تايلاند ولا المالديف ؟؟

[ramymechanics]

بفكر أقوم برحلة شخصين لتايلاند او المالديف و بعد البحث على النت لقيت ان الفلوس اللى هقعد فيها فى مكان قليل فى المالديف رغم روعتها لكن ممكن اقعد فيه فى مكان انضف بكتير فى تايلاند و عندى شوية أسئلة
اولا: انا اعرف ان المالديف بدون تأشيرة هل تايلاند نفس الكلام ولو فى تأشيرة بتاخد وقت اد ايه و ايه الاجراءات
ثانيا: اما اجى احجز فى تايلاند هل احجز بانكوك ولا جزيرة بوكيت مين افضل كمكان فسحة و انشطة
ثالثا: ايه الموسم المقترح للاتنين يعنى هل سبتمبر مثلا موسم مثالى لآسيا ؟

ياريت اللى عنده تجربة ميبخلش بيها علينا

[أحمد كمال]

تايلاند بتاشيرة

المالديف غالية فففففففففففففففففففففففففففففففففففففففففـــــــــ ـــــــــــــــــــــــحت

اسمع نصيحتي و لا دي و لا دي

عليك و على جزيرة بالي - اندونيسيا

حاجة لوز العنب ..... طبيعة جميلة و فسخ جامدة و بملاليم بالمقارنة بأي بلد تاني ...... البلد الوحيد اللي ممكن تحس فيه انك ثري عربي

و الفيزا في المطار للمصريين

[Adnfalcon]

ليه تايلاند مش ماليزيا ؟؟!!!!!

[Dr.Karim Emam]

المالديف البحر هناك وهمي بس ممله جدا.
تأشيرة تايلاند بجوالي 300 - 400 جنيه و بتطلع في اسبوع و اتنين بالكتير
بوكيت زي شرم الشيخ, مدينة ساحلية سياحية و ممتعة جدا
بانكوك فيها متاحف و معابد و مزارات سياحية و السوق العائم و شوبنج
الاحسن تروح الاتنين تتفرج, قسمهم 25% من الايام في بانكوك و 75% بوكيت
و عموما تايلاند نضيفه جدا بس مشكلتهم في الأكل
العملة اسمها بات Baht و السنة اللي فاتت الدولار كان بـ 32 بات

[ramymechanics]

هو الصراحة أنا صعقت من أسعار المالديف دة غير ان تكلفة الانتقال من مطار مالى بالطائرة المائية و الجيتى للجزيرة اللى هتروحها بحوالى 460 دولار للفرد الواحد غير ان فى حفلات اجبارية غير ان كلها افطار فقط وكل الناس بتقول الأكل فالفنادق غالى جدااااااا

ليه تايلاند وماليزيا لأ .. انا حاسس ان تايلاند بلد سياحى اكتر من ماليزيا اللى اعتقد ان معظم فسحها شوبينج و لف فالشوارع

هحط جزيرة بالى فالاعتبار و أقرأ عنها شوية

طيب فيزا تايلاند اجراءاتها ايه ؟؟ حد عنده خلفية ؟؟

[SoFiMaN]

انا رحت تايلاند و ماليزيا و اندونيسيا

و صدقني اندونيسيا رغم انها ابعدهم الا انها احلى واحدة فيهم سواء العاصمة جاكارتا (غالية شوية صغيرة) او جزيرة بالي المصنفة من افضل 10 جزر عالمياً بصراحة مفيش اروع منها و صدقني مش هتندم ابدا ابدا

[ramymechanics]

السؤال الأهم هل شهر 9 مناسب للدول دى ولا هيكون موسم الامطار اشتغل؟

[Adnfalcon]

هو الصراحة أنا صعقت من أسعار المالديف دة غير ان تكلفة الانتقال من مطار مالى بالطائرة المائية و الجيتى للجزيرة اللى هتروحها بحوالى 460 دولار للفرد الواحد غير ان فى حفلات اجبارية غير ان كلها افطار فقط وكل الناس بتقول الأكل فالفنادق غالى جدااااااا

ليه تايلاند وماليزيا لأ .. انا حاسس ان تايلاند بلد سياحى اكتر من ماليزيا اللى اعتقد ان معظم فسحها شوبينج و لف فالشوارع

هحط جزيرة بالى فالاعتبار و أقرأ عنها شوية

طيب فيزا تايلاند اجراءاتها ايه ؟؟ حد عنده خلفية ؟؟

طيب انا بس هصححلك شويه حاجات
ماليزيا فيها مولات .. مدن كبيره .. غابات .. مناظر طبيعيه ولا اروع.. بلد فيها كل حاجه
تايلاند حلوه بردو بس مش هتعرف تاكل فيها
اعمل search و هتعجبك جداااااا

[Dr.Karim Emam]

السؤال الأهم هل شهر 9 مناسب للدول دى ولا هيكون موسم الامطار اشتغل؟

الهاي سيزون هناك من أول نوفمبر لاخر مارس, بيبقى الجو حلو بس الاسعار بتكون أغلى بكتير من الشهور التانية.
أنا رحت في أول شهر ابريل 2014 و كان الاسعار من 31 مارس و 1 ابريل اكتر من 30%.
و الجو عادي جدا يكون النهارده الشمس طالعه و الجو حلو جدا و الدنيا زي الفل و علي اخر اليوم الدنيا تقلب و غيوم و أمطار , بس في كل الأحوال الشوارع هناك نضيفة و المجاري كويسه مش هتلاقي برك ميه ولا طينه ولا اي قرف من اللي بيحصل عندنا, هتبدأ تحب المطر هناك :)
لو مالكش في المطر خد معاك شمسية صغير عشان لو الجو قلب, غير كده الجو هناك هينشف هدومك في دقايق.

[ramymechanics]

أنا دخلت جزيرة بالى فى الاعتبار و شايف ان معظم reviews بتاعتها مبشرة جدا دة غير ان سعرها أقل بشكل ملحوظ عن الباقى لكن عيبها الوحيد بعد المسافة أقل اوبشن لقيت 22 ساعة سفر :((

هى كدة شكلها بين بالى و تايلاند بس بردو محدش نصحنى اجراءات الفيزا ايه و ايه المطلوب ؟

[Dr.Karim Emam]

أنا طلعت الفبزا تبع شركة سياحة عشان انا كنت في اسكندرية و السفارة في القاهرة
أعتقد الورق اللي كان مطلوب: صورة من حجز الطيران ذهاب و عودة - صورة من حجز الفنادق - و طبعا الباسبور
مش فاكر إذا كان فيه حاجه زيادة مطلوبة.
السعر كان 350 جنيه من سنه.

[ramymechanics]

شكرا جدا على سرعة الاستجابة لكم جميعا .. ان شاء الله اما ابتدى الإجراءات هتابع معاكم و اقولكم الأخبار للفائدة

[أحمد كمال]

أنا دخلت جزيرة بالى فى الاعتبار و شايف ان معظم reviews بتاعتها مبشرة جدا دة غير ان سعرها أقل بشكل ملحوظ عن الباقى لكن عيبها الوحيد بعد المسافة أقل اوبشن لقيت 22 ساعة سفر :((

هى كدة شكلها بين بالى و تايلاند بس بردو محدش نصحنى اجراءات الفيزا ايه و ايه المطلوب ؟

طيران الامارات بدأ امبارح رحلة مباشرة لمطار نجوراه راي (بالي) مباشرة من دبي ..... لو سافرت القاهرة-دبي-بالي هتبقى 3 ساعات + 8 ساعات + الترانزيت بالكتير كام ساعة بين الاتنين