل الاعضاء اللي معروف توجهم تجاه البلد يكمل

[afndina]

سؤال للاخوة اللي مش عجبهم وضع البلد ومضايقين اننا راضيين بالامر الواقع ومتفائلين
واضح ان حضرتك مخنوق اوي ومضايق ومش عجبك حال البلد طيب ما تنزل تغيره !!!
ما تنزل تعترض وتجاهد في الشارع بدل ما انت قاعد تجاهد من ورا الشاشة :)